رواية غرام السلطان الجزء الثاني هي رواية رومانسية تقع احداثها بين سلطان وجميلة وشهد والرواية من تأليف عادل عبدالله في عالم مليء بالتناقضات والأسرار تتشابك مصائر شخصيات رواية غرام السلطان الجزء الثاني لتجد نفسها في مواجهة قرارات صعبة تُغير مجرى حياتهم إلى الأبد ان رواية غرام السلطان الجزء الثاني هي قصة عن الحب الذي يتحدى الزمن والمصير الذي يفرض نفسه والأرواح التي تسعى خلف الحرية والسعادة بين الأمل واليأس وبين القوة والضعف ينسج رواية غرام السلطان الجزء الثاني تفاصيل حياتهم في معركة غير متكافئة مع القدر لتكشف كل صفحة عن لغز جديد يقود القارئ نحو نهاية غير متوقعة
رواية غرام السلطان الجزء الثاني من الفصل الاول للاخير بقلم عادل عبدالله
في السادسة صباحا
يحتضن باسل عروسته غرام بيده اليسري واصابع يده اليمني تمر بين خصلات شعرها وينظر الي عينيها بابتسامة حانية ....
باسل : انا بحبك قوي يا غرام ، انا مش مصدق ان احنا خلاص اتجوزنا و انك بين ايديا و حلمي اخيرا اتحقق !! انا اسعد انسان في الدنيا .
غرام : بتحبني قوي كده يا باسل ؟؟
باسل : واكتر مما تتخيلي يا روح قلب باسل .
غرام : وانا كمان بحبك قوي .
باسل : انا كنت خلاص بدأت ايأس اننا نتجوز ، لكن الحمد لله اننا رغم كل الحواجز اللي كانت بينا قدرنا نعديها ونتجوز .
غرام : بصراحة يا باسل انا كمان كنت متأكدة ان ماما ومامتك مش هيوافقوا ابدا ، لكن الحمد لله حصلت المعجزة ووافقوا هما الاتنين واتجوزنا .
باسل : ت عـ.ـر.في ان انا نفسي نخلف عشر اولاد و يكونوا كلهم شبهك .
غرام " بدهشة " : عشرة ؟!!! ازاي ؟!!!!
باسل : تعالي وانا اقولك ازاي .
بقلم عادل عبد الله
في شقة جميلة ...
للمرة الاولي منذ ولادتها تفارقها ابنتها غرام !! لم تكن غرام مجرد ابنة لجميلة !! ولكنها رفيقتها في رحلة حياتها !!! الان وقد اصبح البيت فارغا واصبحت جميلة وحيدة !!!
بدلت جميلة ملابسها وارتدت ملابس نومها ودخلت الي فراشها ودمـ.ـو.عها تنساب علي وسادتها !!!
هي ذاتها لا تعرف ان كانت دمـ.ـو.ع الفرح ام دمـ.ـو.ع شعور الوحدة ؟!!!
في فيلا سلطان ...
شهد : الف مبروك يا سلطان ، الفرح كان حلو قوي .
سلطان : الله يبـ.ـارك فيكي يا شهد ، الحمد لله فعلا الفرح كان رائع .
شهد : عقبال فرح نور .
سلطان : يارب ، انا نفسي افرح به ، هو قاعد اهو لو عايز يتجوز يشاور علي اي بنت و في خلال اسبوع اكون جوزتها له .
نور : قريب يا بابا ، قريب قوي .
شهد : قولي يا نور في بنت في دماغك ؟ فرحني يا ولد نفسي افرح بيك .
نور : قريب يا ماما ، قريب قوي ، اتأكد بس من مشاعري الاول وبعدين نتكلم .
شهد : طيب هي مين ؟؟
نور : هقولكم قريب .
صعدت شهد وسلطان الي غرفتهما ...
سلطان : علفكرة اختك شيماء كان واضح عليها قوي انها مش مبسوطة .
شهد : ممكن تكون كانت زعلانة علشان بسام في السجن .
سلطان : لا لا هي كانت غيرانة لما شافت جميلة بقيت سيدة مجتمع و لها اصحاب واصدقاء فنانين وناس مشهورين .
شهد : هتغير من مين !!! اختي شيماء تغير من جميلة ؟!!! مستحيل طبعا .
سلطان : خلاص مش مهم ، المهم ان الفرح خلص علي خير والولاد اتجوزوا .
شهد : علفكرة انا شوفتك كنت بتبص علي جميلة اكتر من مرة !!! ومش رضيت اتكلم علشان الفرح والناس .
سلطان : انا ؟!! لا طبعا .
شهد : يمكن تكون كنت بتفكر ا.....
سلطان : لا يا حبيبتي ، ريحي نفسك انا مبفكرش .
شهد : طيب قولي ايه رأيك بقي ألبسلك ده ولا ده ؟؟؟
سلطان : البسي اي حاجة عليكي بتبقي حلوة .
شهد : لأ ، انت اللي تختار ، انا بصراحة غيرت من الولاد وعايزة اجدد معاك شهر العسل .
سلطان " يضحك " : احنا كبرنا خلاص يا حبيبتي .
شهد : لا يا حبيبي احنا مش كبرنا ، بطل بقي وقولي ألبس ده ولا ده ؟؟
في شقة شيماء
تبدل شيماء ملابسها ولكنها لم تستطيع ان تبدل مشاعر السخط والغضب الشـ.ـديدين التي تشعر بهما !!!
وتفكر هل هذه حقا هي جميلة تلك الفتاة الصغيرة اليتيمة التي كانت تعمل كخادمة منذ زمن ؟!! كيف استطاعت ان تغير حياتها الي هذا الحد ؟!
و ابنتها المغرورة غرام !!! التي تزوجت ابني باسل رغما عني !!!
لابد وان تدفع هي وابنتها ثمن كل ذلك !!!
قريبا سأبدأ معها خطتي لكسر غرور تلك الفتاة المغرورة !!
ولكن الان اصبحت انا وحيدة في ذلك المنزل الكبير !!!
ماذا سأفعل في وحدتي ؟ لقد اخذت ابني مني !! لابد ان استعيده منها مهما كان الثمن !!!
اليوم التالي
تفتح غرام عينيها لتجد باسل ينظر اليها ويبتسم : صباحية مبـ.ـاركة يا قلبي .
غرام : الله يبـ.ـارك فيك يا حبيبي صباح الفل ، انت صحيت امتي ؟
باسل : لسه من شوية .
غرام : وليه مش صحيتني اول ما صحيت ؟
باسل : كنت مبسوط وانا بتفرج عليكي وانتي نايمة زي الملايكة .
غرام " تضحك " : بقي كده !! طيب اناكمان بعد كده هتفرج عليك وانت نايم .
باسل : طيب يلا بسرعة عايزين نلبس وننزل بسرعة .
غرام : ننزل !!! ننزل نروح فين ؟؟
باسل : كنت عاملك مفاجأة وحاجز عشر ايام في الساحل الشمالي يبدأوا النهاردة بالليل ، يلا بسرعة بلاش كسل .
غرام " بتعجب " : انت مستعجل كده ليه ؟!!!
باسل : لو قعدنا شوية كمان ، ماما ومامتك اكيد هييجوا يبـ.ـاركولنا ويعطلونا ، عايزين ننزل قبل ما حد يجيلنا .
غرام : لكن ماما زمانها جاية و هتزعل اووي اننا مشينا ومش قولنالها .
باسل : معلش يا قلبي اتصلي بها وقوليلها اني كنت عاملهالك مفاجأة .
غرام : وصحباتي كانوا هيجوا بكره !!
باسل : ابقي اعتزرللهم يا غرام ، يلا يا قلبي بلاش نضيع الوقت .
بعد انصرافهم تتصل غرام بأمها ...
غرام : ازيك يا ماما حشـ.ـتـ.ـيني و قوي .
جميلة : انتي حشـ.ـتـ.ـيني و اكتر يا قلبي ، عاملة ايه يا غرام ؟؟ مبسوطة يا حبيبتي ؟؟
غرام : الحمد لله مبسوطة قوي يا ماما .
جميلة : انا بغير هدومي اهو علشان اجيلك ابـ.ـاركلك انتي و باسل .
غرام : انا بتصل بيكي علشان اقولك اننا مسافرين الساحل الشمالي دلوقتي نقضي عشر ايام هناك .
جميلة : فجأة كدة ؟!!!
غرام : ايوه يا ماما باسل فاجئني بالسفر لما صحينا .
جميلة : مفاجأة حلوة قوي !!!! طيب يا حبيبتي مادام مبسوطين انا كمان هكون مبسوطة .
غرام : ربنا يخليكي ليا يا ماما يا حبيبتي .
جميلة : ويخليكي يا قلبي ، باسل جنبك ؟
غرام : ايوه .
جميلة : ادهولي ابـ.ـارك له .
باسل : ازيك يا طنط ؟
جميلة : الله يسلمك يا حبيبي ، خلي بالك من غرام يا باسل ، دي بنت عمري ، غرام كل حاجة في حياتي يا باسل .
باسل : في عينيا يا طنط ، متخافيش علي غرام معايا .
جميلة : طيب يا حبيبي ربنا يسعدكم ربنا يسعدكم يارب .
شيماء من امام شقة باسل وغرام ...
تدق جرس الباب كثيرا دون رد ثم تخرج هاتفها وتتصل بباسل !!!
يرد عليها باسل وتسأله شيماء : ايه يا باسل كل ده نايمين ؟!!!
باسل : لا يا ماما ده انا اخدت غرام وسافرنا .
شيماء : سافرتوا !!! سافرتوا فين يا باسل ؟؟
باسل : نقضي عشر ايام عسل في الساحل .
شيماء : بقي كده يا باسل ؟؟ ده انت عمرك ما عملتها معايا !!!
باسل " يضحك " : علشان انتي امي انما هي عروستي .
شيماء : واضح كده ان عروستك هتنسيك امك يا باسل !!
باسل : لا يا ماما ، مستحيل يا حبيبتي .
شيماء : ما انت بدأت اهو من اول يوم اخدتك و سافرتوا من غير ما تقولي .
باسل : بالله عليكي يا ماما مش عايزك تزعلي ومش عايزك تزعليني انا كمان .
شيماء : طيب يا باسل متزعلش ، انا هقفل معاك علشان متزعلش خالص ، ياريت تبقي تتصل بيا وبلاش تنساني يا باسل .
باسل : عمري ما انساكي يا ست الكل ، هتصل بيكي كل يوم .
شيماء : و"المحروسة" قصدي العروسة عاملة معاك ايه يا واد ؟؟
باسل : كويسين يا ماما .
#للكاتب_عادل_عبد_الله
شيماء : يعني مبسوط يا واد ولا لأ ؟
باسل : ايوه يا ماما مبسوطين قوي .
في المساء
في فيلا سلطان
يقف سلطان امام المرآه ويرتدي ملابسه الانيقة ويبتسم " رغم العمر الكبير الا اني مازلت اتمتع بشئ من الوسامة والجاذبية !! " .
ينتهي سلطان من الاعتناء بنفسه ثم ينزل لتشاهده شهد فتسأله : انت خارج رايح فين يا سلطان ؟
سلطان : رايح ابـ.ـارك للولاد .
شهد : باسل و غرام سافروا يقضوا شهر العسل .
سلطان : فجأة كده ؟!!
شهد : ايوه ، دي شيماء راحت تبـ.ـاركلهم و عرفت لما مش لقتهم في البيت و اتصلت بباسل .
سلطان : طيب ربنا يسعدهم .
شهد : تعالي بقي يا حبيبي اقعد معايا .
سلطان : مادام لبست أخرج اشم شوية هواء ومش هتأخر .
شهد : استني ألبس واخرج معاك .
سلطان " يشعر بأنه في مأزق ويضطر للموافقة " : حاضر ، متتأخريش .
تخرج شهد مع سلطان يتجولان بسيارتهم الفارهة حتي يمرا من امام احد الفنادق فتقول له : الفندق ده مش بيفكر بحاجة يا حبيبي ؟؟
سلطان " يضحك " : اكيد بيفكرني ، كنا بنيجي نقعد هنا زمان كتير .
شهد : طيب ما توقف وننزل نشرب حاجة ونستعيد ذكريات زمان .
سلطان " يضحك " : يا قلبي احنا عجزنا خلاص وكبرنا علي كده .
شهد : متقولش كده والله ازعل منك بجد .
سلطان : ليه يا قلبي ؟؟
شهد : كلامك ده بيحبطني .
سلطان " يضحك " : مش دي الحقيقة ؟!
شهد : يا روحي خليك متفائل شوية ، فيه ناس اكبر مننا بعشرين سنة وعايشين كويس جدا .
سلطان " يضحك " : خلاص مش هزعلك ، ننزل نشرب حاجة ، بس لو اتريقوا علينا هتبقي انتي السبب .
شهد : ما عاش اللي يتريق علينا ، انت ناسي احنا مين ولا ايه ؟!!!
سلطان : حاضر يا شهد هانم ، اتفضلي انزلي يا برنسيسة .
في منزل جميلة
تمر عليها الساعات ببطئ وملل !!
كانت في السابق تنتظر وتعد الساعات لعودة ابنتها من عملها ومن قبل من جامعتها او مدرستها ، ولكنها الان لا تنتظرها !! ولا يوجد من تنتظره !!!
الصباح صار كالمساء ما هي الا ساعات تمر وياليتها تمر ، بل تسير في بطئ وملل شـ.ـديدين وكأنها لا تريد ان تتحرك .
#ألف_قصة_و_قصة
حتي عشقها للرسم الان هي لا تشعر بشغف نحوه !!!
لا تنتظر الا اتصال صغير لدقائق معدودة يأتيها من ابنتها كل يوم !!
في فيلا سلطان
يستيقظ نور صباحا ويبتسم قائلا ... وبعدين بقي في البنت دي ، دي مش عايزة تسيبني حتي في الاحلام ، الليلتين اللي فاتوا حلمت بها مرتين !!
ثم ينظر في ساعته ، انا لازم اتصل بها دلوقتي .
يتصل نور مرة ولم يأتيه رد ثم يعاود الاتصال مرة اخري ...
تستيقظ منار علي صوت رنة جرس هاتفها وترد : مين البـ.ـارد االي بيتصل بدري كده ؟؟؟
نور " يضحك بسخرية " : بـ.ـارد !!! متشكر قوي يا دكتورة .
منار : انت مين اصلا ؟؟
نور : انا مريـ.ـض وتعبان .
منار : مـ.ـا.تروح المستشفي !! انت عايز تتعالج في التليفون ؟!!!
نور : حضرتك هتكوني في المستشفي أمتي ؟
منار : روح انت المستشفي و هتلاقي دكاترة كتير هناك .
نور : لكن انا علاجي عندك انتي بس !!
منار : اااه ، ده انت بتستظرف بقي ؟!!
نور : لأ ، ده انا غلبان قوي .
منار " تبتسم بسخرية " : وبتشتكي من ايه يا عم الغلبان ؟؟
نور : قلبي .
منار : ماله قلبك ؟
نور : تعبان قوي .
منار " تضحك " : وجع في قلبك يا بعيد ، انت يا بني معندكش د.م ؟!! بتتصل تعاكس علي الصبح كده ؟!!
نور " يبتسم " : ربنا يسامحك يا دكتورة .
منار : انت مين يا ابني انت يا اللي عامل فيها ظريف ودمك خفيف .
نور : انا نور اخو غرام .
تتعجب منار وتنتبة فجأة وتقول : ازيك يا استاذ نور ، اسفة مش مسجلة رقمك عندي .
نور : اوكي ، بس ت عـ.ـر.في بيبقي دمك خفيف قوي وانتي صاحية من النوم ومتعصبة .
منار " تضحك " : والله انا مش مصدقة !!! اللي يشوفك في الحقيقة مستحيل يصدق ان انت اللي كنت بتهزر في التليفون من شوية !!!
نور : اكيد لما اكون في مكان عام لازم احافظ علي مكانتي الاجتماعية انما مع الناس القريبين مني بتعامل معاهم بطبيعتي .
منار : وانت في طبيعتك بتحب تهزر كده ؟؟
نور : اكيد .
منار : ده مع الناس القريبين منك ، انما معايا بتتعامل كده ليه ؟؟
نور : يعني انتي مش عارفة ؟؟
منار : لأ ، وهعرف ازاي ؟!
نور : طيب ممكن نتقابل كمان ساعة ؟
منار " بتعجب " : ليه ؟!!
نور : علشان اقولك بتعامل معاكي كده ليه .
منار : لكن انا مش بتقابل مع حد غريب .
نور : هستناكي بعد ساعة ، اوعي تتأخري ، باي .
في بيت جميلة
مرت عدة ايام بينما جميلة تكاد لا تأكل الا بعض لقيمـ.ـا.ت قليلة ، لا تفعل شيئا الا جلوسها في الفراش وتشاهد التلفاز !!!
بينما كانت تمر امام المرآه توقفت للحظات ونظرت الي شعرها البني الذي لم يغزوه الشيب الا قليلا !!! نظرت الي وجهها فبشرتها مازالت تحمل بعضا من النضارة فالتجاعيد لم تغزوها بعد !!
اذن لماذا تشعر بسريان العجز والوهن في جسدها وهي مازالت لم يغادرها شبابها بعد ؟!!!
جلست امامها و بدأت تصفف شعرها وتبتسم بينما تلمع عينيها من اثر الدمـ.ـو.ع التي تريد لها السماح بالانسياب حزنا علي عمرها الذي مرت سنواته بين طفولة بائسة وشباب ضائع والان الثلث الاخير منه في وحدة وكآبة !!!
وفجأة يقطع كل تلك الافكار صوت هاتفها المحمول .....
جميلة : الو ، مين معايا ؟
المتصل : مساء الخير يا مدام جميلة ، اسف لو اتصلت بدون استئذان .
جميلة : مساء النور ، مين حضرتك ؟
المتصل : انا فارس المصري .
جميلة : استاذ فارس المصري الفنان المعروف ، اهلا وسهلا بحضرتك .
المتصل :اهلا بيكي ، انا بعتذر اني اكون ازعجتك !!!
جميلة : لا ابدا ، اهلا بحضرتك .
فارس : اولا الف مبروك لبنتك .
جميلة : الله يبـ.ـارك في حضرتك .
فارس : انا كنت عايز اتكلم معاكي ، ممكن ولا اسببلك ازعاج ؟؟
جميلة : لا ابدا ، اتفضل يا استاذ فارس .
فارس : مش هينفع في التليفون ، ياريت لو تسمحيلي اعزمك علي حاجة ونقعد نتكلم ؟؟
↚
فارس : انا كنت عايز اتكلم معاكي ، ممكن ولا اسببلك ازعاج ؟؟
جميلة : لا ابدا ، اتفضل يا استاذ فارس .
فارس : مش هينفع في التليفون ، ياريت لو تسمحيلي اعزمك علي حاجة ونقعد نتكلم ؟؟
جميلة : اسفة جدا يا استاذ فارس مش هقدر .
فارس : ليه يا استاذة جميلة ، احنا هنقعد في مكان عام !!!
" صفحة ألف قصة وقصة صفحة كاتب الرواية "
جميلة : اعذرني انا ست مطلقة وعايشة لوحدي وميصحش اخرج واقعد مع رجل غريب !! انا اسفة جدا .
فارس : صدقيني مفيش فيها اي حاجة !!
للكاتب عادل عبد الله
جميلة : معلش سامحني ، ممكن حضرتك تقولي الموضوع اللي عايز تتكلم فيه دلوقتي في التليفون .
فارس : قولت لحضرتك مش هينفع في التليفون ، علي العموم فكري لحد بكره وصدقيني مفيش فيها اي حاجة ، هتصل بيكي بكرة وانتظر موافقتك .
جميلة : ممكن تقولي الموضوع اللي هنتكلم فيه بخصوص ايه ؟؟
فارس : صدقيني مش هينفع في التليفون ، هكلمك بكره .
جميلة : تمام .
فارس : ياريت تسجلي رقمي عندك .
جميلة : حاضر .
فارس : هتصل بيكي بكره بعد الضهر .
جميلة : تمام .
#للكاتب_عادل_عبد_الله
تنتهي المكالمة وتجلس جميلة تفكر ... لماذا يريد هذا الرجل الالتقاء بها وماهو الموضوع الملح الذي يريد التحدث فيه معها ؟؟! فعلاقتها به مجرد معرفة سطحية جدا !!
ثم تقوم بتسجيل رقمه علي هاتفها وتضعه بجوارها وتعود للتفكير ، وفجأة يرن هاتفها مرة اخري فتجد المتصل غرام ابنتها ...
جميلة : حبيبتي ، حبيبتي عاملة ايه يا غرام .
غرام : الحمد لله يا ماما ، انتي حشـ.ـتـ.ـيني و قوي قوي .
جميلة : وانتي كمان ، متتخيليش يا غرام انتي حشـ.ـتـ.ـيني و ازاي يا روحي .
غرام : انا وباسل راجعين بكره ان شاء الله .
جميلة : ترجعوا بالسلامة يا قلبي ، يعني اشوفك بكره ؟؟
غرام : احنا هنوصل بكره بالليل متأخر ، هجيلك انا وباسل بعد بكره الصبح ونقضي اليوم كله معاكي يا احلي ماما في الدنيا .
جميلة : هستناكي من دلوقتي يا قلب ماما .
في الكافيه
يجلس نور و ينظر في ساعته بين الحين والاخر ثم يتصل بها ...
نور : انتي فين يا دكتورة ؟؟
منار : انا خلاص داخلة علي الكافيه .
نور : اوكي ، انا منتظرك .
بعد دقائق تدخل منار وتجلس في مقابلته ...
نور : اتأخرتي قوي يا دكتورة !!!
منار " تضحك " : تعرف ان دي اول مرة اكشف علي عيان في كافيه !!
نور " يبتسم " : وانا كمان اول مرة اكشف عند دكتورة حلوة قوي كده !!!
منار " تبتسم " : انت جاي تكشف ولا تعاكس بقي ؟؟
نور " يضحك " : الصراحة جاي اعاكس .
تقف منار : يبقي المفروض امشي حالا .
نور : استني رايحة فين ؟!!
منار : علفكرة انا مش بقعد مع حد كده ، انا قبلت اجي دلوقتي علشان عارفاك انك اخو غرام صحبتي .
نور : انتي زعلتي ولا ايه ؟! انا لقيت في كيميا بينا علشان كده بهزر معاكي .
منار : اوكي ، قولي بقي يا استاذ نور كنت عايز تكلمني في ايه ؟؟
نور : الحقيقة اني من اول ما شوفتك وانا معجب بيكي .
منار : واااااو ، معجب مرة واحدة ؟!!
نور : يسسس ، انا فعلا من اول ما شوفتك معجب بيكي مش بهزر .
منار : من اول ما شوفتني في الفرح ولا لما شوفتني زمان في الكافية ؟؟
نور : لما شوفتك زمان كانت البداية انما شعوري اتأكد لما شوفتك في فرح غرام .
منار " تبتسم " : والمطلوب يا عم المعجب ؟؟
نور : اولا عايز اعرف انتي مرتبطة ولا لأ ؟؟
منار : ولو مرتبطة يا ذكي كنت هسمحلك تقولي الكلام ده كله ؟!!!!
نور : عندك حق ، طيب يا دكتورة ايه رأيك فيا ؟؟
منار " تضحك " : انسان .
نور " يضحك " : بجد ؟!! اول مرة اعرف !!!
منار " تبتسم " : عايز ايه من الاخر ؟ انت معجب ولا جاي تكشف ولا حكايتك ايه بالظبط ؟؟!!
