رواية حاميها في قلبة سيف وليل كاملة جميع الفصول

ليل - مريم! 

ثائر - لا ده أنا    روحي انتي يمريوم

*سمع سيف صوته قام جري للباب لكن قرر يستنى شويه ويشوف جاي ليه*

ليل بخضه - ثائر

ثائر - ايوه مالك اتخضيتي ليه

ليل - مفيش انت جاي ليه ومن امتى بتيجي كده

ثائر - شوفت مامتك واختك وهما نازلين قولت فرصه اجي اصالحك

ليل بإستغراب - تصالحني

ثائر - اه هفضل واقف ولا ايه مش هتدخليني

*وهنا قام سيف جري بعد ما اتأكد من شكوكه*

سيف - لا يحبيب اخوك مش هينفع تدخل ولا اصلا ينفع تبقا واقف هنا 

*بص لليل وكمل*

سيف - ادخلي يا ليل خمسه وجايلك

*مسك سيف ثائر من دراعه واخده بعيد عن الشقه وطبعا فرق الطول والجـ.ـسم كان واضح ف مكنش مقنع ان ثائر يحاول حتى يدافع عن نفسه ف استسلم وعشان كمان جبان*

سيف - بص انا مش هعمل دماغي بدماغ عيل زيك بس انا فاهم حركات الصيع اللي زيك دي كلها ليل تخصني واوي كمان ف لو دماغك دي حاولت تسوحك وتخليك تضرها ولا حتى تحاول صدقني راسك كلها هتتق.طع ولو مش مصدق انا ممكن اوي اديك قرصة ودن اخليك تقتنع ع طول

*كل ده كان ثائر مستسلم لانه جبان بطبعه بس غلاوي شويه*

سيف - ها ناوي ع ايه يمعلم انا معاك ف اي عاركه عموما سداد يعني متقلقش

ثائر بخوف - تمام

سيف وهو بيعدله هدومه - حلو اوي ادخل بيتكوا بقا واستعيذ بالله كده من دماغك عشان لو سوحتك صدقني هعيط الوالده ع عمرك

*سابه سيف وراح لليل اما ثائر كان خايف ومتغاظ ف نفس الوقت لكن كان لازم يلم الدور دلوقتي*

ليل - عملت ايه 

سيف - خايفه ع ايه 

ليل - مش خايفه ع حاجه بس عشان المشاكل والله 

سيف - لا متقلقيش مفيش مشاكل إن شاء الله انا اتكلمت معاه وحذرته مش اكتر 

ليل - ربنا يستر

سيف - اوعي تكوني مصدقاه

ليل - لا طبعا هو انا عبـ.ـيـ.ـطه ده بني ادم قذر اصلا وانا كل يوم بيزيد قرفي منه ربنا مايريحه لا دنيا ولا آخره  عشان ع طول كان بيتمنى انه يرتاح

سيف بهزار - انت قلبك قاسي

ليل - اوييييه اويييه

*ضحكوا كتير وكانت دي محاوله من سيف عشان يطمنها لكن هو كان قلقان عليها*

ليل - ف حتة كامب ف سيوه ع البحر تحفه هموت واروح بجد هتغيرلي مودي بس ماما مش هترضى

سيف - شوفتيها فين دي

ليل -  تبع الجامعه 

سيف - اممم عايزه تروحي يعني

ليل - اوووييي

سيف - طب واللي يخلي ماما توافق 

ليل - هجبله حاجه من سيوه وانا جايه 

سيف - لا تاخديه معاكي 

ليل - اي ده افرض مينفعش

سيف - لا هينفع هنروح انا وانتي بالعربيه

ليل - تؤ بس انا عايزه اروح مع اصحابي

سيف - يستي هو انا اعترضت هتبقي مع اصحابك بس هتروحي معايا وترجعي معايا واحنا ف الكامب انتي مع اصحابك براحتك بس ابقا متطمن عليكي

ليل - طب ولو قولت لا 

سيف - انسي الرحله اصلا ولو امك اقتنعت هخليها ترفض عادي

ليل - يووووه ماشي موافقه بس اقنعها 

سيف - اشطا

ليل - والنهارده 

سيف - ماشي هي كام يوم 

ليل - 3 ايام

سيف - طايب سيبي الموضوع عليا بس قومي اعمليلنا  كوبايتين شاي كده 

ليل - يادي الشاي انت هات علبه ومنها ع بوقك ع طول 

سيف - قومي يبت 

*بعد شويه كانت فريده ونهى ( مامت ليل) جم*

*صوت خبط الباب*

سيف - هفتح المرادي 

ليل - ماشي 

فريده ونهى مع بعض بإستغراب - سيييف! 

سيف - اي ده ف ايه مالكوا

*بعد مادخلوا وشافوا ليل*

نهى بإستغراب - انتوا قاعدين سوا .. اللحقي يفريده

فريده - سيبي فريده بصدمتها يختي مش عارفه افرح ولا استغرب

ليل بكسوف - خلاص يجماعه ايه المشلكه يعني

نهى - سبحاااانه مغير الاحوال 

سيف بإنبساط - خلاص يجدعان الله كان ف سوء تفاهم وحليناه وبقينا حبايب من تاني احنا منقدرش نبعد عن بعض اصلا 

فريده - يعم ربنا يهني سعيد بسعيده

ليل ف محاوله منها تداري كسوفها - اولا يخالتو هو سيف وانا ليل ثانياً محسسني اننا كنا مخطوبين وفشكلنا ورجعنا سوا من تاني ايه يجماعه 

نهى - طب يلا يختي يلا حطي الاكل ده ع السفره هنتغدى سوا

*قامت ليل تحط الاكل وقعدوا يتغدوا وبعد دقايق جت نور والفرحه ماليه ملامحها*

فريده - حمـ.ـا.تك بتحبك يبت ينور تعالي اتغدي

نور وهي بتدي لخالتها بوسه بهيام - لا يخالتو انا شبعاااانه جداااا وهدخل اوضتي

*وفجأه عم الصمت والاندهاش المكان*

ليل - معقوله الحب بيعمل كده

سيف بتنهيده - واكتر وحياتك

نهى لفريده - مالهم دول هما كمان

فريده - معرفش يختي ايه المجانين دول كملي اكلك سيبك منهم

سيف - طب ايه يماما مش هتفصصيلي السمك ده    يجدعان لازم تجيبوا سمك يعني

فريده - مـ.ـا.تخلي عندك دم يالا انا راجعه تعبانه مـ.ـا.تعمل لنفسك انت صغير وبعدين ماله السمك 

ليل - ايه يخالتو المعامله دي انا هفصصلك يا سيف سيبك من امك 

نهى - اتربي يبت بدل ما ابلعك الشوك وبعدين يختي اعملي لنفسك 

سيف - خالتو ليه بتهدمي الملزات بجد مـ.ـا.تسيبيها تفصصلي 

فريده - اتربى يالا

*بصوا لبعض ليل وسيف*

سيف - اخوات فعلا 

ليل بضحك - طب كل كل

سيف - تسلم ايدك يا ليلتي

فريده بإشمئزاز - والفيلم التركي ده هينتهي ع ايه

نهى - رجعنا للمحن يختي ربنا يصبرني

سيف لليل بصوت وا.طـ.ـي - خدي بالك الناس دي مش سالكه 

نهى - بتقول ايه يالا 

سيف - بقول يانهانيهو يحبيبتي كنت عايزك ف حاجه كده

نهى - بعد نهانيهو دي انا اتوغوشت

سيف - لا ياما تتوغوشيش  كان ف رحله كده لسيوه 3 ايام كامب كده تبع جامعة ليل

نهى - اهلا وسهلا مش بقول اتوغوشت 

سيف - ماعلينا الرحله دي يستي هتبدأ بعد بكره وليل كان بتستسمح حضرتك يعني انها تروح 

نهى - لا

سيف - من غير تفكير 

نهى - نو

سيف - ليه طيب

نهى - هتقعد 3 ايام لوحدها بره البيت شايف الدنيا امان اوي

سيف - ولو حليتهالك

نهى - ارغي 

سيف - هروح معاها وهحميها بصي هحطها بين لحمي وجلدي كده 

ليل - ايه القرف ده

سيف - اخرسي انتي

نهى - لا بردو 

سيف - عشان خاطري يخالتو البت نفسيتها تعبانه لازم تخرج شويه بدل مـ.ـا.تكتئب

فريده - سيبيهم يا نهى بقالهم كتير مراحوش ف حته

نهى - عشان خاطرك انتي بس يفيرو

*غمز سيف لليل وبصلها بإنتصار انه قدر يقنع مامتها*

*تاني يوم*

ليل - الو يا سيف انت فين

سيف - رجعنا للزن بقا فوني كله عبـ.ـاره عن رناتك

ليل - يعم أنجز فينك 

سيف - ف الشركه يعني هكون فين

ليل - طب مش هتيجي معايا 

سيف - فين ياترا

ليل - ف شوية حاجات عايزه اجيبها عشان الرحله لزوم الشبرقه والشياكه وكده ومش عايزه انزل لوحدي 

سيف - طب انا مش هعرف اسيب الشغل دلوقتي مينفعش يتأجل كام ساعه كده

ليل - لأمتى يعنيي

سيف - 8 مثلا 

ليل - ماشي مستنيه سعادتك.   لما تيجي متطلعش عشان مش هيبقا ف وقت استناني تحت وانا هنزلك

سيف - انتي معندكيش دم ياليلو يحبيبتي 

ليل - يخليك ليا يسيفو

*جت 8 وسيف كان مستنيها تحت*

ليل - انا نازله يماما سيف تحت

الماما - يبت حـ.ـر.ام عليكي الواد مش هياكل لقمه طيب 

ليل - هنبقا ناكل بره 

الماما - طب استني خدي دول اديهومله 

ليل - اي ده

الماما - سندوتشات بانيه يسندوه كده لحد مـ.ـا.تروحوا تتغدوا

ليل - يسلام مشطشط زي مابحبه صح

الماما - انتي يبغله ده للواد مش ليكي 

ليل - ماشي ماشي يلا سلاااو

*نزلت لقيته مستنيها بس كان معاه مكالمه ركبت بهدوء لحد مايخلص*

سيف وهو بيبصلها - لا متقلقيش مش هخليها تضحك عليا

ليل بصوت وا.طـ.ـي واستغراب - مين دي

سيف - ماشي يخالتو يلا سلام

ليل بصدمه - خالتوووو .. بتقولك ع السندوتشات صح

سيف بضحك - اه

ليل - شوف الست مش مأمناني ع سندوتشااات

سيف - عندها حق بردو .. بس ايه الشياكه دي دانتي لو نازله ديت مش هتبقي قمر كده 

ليل - يبني دي اقل حاجه عندي .. خد يخويا سندوتشاتك

سيف - لا يحب كده هتسمم 

ليل - ايه قلة القيمه دي مش للدرجادي 

سيف - كلي معايا طب 

ليل - لا يعم الروج هيبوظ 

سيف - براحتك ده حراق زي مابتحبي 

ليل - قول والله 

سيف - والله

*اتشاركوا الأكل لحد ماوصلوا المكان ودخلت ليل تجيب فستانين صيفي للرحله*

ليل - ها ايه رأيك 

سيف للبنوته اللي ف المحل - مفيش حاجه مقفوله شويه عن كده 

ليل - يا سيف ما ده حلو وبعدين مش مفتوح اوي يعني

سيف بهدوء - ريحي انتي

البنوته - اتفضلي ده نفس الاستايل تقريبا بس الكتف مقفول شويه 

سيف - ايوه انا موافق ع ده

ليل بضيقه - لما اقيسه الاوول

*دخلت لبسته وطبعا كان تحفه عشان مفيش حاجه مبتليقش ع البنات🫶🏻*

سيف بإنبهار - تحفن مش كل العريان شيك يختي شوفتي ده محترم وجميل اهو

ليل - ماشي امري لله .. كده جبت الفستانين خليك انت هنا بقا هروح للبنت اجيب كام توب كده وجايه

سيف بهزار - طب ليه مااجي معاكي

ليل - اتلم يالا

*بعد ما خلصوا واتخانقت ليل مع سيف عشان دفع الحساب*

ليل - اه اتضايقت عشان انا مقولتلكش تيجي عشان تحاسبلي انا قولتلك عشان مش عايزه اروح لوحدي وبحب تبقا معايا اخد رأيك

سيف وهو بيحاول يهديها - يحبيبتي هو انا غريب عشان تقوليلي كده دانا بابا يبت عادي يعني متكبريش بس الموضوع 

ليل - طب ودينا بقا مكان عشان هجبلك انت كمان كام حاجه كده بس والله يا سيف لو دفعت انت هرجع لوحدي 

سيف - استني بس   بس انا مش محتاج حاجه 

ليل - اه ومالو ابقا روحلي بلبس كلاسيك وفورمال الرحله يلا يا سيف الله يسترك

سيف - اقنعتيني 

*وصلوا للمكان وجابت لسيف لبس كاجوال والمرادي سابها تحاسب*

سيف بعد مافرهد - هااا فاضل ايه تاني 

ليل بضحك - ياعيني يبني لا انا بقول نروح نتغدى بقا انا عموماً خلصت

سيف - يبقا نروح نتغدى

*وصلوا المطعم وطلبوا الاكل وقبل مايجهز*

سيف - بقولك 

ليل - قولي

سيف - عاملك مفاجأه 

ليل بفرحه - بجد ايه هي

سيف وهو بيطلع حاجه من جيبه - وانا جاي ف الطريق كده شوفت حاجه حلوه عجبتني تخيلتها عليكي وكالعاده كانت تحفه ف قولت مينفعش حد يلبسها غيرك .. افتحي ايدي هتشوفيها

ليل وهي بتحاول تفتح ايده - لا مانت متجمدش كدههه مش هعرف

سيف - طب خلاص غمضي عينك

ليل - اهووو

*فرد سيف مفاجئته اللي كانت تخطف العين والقلب كانت سلسله جميله وكانت عبـ.ـاره عن نجوم بتلمع (  دي بالظبط✨)*