نور : حكايتي ابتدت يوم ما شوفتك .
منار " تبتسم " : وااااو ، ده انت بتقول شعر كمان !!!
نور " يبتسم " : لما شوفتك بس .
منار : لاااا ، ده انت واضح عليك انك متمكن من الشعر ومتعود تقوله للبنات .
نور : هتصدقيني لو قولتلك عمري ما قولت الكلام ده لأي بنت ؟؟
منار : اشك !!
نور : لأ انا بقولك الحقيقة ، دي اول مرة اتكلم مع بنت الكلام ده .
منار " تضحك " : طيب قولي يا استاذ نور انت عايز ايه ؟ لخص يا عم ده احنا في عصر السرعة !!!
نور : عايز اتجوزك .
منار " يحمر وجهها خجلا " : تتجوزني مرة واحدة كده ؟!!
نور : نتخطب الاول و بعدها نتجوز .
منار : طيب ممكن تديني فرصة افكر ؟؟
نور : اوكي ، هسيبك عشر دقايق فكري برحتك .
منار " تضحك " : عشر دقايق !!!
نور " يضحك " : مش بتقولي اننا في عصر السرعة ؟ يلا لخصي !!
منار : لأ ، اديني فرصة اسبوع وارد عليك .
نور : كتير !!!
منار : لا مش كتير .
نور " يبتسم " : وعلشان خاطري ؟
منار " تضحك " : يبقي شهر .
نور " يضحك " : لأ خلاص ، اسبوع حلو قووي .
اليوم التالي ...
في منزل جميلة
تستيقظ جميلة من نومها علي صوت جرس هاتفهها ...
جميلة " بصوت ناعس " : الوو ، مين ؟؟
فارس : أسف اني ازعجتك .
جميلة " تنتبه " : لا ابدا يا استاذ فارس .
فارس : تقريبا انتي لسه نايمة ، هقفل واكلمك وقت تاني .
جميلة : لا ابدا ، انا صحيت خلاص .
فارس : انا بكرر اسفي .
جميلة : مفيش داعي للأسف يا استاذ فارس .
فارس : طيب يا تري ممكن نتقابل علي الساعة كام ؟
جميلة : اسفة يا استاذ فارس ، انا بجد مش هقدر ، انا عمري ما قابلت حد بالشكل ده !!
فارس : بردو ؟!!!
جميلة : انا اسفة بجد .
فارس : طيب فيه معرض بعد اربع ايام ، ممكن نتقابل فيه ؟؟
جميلة : تمام ، اذا كان كده مفيش مانع .
فارس : كويس جدا ، بس يا ريت وقتها متتشغليش بحاجة وتديني الفرصة علشان نعرف نتكلم .
جميلة : بأذن الله يا استاذ فارس .
فارس " يضحك " : انا هستني اليوم ده من النهارده .
جميلة : طيب ممكن تقولي الموضوع اللي هنتكلم فيه ؟
فارس : لما نتقابل .
في فيلا سلطان
تذهب شيماء لزيارة اختها شهد ...
شهد : اهلا يا شيمو حشـ.ـتـ.ـيني و قوي .
شيماء : ازيك انتي يا شهد .
شهد : مالك يا مالك يا شيماء ؟ شكلك زعلانة قوي !!
شيماء : الولد عشر ايام مفكرش يكلمني الا مرتين !!!
شهد : ماهو عريس يا شيمو ومشغول بعروسته .
شيماء : يعني ينساني كده ؟!! ينسي امه اللي ولدته وربته وعاش معها تسعة وعشرين سنة علشان عروسته ؟!!
شهد : لا طبعا ، لكن هما اليومين اللي في الاول فرحان بعروسته بعد كده هتبقي بالنسباله حاجة عادية وهتلاقيه كل يوم يكلمك .
شيماء : سلطان جوزك موجود ؟
شهد : لأ نزل الصبح راح الشركة مع نور .
شيماء : كويس انه مش هنا .
شهد : ليه ؟ في ايه ؟
شيماء : بصراحة انا نـ.ـد.مانة اني جوزت باسل للبنت دي .
شهد " بتعجب " : ليه ؟
شيماء : البنت مغرورة وشايفة نفسها ، نسيت نفسها ونسيت امها !!
شهد : لأ انتي ملكيش حق البنت بصراحة طيبة و متواضعة و مش شوفت عليها اي غرور !!!
شيماء : هتفضلي طيبة وعبـ.ـيـ.ـطة طول عمرك .
شهد : انا ؟!! ليه بقي ؟
شيماء : علشان فاكرة الناس كلهم طيبين زيك .
شهد : هي عملت ايه علشان تقولي انها مغرورة ؟؟
شيماء : انا اللي هعمل وهتشوفي .
شهد : هتعملي ايه ؟
شيماء : لازم اعرفها مقامها كويس وتعرف هي متجوزة ابن مين وتعرف حدودها فين .
شهد : شكلك ناوية للبنت علي نية !! لكن خلي بالك سلطان مش هيسمح لحد انه يزعل بنته !!!
شيماء : لما بنته تكون غلطانة مش هيقدر يتكلم .
في اليوم التالي
في منزل جميلة
تستيقظ جميلة علي صوت دقات جرس الباب .
تفتح جميلة الباب فتجد ابنتها غرام وباسل .
جميلة : غرررام ، حشـ.ـتـ.ـيني و قوي .
وضمها اليها بقوة وحنان .
غرام : حشـ.ـتـ.ـيني و قوي قوي يا ماما .
جميلة : ادخلي يا حبيبتي ، تعالي يا باسل اتفضل يا ابني .
يجلسون جميعا ...
باسل : ازيك يا طنط ، وحشتينا قوي ، غرام طول الوقت مش بتجيب الا سيرتك .
جميلة : غرام مش بنتي بس يا باسل ، غرام بنتي واختي وامي وصحبتي .
باسل : ربنا يخليكوا لبعض يا طنط .
غرام : ماما دي يا باسل اعظم ام ممكن تسمع عنها طول حياتك ، انا متأكدة انك لما تعرفها اكتر هتحبها زي ما انا بحبها واكتر .
باسل " يضحك " : انا كده هبدأ اغير من طنط .
جميلة : لا يا حبيبي ، ربنا يسعدكم ، انا اسعد يوم في حياتي لما اشوفكم مبسوطين وسعداء ومرتاحين .
غرام : ايه رأيك يا باسل نيجي نعيش هنا مع ماما ؟
باسل " باحراج " : مش معقول يا غرام نعيش مع طنط ونضايقها !! اكيد طنط تحتاج تاخد راحتها في بيتها .
غرام : بالعكس ماما هتكون مبسوطة قوي لو عيشنا معها .
باسل " مغيرا للموضوع " : انتي اجازتك من الشغل هتخلص امتي يا حبيبتي ؟
غرام : بعد اربع ايام .
باسل : انا كمان اجازتي هتخلص كمان اربع ايام ، ياااه الايام الحلوة بتمشي بسرعة قوي .
جميلة : ربنا يحلي ايامكم كلها يا ابني .
بعد ثلاثة ايام
في المعرض ...
تذهب جميلة الي المعرض ومازالت الحيرة تتملكها حول فارس المصري !!
بمجرد دخول جميلة ينهض فارس من مقعده ويتجه اليها .
فارس : اهلا وسهلا جميلة هانم .
جميلة : اهلا بيك استاذ فارس .
فارس : تعالي اتفضلي ، انا حاجز المكان ده علشان نقعد فيه في هدوء .
تجلس جميلة ويبدو عليها قليلا من التـ.ـو.تر وتسأله : خير يا استاذ فارس ؟
فارس : تشربي ايه الاول ؟
جميلة " تبتسم " : تصدق يا استاذ فارس ان من يوم ما كلمتني وانا بفكر حضرتك عايز تكلمني في ايه !!!
فارس : ويا تري عرفتي ولا لسه ؟
جميلة : الحقيقة لسه !!
فارس : تحبي تشربي لمون علشان يهدي تـ.ـو.ترك ؟؟
جميلة " تبتسم " : واضح عليا للدرجادي اني متـ.ـو.ترة ؟!!
فارس : يعني ، الي حد ما .
جميلة : يبقي اشرب لمون ، يا تري حضرتك عايز تكلمني في ايه ؟؟
فارس : الحقيقة انا عارف انك مت عـ.ـر.فيش عني الا اسمي والاعمال اللي بنفذها مش اكتر .
جميلة : فعلا .
فارس : اسمحيلي اعرفك بنفسي اكتر ، انا عمري دلوقتي اتنين وخمسين سنة وعندي ولدين وبنتين والحمد لله كلهم اتجوزوا واطمنت عليهم .
جميلة : ربنا يبـ.ـارك في عمرك و يديلك الصحة ويخليلك اولادك .
فارس : والدة الاولاد تـ.ـو.فيت من اربع سنين وكان لسه ابني الصغير مش اتجوز ، والحمد لله جوزته من كام شهر واطمنت عليه ، ودلوقتي انا عايش وحيد .
جميلة : دي سنة الحياة واكتر حاجة بتسعدنا لما نطمن علي اولادنا .
فارس : طبعا لكن احساس الوحدة بيكون صعب خصوصا لما الانسان يبتدي يكبر .
جميلة : لكن حضرتك لسه مش كبير للدرجة وممكن تخرج وتنطلق ومع ممارستك للفن اكيد هتلاقي حاجات كتير تشغلك ومش هتحس بالوحدة .
فارس : لكن الانسان بيحتاج لونيس يملا عليه حياته !!
#ألف_قصة_و_قصة
جميلة : ده بيختلف من انسان للتاني .
فارس : لكن انا من يوم ما شوفتك وانا معجب بيكي .
جميلة " يحمر وجهها خجلا " : احم احم ، حضرتك تقصد معجب بلوحاتي .
فارس : لا يا جميلة انا معجب بيكي انتي .
- يا تري فارس بيتسلي بجميلة ولا عايز يتجوزها وهي هتوافق ولا لأ ؟ و ماهو موقف سلطان ؟
- يا تري شيماء مخبية ايه لغرام و باسل هيكون موقفه ايه ؟
- يا تري غرام هتكرر طلبها من باسل انهم يعيشوا مع مامتها ؟
↚
جميلة " يحمر وجهها خجلا " : احم احم ، حضرتك تقصد معجب بلوحاتي .
فارس : لا يا جميلة انا معجب بيكي انتي .
جميلة : تقصد ايه ؟
فارس : اقصد اني اكون سعيد جدا لو قبلتي نتجوز .
جميلة " بدهشة ممزوجة بخجل " : نتجوز !!!
فارس : ايوه ، احنا الاتنين بيجمعنا نفس شعور الوحدة بعد جواز بنتك ، ده غير ان اهتمامتنا فنية زي بعض ، اعتقد اننا ممكن يكون بينا توافق ونعيش حياة هادية وسعيدة .
جميلة : لكن انا مبفكرش في الجواز !!
فارس : ياريت تفكري ، صدقيني انا بقدرك جدا واتمني من كل قلبي انك توافقي وتديني الفرصة اسعدك والاقي سعادتي معاكي .
للكاتب عادل عبد الله
جميلة : انا يا استاذ فارس .....
فارس : ارجوكي يا جميلة فكري قبل ما تردي عليا ، خدي وقتك وفكري برحتك وانا منتظر ردك واكون اسعد انسان في الدنيا لو وافقتي .
في منزل غرام و باسل
يجلس باسل مع زوجته غرام في اجواء رومانسية وسط اضواء الشموع ثم يفاجئ باتصال من والدته ...
شيماء : ازيك يا باسل ؟ كده ياباسل تعدي الايام دي كلها ومسمعش صوتك غير مرتين !!!
باسل : اسف يا حبيبتي حاولت اتصل بيكي كتير لكن الشبكة كانت مش بتجمع .
شيماء: بتضحك عليا يا واد ؟ شبكة ايه اللي مش بتجمع !!
باسل " يضحك " : معلش يا ماما سامحيني ، من هنا وجاي هتزهقي مني اتصالات .
شيماء : رجعتوا من السفر ولا لسه ؟
باسل : ايوه رجعنا يا ماما .
شيماء : انا عازماكم بكره علي الغدا .
باسل : حاضر يا ماما .
يغلق باسل محادثته مع والدته ثم يقول : ماما بتسلم عليكي يا غرام وعزمانا علي الغدا بكره عندها .
غرام " باقتضاب " : لازم نروحلها ؟!
باسل : طبعا يا حبيبتي علشان متزعلش .
غرام : طيب ما تروح انت ؟!!
باسل : مينفعش يا حبيبتي ماما تزعل .
غرام : خلاص روحلها انت .
باسل : واشمعني روحت معاكي عند مامتك ؟؟!!
غرام : خلاص يا باسل هروح معاك وامري لله .
باسل : غرام مش عايزين العلاقات مع اهلنا تكون متـ.ـو.ترة كده من اولها !!
غرام : انت مشوفتش مامتك كانت بتبص عليا وعلي ماما ازاي في الفرح ؟
باسل : ياريت بلاش ناخد كل حاجة بحساسية كده علشان زي ما قولتلك علاقتنا بأهلنا متتـ.ـو.ترش من اولها .
غرام : حاضر يا باسل انا هعمل اللي يرضيك ، اهم حاجة مامتك تتعامل معايا بشكل طبيعي وتنسي خلافاتها القديمة مع ماما .
في منزل جميلة
تعود جميلة من المعرض بعدما استطاعت لباقته وشياكته في الحديث جذبها اليه كثيرا .
بدلت ملابسها وجلست امام المرآه تفكر جديا في الأمر ...
ماذا عن باقي عمرها ؟ احقا تستطيع ان تعيشه وحيدة ؟!! لقد مر اسبوعان شعرت فيهم بالملل والوحشة كثيرا فماذا لو اطال الله عمرها لثلاثين او اربعين عاما ؟!!!
فارس ذلك الفنان الموهوب الذي لم تعرفه من قبل الا عن بعد ، ياله من رجل يتمتع بالكثير من اللباقة والذكاء والشياكة والاحترام !! هل هو فرصة حقيقية لتعيش المتبقي من حياتها بعد سنوات طويلة من الحرمان ؟ ام سيكون سبب لتحول نظر المحيطين بها واولهم ابنتها غرام لها من امرأة عصامية مكافحة وام مثالية قهرت ظروفها واستطاعت تجاوزها الي نظرة اخري كأمرأة سطحية لا يهمها من حياتها سوي الفوز ببعض المتعة والملذات ؟!!!
وماذا عن سلطان ؟؟ لماذا افكر فيه احيانا الي الان ؟! لماذا عاد الان بعد ما وجدته منه من خذلان ؟؟! ولماذا يتمسك الي الان بي ولا يريد ان يكون الطـ.ـلا.ق رسمية ؟؟
وماذا لو علم سلطان بظهور فارس في حياتي ؟؟
في منزل شيماء
تستقبل شيماء ابنها باسل وزوجته غرام ...
شيماء : حبيبي يا باسل اهلا يا حبيبي ، انا زعلانة منك قوي .
باسل : ازيك يا ماما حشـ.ـتـ.ـيني و قوي .
شيماء : لااا كـ.ـد.اب لو كنت وحشتك حقيقي كنت اتصلت بيا وسألت عني !!
باسل : خلاص يا ماما بقي علشان خاطري .
شيماء : حاضر يا باسل هسامحك المرادي ، لكن بعد كده لو حسيت ان عروستك نسيتك امك هزعل منك بجد ، ازيك يا عروسة ؟
غرام : الله يسلمك يا طنط .
شيماء : اوعي يا عروسة تنسي باسل امه اللي ربته و خلته راجـ.ـل ملو هدومه !!
غرام : لا يا طنط متخافيش ، مفيش حد بينسي حد اهله .
شيماء : صح عندك حق ، بمناسبتك اهلك زوتي امك ولا لسه ؟
غرام : ايوه زورناها البـ.ـارح .
شيماء : طبعا لازم تزوري امك الاول ، مش زي البيه ابني اللي راح يزور حمـ.ـا.ته قبل امه !!!
باسل : هنا او هناك الاول مش هتفرق المهم اني اشوفك يا ست الحبايب ، كفاية عتاب بقي علشان جعان ومش عايز الزعل يسد نفسي .
شيماء : هي العروسة مش بتأكلك ولا ايه يا عريس ؟ مش المفروض تهتمي بغذا عريسك يا عروسة ولا عايزة تخلصي عليه ؟!!
غرام تنظر لها ولباسل بسخط وغضب !!!
باسل : لا يا ماما الحقيقة غرام بتعمل اكل حلو قوي .
شيماء : يعني اكلها احلي من الاكل اللي انا بعملهولك ؟!!!
باسل " بأحراج " : لا طبعا انتوا الاتنين اكلكم يجنن !!
شيماء : طيب انا عملتلك الاكل اللي بتحبه يا حبيبي ، قومي يا عروسة حضري السفرة .
غرام : لكن انا معرفش حاجة في مطبخك يا طنط !!
شيماء : تعالي يا حبيبتي وانا اعرفك .
تنتهي زيارة باسل وغرام لوالدته وبمجرد مغادرتهما منزلها يسألها باسل : مالك يا غرام ؟ شكلك متضايقة !!
غرام : شوفت يا باسل مامتك بتكلمني ازاي !!
باسل : معلش يا قلبي ، ماما طبعها حاد شوية لكن طيبة واكيد مع الوقت هتحبيها .
غرام : انت شايف كده ؟!!
باسل : ايوه يا قلبي .
غرام : الحقيقة انا مش شايفة كده خالص .
باسل : قصدك ايه ؟ يعني انا ماما مش طيبة ؟؟
غرام : بص يا باسل احنا اتجوزنا واحنا عارفين من البداية ان فيه مشاكل عائلية بين الاسرتين وخصوصا بين ماما ووالدتك يبقي الافضل بلاش اختلاط احسن علشان علاقتنا تستمر في هدوء .
بعد عدة ايام ...
نور يتصل بمنار .....
نور : صباح الخير علي اجمل دكتورة .
منار : صباح النور .
نور : اجيب بابا واجيلكم امتي ؟
منار : تشرفوا في اي وقت .
نور : بجد ؟ يعني وافقتي ؟
منار : وافقت علي ايه يا بني ؟ انت ما صدقت !!!
نور : مش لسه بتقولي تشرفوا في اي وقت !! معناه ايه ده يا متعلمة يا بتاعت المدارس .
تضحك منار بصوت عالي وتقول : يا عم انا قصدي ان بيتنا بيت كرم مفتوح لأي حد يدخل وياخد واجبه ويمشي .
نور : لأ انا بقي قصدي اننا نيجي نخطبك .
منار " تضحك " : مش لما اقولك اني وافقت الاول !!
نور " يضحك " : انا عارف انك اكيد هتوافقي ، انا عارف نفسي عريس مترفتش .
منار " تضحك " : ايه يا بني الغرور اللي انت فيه ده ؟!!
نور " يبتسم " : دي ثقة في النفس مش غرور .
منار " تضحك " : طيب يا عم الواثق لسه بفكر ، اتصل بيا بعدين .
نور : ليه يا دكتورة ؟؟
منار : اديني وقتي بليز .
نور : طيب يا دكتور انا مريـ.ـض وعيان قوي ، ممكن تكشفي عليا ؟
منار : اتفضل روح المستشفي .
نور " يضحك " : لا بعد اذنك يا دكتورة عايز كشف خصوصي .
منار " تضحك " : بطلنا كشوفات خصوصية يا استاذ ، يحنن .
نور : ولو قولتلك علشان خاطري ؟
منار " تبتسم " : افكر .
نور : هستناكي بعد ساعة في نفس الكافيه .
منار : بعد ساعة ايه !! استني .
نور : هستناكي بعد ساعة ، باي .
في الكافيه ...
تذهب منار ولا تجد نور وتظل تتلفت حولها لدقائق حتي يدخل نور من الباب معتذرا لها : اسف اني اتأخرت .
منار : انا لسه جاية حالا وكنت همشي علطول .
نور : كنت هزعل قوي لو عملتي كده .
منار " تضحك " : قول يا مريـ.ـض تشتكي من ايه علشان مستعجلة .
نور : قلبي .
منار : ماله ؟
نور : تعبان من يوم ما شوفتك .
منار : سلامته .
نور : سلامته كده مش كفاية .
منار : اومال عايز ايه ؟
نور : هاتي ايدك علي قلبي .
منار " بدهشة " : انت اتجننت .
نور : لأ لسه ، بس خلاص قربت اتجنن .
منار : طيب اعقل كده ، بدل ما اسيبك وامشي .
نور : هتمشي قبل ما تكشفي عليا وتعالجيني ؟
منار : انت بتتدلع يا مريـ.ـض .
نور : لا انا فعلا قلبي واجعني وعلاجه عندك .
منار : علاجه عندي انا ؟!!
نور : ايوه .
منار : انا معرفش علاجه !! لو قولتلي علاجه ايه ممكن اساعدك .
نور : علاجه انك توافقي نتجوز .
منار : هو ده علاجه ؟
نور : ايوه .
منار : طيب يا عم موافقة وامري لله .
نور : بتتكلمي بجد ؟
منار : ايوه .
قام نور واقترب منها وكاد ان يحت.ضنها !!!
منار " بدهشة " : انت اتجننت !! ابعد .
نور : اسف ، انا وبابا هنروح لباباكي النهاردة .
منار : بعيد الشر عنك وعن باباك ، بابا متـ.ـو.في .
نور : اسف سامحيني .
منار : اوكي ، علفكرة بابا متـ.ـو.في من زمان .
نور : الله يرحمه ، طيب انا وبابا هنقابل مين ؟؟
منار : تقابلوا عمي ، لكن لازم اقوله واعرفه الاول .
#ألف_قصة_و_قصة #للكاتب_عادل_عبد_الله
نور : تمام ، حددي ميعاد مع عمك وانا هكلم بابا وماما النهاردة .
↚
في فيلا سلطان
يعود نور في المساء بينما تبدو عليه علامـ.ـا.ت السعادة واضحة .
شهد : حمدلله ع السلامة يا حبيبي ، يارب دايما اشوفك فرحان كده .
نور : عرفتي ازاي اني فرحان ؟ انا فعلا فرحان قوي قوي يا ست الكل .
شهد : فرحني معاك يا حبيبي .
نور : انا عايز اتجوز يا ماما .
شهد : يا حبيبي يا نور عيني ، ده اجمل خبر سمعته في حياتي ، ومين العروسة ؟
نور : منار صاحبة غرام .
شهد : انت تعرفها منين ؟
للكاتب عادل عبد الله
نور : شوفتها في فرح غرام .
شهد : ولحقت تقرر تتجوزها بمجرد انك شوفتها في الفرح ؟!!
نور : فاكرة لما قولتلك انتي وبابا استنوا لما اتأكد من مشاعري كنت اقصد البنت دي ، وكلمتها وعرضت عليها الجواز ووافقت .
شهد : تعرف هي مين واهلها مين ؟
نور : بنت ناس كويسين قوي يا ماما .
شهد : خلاص يا حبيبي ربنا يسعدك ، انا هطلع اقول لباباك دلوقتي ونحدد ميعاد مع اهلها وربنا يتمم بخير .
بعد ايام ...
يتصل سلطان بابنته غرام ويعاتبها ...
سلطان : عاملة ايه يا غرام وجوزك عامل ايه معاكي ؟
غرام : الحمد لله يا بابا كويسين .
سلطان : كده يا غرام مفيش ولا اتصال واحد منك !!!
غرام : حقك عليا يا بابا انا فعلا قصرت في الاتصال بحضرتك .
سلطان : انتي كنتي مهتمية بيا بس في المستشفي انما بعد خروجي من المستشفي مش بشوفك الا في المناسبات زي الاغراب !!!
غرام : ابدا يا بابا ، حضرتك عارف اني محتاجة احساس الابوة ده من زمان وما صدقت اتقابلنا !!
سلطان : طيب هاتي باسل جوزك وتعالوا بكره نتغدا هنا في الفيلا مع بعض .
غرام : سامحني يا بابا خليها وقت تاني ، انا مش عايزة اسبب لطنط شهد ازعاج .
سلطان : مفيش اي ازعاج ، تحبي اخليها هي اللي تكلمك وتعزمك ؟؟
غرام : لا يا بابا من فضلك حضرتك عارف ان الموقف حساس بيني انا وماما من ناحية وطنط شهد و طنط شيماء من ناحية تانية .
سلطان : عايزين ننسي الكلام ده ، المفروض جوازك انتي وباسل يقرب المسافات ويلغي اي اثر للخلافات القديمة .
غرام : معلش يا بابا ، سيبني علي راحتي ، يا ريت حضرتك تيجي تتغدا معايا انا وباسل .
سلطان : موافق بس بشرط تعزمي مامتك كمان .
غرام : ماما !!! ليه ؟
سلطان : علشان تحسي بالجو الاسري اللي اتحرمتي منه من زمان .
غرام : لأ الحقيقة معرفش ظروف ماما هتكون ايه بكره ، تعالي حضرتك بكره وهشوف انا ظروف ماما ايه .
تتصل غرام بجميلة ...
غرام : صباح الخير يا احلي ماما في الدنيا .
جميلة : صباح النور يا حبيبتي ، عاملة ايه يا حبيبتي واخبـ.ـارك ايه ؟
غرام : الحمد لله بخير يا ماما ، حشـ.ـتـ.ـيني و قوي .
جميلة : انتي اكتر يا قلب ماما .
غرام : ايه رأيك تيجي تتغدي عندنا النهاردة ؟
جميلة : مش عارفة يا غرام هعرف ولا لأ .
غرام : انتي وراكي حاجة النهاردة ؟
جميلة : انا مش هخرج ، ورايا بس لوحة لسه مش كملتها .
غرام : يبقي هستناكي النهاردة علي الغدا .
جميلة : طيب هشوف وارد عليكي كمان ساعة .
غرام : علفكرة بابا هيكون موجود .
جميلة : سلطان !!! مش هاجي طبعا .
غرام : ليه يا ماما ؟
جميلة : من غير ليه ، انتي عارفة .
غرام : ده هو اللي طلب مني اعزمك لما عزمته عندي .
جميلة : غرام يا حبيبتي ، انتي عارفة رأيي كويس من قبل ما تقوليلي واكيد كنتي عارفة اني هرفض .
غرام : خلاص يا ماما اللي تشوفيه .
جميلة : يا ريت وهو عندك تفكريه يطـ.ـلقني رسمي .
غرام : حاضر يا ماما .
في اليوم التالي
يذهب سلطان الي شقة غرام وباسل فلا يجد جميلة !!!!!
سلطان : اخبـ.ـاركم ايه يا عرسان ؟ يارب تكونوا مبسوطين .
غرام : الحمد لله يا بابا مبسوطين قوي ودلوقتي فرحانين اكتر بوجودك وسطنا .
سلطان : مامتك هتيجي ولا لأ ؟؟
غرام : الحقيقة انا قولتلها لكنها اعتذرت .
سلطان " بسخط " : اعتذرت !! ليه ؟؟
غرام : وراها شغل النهاردة .
سلطان : شغل !! انتي قولتلها اني هكون موجود ؟
غرام : هي اعتذرت قبل ما اقولها ولما قولتلها اعتذرت بردو .
سلطان : طيب حصل خير ، المهم اخبـ.ـاركم ايه يا ولاد ؟ هتفرحونا قريب ولا ايه ؟؟ انا نفسي اشوف حد يقولي يا جدو قبل ما امو.ت .
غرام : بعيد الشر عنك يا بابا ، لسه شوية ، طيب يلا جوز نور علشان تفرح باولاده كمان ، منار صاحبتي كلمتني ان نور عايز يتجوزها .
سلطان : ايوه فعلا وكنا لسه عند مامتها وعمها البـ.ـارح واخوكي لبسها الشبكة والفرح بعد شهرين في نفس الفندق اللي عملنا فيه فرحك انتي وباسل .
باسل : ألف مبروك يا اونكل ربنا يتمم بخير .
سلطان : الله يبـ.ـارك فيك يا باسل ، ربنا وحده اللي يعلم اني بحبك زي اولادي نور وغرام بالظبط .
باسل : وانا كمان يا اونكل بحب حضرتك زي بابا بالظبط .
غرام : بابا ، حضرتك لغاية دلوقتي لسه مش طلقت ماما رسمي ؟؟
سلطان : ايوه فعلا .
غرام : بعد اذنك يا بابا ياريت حضرتك تطلقها رسمي .
سلطان : وهي محتاجة ورقة الطـ.ـلا.ق في ايه ؟
غرام : معرفش ، لكن ده حقها .
سلطان : انا كنت بفكر اننا نلم الشمل ، وبدل ما هي عايشة وحيدة نرجع لبعض .
غرام : حضرتك يا بابا طلبت منها قبل كده وهي قالتلك رأيها .
سلطان : بيتهيألي لو انتي قولتلها ممكن يكون ليكي تأثير عليها وتوافق .
غرام " باحراج " : حاضر يا بابا ، احاول .
بعد انصراف سلطان
تتصل غرام بجميلة...
غرام : ماما ، انا كلمت بابا وقولتله انك عايزة ورقة الطـ.ـلا.ق الرسمية ، قالي انه عايز يرجعلك .
جميلة : وانتي قولتيله ايه ؟
غرام : قولتله انك سبق ورفضتي لكنه طلب مني اقولك تاني !!
جميلة : وانا مش هرجعله تاني يا غرام .
غرام : ليه يا ماما ؟! معلش اسمحيلي اقولك رأيي وانتي صاحبة القرار .
جميلة : ارجعله ازاي يا غرام بعد كل اللي انتي ت عـ.ـر.فيه ؟!!!
غرام : لكن انتي يا ماما بتحبيه !! انا متأكدة يا ماما من ساعت لما شوفتك خايفة وقلقانة علي بابا في المستشفي !!
جميلة : انا كنت قلقانة بحكم انه باباكي يا غرام ، وبحكم ان فيه عشرة بينا ولو لفترة بسيطة ، انما مستحيل ارجعله يا غرام ، ويا ريت تقوليله يطـ.ـلق رسمي في اقرب وقت .
بعد عشرة ايام ...
تفاجئ جمبلة باتصال من فارس !!!
فارس : ازيك يا استاذة جميلة ، اسف لو اتصلت في وقت مش مناسب .
جميلة : لا ابدا انا كنت قاعدة برسم .
فارس " يضحك " : ممكن اعرف اخر ابداعات فنانتنا العظيمة ؟ ولا ده سر ؟
جميلة " تضحك " : لا ابدا مش سر ولا حاجة ، انا برسم لوحة و سميتها الشمس .
فارس : حلو الاسم لكن اسم شائع ، و يا تري رسمتي فيها ايه لوحة الشمس ؟ وليه سمتيها الشمس تحديدا ؟
جميلة : اللوحة عبـ.ـارة عن بنت جميلة لكنها حزينة ووحيدة وضعيفة وبتبص من الشباك علي الشمس وقت الشروق ، سميتها الشمس لأن الشمس بالنسبة للبنت دي هي مصدر القوة والامل والتفاؤل ودي كل الحاجات اللي محتاجاها البنت دي .
فارس : جميلة جدا ، ت عـ.ـر.في اني تخيلت الصورة قدامي كأني شايفها .
جميلة : لما اخلصها ممكن اصورها وابعتهالك .
فارس : ياريت .
جميلة : حاضر يا استاذ فارس تحت امرك .
فارس : يا تري عملتي ايه في الكلام اللي اتكلمنا فيه ؟ وصلتي لقرار ولا لسه ؟
جميلة : الحقيقة انا فكرت كتير يا استاذ فارس ، لكن معلش انا فعلا مش رافضة شخص حضرتك ، حضرتك انسان محترم ومهذب و راقي واي ست لو بتفكر تتجوز هتكون انت انسب حد تربط حياتها به ، لكن انا رافضة الفكرة نفسها مش رافضة حضرتك .
فارس : يعني مفيش امل تعيدي التفكير ؟؟
جميلة : اسفة يا استاذ فارس .
فارس : طيب ممكن نكون اصدقاء ؟
جميلة : اصدقاء !! الحقيقة انا مش بعترف بصداقة بين رجل وست !!!
فارس : ليه ؟ مادام فيه احترام متبادل ليه لأ ؟!!
جميلة : احنا في مجتمع بيرفض صداقة الرجل والست ودايما بيفسرها بمعني واحد ، وانا مقدرش اكون محل شك او اتهام زي ده من اي حد .
فارس : ولو قولتلك اني محتاج صداقتك ليا ؟؟
جميلة : انا ااا..
فارس : انتي مش وافقتي علي اي طلب طلبته منك با مدام جميلة ، ارجوكي نفسي اطلب منك طلب وتوافقي عليه ، ممكن نكون اصدقاء ؟
جميلة : وحضرتك تقبل ان حد يتكلم عني كلام مش كويس ؟؟
فارس : بالتأكيد لأ ، لكن حتي لو علي الاقل نكون اصدقاء ولو بأتصال ولو بسؤال !! ارجوكي بلاش ترفضي طلبي ده .
جميلة تصمت طويلاااااا .
ثم يكمل فارس : استاذة جميلة ، قولتي ايه ؟ هتكسفيني تاني ؟!!!
جميلة " تبتسم " : للأسف مش هقدر .
فارس : وانا اوعدك انك مش هييجي يوم وتنـ.ـد.مي انك وافقتي علي صداقتك ليا .
جميلة " تبتسم " : وانا متأكدة من كده .
#ألف_قصة_و_قصة #للكاتب_عادل_عبد_الله
يوم فرح نور ومنار ...
في ذات قاعة فرح غرام وباسل يجتمع الاهل والاصدقاء لتهنئة العروسين .
الموسيقي الصاخبة والشباب والفتيات يرقصون ويتمايلن ويغنون الاغاني الشبابية بينما يقف باسل و غرام في المنتصف بين العريس اخيها نور والعروس صديقتها منار ، ثم تضحك غرام : اظن انا صاحبة الفضل عليكم انتوا الاتنين اليلة دي .
نور " يضحك " : ليه ان شاء الله ؟
غرام " تضحك " : علشان انا السبب انكم عرفتوا بعض .
يضحك باسل ويقول : لأ يا غرام ، الحقيقة ان السبب انهم يعرفوا بعض اخويا بسام !!!!!
يصمتوا جميعا في آن واحد من هول صد.متهم اثر كلمته !!!!!
اصدقائي المتابعين
مين عايز جميلة ترجع لسلطان ؟
مين عايز جميلة تتجوز فارس ؟
مين من رأيه ان جواز نور ومنار ممكن يسبب مشاكل فيما بعد ؟
↚
غرام " تضحك " : علشان انا السبب انكم عرفتوا بعض .
يضحك باسل ويقول : لأ يا غرام ، الحقيقة ان السبب انهم يعرفوا بعض اخويا بسام !!!!!
يصمتوا جميعا في آن واحد من هول صد.متهم اثر كلمته !!!!!
غرام " تحاول تغيير الموضوع " : ايه يا جماعة عايزين ناخد صور للذكري ، انا اول واحدة هتتصور مع العرسان .
ثم يلتقط المصور عدة صور لغرام وباسل وباقي الاسرتين مع العروسين .
ينتهي الحفل ويستقل نور سيارته ومعه عروسه الي الفيلا .
باسل وغرام اثناء عودتهم الي منزلهم ...
غرام : ايه اللي انت قولته ده يا باسل ؟!!
باسل : انا مقصدش حاجة !! وبعدين انا مش كدبت !! اللي حصل فعلا ان لولا معاكسة بسام لمنار يوم الكافيه كانوا عمرهم ما هيعرفوا بعض ، ولا حتي انا وانتي كنا هنعرف بعض !!!
غرام : ايوه دي الحقيقة ، لكن انت كده فكرت نور ان بسام اخوك كانت عينه من منار من البداية ، وده ممكن يكون سبب ان نور يغير من بسام !!!!!
باسل " يضحك " : لااا ، انتي مت عـ.ـر.فيش العلاقة بين نور وبسام ، ده اللي يعرفهم يفكر ان نور اخو بسام مش انا !!!
غرام : وليكن يا سيدي ، لكن بردو كلمتك كانت مش لطيفة ابدا في الموقف ده ، قولي صحيح بسام اخوك مسافر فين وهيرجع امتي ؟
باسل : الصراحة يا غرام بسام مش مسافر .
بقلم عادل عبد الله
غرام : مش مسافر !!! اومال هو فين ؟؟ انا مش شوفته في ولا مناسبة !!!
باسل : بسام في السجن .
غرام : سجن !!! ليه ؟
باسل : بسام دخل السجن بسبب مشكلة بينه وبين جوز ماما ومسكوا في بعض وبسام قت.له .
غرام : اييييه !!! معقول !!!
باسل : ايوه ، انا اتحرجت اني اقولك انه في السجن ، هو مكنش يقصد يعمل كده لكن لحظة شيط.ان .
غرام : وهيتسجن كام سنة ؟؟
باسل : المفروض ان الحكم عليه سبع سنين ، لكن احنا عملنا نقض علشان يخفف الحكم عليه ، ده حتي اخوكي نور بنفسه هو اللي دفع اتعاب المحاميين علشان النقض .
غرام : انت مش شايف انك المفروض كنت صارحتني بحاجة زي كده بدل ما تكدب عليا ؟!! ويا تري كدبت عليا يا باسل في ايه تاني ؟؟
باسل : لا يا حبيبتي ، انا مكنتش اقصد اكدب عليكي لكن موضوع السجن ده شئ مش مشرف علشان اقوله .
غرام : ماشي يا باسل ، يا ريت بعد كده مش نخبي حاجة علي بعض .
في فيلا سلطان
يدخل نور من باب الفيلا و في يده عروسته وخلفهم سلطان وشهد .
يحمل نور عروسته ثم يبتسم لوالداه ويقول : تصبحوا علي خير ، مش عايز حد يصحيني لحد بكره المغرب !!!
يحمر وجه منار خجلا علي ذراعيه بينما تبتسم شهد : ربنا يسعدكم يا حبيبي .
يضحك سلطان : اجمد كده يا عريس ، هطلعلك بكره المغرب الاقي معاك ولي العهد .
يضحك نور : وعلي ايه يا بابا تستني لبكره المغرب !! انا كمان نص ساعة ابعتهولك علي الواتساب .
يضحك الجميع ثم يقول سلطان : اطلعوا يا حبايبي ربنا يسعدكم .
يجري نور حاملا عروسه حتي يصعد الي جناحه الخاص في الفيلا الذي اعده للزواج .
يدخل نور غرفته ضاحكا ثم يقول لعروسته : انتي سمعتي اهو بنفسك ، بابا عايز ولد بكره المغرب .
منار " تضحك " : طيب ساعدني في فك الطرحة علشان مش هعرف افكها لوحدي .
نور " يضحك " : حاضر يا قلبي واسمحيلي بقي انتي صحيح دكتورة لكن انا اللي هكشف عليكي الليلادي .
بعد الفرح بيومين .....
نور يأخذ عروسته في رحلة اوروبية لقضاء شهر العسل .
بينما يذهب سلطان الي الشركة لمتابعة اعمالها .
يجد سلطان ان كل مقاليد اتخاذ القرار في الشركة اصبحت في يد ابنه نور .
يحاول سلطان ممارسة دوره كصاحب للشركة فلا يستطيع !!!!!
يطلب سلطان الاستاذ شريف المدير المالي للشركة في مكتبه .
يفاجئ سلطان بدخول أمرأة اربعينية تخبره بأنها المدير المالي الجديد للشركة بدلا عن الاستاذ شريف !!!!!!
يطلب منها سلطان التقارير المالية الخاصة بالشركة ولكنها لا تتجاوب مع طلبه بحجة عدم وجود الاستاذ نور !!!
يشعر سلطان انه قد اصبح غريبا في شركته التي بناها طوال حياته !!!
استشاط سلطان غضبا وصاح في وجهها بالانصراف واتصل علي الفور بابنه نور الذي كان مشغولا مع عروسه في شهر العسل !!!
يرسل له سلطان رسالة عبر الواتساب يطلب منه الاتصال به فورا بمجرد رؤية الرسالة ، ثم يقوم بطلب المستشار القانوني ومحامي الشركة ، والذي يفاجئ ايضا بأنه قد قام نور بتغييره !!!
يتصل سلطان بشهد ويطلب منها الحضور فورا في الشركة .
وبمجرد وصولها يصيح في وجهها ...
سلطان : شوفتي يا ست هانم اللي ابنك عمله ؟؟
شهد : اهدا يا سلطان فيه ايه ؟ ايه اللي حصل لكل ده ؟!!
سلطان : ابنك غير المدير المالي للشركة والمستشار القانوني كمان !!! وبطلب من المديرة المالي الجديدة التقارير المالية للشركة رفضت !!! بقيت غريب في شركتي يا هانم !!!!
شهد : طيب اهدا بس علشان الغضب ده غلط عليك علشان قلبك .
سلطان : ابنك في اقل من سنة استغل مرضي والاوراق اللي انتي كتبتيها له و سلب مني كل صلاحياتي في شركتي !!! دلوقتي هو في شهر العسل وانا قاعد زي الكرسي اللي انا قاعد عليه !!!
سلطان : متقولش كده يا سلطان انت الكل في الكل .
ثم تطلب شهد المديرة المالية الجديدة للشركة والتي تأتي ولا تعرف ما يحدث !!!
شهد : انتي المدير المالي الجديد للشركة ؟؟
: ايوه يا فنـ.ـد.م ، مين حضرتك ؟
شهد : انا شهد هانم ام الاستاذ نور وده سلطان بيه صاحب الشركة ، انتي ازاي سلطان بيه يطلب منك شغل وترفضي ؟!!!
: انا اسفة يا هانم ، لكن استاذ نور قالي ان ممنوع اي حد يطلع علي شغل الشركة غيره .
شهد : اللي سلطان بيه يؤمر به تنفذيه فورا بدون تفكير وبدون رجوع لأي حد والا هيكون اخر يوم ليكي في الشركة .
: اسفة يا هانم ، اوامر سعادتك سلطان بيه ؟
سلطان : كل التقارير المالية عن اعمال الشركة وميزانية الشركة تكون قدامي بعد دقايق .
: حالا يا سلطان بيه .
بعد حوالي ساعة
يتصل به ابنه نور ...
نور : خير يا بابا ، انا لسه شايف الرسالة حالا ، فيه ايه ؟؟
سلطان : انت ازاي تغير المدير المالي وكمان المستشار القانوني للشركة ؟!! انت خلاص لغيت وجودي نهائي ؟؟!
نور : لا طبعا يا بابا حضرتك مكانتك محفوظة .
سلطان : مكانة صورية بس ، انا دلوقتي قاعد في الشركة مش فاهم حاجة !! المدير المالي الجديد طلبت منها التقارير المالية رفضت تطلعني عليها !!!
نور : ازاي تعمل كده !!! هي اتجننت !!
سلطان : ولما اتصلت بيك يا نور بيه ومش رديت عليا اتصلت بشهد و لما جات عرفت الهانم الجديدة انا مين ، لولا كده كنت فضلت قاعد زي الكرسي اللي انا قاعد عليه بالظبط !!
نور : العفو يا بابا ، انا اسف انا هخصم اسبوع كامل منها ولو عايزني افصلها نهائي من الشركة هعمل كده ، المهم عندي متزعلش نفسك .
سلطان : اسمع يا نور ، السنة المالية خلصت ، اول لما ترجع هنرجع كل حاجة زي ما كانت باسمي ، ولما امو.ت اعملوا اللي انتوا عايزينه .
نور : اهدا بس يا بابا علشان صحتك ، اول لما ارجع هعمل كل اللي انت عايزه .
بعد اسبوعين
يعود نور من شهر العسل ويجد والده مازال غاضبا !!!
نور : فيه ايه بس يا بابا ، معقول لسه زعلان ؟!!
سلطان : طبعا لازم ازعل ، لما اكون في شركتي زي الغريب لازم ازعل .
نور : خلاص يا بابا ، حقك عليا .
سلطان : المهم دلوقتي عايزك ترجع كل حاجة باسمي تاني علشان اعرف الشغل ماشي ازاي .
نور : اسمحلي بس نأجل الموضوع ده شهرين تلاتة علي ما اخلص الكام مشروع اللي الشركة داخلاهم وبعدها اعمل كل اللي حضرتك عايزه .
سلطان : يا ابني انت فاكر انك بتكلم حد مش فاهم في التجارة ؟!!! ايه اللي دخل مشاريع الشركة في تغيير الملكية ؟!! ابوك تاجر طول عمره .
نور : يا بابا لأن في علاقات شخصية بيني وبين العملاء اللي شغالين معاهم وشوية مسائل معقدة شوية ، الموضوع كله مش هياخد اكتر من شهرين وبعدها اكون تحت امرك واعملك كل اللي تؤمر به .
سلطان : وافضل قاعد في الشركة مليش لزمة كده ؟!
نور : لأ طبعا العفو يا سيد الكل ، انا هعمل لحضرتك تفويض علشان تتصرف زي ما تحب سواء انا موجود او مش موجود ، انا مبهمنيش غير راحتك يا بابا يا حبيبي .
سلطان : ماشي يا نور ، المهم طمني العروسة عاملة معاك ايه ؟
نور : زي الفل يا بابا الحمد لله .
سلطان : طيب اتجدعن بقي عايز اشوف خلفتك يا نور .
نور : ان شاء الله يا بابا ، المهم ترضي عني .
بعد ثلاثة شهور من زواج نور
في منزل غرام وباسل
غرام : عندي مفاجأة ليك يا باسل هتطير من الفرح لما تعرفها .
باسل : خير يا حبيبتي ، انا سعيد طول ما انتي معايا .
غرام " تضحك " : مش انا بس اللي هكون معاك ، ابننا كمان هيكون معانا .
باسل : انتي ...
غرام : انا حامل يا حبيبي .
باسل : الف مليون مبروك يا حبيبتي ، ده احلي خبر سمعته في حياتي ، انا مش مصدق نفسي !! هبقي اب !!
غرام : هتبقي احلي واحن اب في الدنيا .
باسل : وانتي هتكوني اجمل أم في الدنيا ، قوليلي فيه حد عرف ولا لسه ؟
غرام : انا لسه مش قولت غير لماما بس .
باسل : لازم كلهم يعرفوا ، انا هتصل بماما واتصلي انتي بباباكي علشان كلهم يفرحوا معانا .
في فيلا سلطان
ينزل نور ومنار لتناول العشاء مع سلطان وشهد .
وبمجرد نزولهما يبتسم سلطان ويقول : عندي خبر هيفرحك قوي يا نور .
نور " يبتسم " : خير يا بابا ؟
سلطان : اختك غرام حامل .
تتغير ملامح نور فجأة و يحاول اخفائها ويبتسم : الف مبروك يا بابا ، انا هتصل بغرام وباسل بعد العشا ابـ.ـاركلهم .