سيف - فتحي بقا 

ليل بإنبهار - الله يا سيف بتهزر دي تحفهههه

سيف - عارف انك بتحبي الفضه والخواتم بالأخص بس دي شوفتها اتأكدت انك هتحبيها لأنها مميزه زيك يا ليلو

ليل وعيونها مدمعه م الفرح - طب بس بقا عشان هعيط

سيف - استني البسهالك

*قام سيف يلبسها السلسله ف وسط نظرات الناس اللي افتكروا انهم حبيبين اما ليل خدت بالها واتكسفت*

ليل - سيف خلص بقا الناس عماله تبص علينا

سيف - مايبصوا يستي الله .. جميله اوي زي مـ.ـا.تخيلتها ويمكن احسن

ليل - تسلم ايدك وعيونك ياسيفو مش هقلعها ابدا

*بعد صمت دقيقتين*

ليل - خالتو لسه بتجبلك عروسه

سيف - يييه متفكرنيش كل يومين 

ليل -  ليه يا سيف مش عايز تدي فرصه لواحده يمكن تحبها

سيف - والله يبنتي مش عارف بس انا مش قابل حد فاهمه يعني نفسي مش قابله ان ادي فرصه واسيب حد يقرب مني او اني حتى ابادر واهتم وكل ده تحسيني معنديش طاقه 

ليل - طب وبعدين ماهو مينفعش تفضل كده 

سيف - سيبيها لوقتها بقا .. الاكل جه يلا ناكل 

*كلوا ف صمت غير عادتهم لكن عقل سيف كان مشغول بكلام ليل وبيسأل نفسه ليه فعلا مش بيدي فرصه اما ليل ف بردو بتفكر ف كلامه اللي مأقنعهاش بس سكتت عشان لو كان عايز يقول السبب الحقيقي كان قال م الاول بس هي متعرفش ان هو نفسه مش عارف ايه السبب الحقيقي*

سيف - نروّح ولا تحبي نروح ف حته

ليل بحماس - ممكن نروح ناكل ايس كريم ودره وتين

سيف بصدمه - التلاته 

ليل - التلاته

*لفوا بالعربيه وجابلها اللي طلبته بس جاب حاجه تانيه مطلبتهاش*

ليل بحماس - جبت كل حاجه 

سيف وهو بيمدلها ايده  - وجبت حاجه زياده 

ليل بحب - الله ياسيف ورده لا انت مدلعني النهارده

سيف - يلا جبر الخواطر ع الله

ليل - بوظت كل حاجه 

سيف - يست بهزر معاكي الله عارف انك بتحبي الورد الأحمر ف وانا بجبلك الحاجه شوفت حد بيبيعه جبتلك وردايه يا وردايتي

ليل بفرحه - مش عارفه اقولك ايه بقالي كتير اوي والله مفرحتش كده ولا حد دلعني كده اصلا

سيف - اي خدمه يستي موجود لإسعاد حضرتك دايما .. يلا نروح بقا عشان امك هتقـ.ـتـ.ـلني الساعه 12

ليل - انت خدت اجازه م الشغل ولا نسيت

سيف - لا منستش خدت 4 ايام كمان 

ليل - جدوع

*روحوا الاتنين وناموا ف امان لحد الفجر قامت ليل ع صوت المنبه كانت مجهزه شنطتها م بليل وقامت لبست وجهزت ورنت ع سيف لكن مبيردش خرجت وراحت تخبط عليهم*

سيف - مين 

ليل بصوت وا.طـ.ـي - افتح يزفت مين ايه

سيف بإستغراب - ليل ف حاجه ولا ايه 

ليل - ف محشي انت لسه ملبستش يخربيتك 

سيف - البس ليه 

ليل - انت جالك زهايمر يبني الرحلههه

سيف - هنمشي من دلوقتي 

ليل - اصلا هما ماشيين بالاتوبيس من الساعه 2 الساعه دلوقتي 5 قولت احنا هنروح اسرع بالعربيه ف صحيتك متأخر يلا بقا والنبي مش عايزه افوت حاجه 

سيف - حاضر حاضر خلاص روحي وانا هخلص وارنلك

ليل - لا يحبيبي هسيبك من هنا وهتنام من هنا .. وبعدين وسع كده اطلعلك لبسك عشان عرفاك معندكش ذوق 

سيف - اظن واضح مين قليل الذوق  .. انجزي لحد مااطلع م الحمام 

*جهزتله ليل اوتفيت كاجوال*

سيف - خلصتي 

ليل - اه وجهزتلك شنطتك

سيف - طب يلا بره خليني البس 

ليل - مـ.ـا.تسيبني شويه اوضتك مريحه

سيف وهو ماسك تيشيرته - براحتك خليكي

ليل بخضه - هتعمل ايه

سيف - هغير 

ليل - قدامي 

سيف - مانتي اللي مش راضيه تطلعي

ليل  - ايوووه عليك انا بهزر يجدع سلامو عليكو لما تخلص رنلي

سيف بضحك - قلبتي اسكندرانيه فجأه 

*خلص سيف ورن ع ليل تخرج وخرجت ليل بعد ماقالت لمامتها وسمعت التعليمـ.ـا.ت كالعاده*

ليل - شوف وشك منور ازاي بالكاجوال

سيف - هاتي الشنطه 

ليل -  اما جنتل مان بصحيح

سيف - يكش يطمر

*نزلوا وركبوا العربيه*

ليل - طيب بما انك منمتش كويس ف انا هنام بقا و لما نوصل صحيني

سيف - حوله حتى ف كلامك 

*بعد فتره سيف ابتدى ينام*

سيف - بت ياليل اصحي لاغيني احسن هنام 

ليل -....... 

سيف - انتي يحـ.ـيو.انه بنام والله 

ليل -............

سيف - انا عارف هصحيكي ازاي 

ليل - لا خلاص قومت

سيف - ماكان م الاول 

ليل - مانت هتبوظلي الاوتفيت بالمايه ف كان لازم اصحى

سيف - طب اعملي اي حاجه عشان هنام

ليل - يلا نفطر طيب 

سيف - جايبه اكل

ليل - هي نهانيهو هتنزلني من غيره 

سيف - حبيبتي دي 

ليل - خد دي رومي وقشطه اللي بتحبه عملته مخصوص عشانك

سيف - يمزاجك ينهانيهو .. اتعلمي منها بقا 

ليل - هتعلم لقرة عيني يخويا ابقا هات مراتك تقعد مع امي شويه تعرفها الكتالوج بتاعك

سيف - بس الاقيها يختي 

ليل - شغلنا حاجه يعمووو

سيف - شغلي انتي يحماره يعني سايق بإيد وباكل بإيد هشغل ازاي 

ليل - وليه الشتيمه طه .. اشغل ايه

سيف - عامر منيب

ليل - اما ذوقك راقي بصحيح

*بعد شويه وقفوا ف الاستراحه*

سيف - انزلي نشرب حاجه وبعدين نكمل

سيف - هتشربي ايه 

ليل - شفشق قهوه افوق كده 

سيف - عندك حق

*خلصوا ورجعوا يكملوا طريقهم وبعد فتره وصلوا بالسلامه وكان الاتوبيس كمان وصل*

سيف - المفروض نعمل ايه بقا دلوقتي 

ليل - مش عارفه بس تقريباً هنعمل الخيم بقا ونجهز حاجاتنا ولو عايز تنام او عايز تخرج براحتك بس هما هيتجمعوا بليل كده ويقعدوا بقا سوا نلعب وناكل وكده

سيف - طيب يلا

*بعد ماعملوا الخيم وكانت خيمهم قريبه من بعض عشان يعرف يخلي باله منها وقعدوا يرتاحوا شويه*

ليل بخضه - سيف 

سيف وهو بيبصلها - ايه

ليل - ثائر

سيف بإستغراب - ماله كلمك

ليل - ثائر هنا ياسيف

*بص سيف ع المكان اللي بصاله ليل ولقاه واقف وسط شويه من صحابه اللي كان شكلهم زيه صيع بمعنى اصح*

سيف - وايه المشكله مانا كنت متوقع عادي .. هو انتي خايفه م حاجه 

ليل - مش خايفه يعني بس قلقت شويه 

سيف بهزار - والله عيب ف حقي يعني قاعد جنبك وقلقانه 

*هو ده السبب الحقيقي ورا تمسك سيف بأنه ييجي معاها الكامب كان متأكد انه ثائر مش هيفوت الفرصه اما ليل مازالت قلقانه*

سيف - الجو حلو اوي ف الغروب تيجي نتمشى كده ونسمع اغنيتين

ليل - ماشي جدا 

*اتمشوا شويه واتصوروا كتير وقدر سيف يغير مودها وينسيها*

*عند ثائر*

أحمد - جبت الحاجه 

ثائر - اه يعم هي دي تتنسي دي اللي هتروق ع الكلام

احمد - طب ايه امتى طيب عشان مش قادر اصبر

ماجد - لا اهدي ع نفسك كده مش دلوقتي هتفضحنا بليل كده والجو رايق ناخدلنا جنب ونعيش

ثائر - لا يعم مش النهارده بردو نطمن وناخد ع المكان الاول عشان لو اتقفشنا هتبقا مشكله 

ماجد - خلصانه 

*هل الليل وابتدت المتعه واتجمعوا كلهم حوالين النار يغنوا ويلعبوا وكالعاده كان سيف ملازم ليل من خوفه عليها وبعد ساعات م المرح*

سيف - بقولك ايه انا تعبت متعبتيش

ليل - بصراحه تعبت جدا بس القعده حلوه مش هاين عليا اقوم

سيف - طب ايه تيجي ننام شويه طيب 

ليل - ماشي يلا

سيف - طيب انا جنبك هنا متقلقيش م حاجه نامي براحتك

ليل - اكيد مش هقلق وانت موجود يعني

سيف بهزار - بس بقا بتكسف .. يلا ادخلي ولو صحيتي صحيني اقفلي كويسه 

ليل - اشطا 

*مناموش بسهوله بس ف الاخر ناموا وطلع الصبح وسيف صحي ع صوت صراخ من ليل مفزوع وجري عليها*

سيف بخضه - ايه ف ايه

ليل - صرصار يا سيف اللحقني بالله عليك

سيف - ياشيخه ابو شكلك كل ده صويت عشان صرصار وقعتيلي قلبي

ليل - يعم موته الاول 

سيف - فين ابوه ده هجري ادور عليه ع الرمل ما زمانه غار ف داهيه

ليل - ولاا ولاا متزعقليش كده

سيف - يستي اقعدي بقا

*طلع سيف قعد قدام البحر محاوله منه يهدي نفسه وجت ليل قعدت جنبه*

ليل - اتخضيت للدرجادي

سيف - اممم

ليل - مالك

سيف - مفيش بحاول استمتع بالجو وانسى الخضه اللي خضتيهالي

*سندت ليل ع كتفه*

ليل - عدى كتير اوي

سيف - ع ايه

ليل - ع اني ابقا قريبه منك كده 

سيف -.....

ليل - حقك عليا

سيف - تاني

ليل - عشان حاسه انك زعلان وانا احساسي بيك دايما بيطلع صح

سيف - مش هكدب عليكي انا فعلا زعلان بس غلاوتك عندي مخلياني مش قادر اخد جنب منك وفرحتي برجوعك ليا *كمل بضحك* ولكتفي خلتني انسى زعلي

*اتنهدت ليل وسكتت وفضلوا كده شويه ساكتين وقاطع سكوتهم الممتع صوت*

إيمان - شكلكم تحفهه بجد مقدرتش افوتها *كملت وهي بتوريهم الصوره* ايه رايكم جميله اوي

ليل بإنبهار - الله فعلا تحفه ابعتيهااالي .. اه نسيت اعرفك دي ايمو الفوتغرافر حج الشله حاجه كده ف اللذاذه منه صاحبتي 

سيف - فعلا تصويرك تحفه تسلمي 

ايمان - بس محكتليش عنه ده يا لولي يطلع مين الاخ 

ليل - لمي لسانك ي ايمو يحبيبتي ده سيف ابن خالتي *كملت وهي بصاله يإمتنان وبأسف ف نفس الوقت* واقرب صاحب ليا والدواء لقلبي ومنقذي كمان

ايمان - اوميقاتو دي شكلها قصه شيقه ابقي احكيلي بعدين

ليل - يلا من هنا ي ايمو الله يسترك

ايمان - يست انا جايه اقولك يلا عشان نفطر

سيف - ماشي روحي انتي وجايين وراكي

ايمان - اشطات

*بعد ما مشيت إيمان*

ليل - بلا نفطر بقا 

سيف - هو انتي فعلا حاسه بالكلام ده 

ليل - انهي كلام 

سيف - اللي قولتيهولها عني

ليل - واكتر منه كمان انت مش حد عادي بالنسبالي ياسيفو 

سيف وهو بيصطنع الكسوف  - طب انا بقول يلا نفطر

ليل بضحك - يلا

*بعد ما فطرو قرروا يلعبوا ف المايه شويه .. وكانت لحظات ممتعمه وذكريات جميله بيبنوها سوا لعبوا كتير وضحكوا وهزروا ورخموا كمان ع بعض وبعد ما خلصوا قضوا اليوم ما بين اللعب والغدا والهزار والحقيقه مكنش ف ملل والجو مكنش يسمح بملل اصلا لحد ما الليل جه*

*عند ثائر* 

أحمد - اظن اتطمنا للمكان من انبـ.ـارح بنلف وعرفنا هنقعد فين ومش قادر اصبر تاني انا

ثائر - ماشي يعم شوف ماجد فين ويلا

*اتجمعوا كلهم ف المكان وطبعا كلنا عارفين هما بيشربوا ايه شربوا للدرجه اللي غيبت عقلهم*