منار : الف مبروك يا عمي ، يتربي في عزك ، الف مبروك يا طنط .
شهد : الله يبـ.ـارك فيكي يا حبيبتي ، عقبالك لما نفرح بيكي انتي كمان .
نور : قوليلها يا ماما ، انا كمان نفسي يبقي عندي ابن .
منار : وانا في ايدي ايه اعمله ومش عملته يا نور ؟!!
شهد : نور ميقصدش يا حبيبتي ، ان شاء الله ربنا يرزقكم قريب .
نور : اعملي حسابك يا منار نروح بكره نعمل تحليلات علشان نطمن .
شهد : لسه بدري يا نور علي الكلام ده !!
نور : بدري من عمرك يا ماما ، احنا عايزين نطمن بس مش اكتر .
منار : ماشي يا نور زي ما تحب ، نروح نعمل تحليلات .
بعد ايام
في معمل التحاليل
نور ومنار ينتظران نتيجة التحليلات ...
يخرج الطبيب فيسأله نور : خير يا دكتور ، طمنا اخبـ.ـار التحليلات ايه ؟
الطبيب : مدام منار تحليلاتها ممتازة لكن المشكلة ....
نور : ايه المشكلة يا دكتور ؟؟؟
الطبيب : المشكلة بالنسبالك انت يا نور بيه ، مش هخبي عليك فرصة الانجاب عندك ضعيفة للغاية !!!!!
نور : أناااااا .
↚
يخرج نور ومنار من عيادة الطبيب يملأ الحزن وجهه !!!
يركبا سيارتهما فتقول له منار : انت زعلان ليه بالشكل ده ؟!! ده كل شيئ بأمر الله يا حبيبي ، والدكتور قالك ان فيه أمل .
يظل نور صامتا شارد الذهن وهو يقود سيارته !!!
منار : انا عن نفسي مش مستعجلة علي الخلفة دلوقتي ، وحتي لو مخلفناش خالص مش مهم ، مش كل حاجة في الحياة الاولاد .
للكاتب عادل عبد الله
نور : انتي بتضحكي علي نفسك ولا بتضحكي عليا ؟ مفيش واحدة مش نفسها تكون ام !!
منار : لأ مش بضحك عليا ولا علي نفسي ، وفعلا كل واحدة نفسها تكون أم لكن افرض ربنا مش اراد هنعمل ايه ؟ لازم نرضي ونصبر .
نور : خلاص يا منار اقفلي علي الموضوع ده .
منار : مش هسكت الا لما احس انك متقبل الوضع بشكل عادي .
نور : انا هعمل اي حاجة علشان اخلف ، ولو حتي اسافر بره .
منار : متكبرش المواضيع كده يا نور ، احنا نمشي علي العلاج الاول وبعدين نشوف النتيجة ايه .
في فيلا سلطان
بمجرد دخول نور ومنار تلاحظ شهد الحزن عليهم فتسألهم بشغف : عملتوا ايه يا ولاد ؟؟ نتيجة التحاليل ظهرت ؟
تنظر لها منار في صمت بينما يقول نور " والدمـ.ـو.ع في عينيه " : انا اللي مبخلفش يا ماما .
نهضت شهد من مكانها وتهرول اليه وتحت.ضنه قائلة : يا حبيبي يا ابني متقولش كده ، ان شاء الله هتخلف .
سلطان : فيه ايه يا نور ؟ بتقول كده ليه ؟
نور : الدكتور اللي قالي كده .
سلطان : لو ربنا اراد تخلف يبقي اكيد هتخلف ، ما انت عارف يا نور ان انا ومامتك قعدنا مش بنخلف اكتر من ١٦ سنة وبعدها خلفناك ، كله بأمر الله يا ابني .
شهد وجهها يمتلأ بالدمـ.ـو.ع : متخافش يا حبيبي ، ان شاء الله هتخلف بدل الولد عشرة .
سلطان : ومتنساش ان مراتك دكتورة واكيد هتقدر تساعدك .
منار : اكيد يا عمي ، انا قولتله اننا هنمشي علي العلاج اللي كتبه الدكتور ، وممكن كمان نروح لأكبر دكتور امراض عقم في البلد ، انا معارفي في المجال الطبي كتير جدا .
شهد : خلاص بقي يا نور ، مش عايزة اشوف دمـ.ـو.عك دي تاني .
نور : حاضر .
بعد ساعة
في غرفة سلطان
تصعد شهد لتفاجئ بسلطان يجلس حزين وبمجرد دخولها يمسح سلطان دمـ.ـو.عه سريعا ويحاول اخفائها !!!
جميلة : انت بتبكي يا سلطان ؟؟
سلطان " بابتسامة مصطنعة " : لا ابدا ده عيني تقريبا دخلها حاجة .
شهد " بدمـ.ـو.ع " : لأ انت كنت بتبكي يا سلطان .
تنساب الدمـ.ـو.ع من عينيه : لازم ابكي !!! ابني الوحيد لما مش هيخلف علرفة ده معناه ايه ؟؟ معني ان اسم سلطان ابو المجد هينتهي بعد مو.تي وبعده !!! كان نفسي نور يخلف عيال كتير ويكونوا كلهم صبيان وشجرة عيلتنا تكبر ، لكن ..... الحمد لله علي كل حال .
شهد : معلش يا سلطان ، انا .....ثم تبكي بحرارة !!!
سلطان : خلاص يا شهد ارجوكي ، انا اعصابي مش متحملة .
شهد : الظاهر اني مكتوب عليا كل ما افرح لازم فرحتي تكون ناقصة ومكسورة !!!
سلطان : شهد ، بلاش نستسلم لمشاعر اليأس دي خصوصا قدام ابنك ومـ.ـر.اته .
شهد : انا خايفة منار تكسر قلبه وتطلب منه الطـ.ـلا.ق ، ساعتها ممكن نور ينهار !!!
في منزل جميلة
غرام في استضافة جميلة لمراعاتها في بداية ايام الحمل .....
تجلس جميلة وغرام وتبدو علي جميلة السعادة .
غرام : ما شاء الله انا شايفاكي النهاردة فرحانه ووشك منور ، بـ.ـارب دايما يا ماما .
جميلة : طبعا فرحانة علشان انتي موجودة ومالية عليا البيت يا حبيبتي .
غرام : ربنا يخليكي ليا يا ماما .
جميلة : ويخليكي ليا يا قلب ماما ، قوليلي باباكي عرف انك حامل .
غرام : ايوه يا ماما اتصلت به وبلغته .
جميلة : اكيد فرح قوي .
غرام : ايوه ده كان واضح من صوته انه فرحان قوي .
جميلة : والحرباية ام جوزك عرفت ؟
غرام : ايوه عرفت ، باسل بلغها بالتليفون .
جميلة : وهي كلمتك وبـ.ـاركتلك ؟
غرام : لا الحمد لله ابنها بس اللي كلمها ، انا مش عايزة اشوفها ولا اسمع صوتها .
جميلة : ليه ؟ هي عملتلك حاجة ؟؟؟
غرام : بتتكلم معايا بطريقة مستفزة !!!
جميلة : اوعي تسكتلها ، لو ضايقتك في اي وقت قولي لابوكي ، ولو حسيتي انه معملش حاجة قوليلي وانا اتصرف معها واطلع عليها القديم والجديد .
فجأة يعلو صوت رنة هاتف جميلة ، تنظر جميلة في هاتفها فتجد فارس هو من يتصل بها فترتبك قليلا !!!!
تتعجب غرام وتسألها : مين يا ماما اللي بيتصل ؟!
جميلة : ده واحد كان بيكلمني علي معرض جديد اشترك فيه .
غرام : وحضرتك مش رديتي عليه ليه ؟!!!
يزيد ارتباك جميلة : انا لسه مش قررت اذا كنت اشترك في المعرض ولا لأ ، المهم خلينا في المهم لو شيماء ضايقتك اوعي تخبي علي ابوكي وعليا .
غرام : حاضر يا ماما .
جميلة : ياريت تقولي لباباكي يبعت ورقة الطـ.ـلا.ق الرسمي ، انا طلبتها كتير وهو بيماطل ، لو هيستمر في المماطلة بالشكل ده هتضطر ارفع قضية خلع .
غرام : يعني خلاص مفيش اي فرصة انك تفكري ترجعي له تاني ؟
جميلة : لا يا غرام ، مش هفكر ارجع له تاني .
غرام : حاضر يا ماما هكلمه ، وبلاش ارجوكي موضوع قضية الخلع .
جميلة : لو اضطريت هيكون ده الحل الاخير بالنسبالي .
جميلة : انا هسيبك واروح انام يلا تصبحي علي خير يا قلب ماما .
غرام : وانتي من اهله يا حبيبتي .
تدخل جميلة غرفتها وتستلقي علي فراشها وتمسك بهاتفها وتتصل به ...
جميلة :انت اتصلت بيا في وقت مش مناسب خالص .
فارس : انا اسف ، ليه ايه اللي حصل ؟
جميلة : كنت بتكلم مع بنتي ولما انت اتصلت مكنتش عارفة اعمل ايه .
فارس : اسف يا جميلة مكنتش اعرف ان بنتك عندك .
جميلة " تبتسم " : ماشي خلاص مفيش مشكلة ، المهم كنت عايز ايه ؟
فارس : حشـ.ـتـ.ـيني و كنت عايز اسمع صوتك .
جميلة " تبتسم " : ما انا قولتلك بطل الكلام ده احنا مش صغيرين .
فارس " يضحك " : لكن انا شايفة لسه صغيرة .
جميلة " تضحك " : واضح ان نظرك ضعيف قوي .
فارس " يضحك " : يعني كلمة حشـ.ـتـ.ـيني و مش عجباكي ؟
جميلة : اممم ، المهم انا بنتي قاعدة عندي يومين بلاش اتصالات بقي .
فارس : لأ طبعا مقدرش .
جميلة : ليه ان شاء الله ؟ انت كل ده مش زهقت من الكلام معايا ؟؟ من ساعة ما وافقت اننا نكون اصدقاء وانت بتكلمني كل يوم مرتين او تلاتة !!
فارس : و لولا خايف تزهقي مني كنت كلمتك طول النهار والليل .
جميلة : طيب كفاية كده علشان البنت لسه صاحية في الاوضة التانية .
فارس : هتقفلي بدري كده ؟!!!
جميلة : ما انا بقولك البنت لسه صاحية .
فارس : لما تحسي انها نامت اتصلي عليا .
جميلة : بطل شغل المراهقة ده وروح نام يا فارس .
فارس " يبتسم " : هتوحشيني قوي .
جميلة " تبتسم " : و......
وفجأة ينفتح باب غرفتها وتدخل غرام فترتبك جميلة : طيب سلام سلام .
تتعجب غرام وتسألها : كنتي بتكلمي مين يا ماما ؟
جميلة : ازاي تدخلي فجأة كده بدون استأذان ؟!!
غرام : اسفة يا ماما ، بعد اذنك جاوبيني مين اللي كان بيكلمك في التليفون ؟
جميلة : وانتي مالك ؟ انتي هتحاسبيني ولا ايه يا غرام ؟!!!
غرام : مش قصدي يا ماما ، لكن انتي طول عمرك مش بتخبي عني حاجة .
جميلة : علشان طول عمري بعتبرك اختي وصحبتي .
غرام : وبما اني اختك وصحبتك علشان كده بسألك .
جميلة : ده صديق .
غرام : صديق !!! اول مرة اعرف انك ليكي صديق راجـ.ـل بتكلميه وبيكلمك !!
جميلة : غرام ، قبل جوازك انتي كنتي مالية عليا حياتي مكنتش احتاج لاصدقاء غيرك ، انما دلوقتي انا حياتي فاضية .
غرام : ممكن اعرف مين الصديق ده ؟
جميلة : ده من باب الفضول ولا عايزة تحاسبيني يا غرام ؟؟
غرام : لأ علشان احنا اصحاب يا ماما .
جميلة : ده الفنان فارس المصري .
غرام : فارس المصري الفنان المعروف ؟؟
جميلة : ايوه .
غرام : وممكن تقوليلي الصداقة بينكم من امتي ولأي درجة ؟؟
جميلة : وبردو السؤال ده علشان انا وانتي اصحاب ؟!
غرام : ايوه .
جميلة : اصدقاء من بعد جوازك باسبوعين .
غرام : كلميني بصراحة يا ماما ، اللي بينك وبينه صداقة بس ولا فيه مشاعر ؟
جميلة : هتفرق بالنسبالك ؟
#ألف_قصة_و_قصة #للكاتب_عادل_عبد_الله
غرام : علشان افهم بس .
جميلة : عايزة تفهمي ايه يا غرام ؟
غرام : عايزة افهم طلبك للطـ.ـلا.ق الرسمي من بابا له علاقة بالاستاذ فارس ولا لأ ؟؟
جميلة : طيب كفاية استجواب بقي يا غرام علشان بجد كده ازعل منك !!!!
غرام : انا اسفة يا ماما .
جميلة : طيب روحي اوضتك ، واوعي تكرري انك تفتحي الباب بالشكل ده تاني .
تنصرف غرام وهي لأول مرة تشعر بمزيج من المشاعر المختلفة تجاه والدتها !!!!!
↚
جميلة : طيب روحي اوضتك ، واوعي تكرري انك تفتحي الباب بالشكل ده تاني .
تنصرف غرام وهي لأول مرة تشعر بمزيج من المشاعر المختلفة تجاه والدتها !!!!!
لأول مرة تشعر بالمسئولية تجاهها وتخاف عليها !!!
وهل سمة رابط بين تكرار طلبها لقسيمة الطـ.ـلا.ق من سلطان وبين علاقتها الجديدة بفارس !!!
تعود الي غرفتها و تفكر
هي الان تخاف من ذاك الرجل الذي دخل حياتها من سابقة لم تحدث لها من قبل !! تخاف من اندفاع جميلة عاطفيا خاصة بسبب حرمانها العاطفي و قلة التجربة !!
تخاف ان تنزلق قدمها كما لم تنزلق من قبل !!
ايضا هي تشعر بالغيرة عليها ، فجميلة بالنسبة لها طيلة حياتها ليست مجرد أم ولكن مشاعرها تجاهها اكبر واعمق .
وما هي ظروف ذلك الرجل الذي لا تعلم غرام عنه الا اسمه ؟؟ اذن لابد ان تعلم عنه كل شيئ .
فرغم حملها الاان غرام ستحاول معرفة كافة التفاصيل عن ذلك الرجل وكأن جميلة ابنتها وليست امها !!!!!
في غرفة جميلة
دقات قلبها تخفق سريعا ، هي الان تشعر وكأنها فتاة مراهقة قد عرفت امها انها تكلم شابا في الخفاء !!!
مشاعر لم تجربها من قبل !! فهي لم تحب في مراهقتها ككثير من الفتيات ، حتي بعد طـ.ـلا.قها من سلطان ورغم الكثير من محاولات الرجال الاقتراب لها الا انها كانت دائما تغلق الابواب في وجه الجميع !!!
لم شعر جميلة يوما انها تفعل شيئا تهاف ان يطلع عليه احد سوي الان .
هي حقا حائرة أهي حقا علي صواب ام انها بدأت تذل قدمها في الخطأ دون ان تشعر !!!
هي الان تريد ان تراجع موقفها بالنسبة لفارس ، هل تستمر في علاقتها به التي تسمي صداقة ام تنهيها علي الفور وكفي ما جري حتي الان !!!
تفاجأ جميلة باتصال فارس ....
جميلة : ايوه يا فارس .
فارس : قفلتي معايا بسرعة ليه ؟
جميلة : غرام بنتي دخلت فجأة وعرفت اني بكلمك في التليفون .
فارس : ورد فعلها كان ايه ؟
جميلة : اصل انت متعرفش علاقتي انا وغرام شكلها ايه ، احنا اصحاب واخوات مش ام وبنتها .
فارس : ربنا ما يفرق بينكم ابدا ، المهم قوليلي رد فعلها كان ايه ؟
غرام : سألتني بتكلمي مين وقولتلها صديق .
فارس : وبعدين ؟
غرام : استغربت جدا لأنها طول عمرها عارفة اني كنت رافضة مبدأ الصداقة بين الرجل والست وعمري ما كلمت راجـ.ـل الا في اطار الشغل .
فارس : وبعدين ؟
جميلة : اتكلمنا شوية وقولتلها انك انسان محترم واني عندي وقت فراغ كبير بعد جوازها وده السبب اني وافقت علي علاقة الصداقة دي .
فارس : جميلة .
جميلة : نعم .
فارس : انا بحبك وعايز اتجوزك .
في منزل شيماء
شيماء تجلس حزينة تشعر بالوحدة الشـ.ـديدة !!
ابنها باسل مشغول بزوجته وعمله وابنها الاخر ما زال في السجن ، اما اختها شهد مشغولة بحزنها علي خبر عقم ابنها !!
جميع من حولها مشغولين عنها ، حتي فكرة الزواج لن تستطيع ان تفكر فيها ليس بسبب عمرها الذي قارب ان يقسم الخمسينات الي قسمين ولكن لأنها لا تريد لمأساة زواجها السابقة ان تتكرر .
يقطع كل ذلك التفكير الحزين صوت هاتفها و تجد المتصل ابنها باسل .....
شيماء : اخيرا افتكرت امك باتصال ؟!!
باسل : استني بس يا ماما ، عندي خبر بمليون جنية .
شيماء : خير ، عرفت ان مراتك حامل في ولد ؟
باسل : لأ ياماما ، النقض بتاع باسل اتقبل واتحددت جلسة بعد شهرين .
شيماء : بتتكلم جد يا باسل ، الف حمد وشكر لك يارب .
باسل : المحامي كلمني ولسه مبلغني دلوقتي بميعاد الجلسة قولت لازم افرحك .
شيماء : يارب الحكم يتخفف عنه ويخرج من السجن .
باسل : ان شاء الله املنا في ربنا كبير .
شيماء : لك عندي هدية حلوة بمناسبة الخبر الحلو ده .
باسل : انا هديتي اني اشوفك سعيدة يا ماما .
شيماء : ربنا يخليك ياباسل ، انا تعبت قوي من الوحدة اللي انا عايشاها دي من يوم جوازك يا باسل .
باسل : بسام لما يخرج هيملا حياتك يا ست الكل ، ما انتي عارفاه بيتكلم كتير وحواراته كتير .
شيماء : كنت عايزة اطلب منك طلب بس مكسوفة .
باسل : تتكسفي من ابنك يا ماما !! اؤمري يا ست الكل .
شيماء : حاول تكلم ابوك يرجعني ؟
باسل : بلاش يا ماما .
شيماء : ليه يا باسل ، ده ابوك وانا امك ولما انت تكلمه في حاجةزي كده مش عيب .
باسل : الحقيقة يا ماما .....
شيماء : ايه !! فيه ايه ؟؟ ابوك حصله حاجة ؟؟
باسل : لأ بابا كويس ، لكن انا فعلا كلمته بعد جوازي لما حسيت بوحدتك لكن ......
شيماء : رفضت ، صح ؟
باسل : ايوه .
شيماء : وهو يطول المعفن ده اني ارجعله ، انااسفة لنفسي اني فكرت فيه .
في فيلا سلطان
تجلس شهد مع منار وتسألها : ناوية علي ايه يا منار ؟
منار : بالنسبة لايه يا طنط ؟
شهد : يعني ناوية تكملي مع نور ابني ولا بتفكري في الطـ.ـلا.ق ؟
منار : يا طنط انا دكتورة زي ما حضرتك عارفة ، وحالة نور بتاخد وقت في العلاج لكن في حالات منها كتير بتخف وبيخلف عادي جدا ، وقبل كده ده انا مؤمنة بقضاء الله وقدره .
شهد : يعني مش عايزة تكوني ام ؟؟
منار : اكيد عايزة زي اي حد ، لكن لو ربنا مش اراد اني اخلف يبقي ده قضاؤه وقدره ولازم ارضي به.
شهد : لكن انتي ممكن تتجوزي غيره و تخلفي !!
منار : يا طنط انا لو وافقت علي جوازي من نور وافقت علي زوج لي اكمل معاه حياتي ، مش مجرد اب لأولادي .
شهد : ربنا يكملك بعقلك يا حبيبتي .
منار : استأذنك ياطنط اطلع اخد شاور ، علشان راجعة من المستشفي تعبانة .
شهد : اطلعي يا حبيبتي ، ربنا يريح قلبك زي ما ريحتي قلبي .
في المساء،
تجلس شهد وسلطان علي مائدة الطعام ومعهما نور ومنار .
نور : علفكرة انا النهاردة انا حجزت عند دكتور في المانيا .
سلطان : يعني كنت معايا طول اليوم في الشركة ومقولتليش .
نور : رسالة تأكيد الحجز لسه واصلاني من شوية يا بابا .
منار : مفيش داعي يانور تسافر ، انا من رأيي تمشي علي العلاج ده ممتاز جدا .
نور : انتي هتعملي عليا دكتورة ولا ايه ؟!!
تنظر اليه منار بسخط في صمت ثم تنظر الي شهد .
شهد : ماهي مراتك دكتورة فعلا .
نور : دكتورة برحتها بعيد عني ، انما متعملش عليا دكتورة !!!
منار " بغضب " : تاني يانور ؟!!
شهد : مراتك مغلطتش يا نور علشان تكلمها كده .
سلطان : ايوه فعلا مراتك مش غلطانة علشان تكلمها كده !!
نور " بغضب " : انتوا كلكم اجمعتم ان انا بس اللي غلطان !! حاضر متأسف لكم كلكم ، انا طالع اوضتي احسن .
ينصرف نور الي غرفته بعد ان تحاول منار ايقافه وتفشل .
شهد : معلش يا منار يا بنتي اعذريه الايام دي لحد ما يعدي ازمته .
وفجأة يرن هاتف شهد ...
شهد : ازيك يا شيمو ، حشـ.ـتـ.ـيني و قوي .
شيماء : وانتي كمان يا شوشو ، انا عندي خبر هيفرحك قوي .
شهد : قولي فرحيني يا روحي ، انا نفسي افرح .
شيماء : نقض قضية بسام اتقبل واتحددت له جلسة بعد شهرين .
شهد : الف مليون مبروك يا قلب اختك ، ان شاء الله هيخرج بالسلامة .
سلطان : فرحينا معاكي يا شهد ، فيه ايه ؟
شهد : دي شيماء اختي بتقول ان نقض بسام اتقبل واتحددت له جلسة بعد شهرين .
سلطان : طيب اديهالي ابـ.ـاركلها .
تتركهم منار وتصعد لنور ...
منار : نور ، نونو ، حبيبي .
يتجاهلها نور وكأنه لا يسمعها !!!
منار " تبتسم " : بحبك قوي وانت زعلان .
نور : وعلشان كده بتزعليني !!!
منار : انت اللي زعلتي وانا اهو اللي طالعة اصالحك وجايبالك خبر حلو قوي هيفرحك خالص .
نور " يبتسم " : طيب صالحيني الاول .
منار : لما تسمع الخبر انت اللي هتثالحيني .
نور : طيب قولي شوقتيني قوي .
منار : بسام ابن خالتك النقض اتقبل وله جلسة بعد شهرين وممكن يخرج .
نور : بجد ؟؟
منار " بابتسامة " : ايوه ، حتي انزل اسأل طنط شهد .
نور : وانتي فرحانة كده ليه ؟!!
منار " بدهشة " : فرحانة علشان عارفة ان الخبر ده يفرحك .
نور " باستنكار " : متأكده ؟؟
منار " بسخط " : قصدك ايه ؟؟
نور : لأ مفيش ، انا نازل لماما .
بعد ايام
يذهب سلطان لابنته للأطمئنان عليها ...
سلطان : ازيكم يا ولاد عاملين ايه ؟
غرام : الحمد لله بخير ، حضرتك اخبـ.ـار صحتك ايه ؟
سلطان : الحمد لله كويس .
باسل : يارب دايما ، ربنا يطمنا عليك يا عمي .
سلطان : وعاملة ايه في الحمل ؟ خلي بالك من نفسك كويس .
غرام " تضحك " : اكتر من كده !!! ده انا اخدت اجازة من الشغل ، وباسل مش بيخليني اعمل اي حاجة في البيت .
باسل : انا معنديش اهم منك يا غرام .
سلطان : الفترة الاولي بس علشان الحمل يثبت .
غرام : ربنا يخليكم ليا يارب .
سلطان : ويخليكي ويسعدك يا بنتي ، لسه مامتك مش ردت عليكي في الموضوع اللي كلمتك فيه ؟؟
غرام : الحقيقة يا بابا ، ماما ردت عليا وقالتلي ...
سلطان : قالتلك ايه ؟
غرام : قالتلي انها عايزة قسيمة الطـ.ـلا.ق .
سلطان : يعني رفضت ترجعلي ؟؟
غرام " بخجل " : ايوه .
سلطان : وانتي مش حاولتي تقنعيها ؟؟
غرام : حاولت يا بابا ، لكن بردو رفضت .
سلطان : انا مش عارف اقول ايه !!!!!
غرام : متزعلش مني يا بابا ، ماما معذورة .
ينظر لها سلطان بدهشة !!!!
غرام : ايوه يا بابا ، متزعلش مني ماما تعبت قوي واي ست في مكانها مستحيل توافق ترجعلك مع احترامي الكامل لحضرتك طبعا .
سلطان : هي فعلا عندها حق في اللي فات ، لكن ليه مش عايزة تديني الفرصة اصلح غلط زمان واعوضها عن كل اللي فات ؟!!!
غرام : ده رأيها يا بابا ، وبليز بعد اذنك تحترم رأيها وتبعت قسيمة الطـ.ـلا.ق .
سلطان " بأسف " : حاضر يا غرام ، الظاهر ان احيانا الواحد الفرصة مش بتجيله يصلح اخطاؤه !! هطلقها رسمي وابعتلك قسيمة طـ.ـلا.قها .
بعد ايام
تذهب منار بعد انتهاء عملها الي غرام في شقتها .
غرام " تضحك " : اهلا اهلا بصحبتي الوحشة ، ولا اقولك يا مرات اخويا .
منار : حشـ.ـتـ.ـيني و قوي يا غرام .
غرام : لو وحشتك بجد كنتي جيتي تزوريني .
منار : انا جيت ازورك اهو ، انتي بقي اللي مفيش حد شافك !!!
غرام : الحمل يا منار تاعبني قوي .
منار : تقومي بالسلامة يا قلبي .
غرام : عقبالك انتي ونور .
منار : يارب ، اخوكي من ساعة ما عرف انه ممكن ميخلفش وهو اتحول وبقي انسان تاني خالص .
غرام : هو ممكن ميخلفش ؟؟
منار : ممكن ، ولو هيخلف محتاج وقت وعلاج كتير .
غرام : وانتي ناوية تعملي ايه ؟ هتكملي معاه ولا ؟؟؟
منار : هقولك نفس الكلمة اللي قولتها لحمـ.ـا.تي ، انا لما وافقت علي نور وافقت علي انسان اكمل معاه حياتي مش مجرد اب لأولادي وبس .
غرام : برافو عليكي يا منار .
منار : لكن للأسف اخوكي مش مقدر ده خالص .
غرام : ازاي ؟؟
منار : تخيلي ، اني عرفت من مامته ان بسام ابن خالته النقض اللي مقدمه اتقبل و هتتعاد محاكمته وممكن يخرج طلعت علشان اقوله واخرجه من حالة الحزن اللي هو فيها رد عليا وبيقولي وانتي فرحانه كده ليه !!! وانا هفرح ليه !! ما يخرج ولا حتي يقضي عمره كله في السجن ، انا يخصني ايه !!!!!
غرام : واضح انه بيغير من بسام !!!
منار : بيغير منه وهو جوه السجن ؟!! اومال لما يخرج هيعمل ايه ؟؟
غرام : هو مش ناسي ان بسام كان عينه منك لما عاكسك في الكافيه ، وياريت بقي تخلي بالك من الموضوع ده .
منار : كلميه انتي يا غرام ، يمكن يقتنع بكلامك .
غرام : انا !!! انتي عارفة ان علاقتي بنور سطحية جدا !! ده احنا معرفناش بعض الا من قريب !!! وحتي لما عرفنا بعض مفيش اي كيميا بينا .
منار : طيب ، اتحمله وامري لله ، وربنا يقويني عليه .
في احد الكافيهات
يجلس فارس مع جميلة التي يبدو عليها الحيرة والارتباك ...
جميلة : انا معرفش لازمته ايه نقعد كده زي العيال الصغيرين ؟!!
#ألف_قصة_و_قصة
#للكاتب_عادل_عبد_الله
فارس : لازمته انك حشـ.ـتـ.ـيني و .
جميلة : قولتلك بلاش الكلام ده .
فارس : انتي عارفة حقيقة مشاعري من ناحيتك ، يبقي ليه اخفيها ؟؟!!
جميلة : ايوه عارفة ، لكن احنا مش صغيرين .
فارس " يضحك " : لأ انتي صغيرة وسكر وعسل وزي القمر .
جميلة " تضحك " : ايه اللي بتقوله ده !! انا بعد كام شهر هبقي جدة !!!!!
فلرس : لكن كلك شباب وحيوية و مشاعر واحاسيس،.
جميلة : وانت عرفت مشاعري واحاسيسي ازاي ؟؟!!
فارس : بقلبي .
↚
جميلة " تضحك " : ايه اللي بتقوله ده !! انا بعد كام شهر هبقي جدة !!!!!
فلرس : لكن كلك شباب وحيوية و مشاعر واحاسيس،.
جميلة : وانت عرفت مشاعري واحاسيسي ازاي ؟؟!!
فارس : بقلبي .
جميلة : الحقيقة اني عيشت تجربة صعبة قبل كده لما اتجوزت ابو بنتي ، وعلشان كده خايفة ادخل تجربة تانية وافشل .
فارس : صدقيني مفيش داعي للخوف ، انا حبيتك ونفسي نكمل حياتنا مع بعض ،ثم انا انسان زي ما انتي شايفاني صريح ومش بخبي حاجة ، يعني بعد الجواز مش هتتفاجئي بحاجة في شخصيتي ممكن تضايقك .
جميلة : معلش الافضل بردو بلاش استعجال .
بعد ايام ...
نور يسافر الي المانيا بصحبة زوجته للكشف الطبي عليه .
في منزل غرام
جميلة تزور ابنتها غرام ...
جميلة : ازيك يا غرام اخبـ.ـارك ايه دلوقتي ؟
غرام : الحمد لله يا ماما .
جميلة : جوزك هنا ولا في الشغل ؟
للكاتب عادل عبد الله
غرام : في الشغل يا ماما ، لسه مش بيرجع دلوقتي .
جميلة : قولتي لباباكي علي قسيمة الطـ.ـلا.ق ؟
غرام : ايوه قولتله وزعل لما عرف انك رفضتي ترجعيله وقالي انه هيطـ.ـلقك رسمي وهيبعتلي قسيمة الطـ.ـلا.ق .
جميلة : يارب يطلع صادق المرادي ومش يماطل تاني .
غرام : وحضرتك اخبـ.ـارك ايه ؟ لسه بتكلمي الاستاذ فارس ؟
جميلة : ايوه بكلمه عادي ، ليه فيه ايه ؟
غرام : قوليلي الصراحة يا ماما ، انتي عايزة قسيمة الطـ.ـلا.ق علشان تتجوزي الاستاذ فارس ؟
جميلة : وافرضي اني اتجوزت يا غرام هتزعلي ؟؟
غرام : مش عارفة يا ماما .
جميلة : ازاي مش عارفة ؟
غرام : لو فكرت بعقلي مش هزعل ، لأنك عيشتي كتير لغيرك ومن حقك تعيشي لنفسك دلوقتي ده غير انك لسه مش كبيرة ومن حقك تكملي حياتك زي ما تحبي .
جميلة : ولو فكرتي بقلبك ؟؟
غرام : اكيد هزعل لأني مش متخيلة انسان يدخل حياتك وياخد اهتمامك مني .
جميلة : ياخد اهتمامي منك !!! انا عمري ما حد ممكن ياخد اهتمامي منك يا غرام ، وبعدين انتي عندك جوزك يهتم بيكي انما اناا...
غرام : يا ماما انتي مش امي بس ، انتي كل حاجة في حياتي ، امي واختي وصحبتي وحبيبتي .
تضحك جميلة : ربنا يخليكي ليا يا قلبي .
غرام : ويخليكي ليا يا ماما ، قوليلي بقي ناوية تتجوزي استاذ فارس ؟؟
جميلة " تصمت قليلا ثم تقول " : مش عارفة !!!
غرام : تقصدي مترددة ؟؟
جميلة : بصراحة ايوه .
غرام : هو عرض عليكي الجواز .
جميلة : ايوه عرض عليا الجواز بعد فرحك باسبوع .
غرام : بتحبيه يا ماما ؟؟
جميلة : انا هكلمك يا غرام كصاحبتي مش بنتي ، هتصدقينيي يا غرام لو قولتلك مش عارفة !!
غرام : ازاي ؟؟
جميلة : هو شخصية محترمة وجذابة ومهذب جدا و بصراحة واضح من كلامه انه بيحبني .
غرام : ربنا يسعدك يا ماما .
جميلة : واضح انك مش موافقة !!
غرام : مش مهم اوافق او لأ ، المهم انتي تكوني سعيدة .
بعد ايام
في فيلا سلطان
يعود سلطان من الشركة يجد واضح علي شهد الحزن !!!
سلطان : مالك يا شهد ؟ شكلك متغير ليه ؟!
شهد : انت كلمت نور النهاردة ؟
سلطان : ايوه كلمته الصبح في الشغل ، وسألته عمل ايه هناك قالي ان ميعاد الدكتور النهاردة .
شهد : الدكتور الالماني قاله نفس الكلام ، ان عدد الحـ.ـيو.انات المنوية قليل جدا و قاله علي علاج هيجيبه معاه وهو راجع ونظام غذائي معين يمشي عليه .
سلطان : وقاله ايه بالنسبة لفرصة حدوث حمل ؟؟
شهد : نفس الكلام ، قاله ان احتمال حدوث حمل ضعيف ومحتاج وقت .
سلطان : وبالنسبة للتلقيح الصناعي ؟
شهد : بالنسبة لحالته صعب جدا خصوصا دلوقتي .
يجلس سلطان ويبدو عليه الحزن والوهن ثم يقول باستسلام : الحمد لله علي كل شيى .
شهد : انا صعبان عليا نور قوي ، حالته النفسية صعبة قوي .
سلطان : لازم لما يرجع هو ومـ.ـر.اته نقف جنبهم وندعمهم نفسيا ومعنويا لغاية ما يمروا من الازمة واما يخف ويخلفوا او يقبل بالنصيب والمكتوب .
شهد : طبعا يا سلطان ، لازم نبقي معاهم وجنبهم ، وربنا يهدي منار وتصبر وتفضل جنبه .
سلطان : البنت كويسة جدا يا شهد ، وانا متوقعش ابدا انها تتغير معاه بعد كده او تطلب الطـ.ـلا.ق مثلا .
شهد : فعلا عندك حق ، انا كلمتها قبل ما يسافروا وقالتلي انها وافقت علي نور علشان بتحبه وموضوع الانجاب ده قضاء وقدر وهو قابلة به .
سلطان : عموما هما راجعين بعد يومين عايزين نبين لهم اننا مش زعلانين .
شهد : اكيد .
بعد عدة اسابيع
في المحكمة
يقف بسام داخل قفص الاتهام ، بينما تجلس شيماء تبكي في انتظار الحكم وبجوارها شهد وابنها باسل !!
يسأل بسام عن نور .....
بسام : فين نور ابن خالتك يا باسل ؟
باسل : معرفش مجاش ليه !!!
بسام : انا عرفت من امك انه اتجوز .
باسل : ايوه اتجوز ، لكن من ساعة ما اتجوز وهو اتغير .
بسام : اتغير ازاي ؟ يعني اول ولا اخر واحد يتجوز !!!
باسل : لأ انت فهمتني غلط ، انا قصدي انه علطول مهموم و حزين .
بسام : ليه ؟ يمكن يكون مش بيحب مـ.ـر.اته !! او فيه بينهم مشاكل .
باسل : لأ ، اللي اعرفه انهم بيحبوا بعض جدا ، عارف نور اتجوز مين ؟؟
بسام : امك بتقول ان اتجوز صاحبة اخته غرام بنت جميلة .
باسل : ايوه ، انت شوفتها قبل كده ، فاكر البنت اللي كنت بتعاكسها في الكافية ؟؟
بسام : ايوه .
باسل : هي دي اللي نور اتجوزها .
بسام " بتعجب " : بتتكلم جد ؟؟!!!
باسل : ايوه ، شوفت الصدفة !!!
بسام : يعني هي ضاقت عليه الدنيا مفيش بنات غير دي ؟!!!
باسل : نصيبه بقي .
بسام : ايوه نصيب !! هو المحامي راح فين ؟ مش باين !!!
باسل : معرفش ، ممكن يظهر لما القاضي يدخل الجلسة علشان ينطق الحكم .
بسام : انا خايف قوي يا باسل .
باسل : متخافش ، ان شاء الله خير .
يدخل القاضي ويتلو الحكم علي الموجودين .
يبتسموا جميعا وتظهر مظاهر الفرح عليهم حينما علموا بتخفيض الحكم الي اربعة سنوات ماعدا شيماء التي مازالت حزينة !!!
باسل : زعلانة ليه يا ماما ؟ الحكم اتخفف لاربع سنين اهو !!!
شيماء : اربع سنين يا باسل مش عدا منهم الا سنة وكام شهر !!! لسه بدري قوي !!! انا كنت فاكرة ان الحكم هيتخفف لسنتين ويبقي كلها كام شهر واخوك يخرج .
باسل : يا حبيبتي سنة السجن ب ٩ شهور يعني الاربع سنين هيقضيهم تلاتة بس يعني كلها سنة ونص وابنك يخرج وينور البيت .
شيماء : بتتكلم بجد يا باسل ؟
باسل : ايوه يا ماما .
شيماء : ربنا يبشرك بالخير يا حبيبي ، قولي بقي مراتك هتولد امتي ؟
باسل : بعد تلات شهور .
شيماء : هتسمي ابنك ايه ؟ سميه بسام علي اسم اخوك .
باسل : غرام عايزة تسميه سلطان علي اسم باباها .
شيماء : سلطان !!! وانت تسمع كلامها ليه ؟ ده اسم قديم مينفعش لطفل !!!
باسل " يضحك " : الصراحة هي كانت عايزة تسميه جميل نسبة لاسم طنط جميلة .
شيماء : نهار اسووود !!! ده انت لو عملت كده كان اخر يوم تعرفني فيه ، ولا انت ابني ولا اعرفك .
باسل : ما انا لما رفضت ، اتفقنا في النهاية علي اسم سلطان .
شيماء : اذا كان كده ماشي ، سلطان كويس ، حتي عمك سلطان وشهد اختي هيفرحوا قوي .
بعد شهر
غرام تشعر بالآم حادة !!!
غرام تتصل بجميلة ولكنها لا تجيب !!! فتتصل علي الفور بباسل ...
غرام " تصر.خ " : ألحقني يا باسل .
باسل : فيه ايه يا غرام ؟ مالك ؟
غرام : انا تعبانة قوي ، انا حاسة اني همو.ت !!
باسل : بعيد الشر عنك يا حبيبتي ، حالا هكون عندك .
يتصل باسل بجميلة ثم يلحقها الي المنزل ، وفي الطريق يتصل بالاسعاف .
في المستشفي ...
تقف جميلة تبكي بحرارة ، بينما يقف باسل يتضح عليه التـ.ـو.تر الشـ.ـديد !!
تسأله جميلة : ايه اللي حصل يا باسل ؟
باسل : معرفش يا طنط ، هي كانت بتشتكي من مغص خفيف الايام اللي فاتت ، لكن وانا رايح الشغل الصبح كانت كويسة .
يخرج الطبيب من غرفة الكشف ، يهرولوا اليه سريعا ...
جميلة : بنتي مالها يا دكتور ؟ فيها ايه ؟
باسل : طمني يا دكتور مراتي مالها ؟
الطبيب : اهدوا يا جماعة ، دكتورة غرام هتولد .
باسل : هتولد ازاي ؟ ده لسه شهربن !!
الطبيب : حالتها تستدعي انها لازم تولد النهاردة .
#ألف_قصة_و_قصة
#للكاتب_عادل_عبد_الله
جميلة : النهاردة !!!
الطبيب : ايوه يا مدام لازم تولد قيصري النهاردة لان المية اللي كان عايش فيها الجنين نزلت .
جميلة : وهي كويسة دلوقتي ؟؟
الطبيب : هي كويسة لكن المشكلة دلوقتي ان فصيلة د.مها نادرة ، لازم نرسل لبنوك الد.م علشان نوفر الد.م اللازم لاجراء العملية .
للكاتب عادل عبد الله
وبعد اقل من ساعة كانت شيماء قد وصلت الي المستشفي و بعدها بقليل وصلت شهد ومعها سلطان !!!
بمجرد ان رأت جميلة سلطان ابتعدت عن المكان وجلست وحيدة !!!
شعرت جميلة ببعض الارتباك والتـ.ـو.تر فقامت بالاتصال بفارس !!!!!!!!!
↚
وبعد اقل من ساعة كانت شيماء قد وصلت الي المستشفي و بعدها بقليل وصلت شهد ومعها سلطان !!!
بمجرد ان رأت جميلة سلطان ابتعدت عن المكان وجلست وحيدة !!!
شعرت جميلة ببعض الارتباك والتـ.ـو.تر فقامت بالاتصال بفارس !!!!!!!!!
جميلة : انت فين يا فارس ؟
فارس : في البيت ، مالك يا جميلة فيه ايه ؟
جميلة : انا بنتي بتولد في المستشفي وخايفة قوي عليها .
فارس : قوليلي اسم المستشفي وحالا اكون عندك .
بمجرد رؤية شهد لجميلة بدأت تركز انتباهها علي سلطان !!!
حينما وصل سلطان كان يعلم بالتأكيد انه سيري جميلة هناك ، لذلك بمجرد دخوله كانت عيناه تبحثان عن جميلة !!
ظل يرمقها بنظراته لكنه انتبه سريعا لتركيز شهد معه !!!
للكاتب عادل عبد الله
نادي سلطان علي باسل وسأله : ايه الاخبـ.ـار يا باسل ؟ غرام فين ؟
باسل : الدكتور قال لازم تولد النهاردة ، هي جوه مع الدكاترة .
سلطان : ربنا يقومها بالسلامة ان شاء الله .
شهد : ربنا يقومها بالسلامة يا باسل .
باسل : نور مجاش معاكم ليه ؟
شهد : منار مـ.ـر.اته جاية دلوقتي ،وهو هيخرج من الشغل وييجي .
ثم تضحك شهد وتقول : هتبقي جدة يا شيمو .
شيماء " تضحك " : عقبالك يا شوشو .
تبدو علي ملامحها وملامح سلطان الحزن ، ثم تبتسم : ان شاء الله .
شيماء : انا اسفة ، ان شاء الله ربنا يفرحكم بخلفة نور قريب .
شهد : جميلة قاعدة بعيد ليه ؟؟
شيماء : كانت معنا هنا من شوية ، اول لما دخلتم مشيت !!
سلطان : ممكن تكون ....
شهد : انا هقولها تيجي تقعد معنا .
ثم قامت شهد وذهبت اليها وتكلمت معها قليلا ثم عادت اليهم .
شهد : بتقول ان اعصابها تعبانة و عايزة تقعد لوحدها .
شيماء : سيبوها براحتها .
بعد قليل يأتي فارس ويذهب الي جميلة ويسلم عليها ويجلس بجانبها !!!
سلطان " بدهشة " : مين ده ؟
شهد : ده الفنان فارس المصري ، انت متعرفوش ؟!!
سلطان : لأ ، ويعرف جميلة منين ؟
شيماء : ده كان موجود في فرح الاولاد .
شهد : ايوه شوفته في الفرح ، لكن ايه اللي جابه هنا دلوقتي ويعرف جميلة منين ؟؟
سلطان : روح يا باسل شوفه عايز ايه وبيكلم حمـ.ـا.تك في ايه ؟؟
يذهب اليهم باسل ويصافحه ويتكلم معهم قليلا ثم يعود .
باسل : طنط جميلة بتقول انه صديق لها و جايلها يطمن علي غرام !!!
حاول سلطان ان يتظاهر بالهدوء وعدم الاهتمام امام شهد ، ولكنه كان يخفي داخله سخطا شـ.ـديدا خاصة انه كان يحب جميلة ويعدها احدي ممتلكاته !!!
جميلة تحاول تجاهل وجود سلطان وشهد وشيماء تماما وتنـ.ـد.مج في الحديث مع فارس !!!
شهد تراقب في صمت عيون سلطان وتصرفات جميلة و صديقها فارس !!!
شيماء تتكلم مع شهد التي تتجاهلها بينما نظراتها تراقب الجميع في ظل دهشتها من علاقة جميلة بالفنان المعروف !!!
باسل يقف تـ.ـو.ترا في انتظار دخول غرام غرفة العمليات لاجراء عملية الولادة !!
في تلك اللحظات تأتي منار الي المستشفي للأطمئنان علي صديقتها واخت زوجها ...
منار : طمنيني يا طنط غرام ولدت ولا لسه ؟
شهد : لسه ، ادعيلها يا منار بيقولوا ولادتها صعبة قوي .
منار : ربنا يقومها بالسلامة .
تقف جميلة وتحاول تجاهل وجودهم تماما .....
جميلة : مش عارفة اقولك ايه ، انا اسفة اني اتصلت بيك بس كنت محتاجة حد يكون جنبي في الوقت ده .
فارس " يضحك " : ده اسعد يوم في حياتي النهاردة .
جميلة " بدهشة " : ليه ؟!!
فارس : علشان افتكرتيني في الوقت ده بالذات ، احنا بنفتكر الناس القريبين مننا في الاوقات دي .
جميلة " تبتسم " : انا قلقانة قوي علي غرام !!
فارس : ان شاء الله تقوم بالسلامة وتطمني عليها .
بعد ساعتين .....
يخرج الاطباء مبتسمين ... الف مبروك يا جماعة ولد زي القمر .
جميلة : وبنتي عاملة ايه ؟؟
الطبيب : دكتورة غرام كويسة لكن لازم تفضل تحت الملاحظة يومين .
باسل : الحمد لله ، والبيبي كويس ؟؟
الطبيب : ايوه كويس زي الفل .
يسجد باسل شكرا لله ثم ينهض ويدخل الي غرفة غرام مع باقي الموجودين .
جميلة تحمل الطفل وتقبله ودمـ.ـو.ع الفرح تملأ وجهها ثم تعطي الطفل لباسل وتقول : الف مبروك يا ابني ، خد شيل ابنك .