*عند ليل وسيف*

سيف - ياليلو عمر م الشركه بيرنلي هرد عليه وجاي 

*راح سيف يكلم عمر بعيد عن الدوشه وساب ليل قاعده قدام الخيمه و مكنتش لوحدها*

ليل - طيب هروح اعمل نسكافيه حد عايز يجماعه 

ردوا - لا شكرا

*طبعا مش هتخلص ع كده بسلام وهي بتعمل النسكافيه اللي المكان بتاعه بعيد شويه عن الجروب لفت لقت ثائر واحمد وراها*

ثائر  بصوت مهزوز من اثر الشرب - هو انتي جايبه الواد ده معاكي ليه فكرك يعني هتخوفيني 

*مسكها هو واحمد وكمل ثائر*

ثائر - طب وريني بقا هيعملك ايه دلوقتي *بص لاحمد وكمل*  دخلها العربيه معايا 

ليل بخوف شـ.ـديد - انت هتعمل ايه اعقل ي ثائر اوعى ايدي 

*بدأت ليل بالصراخ بصوت عالي*

ليل - الحقني يا سيييف 

ثائر - مش هيسمعك يحلوه ده بعيد عن هنا شويه

ليل وهي بتقاوم ومش راضيه تدخل العربيه - اوعى يحـ.ـيو.ان يا سيييف

*بدأت ليل تعلي صوتها اكتر وتنادي ع سيف وللاسف قدروا يدخلوها العربيه بس الحلو ان سيف اخيراً سمع صوتها بس صوت ضعيف الاول افتكر انه بيتهيأله من خوفه عليها لكن تاني مره جري بأكبر سرعه جواه لانه حس انها محتجاه فعلا*

*شافت ليل سيف وهو بيجري من بعيد لكن للأسف كان متأخر ومشي احمد بالعربيه وقرر سيف ميستسلمش اخد عربيته ولأن المكان فاضي كان لسه شايفهم مشي وراهم ومن سكرهم طبعا عرف سيف يلحقهم ويوقفهم لكن ف الوقت ده ثائر كان قلب وحش من كتر غله وليل بتقاوم بأقصى قوه عندها نزل سيف وجاب ثائر مسابوش الا لما اغمى عليه م الضـ.ـر.ب وحطه ف عربيته وراح يتطمن ع ليل اما احمد ف طبعا كان هرب وسيف سابه نزل سيف ليل من العربيه واول حاجه عملتها استخبت ف حـ.ـضـ.ـنه م الرعـ.ـب*

سيف - متخافيش يحبيبتي انتي كويسه حصل حاجه 

* لكن ليل كانت بتعيط وبس بتعيط ع الحال اللي وصلت نفسها ليه وان عمرها مـ.ـا.تخيلت انها تتحط ف موقف زي ده وكل ده بسبب اختيار غلط فضلت ف حـ.ـضـ.ـنه شويه ع امل انها تطمن وهو كان بيحاول يهديها ويطمنها*

سيف - اهدي محصلش حاجه عدت ع خير انا جنبك حقك عليا 

سيف - تليفونك فين 

ليل - ف جيبي 

سيف - هاتيه وهاتيلي رقم ليدر الجروب ده مش هو مشرف م الجامعة 

ليل - اه 

سيف - هاتيه

*رنت ليل ع المشرف كلمه سيف وقاله يجيله المكان اللي واقفين فيه*

وليد - ف ايه ي استاذ سيف 

سيف - لو انتوا مش قادرين تحموا كل الجروب يبقا متعملوش رحالات ع مسؤوليتكم لو مش قادرين تتحملوا المسؤوليه متشيلوهاش

وليد - اهدى بس ي استاذ سيف فهمني ايه اللي حصل

*حكاله سيف اللي حصل وليل لسه ف حـ.ـضـ.ـنه ومش قادره تبص ف عين حد*

وليد - هيجيلها حقها وهيترفد تماماً م الجامعه

سيف - وده مش كفايه بالنسبالي .. انا هطلع بيه ع القسم حالا ولما ياخد حبس محترم بعد كده يظبط نفسه

وليد - حقك انا مقدرش اتكلم اللي انت عايزه اعمله 

سيف - تمام اركب جنبه بقا عشان حضرتك جاي معايا 

وليد - تمام 

*ركبوا عربية سيف وخوف ليل زاد اكتر مسك سيف ايديها وهو بيحاول يطمنها*

سيف - متخافيش انا جنبك 

*فاق ثائر*

ثائر - انا فين 

وليد - انت تخرص خالص 

ثائر - انتوا واخدني ع فين 

سيف - ع القسم يروحمك 

ثائر - لا بالله عليك انا كده مستقبلي هيضيع وامي وابويا بالله عليه بلاش

سيف - وانت لما تضيع مستقبل بنات الناس هو ده اللي حلو  قسماً بالله انا حايش ايدي عنك بالعافيه والله لو ماسكت لانزل اقطعك بسناني

ثائر - طب انا اسف والله اسف سامحيني سامحيني ياليل 

سيف بزعيق - اسمها مسمعوش ع لسانك انت فاهم انا حذزتك قبل كده وانت افتكرتني بهزر ده وقته بقا اوريك الجد 

*وصلوا القسم و ف الطريق ثائر مبطلش محاوله انه يخليه يسامحه دخلوا للظابط وحكوا اللي حصل بس ثائر كان مع العسكري بره*

ليل - سيف 

سيف بحنيه - ايه يحبيبتي 

ليل - مش عيزاه يتحبس

سيف بغضب - بعد كل اللي عمله ده لسه.. 

قاطعته ليل - مش عشان حاجه والله كرهته ومش قبلاه بس مش عيزاه يتحبس كفايه اللي عملته وهنقول لامه وابوه حتى نعمل عدم تعرض بس مش عايزه احبسه يا سيف عشان خاطري بلاش اضيع مستقبله مش حابه احس بالذنب 

سيف - ولو رجع اذاكي تاني 

ليل - ساعتها موته مش هقولك لا عشان خاطري ريحني 

سيف - حاضر يا ليل

*قال سيف للظابط انهم عايزين بس يقرصوا ودنه لكن مش عايزين الموضوع يكبر مشيوا وسابو ثائر عشان الظابط يقوم بدوره لكن هيروحوا بكره يخرجوه*

*وصلوا الكامب ونزل وليد وسابهم ف العربيه*

سيف - حقك عليا لو كنت اعرف اني لو سبتك لوحدك ده هيحصل والله ماكنت مشيت.

ليل - انت ملكش ذنب يا سيف بالعكس دانا ممنونالك انك لحقتني

*باس راسها وقالها*

سيف - مش عايزك تخافي من حاجه انا دايما جنبك ولو مش جنبك انتي تقدري تخرجي م اي مشكله ومش عايز اللي حصل النهارده يأثر فيكي وعايزه تبقي كويس كده عشان لما نروح ميبانش عليكي وكمان مش عايزك تحكي لنور عشان متقلقش وانا هخلص الموضوع ده خالص اتفقنا

ليل بإبتسامه مصحوبه بتعب - اتفقنا

*رجع سيف كرسي ليل لورا*

سيف - نامي هنا شويه وانا هنام جنبك 

ليل - طب ما ننام ف الخيمه 

سيف - لا نامي هنا انا مش هتطمن وانتي نايمه لوحدك اصلا انبـ.ـارح منمتش كويس ولسه يدوبك بنام صحيت ع صويتك ينيله

ليل بضحك - حقك عليا

سيف - يستي فداكي كل حاجه وكله يهون عشانك والله .. نامي بقا 

*نامت ليل فعلا وهي متطمنه بوجود سيف جنبها وهو فضل صاحي يفكر هيعمل ايه مع ثائر ويفكر لو مكنش مشي ورا احساسه وجري يشوفها كان ممكن ايه يحصل بس كل ده هان لما بص ف وشها وف ملامحها البريئه*

*مشى ايده ع وشها وطبطب ع شعرها وقال بينه وبين نفسه*

سيف - مستغرب احساسي لما بكون جنبك واستغربت اكتر قريفتي وتعبي الدايم لما كنتي بعيد ودلوقتي حاسس ان روحي رجعتلي وقلبي اتنفس كويس    بعد ماكان بيحاول بس يعيش بقا ماسك ف الدنيا وكل يوم بيحب يعيشه عشان هيحس بوجودك فيه ومش فاهم بيحصلي ايه رافض اي بنت ف حياتي غيرك ومش قابل بولا واحده عمر صاحبي مقتنع ان ده حب بس انا مش مقتنع انتي اختي .. اختي ايه انتي بنتي ف ازاي هحبك انتي اصلا مش شيفاني غير اخوكي 

* فضلوا نايمين كده للصبح كأنهم ماصدقوا يتطمنوا صحيت ليل قبليه*

ليل - ااااه كل حته فيا وجعاني.

*بصت جنبها لقته نايم بهدوء حست انها اول مره تشوفه واول مره تلاحظ ملامحه كان جميل وملامحه دافيه وحنينه زي قلبه اتنهدت ومرضيتش تصحيه بصتله ونـ.ـد.مت ع الفتره اللي بعدت فيها عنه سرحت لحد ما دمعت وفرحت برجوعها ليه وبعد شويه*

ليل - سيفو قوم بقا بقالي كتير قاعده لوحدي

سيف -.... 

ليل بدلع - يا سييفووو

سيف -.... 

ليل بجمود - تؤ سيييف قوم بقاااا. 

سيف -..... 

ليل - طيب خليك انا نازله هه

*فتحت ليل الباب عشان تنزل لكن سيف لحقها وشـ.ـدها من ايديها ناحيته*

ليل بكسوف - تؤ اوعي كده

سيف - صباح القمر

ليل - صباح البصل

سيف - ابو شكلك قفلتيني

ليل - مـ.ـا.تتعدل يخويا هو انا مراتك بقالي ساعه بصحيك

سيف - وايه يعني لما تبقي مراتي 

*حست ليل بدقة قلبها الشـ.ـديده ومفهمتش السبب*

ليل - لا ميشرفنيش   فوق بقا عشان نشوف هنعمل ايه

سيف - انتي متطوليش عموما  مش هنعمل حاجه هننزل نغير ونفطر ونروق شويه وبعدين نروح نخلص مشوارنا ونرجع

ليل - طيب يلا انزل بقا 

سيف - مـ.ـا.تخليني شويه 

ليل - بطل دلع ياسيفو

سيف - مـ.ـا.تسيبيني اتدلع

ليل - مزاجك رايق بقا هتطلعه عليا

سيف - وانا ليا غيرك يعسل انت 

ليل بكسوف - تؤ انا نازله 

سيف - استني بس خديني معاكي

*نزل سيف وراها وقفل عربيته*

سيف - ده الحلوه طلعت بتتكسف .. دي حاجه اول مره اكتشفها

ليل - ليه يعني شايفني بحجه

سيف - اخص عليا مقدرش طبعا

ليل - طب لم دورك بقا وانجز عشان نفطر ويارب استاذ وليد ميكونش حكي للجروب كله 

سيف - لا متقلقيش انا قولتله ميجبش سيره

ليل - الحمد لله 

*وصلوا الجروب وكل واحد راح خيمته .. دخلت ايمان ع لليل لما عرفت انها جت*

ايمان - ليل كنتي فين كل ده يحـ.ـيو.انه خضتيني عليكي متقوليش ان اللي بيقولوه الجروب بره ده صح

ليل - نعممم لا فعلا مجبش سيره يا سيف.. حسبي الله ي استاذ وليد

ايمان - احيه يبقا صح

ليل - صح يستي 

ايمان - طب انتي كويسه 

ليل - والله مكنتش عارفه هبقا كويسه واعدي الموضوع ده ازاي اصلا لولا سيف بجد بحمد ربنا ع وجوده ف حياتي

ايمان - اوبا شكل بنتنا وقعت

ليل - اخرسي ي ايمان سيف اخويا ف اللي ف دماغك ده انسيه

ايمان - وانا بصراحه مستخسراه ومادام اخوكي خلاص  عـ.ـر.فيني عليه

بصتلها ليل بغضب وقالت - ده بعينك يحـ.ـيو.انه واقطمي بدل مانا اللي اقطمك

ايمان - امممم لا اخوكي فعلا

ليل - غصب عنك 

ايمان - اخرسي يبتاعه انني

ليل - اطلعي بره يبت خليني اغير 

*طلعت ايمان وغيرت ليل وخرجوا كلهم يفطروا لكن ملقتش سيف ع الفطار ورنت عليه كتير فونه مغلق راحت الخيمه وملقتهوش راحت تشوف العربيه لقيتها موجوده لكن هو مش موجود كلمت ايمان وجاتلها*

ليل بعـ.ـيا.ط - لا ي ايمان كده ف حاجه بقاله ساعه 

ايمان - يحبيبتي تلاقيه بيجيب حاجه وجاي متقلقيش هو مش صغير

ليل - بس ممكن يكون صحاب ثائر خطفوه ولا عملوا فيه حاجه 

ايمان - هيعملوا ف ايه يحبيبتي انتي مش شايفه سيف عامل ازاي ده لو عمل كده بدراعه يوقعهم ف الارض

ليل بعـ.ـيا.ط - ده وقته يعني يا ايمان

ايمان - والله بتكلم بجد بحاول اهديكي

*وقفت ليل قدام ايمان*

ليل وهي بتمسح دمـ.ـو.عها - لا كده كتير ي ايمان انا مش هقعد اتفرح انا هروح القسم ممكن يكون هناك 

سيف - هو مين ده اللي ممكن يكون هناك 

*لفت ليل بلهفه ع الصوت واول ماشافته جريت عليه وحـ.ـضـ.ـنته*

ليل بعـ.ـيا.ط -  انت كنت فين وايه كل ده وفونك مغلق ليه وليه مقولتليش 

سيف - بس بس بس اهدي ف ايه انا روحت اخد دش وقولت اجيبلك ايس كوفي عارف انك بتحبيه وجيت ع طول وفوني تلاقيه فصل شحن من انبـ.ـارح مشحنتوش 

*شـ.ـدت ليل ع حـ.ـضـ.ـنه كانت بتطمن نفسها انه موجود وبين ايديها*

ايمان - احم احم طيب استأذن انا بقا عشان الحاجات دي بتخليني اعيط

*ضحك سيف ع كلام ايمان وبادل ليل حـ.ـضـ.ـنها عشان يطمنها*

سيف - اهدي يحبيبي انا قولتلك دايما جنبك واسف اني خليتك تقلقي 

ليل - انا بس خوفت عليك

سيف - لا متخافيش انا اصلا ميتخافش عليا 

*بصتله ليل وهي لسه ف حـ.ـضـ.ـنه وسندت دقنها ع صدره*

ليل - بس انا بخاف 

*سكت سيف ومكنش سامع غير قلبه اللي دقاته عليت اما ليل مكنتش عارفه بتعمل ايه ولما تداركت الموقف بعدت بسرعه*

ليل - احم طيب انا هروح عشان نفطر و تعالي يلا

*جريت ليل وهي بتشتم نفسها ف اللي عملته ومش فاهمه عقلها راح فين*

*اما سيف ف كان حاسس احاسيس مختلفه فرحه ع استغراب ع خضه مكنش فاهم هو ف ايه وراح وراها*

ليل بكسوف - هما كلهم فطروا ف هنفطر سوا يعني

سيف - يوم المنى خدي الايس كوفي 

ليل هي بتاخده منه - شكراً

سيف - عفواً ياليلو

ليل - هو احنا هنروح مشوارنا امتى 

سيف - ممكن بعد مانفطر لو حبيتي 

ليل - اه ياريت 

سيف - خلاص نفطر ونروح

*خلصوا فطار*

سيف - بقولك ايه بقالي كتير مشربتش شاي م ايديكي وهم.وت واشرب 

ليل - بعد الشر عنك حاضر هعملك

*قامت ليل تعمل الشاي ومستغربه نفسها لأنها عمرها ماعملت الشاي بحب زي دلوقتي*

ليل - اتفضل 

سيف - تسلم ايديكي

ليل - بالهنا والشفا 

سيف - معملتيش ليكي

ليل - لا هشرب الايس كوفي بقا 

سيف - ماشي 

*استمتعوا بمشروبهم وهما قاعدين سوا وكل واحد فيهم غرقان ف تفكيره  وقاطعهم*

وليد - ازيك ي استاذ سيف تم بالفعل فصل ثائر تماماً من الجامعه 

سيف - تمام شكرا لحضرتك جدا 

وليد - تحت امرك يفنـ.ـد.م 

*بص سيف لليل*

سيف - اتضايقتي 

ليل - عشانه لا 

سيف - امال

ليل - عشان اللي حطيت نفسي فيه

سيف - متقعديش تلومي نفسك كتير كده كلنا بنغلط والغلط شئ عادي ووارد جدا المهم نتعلم ومنكرروش وقولي الحمد لله انها جت ع كده 

ليل - الحمد لله 

سيف - يلا 

ليل - يلا

*ركبوا العربيه ووصلوا القسم ودخلوا للظابط وفهموا منه انه عمل الواجب مع ثائر وزياده وعملوا عدم تعرض وطلبوا يشوفوا ثائر*

سيف - بص انا لو عليا كنت عايز اموتك بإيدي لكن اللي نجدك الانسانه اللي كنت عايز تضرها واتنازلت عن المحضر عشان بس متتحبسش ومستقبلك يضيع 

*بص ثائر لليل بأسف*

ثائر - انا اسف يا ليل انتي متستاهليش مني كل اللي حصل ده انا بجد اسف واتمنى تسامحيني وشكراً انك مرضتيش ترديلي الأذيه مع اني استاهلها بس انتي طول عمرك قلبك طيب أنا بجد اسف معرفش كان فين عقلي 

*مسك سيف ايد ليل وقومها عشان يمشوا*

سيف - عملنالك عدم تعرض لو شوفتك حواليها ب 10 متر صدقني المرادي هلبسك مؤبد والجامعه فصلتك وده اقل حاجه تتعمل معاك ياريت مشوفش وشك تاني عشان او حصل مش هيعرفوا جثتك

*خد سيف ليل اللي مبطلتش عـ.ـيا.ط م غير صوت وركبوا العربيه عشان تعيط براحتها*

سيف - طب قوليلي ليه العـ.ـيا.ط دلوقتي 

ليل بعـ.ـيا.ط - عمري مـ.ـا.تخيلت ان كل ده يحصل واني اتحط ف موقف زي ده واني ادخل قسم واعمل محضر وكل الكلام الكبير ده عمري مـ.ـا.تخيلت الموضوع يكبر كده

سيف - يحبيبي اهدي وقولتلك بطلي تلومي نفسك اعتبريه درس او اختبـ.ـار من ربنا ليكي واتعلمي منه وقولي الحمد لله دايما 

ليل - الحمد لله 

*رجعوا تاني الكامب واتغدوا ولما الليل هل خدها بعيد عن الجروب وقعدوا سوا ع البحر*

سيف - البحر بليل جو تاني بس ناقص حاجه

ليل - ايه 

سيف - ام كلثوم 

ليل - لا هاتلي عيون القلب بحبها اوي 

سيف - يمزاجك ياليلو 

*نام سيف ع رجلها وكانت اول مره يعملها*

ليل - بتعمل ايه

سيف - مرتاح كده هاتي ايدك

ليل - ليه 

سيف - هاتي بس

*اخد ايدها وحطها ع شعره*

سيف - فيرو كانت لما بتلاقيني مش مرتاح تخليني انام ع رجلها وتلعبلي ف شعري كان سحر رهيب وممكن انام شهر بس هي تفضل تعملي كده

*ابتسمت ليل وعملت زي فيرو هو كان فاكر انه لوحده اللي مستمتع لكن هي كانت اكتر منه كانت حابه الاحساس وفضلوا كده كتير هو نايم ومرتاح وهي بتبصله بشكل مختلف عن كل مره ومرتاحه بردو بوجوده وسرحانه *

*فتح عينه فجاه وبصلها وهي اتخضت و اتـ.ـو.ترت لدرجة انها شرقت*

سيف وهو بيقوم - بس بس اهدي خدي نفسك براحه

*بعد ماهديت ضحك سيف بشكل هستيري*

ليل بكسوف - تؤ بتضحك ع ايه 

*مردش عليها وكمل ضحك ضـ.ـر.بته بخفه وقامت تتمشى عشان تحاول تنسى كسوفها قام وراها*

سيف - بتبصيلي وانا نايم ليه 

ليل - مستغربه جايب الوحااشه دي منين

سيف بضحك - اه فعلا نظرتك كانت بتقول كده صح

ليل بكسوف - تؤ ع فكره رخم هروح انام و اه متنساس اننا ماشيين بكره بالليل 

سيف - ماشي يستي مش هنسى

*تاني يوم راحت ليل تصحي سيف كالعاده*

ليل - يا سيييف قوم بقا حـ.ـر.ام عليك هتضيع علينا اخر يوم

سيف - ماهو مفيش حد بيصحي حد الساعه 6 ليه نصحى 6 يعني اليوم طويل 

ليل - يلا عشان عاملين مسابقات ع الالعاب 

سيف - العاب ايه 

ليل - بعد مانفطر اجرنا كذا بيتش باجي وهنتسابق بيه كل اتنين ع واحد

سيف - انا مش هركب البتاع ده

ليل - خلاص براحتك دي متعه كبيره اصلا .. هركب مع ياسر

سيف -  ياسر مين يروحمك

ليل - ياسر ده

*شاورت ليل ع ياسر اللي نقته بعنايه من وسط كل الشباب عشان كانت متأكده ان ده اللي هيغير رأي سيف وتخليه يشارك بصله سيف ورجع بص لليل بغضب*

سيف - عارفه امك

ليل - تؤ تؤ 

سيف - هعرفهالك انا لو متلمتيش

ليل - مانت مش عايز  تشارك وانا عايزه مش هفوت الفرصه عشان حضرتك انا

سيف - خلاص هتنيل اسكتي بقا

ليل بدلع مصطنع - ثانك يو دادييي

*خلصوا فطار وابتدت المسابقه*

ياسر - ليل

ليل - نعم يا ياسر

ياسر - هي فين إيمان 

ليل - قالت مش هتشارك عشان بتخاف وقعدت ف المخيم 

ياسر - لوحدها

ليل بإستغراب - اه

ياسر - طب معلش ممكن ترنيلي عليها 

ليل - حاضر 

*رنت ليل ع ايمان*

ليل - ايوه ي إيمو 

ايمان - ايوه يا ليل 

ليل - بقولك ايه ياسر عايز يكلمك

ايمان - ياسر ازاي يعني 

*خد ياسر الفون وكلم ايمان واقنعها انها تيجي وتشارك والحقيقه ايمان مكنتش راضيه تشارك خوفاً من انها متلاقيش مكان وتتحرج وبعد ماجت*

ايمان - ياسر بالله عليك انت متأكد هتعرف تسوق

ياسر بضحك - يستي متقلقيش والله متأكد متخافيش انا معاكي 

ليل لسيف - شكل ف قصة حب جديده هتبتدي .. يبختك ي ايمووو

سيف - اتلمي بدل مااديكي بضهر ايدي يبختك ع ايه يحـ.ـيو.انه

ليل - يعم قصدي يعني ع الحبب  الله نيتك سيئه

وليد - يلا يشباب المسابقه هتبتدي ..  يلا استعدوواا  3  2  1   Goooo

*ابتدوا كلهم وطبعا الحماسه كلها كانت بين سيف وياسر وكل واحد فيهم عايز يثبت حاجه للي وراه*

*خلصوا السباق وهيعلن وليد النتيجه*

وليد - عاش يشباااب عاش انتهت المسابقه والنتيجه كاااااانت مركز اول بين استاذ سيف وياسر وعادل اما التاني كان بين حسن ومحمد والتالت بين احمد وياسين  .. مبروك لكل اللي فازوا والباقي متيأسش لسه ف مسابقه كمان نرتاح ونتغدى اشرحلكوا اللعبه التانيه

ليل لإيمان - شوفتي سيفو كان جـ.ـا.مد ازاي اصلا كنت متاكده انه هيبقا الاول

ايمان - والنبي يختي ع اساس ياسر طلع الاخير ما معاه ف نفس المركز 

ليل - ايدا ايدا من امتى الحمقه دي يعني

ايمان بتـ.ـو.تر - فين الحمقه دي برد عليكي عادي اصلا

ليل - عادي اصلا .. هتروحي فين يعني هنشوف 

ايمان - يلا يبت عشان نتغدى

*بعد الغدا*

وليد - بصوا كل ثنائي منكم كان ف المسابقه هيبقوا ثنائي ف اللعبه دي بردو

واللعبه بقا البوله (طبق ازاز غويط) اللي قدامكوا الورق اللي فيها فيه كلام كتير كل ثنائي هيختار منه واحد يقرأ هو الورقه ويقول استخدام الكلمه اللي ف الورقه ايه ولكن تحت كل كلمه ف الورقه ف كلمتين او كلمه او تلاته دول مينفعش يتقالوا ف الشرح ولو اتقالوا تبقا خسران والطرف التاني بقا يخمن الكلمه  كل ثنائي ليه دقيقتين يجمع فيهم اكبر عدد ورق وهيبقا ثنائي قصاد ثنائي واحد يكسب والتاني يخسر  .. يلا مين اول 4 هيبدأوا 

ياسر - احنا

سيف - واحنا

ليل - مـ.ـا.تصبر خلينا بعدين

سيف - لا يانا يا الواد ده النهارده

ليل بضحك - يا سيف هو عملك حاجه الواد عايز يبين نفسه جـ.ـا.مد قدام ايمو مـ.ـا.تسيبه يشوف رزقه الله

سيف - اخرسي انتي

وليد - تمام يلا يشباب اقعدوا  مين هيبدأ الأول 

سيف - هو الأول 

ياسر - واشمعنا بقا 

سيف بغضب- مزاجي بقا

وليد بضحك - شباب شباب ايه انتوا هتتخانقوا  .. ابدأ انت يا ياسر معلش استاذ سيف ضيف عندنا

ياسر بضيق - تمام 

وليد - يلا   3  2  1   ابدأوا

ايمان - ركز معايا حاجه مينفعش نستغنى عنها ف البيت ابداً

ياسر بتفكير - ااا الخلاط

ايمان - لا ي ياسر ركززز بنستخدمها عشان نشوف اخبـ.ـار الدنيا 

ياسر - اااه التليفزيون 

ايمان - عاش  حاجه حوالينا دلوقتي 

ياسر - رمل 

ايمان - لا غيرها 

ياسر - سما

ايمان - لا ركززززز حاجه جايه من الشرب 

ياسر - اه مايههه

ايمان - لا بقا حاجه فيها المايه اللي قولت عليها

ياسر -  النيل 

ايمان - يخربيتك بقولك حاجه حوالينا هو النيل حوالينا

ياسر بتفكير - اه اه البحر

ايمان - يجدعععع اخيرا   حاجه بنشربها بعد الاكل

ياسر - نسكافيه

ايمان - يعم بقااا بقولك بعد الاكل بنحبس بيها 

ياسر - شااااي

*بعد شويه خلصوا الدقيقتين وكان الاسكور بتاعهم 5 ورقات*

وليد - كده ياسر وايمان جابوا 5 ورقات   دور استاذ سيف و ليل يلا مستعدين

سيف بغرور - مستعدين

وليد - اوك   3  2  1  ابدأوا

ليل - حاجه بنشغلها دايما ف الصيف 

سيف - تكييف 

ليل - لا زيه 

سيف - مروحه

ليل - صح حاجه بنقف قدامها قبل ماننزل

سيف - مرايه

ليل - مظبوط  حاجه مينفعش ننزل من غيرها

سيف بتفكير - ااااا الشوز 

ليل - لا لا حاجه ف اللبس بردو بس غير ده

سيف - ايه طيب البنطلون 

ليل بضحك - اكيد لا يا سيف حاجه كده كماليات لبس بس اساسيه واحنا كبنات بنلبسها اكتر 

سيف بتفكير - اااا طيب الشنطه

ليل - بالظبط  بنحتاجها دايما واحنا رايحين مشاوير

سيف - فلوس 

ليل - لالا بنروح المشوار بيها 

سيف - عربيه 

ليل - صح حـ.ـيو.ان اليف

سيف - سلحفاة

ليل - انت بتجيب الافكار دي منيييين حـ.ـيو.ان اليف يا سيف كيوت 

سيف - كـ.ـلـ.ـب 

ليل - لا يا سيف اللي قولتلك نفسي اجيبها قبل كده

سيف - قطهههههه

ليل - صح من خشب وموجود ف كل البيوت ف اوضة النوم 

سيف - سرير

ليل - عااش موجوده ف ال.. 