يبتسم باسل وينظر لغرام ويقول : ما شاء االه ، سلطان الصغير قمر زي مامته بالظبط .
غرام : لأ ، ده كله شبه ماما .
سلطان : انتوا هتسموه سلطان ؟؟
باسل : ايوه يا اونكل ، انا وغرام اتفقنا نسميه سلطان علي اسم حضرتك .
يمسك سلطان الطفل الصغير ويضمه اليه برفق و دمـ.ـو.ع الفرحة تملأ عينيه .
شيماء : الف مبروك يا باسل يتربي في عزك يا حبيبي .
باسل : الله يبـ.ـارك فيكي يا ماما .
شهد : الف مبروك يا باسل ، الف مبروك يا غرام ، الف مبروك يا جماعة يتربي في عز ابوه وجده .
ثم تخرج شهد ناسية غيرتها علي سلطان وناسية كل شيئ ، ولا تشعر الا بالحزن علي ابنها !!!!! تنساب دمعاتها ثم تحاول اخفائها وتمسك بهاتفها وتتصل به ...
شهد : حبيبي انت فين ؟
نور : في الشركة ، ليه ؟
شهد : انت مش عارف ان اختك بتولد النهاردة والمفروض تكون جنبها ؟!!
نور : وانا اعملها ايه ؟؟ هو انا اللي هولدها ؟!!!
شهد : يا ابني بردو الاصول كده علشان اختك متزعلش وكمان باباك .
نور : كفاية وجودكم ، مش منار معاكم ؟؟
شهد : ايوه .
نور : خلاص ، هي كفاية ، سلام يا ماما علشان ورايا شغل .
شعرت شهد بحجم المعاناة التي يعانيها نور حزنا والذي تطورت لتصبح اشبه ما يكون بالغل والاحقاد !!!!!
تذكرت شهد وجود جميلة فعادت سريعا الي غرفة غرام .
انصرف الجميع بعد الاطمئنان علي غرام .
انصرفت شهد مع سلطان و حاولت ان تخفي حزنها ...
شهد " تصطنع الابتسامة " : الف مبروك يا جدو .
يضحك سلطان : الله يبـ.ـارك فيكي يا حبيبتي .
شهد : مفاجأة حلوة انهم سموا الولد سلطان .
سلطان : بصراحة فرحت قوي .
شهد " بمكر " : ايوه فرحتك بسلطان الصغير مسحت غضبك !!
سلطان : غضبي !!! وهغضب ليه ؟؟
شهد : لما شوفت فارس المصري !!
سلطان : مين قالك اني غضبت ؟؟ و هغضب او اتضايق ليه ؟؟
شهد : علشان شوفته واقف مع جميلة .
سلطان : شهد ارجوكي بلاش اوهام ، بلاش تضيعي فرحتي بسلطان الصغير .
شهد : ربنا يفرحك يا حبيبي ، ثم تضحك : يا جدو .
سلطان : والله حلوه كلمة جدو قوي .
شهد : كان نفسي اول ما تسمعها تكون من ابن ابنك اللي يشيل اسمك !!!
سلطان : انا طول عمري عارف انك فرفوشة وقلبك طيب ومش بتحبي النكد ، بلاش تنكدي عليا النهاردة بقي .
شهد : طيب هسيبك تفرح برحتك بس قولي الحقيقة .
سلطان : حقيقة ايه ؟؟
شهد : حسيت بأيه لما شوفت جميلة وخصوصا لما شوفت فارس المصري معها ؟؟
سلطان : كان احساسي اني عايز اسيبك واطلع اقعد في اوضتي لوحدي .
شهد : طيب خلاص يا حبيبي ، بلاش تزعل نفسك .
سلطان : لو عايزة كلام يزعل انا تحت امرك يا حبيبتي ، قوليلي يا هانم نور ابنك فين ؟ وليه مش راح يطمن علي اخته في المستشفي ؟؟!!
خرجت جميلة مع فارس وفي ذهنها صورة سلطان بجوار شهد !!! لقد فازت شهد بحياتها كلها مع حبيبها ، عاشت حياتها كاملة لم ينقصها شعور بالحب او الامان بعكسها تماما فقد عاشت حياتها في ظلم وحرمان !!! ليس فقط الحرمان المادي بل الاقصي هو الحرمان العاطفي !!!
هي ذاتها لاتعرف ان كان شعورها ذاك غيرة او مجرد فقط احساس بالنقص !!
يقطع افكارها صوت فارس الدافئ يسألها : تروحي علطول ولا تحبي نقعد مع بعض شوية ؟؟
شهد : نقعد بس ياربت منتأخرش .
يبتسم فارس : اوكي .
يذهبا الي مكان هادئ ويجلسان ثم يبتسم فارس : مش ناوية تريحي قلبي وتوافقي بقي ؟؟ عمرنا بيمر في الانتظار !!!
جميلة " تبتسم " : انا النهاردة بقيت جدة يا فارس .
فارس " يبتسم " : اصغر واحلي وألذ جده في الدنيا .
جميلة " تضحك " : علفكرة انت كده بتعاكسني بشكل صريح !!!
يمسك فارس يدها دون مقاومة منها ويقول : فيه مـ.ـجـ.ـنو.ن يشوف الجمال والرقة والطيبة دي ويقدر يمسك نفسه ؟!!
جميلة تسحب يدها " باحراج ' : احنا قاعدين في مكان عام !!!
فارس " يضحك " : ما انا بقولك نتجوز علشان نقعد في مكان خاص .
جميلة : تعرف ان طول عمري كنت نتخيلة ان اليوم اللي هكون فيه جده هكون خلاص بودع الحياة ، معرفش ان اليوم ده هو نفسه اللي ممكن ابدأ فيه الحياة .
فارس : قصدك انك !!! وافقتي ؟ صح ؟
جميلة تبتسم وتنظر له نظرة حب تمتزج بالخجل .
فارس " يضحك " : يلا بينا علي المأذون حالا .
تضحك جميلة : لأ استني .
فارس : انا استنيت كتير ، يلا بينا .
جميلة : لأ لسه حاجة مهمة .
فارس : ايه ؟؟
جميلة : لما اخد قسيمة طـ.ـلا.قي .
في فيلا سلطان
ينتظر سلطان حتي عودة نور ليلا ثم يسأله : اختك غرام ولدت النهاردة ، روحت اطمنت عليها ؟؟
نور : لأ ماكنش عندي وقت .
سلطان : دي اختك الوحيدة ، وكان لازم تسيب اي حاجة وتقف جنبها في الوقت ده .
نور : مادام كلكم كنتوا معها انا كنت هعملها ايه ؟!!
سلطان : يا نور انت هتبقي راجـ.ـل العيلة دي بعدي يعني لازم تكون موجود في كل المواقف دي وتكون سند لكل العيلة .
نور : ان شاء الله .
سلطان : فيه موضوع تاني مهم عايز اتكلم معاك فيه .
نور : خير يا بابا ؟
سلطان : اخر مرة كلمتك علشان ترجع كل الاملاك باسمي قولتلي بعد شهرين ودلوقتي عدا اكتر من اربع شهور ومفيش جديد !! بيتهيألي مش من المفروض اني ألح عليك في الموضوع ده اكتر من كده .
#ألف_قصة_و_قصة
#للكاتب_عادل_عبد_الله
نور : فعلا يا بابا ، ياريت منتكلمش في الموضوع ده تاني .
سلطان : يعني ايه ؟
نور : يعني يا بابا مفيش اي فرق بين لما تكون الحاجات دي باسمي او باسمك ، مفيش داعي نغير حاجة !!
↚
نور : يعني يا بابا مفيش اي فرق بين لما تكون الحاجات دي باسمي او باسمك ، مفيش داعي نغير حاجة !!
سلطان : وحق اختك ؟
نور : لما تطلبه هبقي ادهولها .
سلطان : لكن انا عايز كل حاجة تبقي باسمي طول ما انا عايش !!
نور : اسمحلي يا بابا حضرتك كبرت و محتاج ترتاح وانا قايم بكل حاجة زي ما حضرتك كنت بتطلب مني زمان ، يعني مفيش داعي نغير الوضع الحالي ، وخليك مرتاح .
سلطان : انا بقولك كلمة واحدة ، لازم ترجعلي كل حاجة زي ما كانت .
نور : لا يا بابا مش هرجع حاجة .
سلطان : انت بتكسر كلامي ؟!!
نور : بعد اذنك انا راجع تعبان من الشغل و هطلع ارتاح .
سلطان : استني لما اخلص كلامي وبعديها امشي .
للكاتب عادل عبد الله
نور : انا مش هفرط في حاجة تعبت فيها ، مفيش عندي كلام تاني .
سلطان : وانت من النهارده ملكش اي حاجة في الشركة ومش عايزك تدخلها برجلك .
نور : يعني هتمنعني ادخل شركتي ؟!!
سلطان : مش شركتك ، ولو دخلتها هخليكي امن الشركة يطردك في الشارع .
نور : وانا هسيبلك البيت والشركة وكل حاجة كمان .
تنزل شهد علي الصوت العالي وتفاجئ باحتدام الحوار بينهما !!!
شهد : فيه ايه يا سلطان ؟ في ايه يا نور ؟؟ صوتكم عالي ليه ؟؟
يصعد نور الي غرفته سريعا ...
في غرفة نور
نور : يلا بسرعة جهزي كل حاجاتنا علشان هنمشي من هنا حالا .
منار : هنمشي نروح فين ؟؟
نور : هنسيب البيت ونمشي .
منار : ليه ؟؟
نور : من غير اسئلة كتير ، يلا وهبقي افهمك بعدين .
يجمعوا مجوهراتهم واوراقهم في حقائب ويستعدوا للرحيل .
تصعد شهد وتحاول تهدئة نور .....
انت بتعمل ايه يا نور ؟؟
نور : انا همشي خلاص مليش مكان هنا .
شهد : اوعي تقول كده يا نور ، ده بيتك يا حبيبي .
نور : لأ يا ماما ، هو بيقول هيمنعني ادخل شركتي !! يبقي انا هسيب له كل حاجة وامشي انا ومراتي ومش هيشوف وشي تاني .
شهد : متنساش انه ابوك ومهما يعمل معاك لازم تتحمله .
نور : ده عايز ياخد شركتنا وفلوسنا وتعبنا ويديهم لغرام علي الجاهز .
شهد : هو عايز يضمن حقها بس مش اكتر .
نور : وهي ملهاش اي حقوق عندنا ، انتي ناسية انك تعبتي معاه في الشركة سنين طويل !! وانا من سنتين وانا شايل الشركة علي اكتافي !! انا في اخر سنة بس مكسب الشركة اتنين وخمسين مليون جنية وهو نايم في المستشفي ، تيجي الهانم تشاركني في كل ده علي الجاهز !!!!
شهد : طيب اهدي يا نور وانا هقعد مع باباك و نشوف طريقة تريحكم انتوا الاتنين .
نور : لأ انا ماشي ، ده بيقولي متدخلش الشركة تاني و هيخلي امن الشركة يطردوني !!!
شهد : معلش انت عارف باباك عصبي لكن طيب ، كلمتين وقالهم وقت عصبية .
نور : انا ماشي ولو هو حس بغلطته ببقي يتصل بيا .
شهد : لأ مش هتمشي .
يتركها نور ويمشي بسرعه ثم ينادي علي منار ان تلحق به !!!
شهد : خليكي معاه يا منار ، نور دلوقتي متعصب و مش في وعيه خليكي معاه لغاية ما يهدي و ابقي كلميني قوليلي انتوا فين .
تنصرف منار وتلحق به بينما تنزل شهد الي سلطان وتعاتبه .....
شهد : ايه الي انت عملته ده يا سلطان ؟؟!
سلطان : بعد اذنك يا شهد سبيني اصلح الغلطة اللي انتي عملتيها .
شهد : غلطة !!! انا غلطت يا سلطان ؟!! لولا اني كتبت له كل حاجة كان هيفضل بعيد عن الشركة الشغل ، وكان زمان الشركة وقفت وانت تعبان في المستشفي !! متنساش يا سلطان اننا كبرنا وكان لازم ابنك يباشر شغل الشركة بنفسه .
سلطان : وهو علشان ساعدنا في الشركة يستولي عليها ويبعدني انا ذات نفسي عنها !!! وكمان مش عايز اخته تاخد حقها !!!
شهد : يبقي تتفاهم معاه بالهدوء مش بعصبية لدرجة انه يسيب البيت !!!
سلطان : حاولت معاه بهدوء اكتر من مره وهو بيماطل !! واخرها النهاردة بكلمه بهدوء وكانت النتيجة انه كلمني ببجاحة وقلة ادب !!!
شهد : يعني مبسوط دلوقتي انه اخد مـ.ـر.اته ومشي ؟!!
سلطان : لما يتعلم يكلم ابوه باحترام يبقي يرجع .
شهد : ده ابننا الوحيد يا سلطان مينفعش تقسي عليه كده !!!
سلطان : انتي مش هتعلميني اعمل ايه مع ابني بعد العمر ده كله !!!
شهد : انت بتكلمني كده ليه ؟
سلطان : ارجوكي يا شهد ابعدي عني دلوقتي علشان منخسرش بعض !!!
تتركه شهد غاضبة وتصعد غرفتها وهي تتعجب بسبب موقفه الغير معتاد معها ومع ابنهما نور .
في الكافيه
جميلة : لما اخد قسيمة طـ.ـلا.قي .
فارس : انتي قايلة انك مطلقة من زمان من ابو غرام ، ازاي مش معاكي قسيمة الطـ.ـلا.ق ؟!!!
جميلة : لأني بعد ما سلطان رمي عليا يمين الطـ.ـلا.ق اخدت بنتي وهي لسه رضيعة ومشيت و مرت سينين كتير لحد ما بنتي قابلة ابوها صدفة ، لكن عرفنا انه لسه مش طلق رسمي !!!
فارس : معني كلامك انك لسه علي ذمته !!!
جميلة : في الاوراق بس لكن شرعي احنا مطلقين من زمان .
فارس : وطلبتي انه يطـ.ـلقك رسمي ولا لسه ؟
جميلة : طلبت منه عن طريق بنتي لكنه بيماطل علي امل اني ارجعله .
فارس " بسخط " : وانتي ممكن ترجعيله ؟؟
جميلة : مستحيل .
فارس : للدرجادي بتكرهيه ؟؟
جميلة : مش كره ولا حب ، هو موضوع وانتهي ومستحيل افكر ارجعله تاني ابدا .
فارس : جميلة انا بحبك بجد وهسألك سؤال واحد بس ، بتحبيني ولا لأ ؟؟
جميلة : وموافقتي علي الجواز ده اسمه ايه ؟
فارس : انا عايز اسمعها منك .
جميلة : الكلمة دي بتبقي اجمل ببين اتنين متجوزين .
فارس : وناوية تعملي ايه مع ابو بنتك بالنسبة لقسيمة الطـ.ـلا.ق ؟؟
جميلة : انا قولت لغرام لو مش هيطـ.ـلق رسمي هرفع قضية خلع او طـ.ـلا.ق علشان اخلص .
فارس : لو تحبي انا ممكن اتدخل وانهي معاه الموضوع ده .
جميلة : لا لا بلاش .
فارس : ليه لأ ؟ انا لازم اقف جنبك في كل حاجة .
جميلة : لا مش دلوقتي ، لو احتجت انك تتدخل هقولك اكيد .
في غرفة احد افخم فنادق القاهرة
منار تجلس غاضبة وفي الجانب الاخر يجلس نور في قمة الغضب !!!
منار : انا عايزة اعرف ليه نسيب البيت احنا الاتنين ؟؟ لو كتت عايز تظهر له انك زعلان كنت ممكن تسافر يومين وترجع .
نور : احنا مش هنرجع القصر تاني ، علي الاقل دلوقتي .
منار : وهنعيش فين ؟ وازاي ؟
نور : هنشتري شقة ونعيش فيها .
منار : شقة !!! بعد ما كنا عايشين في فيلا هنعيش في شقة ؟!!!
نور : هنشتري شقة محترمة نعيش فيها بشكل مؤقت .
منار : وهنعيش منين ؟؟ هتشتغل حضرتك موظف ولا هتعمل ايه ؟
نور : منار ، كل الكلام ده مش مهم ، انا معايا في حسابي الشخصي خمسة وعشرين مليون جنية ، هنعيش منهم لغاية ما اشوف هنعمل ايه .
منار : وهتعمل ايه في الشركة والفيلا ؟ هترجعهم باسم باباك ؟؟
نور : مستحيل .
منار : صح انت معاك حق ، ده تعبك ومن حقك لوحدك .
نور " بتعجب " : انا كنت متخيل ان موقفك غير كده .
منار : ليه ؟ انا بقول الحقيقة ، ده حقنا .
نور : كنت متوقع انك تحني لصاحبتك و تقولي رجع لاختك حقها .
منار : لا يا حبيبي ، صحبتي وماله لكن مش علي حساب فلوسي وفلوس جوزي .
نور : انتي لسه بتحبيني يا منار ولا موضوع الخلفة ااا.....
منار : اوعي تكمل يا حبيبي ، انا حبي ليك مستحيل اي حاجة تاثر عليه .
صباح اليوم التالي
يذهب سلطان مبكرا الي الشركة ويعطي تعليمـ.ـا.ت لأفراد امن الشركة بمنع دخول نور الشركة نهائيا !!!
يصعد سلطان الي الشركة بينما يقف العاملون في صدمة من ذلك القرار الغريب !!!
فجميعهم يعلم ان نور هو صاحب ومدير الشركة وان منصب والده الحالي منصب شرفي وصوري فقط ، فما سر هذا القرار العجيب من والده سلطان بيه الان ؟؟!!!
ثم ماذا سيفعلون اذا جاء نور بيه الان الي الشركة ؟؟ هل سيمنعونه حقا ، ام انهم لن يستطيعوا تطبيق هذا القرار ؟؟
لقد اصبحوا الان بين شقي الرحي !!! وظلوا يدعوا ان لا يأتي نور حتي لا يقعوا في هذا الموقف الصعب .
في شقة غرام
تجلس غرام علي فراشها وبجوارها باسل يلاعبون طفلهم حديث الولادة .
تملأ اعينهما السعادة ويملأ وجدانهما الفرح والامل .
صوت جرس الباب ...
غرام : اهلا يا بابا ، تعالي اتفضل .
سلطان : بصراحة انا مش جايلك انتي وباسل ، انا جاي لسلطان الصغير .
تضحك غرام ويضحك باسل ويقول : اتفضل يا اونكل سلطان .
يحمل سلطان حفيده في سعادة وفرح .
#ألف_قصة_و_قصة
#للكاتب_عادل_عبد_الله
بعد ما يقارب نصف الساعة ...
سلطان : انا عايزك في موضوع مهم يا غرام .
باسل : طيب بعد اذنكم انا ، استأذن .
سلطان : لأ خليك قاعد يا باسل ، انت دلوقتي مش غريب ومفيش حاجة تتخبي عنك .
غرام : اتفضل يا بابا .
↚
باسل : طيب بعد اذنكم انا ، استأذن .
سلطان : لأ خليك قاعد يا باسل ، انت دلوقتي مش غريب ومفيش حاجة تتخبي عنك .
غرام : اتفضل يا بابا .
سلطان : خدي الشيك ده .
غرام : ايه ده يا بابا ؟؟
سلطان : ده شيك بستة مليون جنية .
غرام : ليه ؟
سلطان : ده جزء من حقك .
غرام : حقي في ايه ؟ انا مش فاهمة حاجة !!
سلطان : انتي هيكون ليكي نصيب وورث في ثروتي بعد وفاتي .
غرام : بعد عمر طويل .
سلطان : وانا للأسف كنت كتبت كل حاجة باسم شهد لما تعبت وهي كتبتهم باسم نور ، كل ده حصل قبل ما نعرف انك موجودة ، وللأسف حاليا بكلم نور انه يرجع كل حاجة باسمي لكنه رافض ، علشان كده ده جزء من حقك علي ما اقدر اجيبلك باقي حقك من اخوكي .
غرام : يا بابا لكن ....
سلطان : مفيش لكن ، اللي اقولك عليه نفذيه ، امسكي الشيك وافتحي حساب باسمك في البنك حطي فيه الفلوس .
غرام : حاضر يا بابا .
سلطان : تاني حاجة عايز اعرف ايه علاقة امك بالراجـ.ـل اللي اسمه فارس ؟؟
ترتبك غرام ثم تقول : هي تعرفه عن طريق المعارض اللي بتشترك فيها .
سلطان : و ده يستدعي انه يروحلها المستشفي يوم الولادة ؟؟
غرام : معرفش يا بابا ، وعموما دي حياتها الشخصية انا مش من حقي اتدخل واقولها تعمل ايه ومتعملش ايه .
سلطان : ازاي مش من حقك !! دي امك وسمعتك من سمعتها !!
غرام : ايه اللي انت بتقوله ده يا بابا ؟!! بعد اذنك يا بابا متتكلمش عن ماما بالشكل ده .
سلطان : انا مقولتش حاجة غلط ، انا بتكلم في الاصول .
غرام : لأ يا بعد اذنك ، اولا انا مسمحش لأي حد مهما كان هو مين انه يتكلم عن ماما بطريقة مش كويسة ثانيا اتفضل خد الشيك انا مش عايزة فلوس .
سلطان : دي فلوسك ملهاش علاقة بموضوعنا .
غرام : يا بابا بعد اذنك متتكلمش عن ماما بالشكل ده تاني ، انت متعرفش ماما دي عملت ايه !! ماما دي عمرها ما تعمل حاجة غلط ، ماما لو كانت ممكن تغلط كانت غلطت زمان لما كانت لوحدها ومعاها بنتها الصغيرة وملهاش اي مورد رزق تعيش منه ، او علي الاقل اتجوزت !! انما هي ضيعت عمرها علشان تربي بنتها اللي هي انا !!!
سلطان : انا مقصدش حاجة غلط يا غرام ، انا بتكلم عن كلام الناس .
غرام : ماعاش اللي يجيب سيرتها ، اللي يجيب سيرة ماما اقطع لسانه ، و من الاخر يا بابا استاذ فارس متقدم لماما علشان يتجوزها وهما في حكم المخطوبين ومنتظرين قسيمة الطـ.ـلا.ق علشان يتجوزوا .
سلطان : انتي بتقولي ايه ؟ جميلة هتتجوز ؟!!
غرام : ايوه يا بابا حقها ، كفاية عمرها اللي ضاع علشان تربيني ، من حقها تعيش باقي حياتها زي ما تحب .
سلطان : طيب ما انا عرضت عليها نرجع لبعض و رفضت !!!
غرام : اسفة يا بابا ، هي رفضت ترجعلك انت تحديدا !!!
سلطان : رفضتني انا تحديدا ؟!!
غرام : الحقيقة ايوه يا بابا .
سلطان : انا مش مصدق اللي بسمعه .
غرام : لازم تصدق علشان دي الحقيقة ، اللي حصل لماما كتير ومتزعلش مني يا بابا ، حضرتك كنت السبب سواء بطريقة مباشرة او غير مباشرة .
سلطان : ياااه !!! كمان !!!
غرام : بعد اذنك يا بابا ماما عايزة قسيمة الطـ.ـلا.ق .
سلطان : خلصتي كل اللي عندك ؟؟
غرام : ايوه .
سلطان : خرجي نفسك انتي من الموضوع ده ، ومتدخليش فيه تاني .
غرام : زي ما تحب ، لكن يكون في علمك يا بابا ، ماما قالتلي لو حضرتك مش طلقتها رسمي في اقرب وقت هترفع قضية خلع .
سلطان : كمان ؟!!! طيب يا غرام ، مش عايزك تفتحي موضوع امك ده معايا تاني ، وانا وهي هنتصرف مع بعض ، خليكي علي الحياد زي ما هي مامتك انا باباكي .
خرج سلطان تملؤه مشاعر الغضب ذاهبا الي الشركة .
حاول سلطان ممارسة مهام العمل في الشركة ولكنه فوجئ بأنه لا يستطيع التوقيع علي اي اوراق رسمية خاصة بالشركة !!! لا يستطيع الا متابعة سير العمل واعطاء اوردرات العمل للموظفين !!
الان قد تأكد ان نور قد احكم سيطرته علي الشركة بالكامل حتي في حال عدم وجوده !!!
ظل سلطان جالسا يفكر في الواقع الذي يعيشه الان ولم يكن ليتخيله يوما !!!
بعد ايام .....
منار : وبعدين يا نور ناوي تعمل ايه ؟
نور : مش هعمل حاجة ، بابا مش هيقدر يعمل حاجة في الشركة ولازم هيحتاج لوجودي .
منار : وتفتكر هيتصل بيك ؟؟
نور : لازم يتصل بيا والا الشركة هتقف .
منار : معتقدش ان عمي سلطان ممكن يتراجع عن موقفه .
نور : لازم هيتراجع عن موقفه ويطلب مني اني ارجع ووقتها احط انا شروطي واولها انه ميتدخلش في اي حاجة بخصوص الشركة تاني .
منار : ولو باباك عاند معاك ومتصلتش والشركة وقفت ؟!!!
نور : بردو انا مش هتراجع ، مستحيل افرط في تعبي يروح لحد تاني .
منار : انا معاك ، لكن عنادكم ممكن يخسركم انتوا الاتنين !! حاول مع باباك تلاقوا حل يرضي باباك وفي نفس الوقت يحفظ حقوقك .
نور : انا مش هتنازل عن موقفي ابدا يا منار وعارف ومتأكد اني هكون كسبان في النهاية .
في فيلا سلطان
مازالت شهد غاضبة من سلطان !!!
بينما ظل سلطان حبيس احزانه لا يتكلم !!!
تتصل شهد بنور لأطمئنان عليه ...
شهد : بردو مش ناوي ترجع يا نور ؟؟
نور : مش هرجع يا ماما الا لما بابا يوافق انه ينسي الموضوع ده وميتكلمش فيه تاني .
شهد : عيب يا نور ، ده باباك ، مينفعش تفرض عليه شروطك بالشكل ده !!!
نور : وانتي شوفتي عمل معايا ايه ؟؟ بيقولي هيخلي امن الشركة يطردني من شركتي !!!
شهد : قولتلك باباك كان متعصب ولازم تتحمله .
نور : طول عمري بتحمله ، وانا دلوقتي مش صغير يا ماما علشان بابا يكلمني بالطريقة دي !! افرضي كلمني كده قدام موظفين الشركة او قدام مراتي .
شهد : عادي يا نور ده باباك ومهما عمل معاك مش عيب ، خلاص بقي يا نور هستناك ترجع النهاردة .
نور : مش هرجع ولا النهاردة ولا حتي بعد سنة الا لما هو يوعدني انه ميكلمنيش في موضوع الشركة والفلوس مرة تانية .
شهد : بردو يا نور !!! انت بردو مش عايز تسمع الكلام ؟!!
نور : ماما بعد اذنك انا بعمل الصح ليا وليكي ولنا كلنا ، مش هتيجي البنت دي وتاخد تعبنا طول السنين دي علي الجاهز .
تنزل شهد وتجلس في حديقة الفيلا وفجاة تجد رجلا غريبا يقف مع بواب الفيلا !!! ثم يأتي ويسألها : شهد هانم ، فيه محضر من المحكمة بيقول عايز سلطان بيه !!!
شهد : محضر !!!
البواب : ايوه يا هانم .
شهد : عايز سلطان بيه ليه ؟
البواب : بيقول ان سلطان ببه له جلسة في محكمة الاسرة .
شهد " تضحك " : محكمة الاسرة !!! ده اكيد فيه غلط في الاسم او العنوان .
تنادي شهد علي محضر المحكمة وتسأله : انت عايز مين بالظبط ؟؟
المحضر : مش دي فيلا سلطان ابو المجد ؟؟
شهد : ايوه .
المحضر : هو فين يا هانم ؟؟
شهد : سلطان بيه نايم فوق ، عايزه ليه ؟
المحضر : فيه اعلان من محكمة الأسرة بجلسة قضية خلع .
شهد : خلع ازاي ؟!! اذا كنت انا مـ.ـر.اته وواقفة قدامك اهو !!!
المحضر : حضرتك مدام جميلة ؟؟
شهد " بدهشة شـ.ـديدة " : جميلة !!!!!!!!!
المحضر : ايوه يا هانم ، زوجته مدام جميلة رفعت عليه قضية خلع .
شهد : طيب هات الاعلان انا هستلمه .
شهد تقرأت الاعلان والدمـ.ـو.ع تملأ عينيها !!!!! ثم تصعد الي غرفة سلطان لتجده جالسا شارد الذهن !!!
تمد يدها بورقة الاعلان وتقول " بسخرية " : اتفضل يا سلطان بيه استلم .
سلطان : ايه ده ؟
شهد : طالبينك في محكمة الاسرة علشان مراتك رافعة عليك قضية خلع !!
سلطان : مراتي !!!!!
يسحب منها الاعلان ويقرأه ويرتبك !!!
شهد " بدمـ.ـو.ع " : اتكلم ، دافع عن نفسك !! انا عايزة اعرف انت رجعتلها امتي وازاي ؟؟؟
سلطان : اناااا.....
شهد " بسخرية " : انت كـ.ـد.اب وغشاش لكن ممثل قدير ، قدرت تمثل عليا الدور تمام .
سلطان : اناااا...
شهد : انت هتدافع عن نفسك تقول ايه ؟!! انا نفسي اعرف رجعتلها امتي ؟؟ وام الدكتورة كمان مش استحملتك وعايزة تطلق !!!
سلطان : اسمعي يا شهد .
شهد : مش عايزة اسمع منك حاجة !!!
سلطان : انا مطلقتش جميلة رسمي لحد دلوقتي .
#ألف_قصة_و_قصة
#للكاتب_عادل_عبد_الله
شهد : يعني كنت بتضحك عليا وتستغفلني لما قولتلي انك طلقتها رسمي ؟؟!!
سلطان : مكنتش عايزك تزعلي .
شهد : مطلقتهاش علشان بتحبها !! مش كده ؟؟؟؟
سلطان : لأ مش بحبها ، انا كنت عايز اعوضها عن البهدلة اللي شافتها في حياتها بسببنا .
شهد : طلقني يا سلطان .
↚
سلطان : لأ مش بحبها ، انا كنت عايز اعوضها عن البهدلة اللي شافتها في حياتها بسببنا .
شهد : طلقني يا سلطان .
سلطان : انتي اتجننتي يا شهد !!! ايه اللي بتقوليه ده ؟!
شهد : انت مصمم تكدب عليا و تخدعني ومادام عايز تعوضها اتفضل روحلها وعوضها براحتك لكن لازم تطلقني !!
سلطان : يا شهد انتي حب عمري ومستحيل استغني عنك ابدا ، احنا بنحب بعض من اكتر من اربعين سنة !! مش ممكن ابعد عنك دلوقتي !!!
للكاتب عادل عبد الله
شهد : انا ماشية وهروح اعيش مع ابني و هستني منك ورقة الطـ.ـلا.ق .
غادرت شهد الفيلا الي الفندق ...
نور : ايه اللي حصل يا ماما ؟؟
شهد " بدمـ.ـو.ع " : ابوك ضحك عليا ولسه مطلقش جميلة لحد دلوقتي .
نور : معقول !!! يعني عايز يرجعلها ؟!!
شهد : معرفش عمل كده ليه !!! بقي بعد العمر ده كله ابوك بيخدعني ؟!!!
نور : طيب اهدي يا ماما ، وانتي سيبتي الفيلا ليه ؟؟ ده ممكن يجيبها ويعيشوا فيها !!!
شهد : يعمل اللي يعمله انا خلاص مش عايزاه ومش هرجعله تاني .
نور : لأ يا ماما ، انتي اديتي للانسانة دي فرصة زمان تكون حاجة لما جوزتيها جوزك ، اوعي تديها فرصة دلوقتي تبقي هانم علي حسابك !!
شهد : هي اساسا عايزة تطلق من ابوك !!
نور : دي بتمثل كده علشان فاكره ان بابا ممكن يكتبلها حاجة من املاكه ، انا عارف الاشكال دي ، لكن طول ما انا موجود عمرهم ما هياخدوا منه حاجة .
هنا تدخلت منار : الحقيقة يا نور انت واخد فكرة غلط عن غرام ومامتها .
نور " بسخط " : قصدك ايه ؟؟ قصدك انهم محترمين ومش يهمهم الفلوس ؟!!
منار : غرام طول عمرها محترمة وعمرها ما اهتمت بالامور المادية ، ومامتها الشهادة لله ست محترمة .
نور : انت معايا ولا معاهم ؟؟؟
منار : انا معاك طبعا يا حبيبي ، لكن بقول الحقيقة .
نور : الحقيقة انا اعرفها كويس .
شهد : انت ناوي تعمل ايه دلوقتي ؟؟
نور : اولا انتي لازم ترجعي بيتك .
شهد : دلوقتي مستحيل .
نور : مادام كده يبقي انا اشتري فيلا صغيرة نعيش فيها انا وانتي ومنار لغاية لما ترجعي لبابا .
في منزل جميلة
تجلس جميلة ترسم احدي اللوحات بينما ذهنها شارد تماما !!!
يدق جرس هاتفها .....
جميلة : ايوه يا فارس .
فارس : بتعملي ايه يا عيون فارس .
جميلة " تضحك " : برسم .
فارس : ما تيجي نتعشي مع بعض ؟
جميلة : تؤ تؤ ، النهاردة هنام بدري .
فارس : ليه ؟ مالك ؟
جميلة : عادي ، مفيش حاجة .
فارس : يبقي نتعشي مع بعض ، انتي حشـ.ـتـ.ـيني و قوي .
جميلة : وحشتك ازاي وانت طول اليوم معايا علي التليفون ؟!!!
فارس : مش كفاية .
جميلة : وكنا مع بعض مع تلات ايام !!!
فارس : تلات ايام كاملة ، يعني اتنين وسبعين ساعة يعني اربع الاف وتلتماية وعشرين دقيقة كتيييير قوي !!!
جميلة : امري لله ، هجهز نفسي وانزل .
فارس : هعدي عليكي بالعربية بعد نص ساعة .
في احد المطاعم الفاخرة
يدخل فارس ومعه جميلة وتجلس ويجلس امامها فارس .
جميلة " تبتسم " : انت هتفضل قاعد باصص لي كده ؟!!!!
فارس : علشان افتح نفسي علي الاكل .
جميلة : انت كده علطول يا فارس ؟؟
فارس : يعني ايه ؟؟
جميلة : يعني اسلوبك حلو كده علطول ولا دي حلاوة البدايات ؟؟
فارس : لا يا حبيبتي انا اسلوبي كده مع الناس اللي بحبهم علطول .
جميلة : هتفضل تحبني لحد امتي ؟؟
فارس : لأخر يوم من عمري .
جميلة : بالراحة عليا يا فارس من كلامك الحلو ده !! انا مش متعودة علي كده !!! اخاف اتعود علي الكلام الحلو ده .
فارس : اتعودي يا حبيبتي ، انا هفضل معاكي كده علطول .
بعد تناول العشاء
تجلس جميلة وامامها عصير البرتقال بينما يحتسي فارس قهوته يرمقها بنظراته المبتسمة .
جميلة : نظراتك دي !!!
فارس : مالها ؟
جميلة : بتكسفني !!!
فارس يمسك يدها بين يديه : غصب عني مش بـ.ـارادتي .
للكاتب عادل عبد الله
جميلة : انت بتحبني قوي كده ؟؟
فارس : اكتر مما تتخيلي .
جميلة : انا نفسي اعرف حبيتني كده امتي وازاي ؟؟
فارس : من اول مرة شوفتك فيها اعجبت بيكي وكان نفسي اكلمك ، ولما سألت عنك وعرفت انك مطلقة وعايشة لوحدك مع بنتك بدأت افكر فيكي اكتر ، ولما كلمتك وقربت منك حبيتك .
جميلة " تضحك " : انت كلامك كلام شاب عنده عشرين سنة .
فارس : علشان قلبي من يوم ما شوفتك رجع وكأنه شاب صغير .
جميلة : طيب اجل شوية كلام من الحلو ده لبعد الجواز .
فارس : قوليلي عملتي ايه مع ابو غرام في موضوع الطـ.ـلا.ق ؟
جميلة : انا خلاص رفعت قضية خلع عليه .
فارس : والجلسة امتي ؟
جميلة : بعد عشر ايام .
فارس : وبعدها نتجوز علطول ؟
جميلة : بعد شهور العدة .
فارس : يعني لسه هستني تلات شهور ؟!!!
جميلة : معلش فات الكتير ما بقي الا القليل .
فارس : ولو ابو غرام طلب منك قدام القاضي ترجعيله ؟؟
جميلة : هرفض طبعا .
فارس : اوعي تبعدي عني يا جميلة .
جميلة : اوعي انت تتغير بعد كده يا فارس ، نفسي تفضل كده علطول .
فارس : ولما نتجوز هتشوفي معايا اجمل ايام حياتك .
جميلة : بجد يا فارس ؟؟
فارس : بجد يا قلب فارس .
جميلة : انا تعبت قوي في حياتي !! نفسي الايام الجاية تكون فعلا احلي .
فارس : هتشوفي معايا اجمل ايام حياتك .
جميلة : كفاية بقي كده ، الساعة عشرة ونص ومش عايزة اتأخر اكتر من كده .
فارس : خلينا قاعدين شوية .
جميلة : معلش يا فارس ، مش عايزة ارجع متأخرة علشان كلام الناس .
فارس : طيب يا حبيبتي زي ما تحبي .
خرج فارس و جميلة وركبا سيارته وقام بتوصيلها حتي منزلها .
فارس : جميلة .
جميلة : نعم .
فارس : مش عايز اسيبك وامشي .
جميلة " تضحك " : يعني نفضل قاعدين في العربية ؟!!
فارس : لأ ، ممكن نطلع نكمل كلامنا فوق !!!!!!
في الفندق
نور يتصل بأحد موظفي شركته ...
نور : اخبـ.ـار الشركة ايه ؟
الموظف : الشركة مضلمة من غيرك يا نور بيه .
نور : سلطان بيه بيروح الشركة كل يوم ؟؟
الموظف : ايوه ، كل يوم .
نور : و الشغل ماشي ولا وقف ؟؟
الموظف : الشغل ماشي لكن علي وشك انه يقف خلاص ، انا زعلان قوي علي الشركة يا نور بيه .
نور : متزعلش ، فترة وتعدي واول ما ارجع الشركة كل حاجة هترجع لوضعها .
الموظف : وحضرتك هترجع الشركة امتي ؟
نور : مش دلوقتي ، لكن قريب .
الموظف : انا خايف شغل الشركة يقف !!
نور : شغل الشركة فعلا هيقف ، وبالنسبالك انت متخافش ، لو الشغل وقف هبعتلك مرتبك .
الموظف : متشكر قوي يا نور بيه ، لكن انا مش بتكلم عن المرتب ، انا بتكلم عن الشركة نفسها مش عايزها تقف .
نور : معلش كبوة وهتعدي وكل خاجة هترجع زي الاول واحسن .
بعد اسبوعين ...
يجلس سلطان حزين في ذهول مما وصل اليه حاله !!!
يفكر ..... ماذا فعلت ليصل حالي الي ما وصلت اليه !!!
الان وقد قاربت علي السبعين من العمر اصبحت وحيدا !!!
كان لدي زوجتين و ابن وابنه ، اين هم الان !!! لقد انفضوا جميعا من حولي وتركوني وحيدا !!!
حتي المال الذي اضعت عمري كاملا في جمعه لا استطيع التمتع به الان وقد يذهب ادراج الرياح !!!
شركتي توقفت عن العمل وقد لا تعمل مرة اخري الا اذا خنعت لأبني وهو ما لن يحدث ابدا !!!
#ألف_قصة_و_قصة
#للكاتب_عادل_عبد_الله
حتي شهد حب عمري تركتني وذهبت !!!
وحتي جميلة لم يتبقي علي موعد جلسة الخلع الا ايام !!!
لابد ان اتخذ القرار السليم قبل هذا الموعد بالتأكيد !!!!!!!
↚
فارس : مش عايز اسيبك وامشي .
جميلة " تضحك " : يعني نفضل قاعدين في العربية ؟!!
فارس : لأ ، ممكن نطلع نكمل كلامنا فوق !!!!!!
جميلة : ايه اللي انت بتقوله ده ؟!!
فارس : انا قصدي .....
جميلة : انا كده ممكن اغير فكرتي عنك يا فارس !!!
فارس : انا اسف ، انا مقصدش حاجة .
جميلة : انا هعتبر نفسي مسمعتش الكلمة دي علشان تفضل علاقتنا زي ما هي .
للكاتب عادل عبد الله
فارس : انا اسف لو كنتي فهمتيني غلط ، تصبحي علي خير .
جميلة : وانت من اهله .
بعد ايام ...
جميلة تقضي الغالب من وقتها ما بين الرسم و قراءة الروايات ، واحيانا تذهب لابنتها تدلل طفلها الصغير .
تستيقظ متأخرا وتجلس تتناول طعام الافطار وحدها ، واذا بها تسمع صوت دقات جرس الباب !!
تتعجب جميلة !! من الذي يدق عليها بابها !!!
تنظر من خلف الباب لتجد سلطان !!!تفتح جميلة الباب ...
جميلة : للأسف مش هقدر اقولك اتفضل لأني لوحدي .
سلطان : انتي ترفعي عليا قضية خلع ؟!!
جميلة : انت اللي اضطريتني اعمل كده .
سلطان : ويهون عليكي العشرة اللي بينا توقفيني في المحكمة وانا في العمر ده ؟!!!
جميلة : انا مكنتش عايزة كده ، لكن انت اللي رفضت تديني حريتي .
سلطان : علشان كنت باقي عليكي وكنت فاكر اننا ممكن نرجع لبعض .
جميلة : وانا قولتلك كتير ان ده مش هيحصل .
سلطان : مش انا يا جميلة اللي اقف في المحكمة ومراتي تخلعني ، انتي طالق .
جميلة : وايه الجديد ، ما انت طلقتني شفوي من اكتر من خمسة وعشرين سنة ؟!!!
سلطان : المأذون معايا تحت في العربية ، ممكن تسمحيلنا نطلع ؟؟
جميلة : انت كنت ممكن تطلقني غيابي ، انا كده كده مش هطلب منك حاجة ، وعلي العموم اتفضلوا .
بعد نصف ساعة
انصرف سلطان ومعه المأذون وجلست جميلة تسترجع كل ما حدث وكأنها صور تمر من امام عينيها !!! ذكريات كانت بدايتها جميلة ونهايتها حزينة !!!
انتبهت جميلة لتمسح بعض الدمـ.ـو.ع ثم امسكت بهاتفهها واتصلت ...
جميلة : مساء الخير يا فارس ، عامل ايه ؟
فارس : مساء الفل ، انا بخير الحمد لله ، طمنيني عليكي .
جميلة : عندي مفاجأة مش هتخطر علي بالك .
فارس : اكيد مفاجأة حلوة زيك .
جميلة : حلوة قوي ، تخيل مين كان عندي هنا من شوية ؟؟
فارس : مين ؟؟
جميلة : سلطان ابو غرام .
فارس " بعصبية " : كان عندك ليه ؟ وبيعمل ايه ؟
جميلة : كرامته وجعته علشان قضية الخلع ، جاب المأذون وطلقني .
فارس : بتتكلمي بجد ؟
جميلة : ايوه يا فارس ، انا خلاص اتطلقت وبقيت حرة .
فارس : الف مبروك يا حبيبتي ، يكون في علمك بعد تلات شهور ويوم بالظبط هنتجوز .
تضحك جميلة : مستعجل علي ايه ؟؟
فارس : كل الصبر ده وتقولي مستعجل ؟!! العمر بيجري يا جميلة ومش هنقضي عمرنا كله في الانتظار !!!
جميلة : يارب بعد كده ميجيش يوم وتنـ.ـد.م .
فارس : انـ.ـد.م !! معقول انـ.ـد.م اني اتجوزتك يا جميلة !!! ده اليوم اللي انا بستناه .
بعد ايام
في فيلا نور الجديدة
تجلس شهد مع نور ومنار وتفاجئ شهد برسالة علي الواتساب .
تفتح لتجد الرسالة من سلطان !!!
تفتح الرسالة لتجدها صورة لقسيمة طـ.ـلا.ق جميله منه بتاريخ اليوم .
تضحك شهد حينما تقرأ الرسالة ، فيتعجب نور ويسألها : فيه ايه يا ماما ؟
شهد : دي رسالة من ابوك .
نور : عايز ايه ؟
شهد " تبتسم " : بعت لي قسيمة طـ.ـلا.ق جميلة .
نور : ده بعتها لك بيطمنك علشان ترجعيله .
شهد : انا عارفة سلطان ، بيحبني وميقدرش يستغني عني ابدا .
نور : يعني هترجعي له يا ماما ؟؟
شهد : انا كمان بحبه .
نور : بسهولة كده ؟؟
شهد : لأ لما يوافق علي شروطي .
ثم تجد رسائل اخري من سلطان ...
- بحبك يا شهد يا حب عمري .
- انتي فهمتيني غلط يا شهد ، انا مقدرش اخونك او اخدعك ابدا .
- ارجعي علشان خاطري .
- احنا عيشنا طول عمرنا مع بعض ، مش ممكن نختم حياتنا بعيد عن بعض .
كانت شهد تقرأ تلك الرسائل وقلبها ملئ بالسعادة والفرح بعد ان تبددت مشاعر الخديعة والخيانة وتبدلت الي مشاعر الانتصار والسعادة .
بعد ايام
في احد الفنادق الفاخرة
تجلس شهد وجها لوجه امام سلطان ...
شهد : نعم ، عايز ايه ؟؟
سلطان : انتي عارفة يا شهد .
شهد : ايوه عارفة طبعا ، عارفة انك كنت بتخدعني ، وعارفة كمان انك كنت متمسك بجميلة ، وعارفة انك كنت عايز ترجعلها .
سلطان : لأ ، المفروض تكوني عارفة انك حب العمر واني فرطت في جميلة وفي بنتي زمان علشان خايف علي زعلك واني مقدرش اعيش من غيرك .
شهد : عايز ايه يا سلطان ؟
سلطان : عايزك تروحي معايا .
شهد : اروح معاك لكن بشرط .
سلطان : ايه هو ؟؟
شهد : اولا مفيش خروج من البيت الا ورجلي علي رجلك .
سلطان : موافق .
شهد : ثانيا تتصل بنور وتكلمه يرجع يعيش معانا ويرجع الشركة تاني .
سلطان " بحدة وعصبية " : انتي عايزة تذليني قدام ابني ؟!!!
شهد : انا مقصدش ما عاش اللي يذلك يا سلطان .