وليد - الدقيقتين خلصوا للاسف 

سيف بحماس - طب الاسكور كام

وليد - اسكور ياسر كان 5 اسكور استاذ سيف 6 هاردلك يا ياسر 

سيف بفرح - yesss 

ليل بهزار - مش سمعالك صوت يا ايموووووو

ايمان - بت ابعدي عني

*خلصوا لعب ع بليل*

وليد - طيب يشباب كده رحلتنا خلصت اتمنى تكونوا اتبستطوا وإن شاء الله مش اخر رحله ونطلع مع بعض تاني انا فرحت اني طلعت معاكوا بالتـ.ـو.فيق ليكوا كلكلوا دلوقتي بقا كل واحد يروح يلم حاجته وبعد ساعتين هنتقابل بره يكون اتوبيس الرحله جه ياريت محدش يتأخر عن ساعتين 

سيف لليل - يلا ولا ايه كده كده مش هنركب معاهم 

ليل - ماشي يلا 

*لموا حاجتهم واتجهوا للعربيه*

سيف - هاتي شنطك ياسندريلا

ليل بضحك - سندريلا 

سيف - احلي كمان بالفستان ده

ليل - كـ.ـد.اب بس ماشي 

سيف - عيب عليكي

*وصلوا العربيه وحطوا شنطهم وقعدوا يرغوا كتير ويصوروا فيديوهات تيك توك لحد ماوصلوا وكانت الساعه 6 الصبح*

سيف - يلا ادخلي 

ليل - طب هات الشنط 

سيف - ادخلي هدخلهالك

الماما - اهلا اهلا وصلتوا بالسلامه 

ليل - لا لسه 

الماما - اتلمي يبت

*سلموا ع نهى*

سيف - جبتهالك كويسه اهي مفيهاش خدش 

الماما - تسلم يحبيبي مكنتش قلقانه والله طول ماهي معاك 

سيف - تسلميلي ينهانيهو يلا ادخلي كملي نوم وانتي ارتاحي بقا ياليل شويه وانا كده كده واخد النهارده بردو اجازه اسمك مشفهوش ع فوني سامعه

ليل - انت تطول اصلا دانا منورالك حياتك 

سيف - يشيخه اتلهي يلا باي يخالتو

الماما - باي يحبيبي ادخلي ارتاحيلك شويه بقا 

ليل - ماشي تصبحي ع خير ينهانيهو

الماما - دي كلمة سيف متقلديهوش

ليل - انا وهو واحد ي اماه 

الماما - يختي ربنا يهديكوا

*خدت دش ودخلت اوضتها وقعدت تتفرج ع الصور وفيديوهات الرحله كلها وافتكرت ثائر وحزنت وكان عندها فضول تعرف سيف هيعمل ايه معاه تاني* 

*تاني يوم*

سيف - انا مش قولتلك يبت انتي مشوفش اسمك ع التليفون

ليل - معلش معلش عايزه اسالك ع حاجه 

سيف - ارغي

ليل - هو انت هتعمل ايه تاني مع ثائر

سيف - الموضوع شاغلك ليه

ليل - والله مش عشان حاجه بس عشان ابقا عارفه يعني وفضول 

سيف - هقول لأهله 

ليل - ملهاش لازمه

سيف - انا مش فاهمك

ليل - الفكره اني مش عايزه اضره

سيف - وهو يضرك عادي 

ليل -.... 

سيف - هبلك وطيبتك دول مش هينفعوا اعقلي كده انا مش همو.ته انا عايز احميكي مش اكتر مع اني نفسه امو.ته

ليل - طيب اللي انت شايفه صح اعمله 

سيف - شطوره ياليلو روحي بقا شوفي وراكي ايه خلصيه

ليل - مش ورايا حاجه يخويا رجعنا للملل قاعده 24 ساعه ف البيت لما هيجيلي اكتئاب

سيف - الحمد لله ع نعمة الشغل

ليل بحماس - طب مـ.ـا.تاخدني معاك

سيف - هبله صح

ليل - ليه والله فكره حلوه

سيف - واخدك معايا ازاي يعني ساحب بنت اختي ورايا

ليل - لا مش بنت اختك بنت خالتك 

سيف - بطلي عـ.ـبـ.ـط 

ليل - طب والله فكره حلوه 

سيف - لا طبعا 

ليل - طب هقولك شغلني ف الشركه  انا كده كده محتاجه تدريب بدل مااتدرب عند الغريب اتدرب عندك

سيف - قصدك بدل مـ.ـا.تبوظي عند الغريب تبوظي عندي

ليل - وايه يعني فدايا وبعدين احسن مااشتغل عند حد غريب ويقعد يضايقني بقا وكلام من ده

سيف بتفكير - امممممم

ليل - ها موافق 

سيف - لا

ليل - تعرف انك رخم 

سيف - عشان كده بقا مش موافق 

ليل - كده اللي هو ايه

سيف - معاملتك ليا دي مش هتنفع ف الشغل انا رئيس شركه اينعم هي شركه مش كبيره اوي بس مازال المسمي قائم ولو حد م الموظفين شافك بتقوليلي رخم ولا لسانك الطويل ده اتكلمتي بيه معايا هبقا رئيس مهزق

ليل - وجهة نظر بردو بس حلها عندي هحاول ابقا محترمه 

سيف - بذمتك انتي مقتنعه 

ليل - للاسف لا بس اديني فرصههه احاول عشان خاطري

سيف - طيب افكر الاول وبعدين اشوف

ليل - وحياتي يسيفووو وحياتيييييييييييييييييييييييييييييييييييييييييييييييي

سيف - لا مانا مش انكل دان 

ليل - طب خلاص فكر براحتك كده كده انت الخسران

سيف - بعشقها 

ليل بإستغراب - مين دي

سيف - الخساره يروحي يلا بايي

*قفل سيف السكه ولكن فعلا قدرت ليا تقنعه بس بردو كان محتاج يفكر ويشوف ابعاد القرار ده ايه لكن دلوقتي كان محتاج يخلص موضوع ثائر الاول قام سيف لبس وخبط ع شقة اهل ثائر*

سيف - السلام عليكم ورحمة الله وبركاته 

انكل - وعليكم السلام ورحمة الله وبركاته اهلا يبني

سيف - كنت محتاج اتكلم مع حضرتك 

انكل - اكيد اتفضل  اعملي شاي ياسميه

سيف - لا لا ولا شاي ولا حاجه تسلم هما كلمتين هقولهم وامشي 

انكل - اتفضل يبني 

سيف -  هدخل ف الموضوع ع طول انا عارف ان حضرتك شخصية محترمه وانا بعزك وبحترمك جدا ولكن حصل موقف مش حلو بالمره من ابنك لليل بنت خالتي 

انكل - خير يبني قلقتني

*حكاله سيف كل اللي حصل بالظبط وباباه مكنش مدي اي تعبير غير الذهول ومكنش عارف يقول ايه*

انكل - انا اسف يبني والله ودلوقتي هخرج معاه واروح اعتذر لأهلها 

سيف - لا اهلها اصلا ميعرفوش حاجه مفيش غيري اللي يعرف وده احسن عشان لو اهلها عرفوا مكنوش هيسيبوا ابنك وحقهم ف هي بطيبة قلبها سامحته لكن انا مش قادر اسامحه ف انا اسف ف اللي هقوله لكن انا عايز حضرتك تشوف شقه تانيه وتنقل فيها لاني مش هعرف اكون متطمن خالص وابن حضرتك ف نفس العماره كده وانا والله مش بهدد حضرتك ولكن حضرتك لو منقلتش انا هبقا مضطر اني احبسه واسف والله ع كلامي بس من حقي ابقا خايف عليها واحاول اعيشها ف امان وابن حضرتك هيهدد امنها ده تماماً

انكل - لا حقك يبني مقدرش اتكلم وانا متشكر انك مضرتهوش بس اديني اسبوعين هشوف شقه تانيه وهنقل فيها ع طول واسف تاني مره ع اللي حصل ده

سيف - تمام انا اللي اسف لحضرتك واحب افكرك اني مش عايز اي حد يعرف بالموضوع ده   استأذنك 

انكل - حاضر  ووصل اسفي الشـ.ـديد لليل 

*رجع للبيت وارتاح انه خلص م الموضوه وابتدي يفكر ف كلام ليل ووصل لانه يوافق ع الاقل عشان تبقا تحت عينه لحد ما اهل ثائر يمشوا*

*راح سيف لشقة خالته عشان يقولها الموضوع وياخد رأيها*

الماما - اهلا ياسيف ادخل يحبيبي 

سيف - ازيك يخالتو عاملين اكل ايه

الماما - عامله حواوشي استنى اجبلك تدوق

سيف - خدي بس عايز اكلمك ف حاجه 

الماما - اجيب الحواوشي الاول

ليل - يا اهلا وانا اقول الجو كتم ليه فجأه 

سيف - عشان انتي موجوده يختي

ليل - جاي عندنا ليه 

سيف - انتي مالك انتي ده بيتي اكتر ماهو بيتك اصلا

الماما - هو صح دوق بقا وقولي ايه رأيك

ليل - وانا فين 

الماما - المطبخ عندك روحي حطي

ليل - انا اللي بنتك يحجه مش هو 

الماما - لا هو قول يحبيبي كنت هتقول ايه 

سيف - تسلم ايدك يخالتو كالعاده يعني اكلك محدش يعرف يعمله

ليل - قصدك ايه هه انا فهماك 

سيف بضحك - الله مقصدش حاجه اللي ع راسه بطحه بقا

الماما - سيبك منها 

سيف - بصي يستي ايه رأيك لو ليل جت اشتغلت معايا ف الشركه

ليل بصدمه - ايه قول وحياة امك  والله وافقت 

الماما - بس انا لسه يروحمك 

ليل - احم اني اسف

سيف - سيبك منها ها ايه رأيك 

الماما - رأيي موافقه طبعا ع الاقل هرتاح منها طول النهار

ليل - اخص ع امهات اخر الزمن

الماما - اتلمي ياللي متربتيش

ليل - حاضر 

سيف - اترزعي خليني اقولك هتعملي ايه

ليل - هشتغل معاك يعني هعمل ايه 

سيف - تصدقي فعلا مش محتاجه حاجه يعني 

ليل - طبعا 

سيف - اولاً 

ليل - اوعااا ابتدي يمارس عليا روح المدير

سيف - انتي متعرفنيش ف الشغل يعني لسانك لو طول هقطعهولك

ليل - تؤمر يباشا

سيف - لا اسمها حاضر يفنـ.ـد.م واسمها حضرتك

ليل - حضرتك 

سيف - شطوره  ثانياً اللبس

ليل - ماله بقا دانا فاشونستا ف نفسي 

سيف - انتي رايحه شركه وشغل يعني لبسك كله فورمال

ليل - كده هنحتاج نعمل شوبينج

سيف - ثالثاً حضرتك هتقعدي مع السكرتيره وانا هفهمها هتعمل ايه معاكي وتعملي كل اللي هتقولك عليه

ليل - انا هشتغل عندك ولا عند السكرتيره بقا

سيف - عندي بس لازم تتعلمي الاول

ليل - اما نشوف اخرتها

سيف - رابعاً هتفضلي قاعده لحد مااخلص شغل وهنروح سوا زي ماهنيجي سوا

ليل - ليه بقا انت متعود تروح كل موظفينك

سيف - اه بحب اتطمن عليهم بنفسي  خامساً لازم تخلي بالك كويس اوي عشان مينفعش يبقا ف غلطات 

ليل - ليه هو انا روبوت 

سيف بتوعد - سادساً اللي اقوله يتسمع من غير مجادله ولا مناقشه 

ليل - وايه كمان 

سيف - مش فاكر تاني لما افتكر هقولك 

ليل - هتذلني عشان هتشغلني ف الشركه

سيف - شركتي 

ليل بصعبانيه - طب ومش انا وانت واحد ياسيفو يعني المفروض اقعد معاك ف المكتب اصلا 

سيف - طب اتعدلي عشان مش هتصعبي عليا بردو يروح سيفو

ليل - اوووف

سيف وهو بيقوم عشان يروح بيته - اعملي حسابك بكره الساعه 7 الاقيكي جاهزه ومستنياني عشان نروح سوا  يلا سالووو

ليل - سالو يخويا *اتنهدت* كده هنحتاج نشوف دولاب نور بيقول ايه 

*قامت ليل وجهزت لبسها من دولاب نور اللي كان فورمال جدا ومناسب لجـ.ـسمها اكتر من لبسها العادي وخلص اليوم ونامت بدري عشان تقدر تقوم من 5 تلبس*

*صوت المنبه*

ليل بنوم - يوووه بقا مينفعش اقوله ابدأ من بكره طيب  لااا الاسترونج فين 

*قامت بسرعه خدت دش ولبست وحطت ميكب خفيف يليق بالمكتب وفردت شعرها وكانت احلى من اي وقت عدى حتى هي أعجبت بنفسها*

ليل - يلاهوي ع طعامتي اي ده دانا هلبس فورمال ع طول البليزر عليا شياااكه بس  احمم نهدي بقا لازم نتقمص الدور عشان استاذ سيف ميطردناش

*رن تليفونها والساعه كانت 7 بالظبط*

سيف - الو خلصتي 

ليل - ايوه

سيف - انا قدام الباب 

ليل - طالعه

*بعد ماقفلوا كلم سيف نفسه*

سيف - مالها دي 

*استنى دقيقتين وطلعت الأميره ليل عليه*

سيف - متاخره 5 دقا      واااو

ليل بغرور مصطنع -  هنتأخر ع الشغل هتفضل واقف منبهر كتير  اسحب الاسانسير 

سيف - هو انا فعلا منبهر بس ف حاجه نسيتيها انا المدير حضرتك مش انتي حلاوتك مقويه قلبك

ليل  - معلش بحاول اتدرب 

سيف بضحك - لا عاش

*ركبوا العربيه*

سيف - ف حاجه نسيت اقولهالك انبـ.ـارح

ليل - ايه هي

سيف - ممنوع تعامل مع اي راجـ.ـل ف المكتب

ليل برخامه - اي ده يعني مش هتعامل معاك 

سيف - غيري ياسخيفه

ليل - ايوه وحضرتك يعني عامل كده مع الكل 

سيف - ايوه انا مانع الاختلاط ف شركتي انا حر

ليل - يوووه شركتي شركتي زهقتنا يجدع 

سيف - اسمعي الكلام واجهزي عشان وصلنا

ليل - ووااااو 

سيف - ايه رأيك

ليل - تحفه عدي كتير اوي من اخر مره جيت لا بجد تحفه ومجهودك باين جدا فيها 

سيف - حبيبي ياليلو يلا انزلي بقا خلاص بقينا ف الشركه ومتنسيش التعليمـ.ـا.ت 

ليل - ماشي ماشي 

*سيف كان مأمن نفسه وقايل ع جروب الشركه انها بنت خالته وجايه تدرب عشان لو حصل منها تصرف عشوائي وكمان عرف السكرتيره بتاعته انها هتقوم بالشغل الخفيف بدالها ووصاها انها تعاملها باسلوب كويس هي وكل اللي ف الشركه*

*دخل سيف الشركه وكل الموظفين قاموله احتراماً وليل كانت منبهره بيه وفخوره وهما كانوا منبهرين بيها*

سيف - صباح الخير يشباب 

ردوا - صباح النور ي استاذ سيف

سيف - دي استاذه ليل السكرتيره الجديده مع استاذه اسماء رحبوا بيها 

ردوا - اهلا ي استاذه ليل نورتينا

سيف - إن شاء الله هتشتغل معانا اتمنى معاملتكوا ليها تكون حسنه   عن اذنكم

*بعدين راح يعرفها ع سكرتيرته*

سيف - استاذه اسماء دي ليل اللي قولتلك عليها اتمنى تكوني فهمتي هت عـ.ـر.فيها شغلها ازاي

اسماء - اكيد طبعا

سيف - حلو اوي استاذه ليل هتقعدي مع استاذه اسماء وهي هتعرفك ع الشركه وع كل الموظفين اتمنى تتبسطي معانا

بصتله ليل وهي كاتمه ضحكتها وقالت - اكيد ي استاذ سيف

سيف - تمام عن اذنكوا

*دخل سيف مكتبه وهو بيبتسم وقعدت ليل مع السكرتيره اللي مكتبها قصاد مكتب سيف لكن سيف دايما كان قافل الستاير ع الازاز وقرر النهارده يفتح حته منها عشان يعرف يشوف ليل كويس*

اسماء - ازيك ياليل مبدأياً كده تعالي معايا اعرفك ع الشركه واركانها 

ليل - تمام 

*خدتها اسماء وابتدت تعرفها ع كل حته ف الشركه وقالتلها ان هنا مفيش اوفيس بوي هنا اللي عايز حاجه بيعملها بنفسه وعرفتها بباقي الموظفين اللي منهم كان حاقد ومنهم كان محب وبعد كده رجعتها المكتب تاني*

ليل - حلو اوي عايزه بقا اعرف هشتغل ايه 

اسماء - بصي يستي انا وانتي دلوقتي يعتبر سكرتيرتين لأستاذ سيف هنقسم الشغل بيننا وعشان انتي لسه جديده ف انا هاخد الشغل التقيل اللي اغلبه بيبقا ع اللاب وانتي هتاخدي الخفيف زي مثلا تدخلي تمضي ورق منه تطبعي ورق تظبطي مواعيده بتاعت الشغل تحضري معاه المؤتمرات ومقابلات الشغل كده يعني 

ليل - حلو اوي 

اسماء انا دلوقتي هعمل كام ورقه كده محتاجين امضته هخلصهم وادخلي اديهومله 

ليل - تمام لحد مـ.ـا.تخلصي هعمل نسكافيه اعملك معايا 

اسماء - لا شكرا يقمر

*قامت ليل تعمل النسكافيه*

ليل - هعمل شاي لسيف عشان يروق كده بدل ماهو شادد اعصابه

*خلصت الشاي وراحت ع المكتب*

اسماء - رايحه فين 

ليل - هديله الشاي ده يروقه شويه

اسماء بضحك - يروقه   بس هو مبيشربش غير قهوه 

ليل - لا طبعا بيحب الشاي وبالذات لو من ايدي هتشوفي

*طبعا ليل جابت العيد لكن كويس ان سيف مأمن نفسه واسماء كمان مستغربتش اوي*

ليل - سيف  عملتلك شاي اشربه هيروق مزاجك شويه

سيف بصدمه - عارفه انتي عملتي كام غلطه دلوقتي 

ليل - لا

سيف بصرامه - اولاً مخبطيش ع الباب وانا مقولتلكيش ادخلي ثانياً اسمها استاذ سيف واسمها عملت لحضرتك ثالثاً انا مطلبتش شاي عشان تعمليلي ف متعمليش بمزاجك 

*ليل كل ده حاطه وشها ف الارض وبتسمع تعليمـ.ـا.ته*

ليل بدمـ.ـو.ع - تمام انا اسفه حضرتك محتاج حاجه 

سيف - وانتي بتكلميني تبصيلي متبصيش ف الارض

*رفعت ليل وشها*

ليل - حاضر 

*اتخض سيف لما لاحظ دمـ.ـو.عها لكن مسك نفسه عشان كان عايز يعلمها بس ميعرفش انها مش الطريقه الصح اخدت ليل الشاي واستأذنته وخرجت*

اسماء - رايحه فين 

*مردتش عليها ليل حطت الشاي ف المطبخ وراحت الحمام عشان تعيط براحتها وبعد شويه رجعت المكتب وقعدت بهدوء*

*كان مراقبها سيف وشايف حزنها وزعلها منه لكن اصر ع موقفه وحاول يتماسك*

اسماء - ليل انا خلصت الورق ادخلي خليه يمضيه

ليل - ادخلي انتي

اسماء بس احنا قولنا هنتشارك وانا خلص.. 

ليل - معلش ادخلي انتي المرادي 

*دخلت اسماء وخبطت قبل مـ.ـا.تدخل طبعا*

سيف -  اتفضلي 

اسماء - الورق اللي حضرتك هتمضيه

سيف - تمام سيبيه هنا وشويه وتعالي خديه

اسماء - حاضر عن اذنك

سيف - استاذه اسماء

اسماء - نعم

سيف - ده شغل خفيف ليه مخلتيش ليل تقوم بيه

اسماء - انا قولتلها والله بس هي قالتلي ادخلي انتي وكانت مصره 

سيف - اه تمام طيب قوليلها تعملي قهوه وتجيبهالي هي

اسماء - تمام 

*هو اه سيف مُصر انه ميصالحهاش لكن مكنش قادر يسيبها زعلانه*

اسماء - ليل استاذ سيف عايزك تعمليله قهوه وتدخليهاله

ليل بحزن - معلش اعمليها انتي

اسماء - والله ماهقدر لان هو اكد ان انتي اللي تعمليها وتدخليهاله

*قامت ليل غصب عنها تعمله القهوه وطبعاً القهوه حسب مزاج اللي بيعملها ف مطلعتش حلوه*

*خبطت ليل*

سيف - اتفضلي

ليل - القهوه اللي حضرتك طلبتها

سيف - حطيها هنا 

ليل - عن اذنك 

سيف - ثواني 

ليل - أؤمر

*داق سيف القهوه*

سيف - عملتي القهوه دي ازاي

ليل - زي مابعملها

سيف - طيب اتعلميها من اسماء طعمها بيبق احلى

ليل - حاضر

سيف - اسماء قالتلي انها قالتلك تدخلي الورق وانتي رفضتي 

ليل - ايوه 

سيف - ليه

ليل - انا وهي بنتشارك الشغل ف نقسمه زي مانحب

سيف - اه قصدك اني مليش دعوه يعني 

ليل - حضرتك اللي فهمت كده 

سيف - طيب بعد كده اي حاجه توصلي تبقا عن طريقك 

ليل - تمام  حاجه تاني

سيف - لا اتفضلي

*طول الوقت سيف كان محتار مش عارف يصالحها ولا ويفضل مُصر عشان يعلمها وهي زعلها منه كان كبير ماهو مقدار الزعل ع قد مقدار الغلاوه وهو غالي عندها جدا  خلص اليوم ومشيوا كل الموظفين وهو كان بيخلص شغله خرج من مكتبه و لقاها قاعده متهزتش وعينها ف تليفونها*

سيف - احم عايز قهوه

ليل - مش هعمل قهوه تاني

سيف - نعم وده ليه 

ليل - ميعاد شغلي خلص لو عايز اعمل لنفسك انا مستنيه تخلص زي ماقولت انبـ.ـارح ولو هتطول ياريت تقولي عشان اروح انا

سيف بضيقه - اممم ماشي لا مش هطول نص ساعه واخلص

*دخل سيف كمل شغله وهو بيشتم نفسه ع طريقته اللي كلمها بيها وعرف انها مش هتتصالح بسهوله اما ليل كانت ناويه تفضل كده ع طول بره وجوه الشغل تعامله برسميه عدت نص ساعه*

سيف - انا خلصت جهزي حاجتك مستنيكي

ليل وهي بتاخد شنطتها - حاجتي جاهزه

*مشيت ليل قدامه وسبقته ع العربيه ولما وصلوا فتح سيف العربيه وركبوا*

سيف - ايه رأيك نروح نتعشى 

ليل - شبعانه

سيف - اممم طب ناكل ايس كريم

ليل - مش عاوزه 

سيف - طيب عندي فكره احلى نروح سينما 

ليل - تعبانه وعايزه اروح 

سيف بضيقه - طب وبعدين 

ليل بخـ.ـنـ.ـقه - روحني

سيف - هتفضلي كده يعني 

*بصتله ليل بصرامه وضيقه وضغطت ع الكلام*

ليل - بقووللكك روحنيي

سيف  - ماشي 

*روحوا وليل نزلت قبليه وسبقته ع فوق ودخلت شقتهم*

الماما - اهلا انتي جيتي احطلك الاكل

ليل - لا يماما شكرا هدخل اخد دش وانام

الماما  - ف حاجه حصلت 

ليل - لا يحبيبتي تعبانه بس شويه عن اذنك

*دخلت ليل اوضتها وطلع سيف عند خالته*

سيف - هي فين

الماما - ف اوضتها. هو حصل ايه شكلها متضايقه اوي

سيف - اتخانقنا بس 

الماما - امممم طب خد بالك شكلها واخده ع خاطرها جـ.ـا.مد 

سيف - والله حاولت بس إن شاء الله بكره هصالحها

الماما - إن شاء الله يحبيبي احطلك تاكل 

سيف - لا يحبيبتي فيرو مستنياني هروح انا عايزه حاجه 

الماما - لا سلامتك يحبيبي 

*حاول سيف يرن عليها لكن هي عامله فونها صامت مش معنى كده انها مشافتش الرن لا شافته ومرضتش*

ليل - اخد دش وانام 

الماما  - ف حاجه حصلت 

ليل - لا يحبيبتي تعبانه بس شويه عن اذنك

*دخلت ليل اوضتها وطلع سيف عند خالته*

سيف - هي فين

الماما - ف اوضتها. هو حصل ايه شكلها متضايقه اوي

سيف - اتخانقنا بس 

الماما - امممم طب خد بالك شكلها واخده ع خاطرها جـ.ـا.مد 

سيف - والله حاولت بس إن شاء الله بكره هصالحها

الماما - إن شاء الله يحبيبي احطلك تاكل 

سيف - لا يحبيبتي فيرو مستنياني هروح انا عايزه حاجه 

الماما - لا سلامتك يحبيبي 

*حاول سيف يرن عليها لكن هي عامله فونها صامت مش معنى كده انها مشافتش الرن لا شافته ومرضتش*

*تاني يوم*

سيف - الو 

ليل - طالعه 

*قفلت ليل السكه وطلعتله من غير ولا كلمه ونزلت ع السلم عشان متركبش معاه الاسانسير نزل وراها و كان مستغرب سيف افعالها ومستغرب هي زعلانه اوي ليه كده مع انها مش اول مره يتخانقوا فيها*

*ف العربيه*

سيف - انا مكلتش انبـ.ـارح كويس 

ليل - لما نوصل هطلب لحضرتك فطار

سيف - بس مبحبش اكل لوحدي 

ليل - معلش حضرتك اتعود

سيف - طب واتعود ليه وانتي موجوده وبعدين ايه حضرتك دي احنا لسه مش ف الشغل 

ليل - ف الشغل او لا حضرتك مازلت مديري 

سيف - تؤ وبعدين معاكي بقا

ليل -....... 

*وصلوا الشركه*

سيف - متنسيش الفطار

ليل - تمام 

*دخل مكتبه وهي طلبتله الفطار وبعد ماوصل*

*صوت خبط الباب*

سيف - اتفضلي 

ليل - الفطار 

سيف - رايحه فين 

ليل - خارجه 

سيف - بس انا قولتلك مش بعرف اكل لوحدي

ليل - هبعت لحضرتك اسماء

سيف - لا مش عايز اسماء

ليل - قولي حضرتك عايز مين و اجبهولك 

سيف - ليل

ليل - أؤمر

سيف - قصدي عايزك انتي

ليل - وانا ورايا شغل تاني 

سيف - وانا مديرك وبقولي اقعدي اعتبري ده شغل بردو 

ليل - حاضر 

*قعدت ليل ووشها ف الارض*

سيف - لا مانتي مش روبوت 

ليل - عايزني اعمل ايه 

سيف - كلي معايا 

ليل - سبقت حضرتك 

سيف - مش هاكل غير لما تاكلي 

ليل - حاضر 

سيف - اكليني معاكي بقا

ليل - نعم

سيف - قصدي حلو الفطار

*خلصوا اكل*

سيف - مش هتعمليلي شاي

ليل بسخريه - حضرتك مبتشربش شاي ف المكتب بتشرب قهوه اعملك قهوه 

سيف - لا عايز شاي من ايديك 

ليل - حاضر

*راحت ليل تعمله شاي وخلصت*

اسماء - تاني ياليل 

ليل - هو اللي طلب المرادي 

اسماء - بجد غريبه دي 

*صوت خبط*

سيف - اتفضلي 

ليل - الشاي

سيف - تسلم ايدك

ليل - تؤمر بحاجه تانيه

سيف - اه

ليل بنفاذ صبر - اتفضلل

سيف - اقعدي عايزك ف موضوع مهم 

ليل - ليه علاقه بالشغل

سيف - ايوه جدا 

ليل - قعدت

*قام سيف وقعد جنبها ومسك ايديها شـ.ـدت ايديها من ايده بسرعه*

ليل - اللي حضرتك بتعمله ده مينفعش ع فكره

سيف - ياشيخه اسكتي بقا مش لايق عليكي 

سيف وهو بيمسك ايديها تاني - انا اسف 

ليل - .... 

سيف - عارف انك زعلانه وجدا ف حقك عليا مكنتش اقصد ازعلك انا قصدي اني اعلمك 

ليل بدمـ.ـو.ع - ودي مش طريقه اصلا حد يعلم حد بيها 

سيف - يختاااي والله مابحبك تعيطي حقك عليا صدقيني مش هعمل كده تاني *خدها ف حـ.ـضـ.ـنه وكمل* انا والله ماهان عليا زعلك وفعلا مكنش ليا نفس اكل انبـ.ـارح وكل ده عشان زعلانه مني حقك عليا 

ليل - ماشي خلاص

سيف بهمس - بحبك

ليل بخضه - ايه 

سيف بهمس - بحبك

ليل بخضه - ايه

سيف - ايه 

ليل - قولت ايه 

سيف - مقولتش حاجه   المهم دلوقتي انتي بقا مش زعلانه مني

ليل - لا انا متاكده قولت حاجه 

سيف - مقولتش انا لسه هقول

ليل - هتقول ايه 

سيف - هقولك ان ف سفريه لكوريا الاسبوع الجاي وهتيجي معايا 

ليل - لا والله قولت حاجه غير دي 

سيف - افهم من كده مش هتيجي معايا يعني 

ليل - اجي معاك فين 

سيف - السفريه 

ليل - سفرية ايه

سيف - كوريااااا

ليل بخضه تاني - ايههههه

سيف - ايه

ليل - بتهزر صح

سيف - لا والله بتكلم جد 

ليل بحماس - انا اكيد جايه دي اكتر بلد نفسي اروحها   بتهزر بجد هتوديني

سيف - مانا عارفه عشان كده قولتلك هنروح عندي شغل هناك 

ليل - الله هي امتى

سيف - الاسبوع الجاي ان شاء الله 

ليل - ليه مش بكرههه

سيف - انتي عبـ.ـيـ.ـطه مش ف ترتيبات 

ليل بحماس - موافقه جداااا 

سيف - مبقتيش زعلانه يعني 

ليل بفرح - خااااللصص

سيف - عبـ.ـيـ.ـطه بتتصالحي بأقل حاجه 

ليل - اقل حاجه ايه انت هتوديني كورياااا ده حلم من احلامي

سيف - اي خدمه يستي

ليل - يارب ماما توافق ولو موافقتش ههرب

سيف - تهربي تصدقي انا اللي هغير رأيي

ليل - يعم بهزر الله

*خرجت ليل م المكتب وهي متحمسه جدا ونسيت اصلا انها كانت زعلانه منه*

سيف لنفسه بمشاعر متضاربه - ايه الغباء ده وازاي طلعت مني اصلا استحاله تكون حقيقه  وحتى لو  يعني حاجه زي دي تتقال كده اااااخ ع الغباء

*خلص اليوم واستنته ليل كالعاده*

سيف - يلا ياليلو خلصت    اي ده    انتي نمتي

سيف وهو بيطبطب ع شعرها - ليل قومي يلا انا خلصت 

سيف بضحك - للدرجادي مش قادره ع يومين شغل قومي يفافي انتي 

*مفيش اي استجابه من ليل وفعلا كانت غرقانه ف نومها ومكنش قدامه حل غير انه يشيلها او يستناها تصح و بمعنى ادق هو مكنش عايز حل غير  انه يشيلها وفعلا شالها*

ليل - اي ده انت بتعمل ايه

سيف - صحيتك 40 مره مرضتيش اسيبك وامشي يعني

ليل - نزلني يجدع انت

سيف - لا مادام شيلتك بإرادتي هنزلك بإرادتي

ليل - هلم عليك الناس ع فكره انت عارفني مـ.ـجـ.ـنو.نه

سيف - مـ.ـجـ.ـنو.نه مـ.ـجـ.ـنو.نه ع نفسك وبعدين انا عارف اه انك مـ.ـجـ.ـنو.نه بس عمرك مـ.ـا.تعملي كده فيا

ليل - طب نزلني طيب

سيف  - هنزلك فعلا *كمل وهو بيغمزلها* عشان خلاص وصلنا العربيه

ليل - مانت قليل الادب اصلا 

*ركبوا العربيه*

ليل - لما نوصل صحيني بقا 

سيف - نامي يغيبوبه

*بعد شوية وقت*

سيف - قومي يست كخه وصلنا والله لو ماقومتي هنزل اشيلك وابقي اتكلمي

ليل -..... 

سيف وهو بينزل - طيييب

ليل بضحك - خلاااص صحيت خلاااااص

سيف - طب انزلي انجزي

ليل وهي بتنزل - اهو يلا 

*طلعوا وكرروا نفس الروتين 3 ايام بيروحوا الشغل سوا ويرخموا ع بعض ويهزروا ويرجعوا سوا اتعلقوا ببعض اكتر وسيف كان بيفكر فيها اكتر وبيحاول يتأكد من مشاعره ناحيتها وهل هي حقيقيه ولا مجرد شعور من كتر قربهم لبعض اما ليل مكنش ف دماغها غير السفريه وازاي تجهزلها وبالفعل جهزتلها*

*اليوم الرابع*

سيف - اقعدي بقا ينهانيهو عايزك ف كلمتين

الماما - هما الكلمتين دول مش بيخلصوا عايز ايه تااااني

سيف - بما إن ليل بقت سكرتيرتي دلوقتي ف انا جالي شغل ف كوريا هياخد اسبوع وطبعا هي لازم تيجي معايا 

الماما - بتهزر يا سيف كورريااا

سيف - وانتي قلقانه من اي بس

الماما - لا ياسيف افرض البت تاهت ودي عبـ.ـيـ.ـطه اصلا

ليل - اي ده يماما مش للدرجادي يعني

الماما - اخرسي انتي لا ياسيف صعبه اوي دي

سيف - يستي متقلقيش هتبقا معايا والله ماهسيبها لحظه ومتقلقيش مش هتوه هخيطها كده ف لبسي 

*لسه ليل هتتكلم*

سيف - اخرسي انتي 

ليل - هي ايه المعامله القذره دي  صبرني يارب

سيف - ها ايه رأيك وبعدين هو اسبوع مش هنطول

ليل - وافقي والنبي يماما انا نفسي اتجوز واحد كوري اوي هجيب واحد واجي 

سيف - تصدقي انا اللي هغير رأيي قولتلك اخرسي انتي

ليل - حاضر اهووو

سيف - ها يخالتووو بقا

الماما - ياسيف والله انا قلقانه

سيف - متقلقيش مش هيحصل حاجه والله وياستي كل يوم هخليها تكلمك فيديو كول

الماما - أمري لله لو حصل للبت حاجه همسك فيك انت وامك

سيف - مش هيحصل حاجه إن شاء الله 

الماما - ودي امتي بقا

سيف - بعد بكره

الماما - هو ايه عصر السرعه اللي انت عايش فيه ده

ليل - بيزنس مان بقا يماما مش فاضي 

سيف - كلمه كمان وهسافر لوحدي

ليل - لا ع ايه هسكت خالص

*يوم السفر 12 بليل*

سيف - ياليل انجزي هنتأخر بقا 

نور - مـ.ـا.تستنى يعم بنسلم ع البت.   ياليل كتبتلك لسته ع الواتس هاتيهملي من هناك

ليل - حاضر حاضر   باي يخالتو باي يماما هكلمكوا م هناك

سيف -  يلا بقا وايه كل الشنط دييي

ليل - مش هنقعد اسبوع

سيف - اسبوع مش هنعيش هناك 

ليل - يلا بس متنقش

*وصلوا المطار وخلصوا الاجراءات واخيرا ركبوا الطياره*

ليل - الله ياسيف انا اول مره اسافر ف حياتي اجمل حاجه عملتها انك خليت السفر بليل 

سيف - استمتعي بقا 

*ابتدت الطياره رحلتها*

ليل بخوف - سيف 

سيف - ايه

ليل وهي بتمسك ايده - اللحقني 

سيف - ف ايه يبت

ليل - انا بنزل لتحت

*اتفرط سيف من الضحك عليها وهي كانت خايفه*

ليل بتـ.ـو.تر - انت بتضحك ع ايه يخربيتك نزلني

سيف بضحك - بس هتفضحينا خلاص هو بس يحلق والدنيا هتبقا تمام اهدي

*وبعد ساعات نامتهم ليل بعد ماخدت كام فيديو وكام صوره الطياره وصلت ونزلوا منها*

ليل بحماس - وااااو انا مش عايزه اروح بيتنا

سيف - اتبطري كمان ع النعمه احمدي ربنا ان عندك بيت يختي

ليل - يسيدي الحمد لله انت قلبت ب نهى كده ليه ها هنروح فين انا عايزه الفلف شويه 

سيف - والله انا اللي هلفلفك وارجعك بلدك انا تعبان يما لازم انام هنروح الاوتيل ننام الاول ونصحى نعمل كل اللي انتي عيزاه

ليل - طيب يلا يارب تكون حاجز اوتيل نضيف

سيف - انتي طايله يختي وبعدين مش انا اللي حجزت الناس اللي جاي اقابلهم هيستقبلوني

ليل بحماس - يبق اوتيل نضيف شكلها هتولع يشقييق

سيف - اخر مره اخدك معايا ف حته 

*ركبوا العربيه اللي بردو تبع شغل سيف ووصلوا الاوتيل وسط انبهار كبير من ليل ب البلد ومسابتش حته غير وصورتها وبعد ما طلعت الشنط غرفتهم*

ليل - يعني انت عايز تقنعني اننا هننام احنا الاتنين هنا

سيف - بالظبط 

ليل - ده عندها عارف هي مين ولا اعرفك

سيف بغضب - اتلمي ياليل بدل ما اجيبك من شعرك 

ليل -  شوفلي غرفه تانيه مستحيل ابات معاك مأمنش ع نفسي 

سيف - لا روحي باتي مع الغرب

ليل - هو انا لازم ابات مع حد ولا معاك ولا معاهم شوفلي غرفه لوحدي بقولك 

سيف - انتي عبـ.ـيـ.ـطه يبت ماسألت الراجـ.ـل قدامك وقال مفيش غرف متاحه 

ليل - شوفلي اوتيل تاني 

سيف - مش هينفع اشوف عشان الناس هما اللي حاجزنلي والشغل كله هيتم هنا

ليل - يعني اعمل ايه يعني انا دلوقتي 

سيف - انتي عبـ.ـيـ.ـطه خايفه مني انا يهبله

ليل - ومخافش منك ليه

سيف - ع اساس انك متعرفنيش

ليل - ما دي المشكله 

سيف - وحياة امك 

ليل - يعم لخص هنعمل ايه

سيف بنفاذ صبر - هننام هنا ياليل 

ليل - مش هينفع 

سيف بعصبيه - اعملك ايه يعني يا ليل انزل انام ف الريسبشن تحت 

ليل - لا بردو 

سيف بصوت عالي - امال اعمل ايهههه

ليل - وطي صوتك ياسيف 

سيف  - مانا مش فاهم انتي عايزه ايه 

ليل - مش عايزه حاجه خلاص خلصنا  هنام انا ف الحمام

سيف - وانا لما اعوز ادخل الحمام اعملها ع نفسي وايه شغل الافلام ده هو ف حد بينام ف الحمام 

ليل - خلاص هنام ف البلكونه 

سيف - لا ياليل انا اللي هنام ف البلكونه واقفلي عليا من جوه لو عايزه خلاص كده ارتاحتي 

*اخد سيف مخده ولحاف وقفل ستارة البلكونه وطلع وقفل الباب*

*حاولت ليل ترتاح ع السرير اللي كان مريح ف الحقيقه بس اللي مش مريحها تأنيب الضمير لان سيف نايم ف البرد ومحتم هيتعب و مش هيعرف يكمل شغله*

*بعد شويه من التفكير قامت ليل وفتحت باب البلكونه*

ليل - قوم 

سيف - عايزه ايه 

ليل - مانا بقولك قوم

سيف - اقوم ليه

ليل - قوم نام جوه 

سيف - لا شكرا مرتاح كده ادخلي نامي انتي

ليل - مش داخله الا لما تقوم

سيف - وانا مش قايم خليكي واقفه 

ليل - ماشي هفضل واقفه ف البرد وانا عارفه ان قلبك قاسي وهتسيبني عادي 

سيف - وبالنسبه ليكي ايه مانتي سبتيني اناام ف البرد عادي

ليل - مانا جايه اقولك ادخل اهو

سيف - بعد ايه بقا بكلامك السم اللي قولتيه ولا كأني وحش 

ليل - خلاص بقا مـ.ـا.تقوم متعملش نفسك صعب المنال 

سيف - منال دي تبقا خالتك 

ليل - لا اسمها فريده اللي هي امك يعني 

سيف - اتلمي 

ليل - طب قوووم

*قام سيف ودخل نام ع السرير*

ليل - انت بتعمل ايه يجدع انت

سيف - دانتي ليلتك مش فايته بقا وبعدين ف نهارك الابيض ده يبت هقوم اكلك ع عينك

ليل - قوم يالا نام ع الكنبه دي

سيف وهو بيقوم - انا اللي جايبها وهي اللي بتتأمر عليها صبرني يارب بدل ما ابعتها لأمها ف اكياس كده

ليل - متقدرش وبطل برطمه ونام بقا تعبتني

*بعد عدد م الساعات*

سيف - ليل   يا ليل قومي

ليل - اممم

سيف - قومي يلا عشان نفطر طلعولنا الاكل

ليل - سبيني شويه يماما

سيف بإستغراب - ماما قومي يبت مانتي شبه حـ.ـيو.ان الكسلان كده

ليل بنوم - صباح الخفه ع الصبح

سيف - صاحيه تناقري

ليل - ده اللي هو انا 

سيف - قومي يختي اغسلي وشك ويلا عشان نفطر

*وهما بيفطروا*

ليل - الله هذا الجزء الشيق بقا واخيرا هاكل اكل كوري حقيقي 

سيف برخامه - ع فكره بيض وجبنه وحاجات عاديه بس بطرق مختلفه

ليل - ممكن تسكت انت ومتفصلنيش

سيف - طيب عيشي

ليل - هتوديني فين النهارده 

سيف - مش احنا جايين عشان الشغل اه والله 

ليل - بيجاااد

سيف - انا قولت بردو انك نسيتي

ليل - ايوه بردو هتوديني فين

سيف - انتي عبـ.ـيـ.ـطه باين عليكي بقولك شغل عندي مقابلة شغل لو ف وقت هنخرج نستكشف سوا مفيش بقا يبقا بكره 

ليل - انا عارفه انك هتضيع عليا السفريه

سيف - ماهو انا غلطان اني جبتك كليييي

*كلوا وخدوا دش وسيف نزل للمقابله بتاعته وساب ليل ف الغرفه لحد مايخلص عدى نص ساعه ع نزوله وليل زهقت م القاعده فوق وقررت تنزل ف الريسبشن شويه لحد مايخلص لبست اللبس اللي جابته ف الشوبينج واللي اصرت يبقا شبه لبس الكوريين و بالأخص الميني جيبه المشهوره بتاعتهم ونزلت*

سيف وهو بيتكلم شافها واتصـ.ـد.م وقال - ينهار ابوكي ابيض

*استأذن منهم بسرعه وجري عليها*

ليل  - بسم الله خضتني

سيف بعصبيه - اطلعي دلوقتي غيري القرف ده 

ليل - اي ده ليه ايه الوحش فيه 

سيف - دانتي اللي هتطلعي الوحش اللي جوايا انا مبهزرش ياليل انجزي 

ليل - يا سيف حـ.ـر.ام عليك انا جيباه مخصوص

سيف بغضب - متخلنيش ازعق ياليل وافرج علينا الناس لمي دورك واطلعي دلوقتي  ومتنزليش الا لما اطلعللك

ليل بضيق -  اووووف بقا طايب 

سيف - استني 

*قلع سيف جاكيته وربطه عليها ع امل انه يداري اي حاجه*

سيف - اطلعي دانتي ليلتك مش هتعدي معايا النهارده

*خافت ليل من كلامه ونظرة الغضب اللي ف عينه وعصبيته وطلعت بسرعه واستنته خلص سيف شغله بالعافيه واعتذرلهم وطلع*

*دخل ورزع الباب واترعـ.ـبت ليل قعد قدامها وعينه ف عينها وهي بصت ف كل حته الا ف عيونه*

سيف وهو بيحاول يهدي نفسه - ده منظر تنزلي بيه وسط الناس

ليل بصوت وا.طـ.ـي - مفيهوش حاجه يعني كلهم بيلبسوا كده

سيف  - يعني لو روحنا بلد بيمشوا ملط فيها هتعملي زيهم

ليل - اكيد لا

سيف - وبالنسبه للي انتي نزلتي بيه ده مش ملط بالنسبالك ده لو شوية هوا خلص الكلام

*بصتله ليا وسكتت*

سيف - قسماً بالله ياليل إن شوفتك بعد كده بلبس زي ده ولا حتى شبهه شويه صدقيني مش هيحصلك طيب 

ليل بخوف - لا متهزرش واللبس اللي جبته 

سيف - اللبسيه ف البيت بقا عشان كده مرضتيش تاخديني معاكي واناي بتشتريه

ليل - مش بالظبط 

سيف - انتي اخرسي 

ليل - حاضر 

سيف - انتي عارفه انا عايز اقوم دلوقتي ارنك علقه محترمه عشان اعدلك مخك

ليل - ليه يعني انا عملت ايه

سيف بصوت عالي - تااااني هتنرفزيني تاااااني سيبيني ساكتتت

ليل - اني اسف

*قام سيف وبيحاول يتقي شره وخرج للبلكونه ندهتله ليل من جوه*

ليل - سيف

سيف -.... 

ليل - يا سيييف

سيف - عايزه ايه من زفت

ليل - احم مش هتخرجني طيب 

*بصلها سيف بشر*

ليل - خلاص مش عايزه

سيف - قومي غيري القرف ده

ليل بعدم رضا - طييييب 

سيف - اللبسي لبس خروج ولبس عدل اديني قولتتت

*قامت ليل بحماس وكانت عامله حساب اللحظه دي ولبست دريس اسود نص كم صك بس مش ضيق اوي و سنيكرز ابيض عشان هتتحرك كتير وميك اب خفيف وفردت شعرها*

ليل - انا جاهزه واظن ملكش حجه

*لف سيف اللي اعتاد ع الانبهار من جمالها وخصوصاً ف الدريسات والفورمال*

سيف - ماشي حاله

ليل - الله يكون ف عون مراتك ده مفيش كلمه حلوه

سيف - الله يكون ف عونك يختي يلا ننزل 

*مفهمتش ليل جملته وهو كان عارف انها مش هتفهمها*

*نزلوا ولفوا كتير وجربوا اكلات اكتر واخيرا ليل جربت السوشي الصح البلد كانت مبهره ناس منظمه وراقيه عارفين هما بيعملوا ايه ومفيش عشوائيه بعد مـ.ـا.تعبوا من اللف والصور والاكل راحوا الاوتيل*

*ف الغرفه*

ليل  بإنبساط - كان يوم تحفهههه اعطيه 10من10 وبوسه 

سيف - اديهاني انا 

ليل - هي ايه دي

سيف - البوسه 

ليل - اتلم يالا

سيف - الله مش انا اللي خرجتك

ليل - حصل

سيف - وانا اللي جبتك هنا اصلا

ليل - اه

سيف بهزار - الشارع اللي وراه يبقا استحق بوسه ولا لا

ليل - تستحق بس هنكر

سيف وهو بيقوم - وانا بقا مبسيبش حقي 

*صرخت ليل وقامت تجري وهو مسبهاش لحد مادخلت الحمام وقفلت علينا*

سيف - اطلعي يبت بقولك 

ليل - مش طالعه حل عنييي

سيف - طب هقولك حاجه طب 

ليل - قولها هنا 

سيف - لا مينفعش 

ليل - ليه 

سيف - عشان لازم اقولهالك ف بوقك

ليل - انت بقيت قليل الادب ياسيف اتلم عشان لما تتجوز مراتك هتزعل

سيف - لا مش هتزعل هتحب الموضوع.

ليل - ليه بقا ناوي تتجوز واحده من غير أحاسيس 

سيف - لا بالعكس

ليل - طب عايزه اخرج بقاااا

سيف بحنيه  - ليل انا بحبك 

*اتخضت ليل وفتحت الباب بسرعه وبصتله*

ليل - قولت ايه  اظن انها بصوت عالي المرادي ومش بيتهيألي

سيف - ولا كان بيتهيألك قبل كده

ليل  بتـ.ـو.تر -  يعني تقصد ايه

سيف - اقصد اني بحبك وجدا

*حست ليل بدقات قلبها وتـ.ـو.ترها اللي زاد فجأه عشان عمرها مـ.ـا.تخيلت انه يقول حاجه زي دي او انها تحصل اصلا*

ليل - حب ازاي يعني حب اللي هو حب

سيف بهدوء - امممم حب اللي هو حب 

ليل - يعني احنا زي اخوات وطبيعي تحبني 

سيف - لا ياليل بحبك وهتجوزك

ليل بصدمه - انت بتهزر صح

سيف - تؤ مبهزرش

ليل - يعني ايه انت مقتنع

سيف - وايه اللي يخليني مقتنعش

ليل - اننا اخوات

سيف - اثبتيلي اخوات من اي جهه 

ليل - متربيين سوا

سيف - كده بقينا اخوات لا دانا اللي مربيكي كمان يعني كده انا ابوكي

ليل -..... 

سيف - طب انتي حاسه بإيه

ليل - بحاجات كتير اوي

سيف - زي ايه

ليل - انا مخضوضه ومتـ.ـو.تره ومتلغبطه ومش فاهمه ومش مصدقه ومش

سيف - كل ده عشان قولتلك بحبك

ليل - حط نفسك مكاني انا دايما كنت بعتبرك اخويا  مفكرتش فيك قبل كده من الناحيه دي  مش هنكر اني حبيتك زياده الفتره دي واتعلقت بيك اكتر بس ده اكيد حب اخوي مش زي مانت قولت وكمان ممكن انت تكون موهوم وفاكر كده لكنه حب اخوي منك

سيف - لا ملكيش دعوه بيا  عشان انا متأكد اني بحبك بجد وعندي اسباب كتير وتفسير كتير وفكرت كويس لكن لو عليكي ف ليه تقولي انه حب اخوي مش يمكن ده عشان انتي مبصتليش من الناحيه دي زي ماقولتي مش يمكن لو بصتيلي كده تكتشفي انك بتحبيني بجد مش اخوي

*سكتت ليل بمشاعرها المتلغبطه اما سيف ف كان عارف اللي هيحصل ومكنش ناوي يقولها دلوقتي لكن مقدرش يسكت اكتر من كده*

سيف - طيب انا مش طالب منك حاجه ومكنتش ناوي اقولك بس انا مقدرتش مبتحملش قربي من اي بنت غيرك مبحبش اصلا اشوف بنت غيرك بحس نفسي مش عارف اشوفها دايما بسأل نفسي ازاي مفيش حد احلى منك كده  لما بتبقي قريبه مني انا حرفيا بحس قلبي من الفرحه عايز يخرج من مكانه عمري ماسمعت دقات قلبي ولا حسيته جوايا كده الا لما انتي بتكوني قريبه انا بقول لنفسي اني بفسحك وواخدك معايا عشانك لكن لا هو عشاني انا مش هعرف اقعد يوم من غيرك والنهارده انا كان هاين عليا انزل اخرم كل عين حد شافك وانتي نازله ولما بتبقي معايا ببقا عايز اخبيكي من الناس كلها محدش غيري يشوفك وف نفس الوقت ببقا عايزه اقول للدنيا كلها اني بحبك وان انتي سبب كل شئ حلو ف حياتي لما بعدتي اسألي فريده انا كنت عامل ازاي بالمناسبه فريده عرفت لما شافت حالتي ف بعدك وحيرتي وتعبي الدايم مكنتش ببقا مرتاح وحاليا لما رجعتي انا روحي اتردتلي حرفيا انا حسيت بيها بعد شهور وانتي جنبي عايزه تقنعيني بقا ان كل ده واكتر عشان مجرد حب اخوي ف لا ابدا مش هصدق ده عشان ميتصدقش انا بحبك ياليل بحبك بجد وعايزك وبتمنى تبقي صادقه مع نفسك وت عـ.ـر.في مشاعرك رايحه فين بالظبط مش عشان عقلك مصورلك اننا مينفعش نكون غير اخوات تبقا هي دي الحقيقه لا عقلك فاكر كده عشان اتربينا سوا زي ماقولتي وعشان دايما كنت معاكي ف البيت واسباب تانيه كتير عقلك استخدمها عشان يقولك ان احنا اخوات لكن خالص فكري كويس انا مش هعرف اغصبك ع حاجه بس فكري ومش طالب منك إجابه دلوقتي ولا بكره حتى براحتك وقت مـ.ـا.تحسي قوليلي ولو لقيتي نفسك مش قادره بردو تشوفيني غير اخوكي *كمل بضحك* عيدي التفكير م الاول

*ضحكت ليل بكسوف وقام سيف وباس راسها*

سيف - طيب يلا ننام عشان مهدود اوي بصراحه

ليل بكسوف - ماشي

سيف - لا بقولك ايه انا مش متعود عليكي مكسوفه وبعدين انا بحبك وانتي بنتخانقي معايا كده

ليل - تؤ روح نام بقاااا

سيف - مش كده بردو بس ماشي يستي هنام تصبحي ع خير ياليلتي

ليل بضحك - وانت من اهل الخير