سلطان : شرطك الاول ده حقك وانا وافقت عليه بدون تردد علشان عايز نرجع لبعض انما لو هتذليني قدام ابني يبقي ...
شهد : خلاص يا سلطان انا اسفة .
سلطان : طيب يلا نرجع بيتنا ونكمل كلامنا هناك .
بعد ثلاثة شهور
في الكافيه
فارس : النهاردة اخر يوم في التلات شهور .
جميلة : يااااه !!! انت بتحسبهم باليوم !!
فارس " يبتسم " : وبالساعة وبالدقيقة .
جميلة " تبتسم " : ايوه النهاردة اخر يوم .
فارس : بكره الصبح هجيب المأذون واجيلك .
جميلة : لاااا ، ده انت مـ.ـجـ.ـنو.ن بجد !!!
فارس : مـ.ـجـ.ـنو.ن بيكي ، خلاص اتفقنا ؟؟ بكره هجيلك بالمأذون .
جميلة : لا طبعا استني علشان استعد .
فارس : استني قد ايه ؟؟
جميلة : شهر واحد بس .
فارس : لا طبعا كتير جدا .
جميلة : طيب اسبوعين .
فارس : لأ ، النهاردة ايه ؟
جميلة : النهاردة السبت .
فارس : يوم الخميس الجاي .
جميلة " بدهشة " : ايه !!!! لا طبعا .
فارس " يضحك " : انا بقولك من النهاردة اهو ، يوم الخميس الجاي هجيلك ومعايا المأذون ، تستعدي او متستعديش انتي حرة .
جميلة : طيب خليها الخميس اللي بعده .
فارس : الخميس الجاااي .
في شقة غرام
جميلة : حشـ.ـتـ.ـيني و يا غرام وسلطان الصغير وحشني قوي .
غرام : وانتي كمان يا ماما ، معلش من ساعة ما رجعت الشغل مش عارفة ازورك .
جميلة : ربنا معاكي ويوفقك .
غرام : وانتي اخبـ.ـارك ايه يا ماما ؟
جميلة : انااا.....
غرام : مالك يا ماما ؟ في حاجة ؟؟
جميلة : انااا عدة طـ.ـلا.قي من باباكي خلصت .
غرام : ايوه تقريبا عدا تلات شهور .
جميلة : اناااا ، انا هتجوز .
غرام : هتتجوزي ؟؟!!!!
جميلة : ايوه يا غرام ، ولو مش موافقة ...
غرام : مادام هتكوني سعيدة مقدرش اعترض .
جميلة : انا حاسة انك زعلانة !!!
غرام : لا يا ماما مش زعلانة .
جميلة : لكن شكلك وكلامك بيقول غير كده !!!
غرام : انا بس يعني مش متخيلة ، لكن يا ماما ده حقك .
جميلة : لو جوازي هيضايقك يبقي بلاش .
غرام : لا يا ماما ، مش هتضايقك ، اتجوزي وافرحي وعيشي حياتك زي ما تحبي .
جميلة : بتقولي كده علشان ترضيني يا غرام ؟!!!
غرام تقوم وتحتضن امها وتبتسم : لا يا ماما ، انا فعلا مقتنعة وموافقة ، الف مبروك يا ماما ربنا يسعدك يارب .
جميلة : الله يبـ.ـارك فيكي يا حبيبتي .
غرام : استاذ فارس طبعا ؟؟
جميلة : ايوه .
غرام : امتي يا ماما ؟
جميلة : يوم الخميس الجاي .
غرام : الف مبروك يا ست الكل .
يوم الخميس
الساعة السادسة مساء،
جميلة ترتدي فستان سهرة انيق و بجوارها ابنتها غرام وزوجها باسل .
يأتي فارس ومعه المأذون و بعض من الاصدقاء .
#ألف_قصة_و_قصة
#للكاتب_عادل_عبد_الله
بعد عقد القران ينصرف اصدقاء فارس ثم تقوم غرام وزوجها وتهنئ جميلة وفارس ثم تنصرف و تغلق جميلة الباب بينما تشعر بخوف وتردد وكأنها ليلة زفافها الاولي !!!
يأتي فارس ويحتضنها بينما تشعر جميلة بخجل جم !!!
فارس : انا مش مصدق نفسي . اخيرااا ، اخيرا يا جميلة ، يا احلي واجمل جميلة في الكون كله .
جميلة تحاول الابتعاد في خجل : استني طيب هقولك .
فارس : لا انا اللي عندي كلام كتير عايز اقولهولك .
ثم يحملها فارس علي ذراعيه سائرا الي غرفة النوم .
↚
صباح اليوم التالي ...
فارس : صباح الخير يا احلي واجمل عروسة في الدنيا .
جميلة : صباح النور يا حبيبي .
فارس : ياااه !! اول مرة تقوليلي يا حبيبي !!
جميلة : انا قولتلك قبل كده ان الكلام ده له وقته ، وده وقته يا قلبي .
فارس : وكمان قلبك ، النهارده اسعد يوم في حياتي .
جميلة " تبتسم " : تؤتؤ ، مش معقول طبعا مش هصدقك .
فارس : ليه ؟؟
جميلة " تضحك " : يعني اكتر من خمسين سنة عيشتهم مفيش فيهم يوم احلي من النهاردة ؟! مستحيل طبعا !!!
فارس : هتصدقيني لو قولتلك اني النهاردة حسيت اني نسيت كل حاجة الا انتي ؟!
جميلة " تضحك " : لا طبعا مش هصدقك .
فارس " يضحك " : سمعتي افنية انت عمري لأم كلثوم لما بتقول قبل ما تشوفك عينيا عمر راح يحسبوه ازاي عليا .
جميلة " تضحك " : الله عليك يا فنان ، وصوتك حلو كمان .
للكاتب عادل عبد الله
فارس : ايه رأيك لما نسافر النهاردة شرم نقضي اسبوع هناك .
جميلة : لا خلينا هنا احلي .
فارس : ده اسبوع واحد بس .
جميلة : ماشي ، وخلي السفر بكره .
فارس : موافق ، وياريت لما نرجع نروح نعيش في شقتي بقي .
جميلة : لا يا فارس انا قولتلك انا بحب شقتي دي وعايزة نعيش فيها علطول .
فارس " يضحك " : حاضر يا حبيبتي زي ما تحبي ، ما تيجي ناخد شوية عسل .
جميلة " تضحك " : لما نفطر الاول .
في فيلا سلطان
شهد : هتفضل مش بتكلم ابنك يا سلطان ؟؟
سلطان : مين اللي غلطان يا شهد ؟! انتي شوفتي ابنك غلطان و مش عايز يرجعلي املاكي علشان مش عايز يدي اخته حقها !! وكمان بيتكبر عليا !!!
شهد : شباب وطايش ومش مستوعب يا سلطان ، المفروض انت تحتويه !!
سلطان : لما يعرف غلطته ساعتها استوعبه واعرفه واقف جنبه انما غير كده لأ .
شهد : ده ابنك الوحيد يا سلطان !!!
سلطان : لكن ابن عاق .
شهد : والشركة اللي اتقفلت مش زعلان عليها ؟؟
سلطان : اكيد حزين عليعا طبعا ، بعد ما ضيعت فيها عمري اشوفها كده !!
شهد : طيب علي الاقل ابنك يفتح الشركة !!
سلطان : يفتحها ؟؟
شهد : علشان سمعة الشركة في السوق .
سلطان : موافق يفتحها لكن يكون في علمك طول ماهو مش عايز يرجع لأخته حقها هكون غضبان عليه ليوم القيامة .
بعد ايام
يعود نور للشركة ويعاود نشاطها تدريجيا .
يعود كل يوم للمنزل متأخرا مما يسبب سخط وغضب منار .
منار : انت كل يوم ترجع بعد نص الليل يا نور ؟!!
نور : الشركة يا حبيبتي محتاجة مجهود علشان ترجع لوضعها الطبيعي .
منار : وانا كل يوم برجع وافضل قاعدة لوحدي من العصر لحد دلوقتي !!! انا زهقت كده يا نور .
نور : عايزاني اسيب شغلي واقعد جنبك علشان تكوني مبسوطة ؟!!!
منار : لأ انا اللي اعقد جنبك .
نور : ازاااي ؟!
منار : انا اخد اجازة من المستشفي واساعدك في الشركة .
نور : وانتي تفهمي حاجة في شغل الشركة ؟؟
منار : اتعلم يا حبيبي ، شهر او شهرين واكون فهمت كل حاجة واساعدك .
نور : موافق ، بس مترجعيش تشتكي ان الشغل كتير ومتعب .
منار " تضحك " : متخافش يا حبيبي ، مادام هكون جنبك هكون مبسوطة .
بعد شهور
نور : انا مسافر المانيا بعد اسبوع .
منار : ليه يا حبيبي ؟
نور : هعمل عملية هناك .
منار : علشان موضوع الخلفة بردو ؟؟
نور : ايوه .
منار : يا حبيبي انا راضية كده مفيش داعي تتعب نفسك .
نور : لكن انا عايز اكون اب .
منار : خلاص براحتك .
نور : هتسافري معايا ؟
منار : وشغل الشركة ؟؟
نور : يعني مش هتسافري ؟؟
منار : اومال انا كنت بتعلم الشغل ليه ؟! مش علشان لما تكون مشغول اسد مكانك !!
نور : اوكي زي ما تحبي .
متار : انت موضوع الخلفة ده فارق معاك للدرجادي ؟؟
نور : ايوه طبعا .
منار : قولي بصراحة يا نور لو كانت المشكلة عندي انا ، كنت هتعمل ايه ؟؟
نور : اكيد كنت هتجوز .
منار " بدهشة " : انت بتقول كده عادي وبدون تفكير ؟!! ومش خايف اني ازعل ؟!!
نور : انا صربح وبكلمك الصراحة ، ولا عايزاني اكدب عليكي واقولك اني كنت هنسي حلم الخلفة علشان خاطرك ؟!!
متار : لا طبعا ، ماشي يا نور سافر واعمل العملية وربنا ينولك اللي انت عايزه .
في فيلا سلطان
ترتدي وتستعد للخروج !!
سلطان : رايحة فين يا شهد ؟
شهد : ازور شيماء اختي .
سلطان : اتصلي بيها تيجي هنا احسن .
شهد : ده انا هزورها علشان عيانة .
سلطان : وهتخرجي وهتسبيني لوحدي ؟؟
شهد : لو عايز تيجي معايا تعالي .
سلطان : انا نفسيتي تعبت من قعدتي في البيت كده .
شهد : انت اللي حابس نفسك في البيت يا سلطان ، اخرج روح النادي ، قابل اصحابك علي الكافيه ، اعمل اللي نفسك فيه وعيش حياتك .
سلطان : عارفة يا شهد انا عيشت عمري كله في الشغل ، طول حياتي شغل في شغل لدرجة ان دلوقتي مش عارف اعيش زي ما انتي بتقولي .
شهد : قوم البس يا سلطان وتعالي معايا نزور شيماء وبعدين نقعد في النادي شوية .
في منزل جميلة
فارس : مالك يا قلبي شكلك متغير ليه ؟
جميلة : تعبانة شوية .
فارس : سلامتك يا قلبي مالك ؟
جميلة : مش عارفة يا فارس ، حاسة بتعب في جـ.ـسمي كله مش عارفة ليه !!
فارس : انا هتصل بدكتور ييجي يكشف عليكي حالا .
جميلة : لا لا ملوش لزوم .
فارس : لأ مش هسيبك تعبانة كده وافضل ساكت ، انا هتصل بالدكتور .
جميلة : لأ خلاص ، انا هكلم غرام بنتي تيجي تزورني وتكشف عليا بالمرة .
فارس : ايوه كده احسن .
في المساء
غرام تكشف علي جميلة كشف ظاهري وتبدو علي وجهها الصدمة !!!!!
جميلة : مالك يا غرام فيه ايه ؟؟
غرام : ماما ، انتي حامل !!!
جميلة : ايييه !! حامل !!!!!
غرام : ايوه .
فارس : بجد جميلة حامل ؟؟
غرام : ايوه يا عمو ، كل دي اعراض حمل !! انا هنزل اجيب اختبـ.ـار حمل حالا علشان اتأكد .
فارس : الف مبروك يا حبيبتي .
جميلة : بتهزر يا فارس !!! مبروك علي ايه !! حامل في السن ده ؟؟!!
فارس : وايه يعني يا حبيبتي ، دي اجمل حاجة ، علشان حبنا يكون له ثمرة حلوة زيك .
جميلة : يا فارس انا .....
تعود غرام بأختبـ.ـار الحمل ...
يلا يا ماما هنعمل الاختبـ.ـار ده نتأكد منه انك حامل او لأ .
غرام : انتي حامل يا ماما فعلا !!!
جميلة : في السن ده يا غرام ؟!! انا عندي ستة واربعين سنة !!!
غرام : ماما ، متزعليش مني الحمل ده خطر عليكي وعلي المولود كمان !!!
جميلة : وانا اعمل ايه يا غرام ؟! انزله ؟
غرام : لأ طبعا يا ماما ، حـ.ـر.ام .
فارس : اوعي تقولي كده يا جميلة .
جميلة : طيب اعمل ايه ؟
غرام : كنتي المفروض اخدتي وسائل منع الحمل يا ماما .
جميلة : انا مجاش في خيالي ابدا اني ممكن احمل !!!
فارس : والحمد لله انه حصل يا جميلة ، وبأذن الله مفيش خطورة عليكي .
غرام : خلاص يا ماما مادام ربنا اراد كده يبقي خير بأذن الله ، الف مبروك يا حبيبتي .
جميلة : مبروك علي ايه !! انا خايفة قوي !!!
غرام " تبتسم " : متخافيش يا حبيبتي ، انتي يا ماما طول عمرك بتحبي الخير للناس واكيد ربنا بعتلك الحمل ده خير ليكي مش شر ابدا .
فارس : متخافيش يا جميلة طول ما انا جنبك .
جميلة : اوعي يا غرام حد يعرف !!
غرام " بدهشة " : ليه يا ماما ؟؟
جميلة : خليها سر دلوقتي لو الحمل كمل علي خير يبقي الناس يعرفوا عادي ولو مش كمل مفيش حد يعرف غيرنا .
غرام : وايه المغزي من كده ؟!!
جميلة : ولا حاجة ، اعملي اللي بقولك عليه .
غرام : حاضر يا ماما .
بعد شهور ...
جميلة : انا تعبت في الحمل ده قوي يا غرام !!! انا فيكي متعبتش كده !!!
غرام : معلش يا ماما ، متنسيش انهم تؤام !!
جميلة " تضحك " : والنبي ما تفكريني ، انا مش عارفة هربي الاتنين ازاي ؟!!!
فارس " يضحك " : متخافيش يا جميلة انا هساعدك ، انتي ناسية ان اوقات شغلي قليلة قوي وتقريبا علطول فاضي !!
جميلة " تضحك " : يا فارس تربية الاولاد صعبة مش زي ما انت فاكر ، عموما كلها اقل من شهر واولد واشوف هتعمل ايه يا حبيبي !!
#ألف_قصة_و_قصة
#للكاتب_عادل_عبد_الله
في الشركة ....
نور يتلقي اتصال من شهد ...
شهد : حبيبي يا نور عامل ايه وحشني قوي قوي .
نور : الحمد لله يا ماما بخير ،انتي عاملة ايه ؟
شهد : الحمد لله يا حبيبي ، عندي خبر ليك هيفرحك .
نور : خير يا ماما ؟
شهد : بسام ابن خالتك خارج بعد شهر .
نور : والله وحشني الواد ده .
شهد : علفكرة هو كان بيقول انه زعلان منك علشان مكنتش بتزوره في السجن .
↚
في منزل شيماء
شيماء تحت.ضن ابنها بسام بقوة ودمـ.ـو.ع الفرحة تغمر وجهها .....
شيماء : حمدلله علي السلامة يا قلب امك ، نورت بيتك يا حبيبي .
بسام : الله يسلمك يا امي ، حشـ.ـتـ.ـيني و قوي ووحشني حض.نك .
باسل : حمدلله علي السلامة يا بسام .
بسام : الله يسلمك يا باسل ، اخبـ.ـارك ايه ؟ ومراتك و ابنك فين ؟؟ نفسي اشوف ابنك .
باسل : هجيبه بكره تشوفه ، المهم اني شوفتك ، انت كنت وحشني قوي .
بسام : انت اكتر يا باسل ، رغم اني كنت زعلان انك اتجوزت في غيابي .
باسل : عقبالك يا بسام .
بسام : لا انا مش دلوقتي .
باسل : ليه يا بسام ؟ ياريت تغير اسلوب حياتك و تبعد عن الطريق اللي كنت ماشي فيه .
بسام : طبعا طبعا ، هي خالتي شهد ونور ابن خالتي فين ؟
شيماء : جاية دلوقتي يا حبيبي .
بسام : عارفة يا ماما نفسي في ايه ؟
للكاتب عادل عبد الله
شيماء : نفسك في ايه يا حبيبي ؟
بسام : نفسي في اكلة حلوة من ايدك .
شيماء : من عينيا يا حبيبي .
يدق جرس الباب ، ويفتح باسل الباب لتدخل شهد التي تهرول الي بسام وتقول له : حمدلله علي السلامة يا بسام ، نورت بيتك يا ابني .
بسام : الله يسلمك يا خالتي ، حشـ.ـتـ.ـيني و قوي .
شهد : انت اكتر يا حبيبي .
بسام : نور فين ؟
شهد : اتصلت به وجاي دلوقتي ، المهم طمني عليك انت عامل ايه وناوي تعمل ايه في حياتك ؟ عايزين نفرح بيك .
بسام : لا يا خالتي مش دلوقتي .
شهد : ليه يا واد ؟! عايزين نفرح بيك زي ما فرحنا بأخوك .
يدق جرس الباب ، ويفتح باسل الذي بجد نور امامه .
بسام " يضحك " : اهلا اهلا بصاحبي الندل !!!
نور " يضحك " : ياض احترم نفسك ، ده انا جاي اسلم عليك يا معفن .
يحت.ضن نور بسام ويقول : وحـ.ـشـ.ـتني يا بسام .
بسام : لو كنت وحشتك كنت زورتني يا ابن خالتي .
نور : ايه ده !! من امتي بتقولي يا ابن خالتي ؟!! احنا طول عمرنا اصحاب قبل ما نكون اولاد خالة .
بسام : وانت عملت بالصحبية اللي بينا يا نور ؟؟ ده انت مزوتنيش مرة في السجن الا اول شهرين بعد كده مشوفتش وشك !!
نور : معلش ظروف غصب عني يا صحبي .
بسام : وعرفت انك اتجوزت كمان .
نور " يبتسم بـ.ـارتباك " : ايوه اتجوزت ، عقبالك يا صحبي .
بسام " يضحك " : يعني انا اعاكس البنتين وانتوا الاتنين تتجوزهم ؟!!!
باسل " يضحك " : النصيب بقي ، ما انت عارف يا بسام ان غرام كانت عجباني بسبب الموقف اللي عملته وفضلت ادور عليها في كل مكان وقتها ، والنصيب اني اشوفها بعدها بكام سنة في المستشفي .
بسام : هي اسمها غرام ؟؟
باسل : ايوه ، وطلعت كمان اخت نور !!
بسام : ايوه انا عرفت ، انها بنت عم سلطان وجميلة ، وانت يا ابن خالتي اتجوزت البنت التانية ؟؟
نور : ايوه وبقيت مراتي .
بسام : يعني خلصت البتات علشان تتجوزوا انتوا البنتين اللي انا عاكستهم ؟؟
نور : وبعني علشان انت عاكستهم يبقي خلاص كتبتهم علي اسمك ؟؟!!
بسام : لكن انت كنت عارف ان فيهم واحدة عجباني !!!
نور : خلي بالك اللي بتتكلم عليها دي مراتي !! يعني حاسب في كلامك .
بسام : حاضر يا ابن خالتي ، الله يهنيك بيها يا عم ، وخلفت ولا لسه ؟؟
نور : لسه ، وياريت بلاش نجيب سيرة حياتنا الخاصة في كلامنا .
بسام " بسخط " : وماله ؟!! وماله يا ابن خالتي !!!
نور : انا همشي علشان رايح الشركة .
بسام : عايزين نقعد قعدة من بتوع زمان .
نور : احاول افضي نفسي .
في المستشفي
بعد الولادة ...
غرام : حمدلله ع السلامة يا ماما .
جميلة : الله يسلمك يا حبيبتي .
فارس : حمدلله ع السلامة يا جميلة .
جميلة : الله يسلمك ، فين العيال ؟
غرام : مع الدكاترة ، نص ساعة ويكونوا هنا جنبك .
فارس " يبتسم " : انا سميتهم جميلة وجميل .
جميلة : بردو يا فارس !! كنت عايزة اسامي جديدة .
فارس : ولو كانوا الاتنين بنات كنت سميتهم الاتنين جميلة .
تبتسم جميلة وتضحك غرام وتقول : اش اش ايه الحب ده كله يا ست ماما !!
فارس : مامتك يا دكتورة اغلي حاجة عندي في الدنيا .
غرام : وانا كمان ماما اغلي حاجة عندي في الدنيا .
جميلة " تبتسم " : ربنا يخليكوا ليا يارب .
غرام : اسيبكم انا بقي ، ادعيلي يا ماما علشان بعد بكره هعمل اول عملية قلب مفتوح لمريـ.ـض لوحدي .
جميلة : ربنا معاكي يا حبيبتي ويوفقك وتبقي اكبر جراحة قلب في العالم .
غرام : يارب .
في الشركة
يدخل بسام الي الشركة ويسأل احد الموظفين عن مكتب سلطان بيه ونور بيه فيعرف ان نور اصبح صاحب الشركة وحده ومديرها !! فتتملكه الغيرة منه !!!
ثم يسير في الشركة ذاهبا الي مكتب نور ، وفي الطريق يري منار خارجة من احد المكاتب !!!
يقف بسام امامها ويبتسم ...
منار تنظر له بتعجب حتي تتذكره !!!
تبتسم منار من المفاجأة ، فيبتسم بسام : افتكرتيني ولا لسه ؟؟
منار " تبتسم " : ايوه ايوه افتكرتك ، انت ابن خالة نور بتاع مشكلة الكافيه .
بسام " يضحك " : ايووووه بالظبط كده ، انا اللي كنت بعاكسك لما صحبتك اتخانقت معايا .
منار " تضحك " : ايوه كنا لسه صغيرين .
بسام : لكن انا يومها كنت معجب بيكي فعلا ، مش كنت بعاكس وبس .
منار " تضحك " : النصيب ، انت تعجب بيا ، وابن خالتك يتجوزني !!!
بسام " بصوت رومانسي هادئ " : لولا المشكلة اللي حصلتلي كان مستحيل حد ياخدك مني !!
للكاتب عادل عبد الله
منار " بـ.ـارتباك " : اسفة ورايا شغل ، علفكرة ده مكتب نور ممكن تدخله .
بسام : تمام ، وحشني قوي قوي نور .
منار : طيب اتفضل .
تتركه منار وتنصرف بينما بسام يتابعها بنظراته ، ثم يتجه لمكتب نور ويطلب لقاؤه من السكرتيرة .
نور : ايه المفاجأة دي !! مش كنت تقول انك جاي ؟!!
بسام : حبيت اعمالهالك مفاجأة ، مش انت بس اللي بتعرف تعمل مفاجئات .
نور : تعالي يا بسام اقعد ، تشرب ايه ؟
بسام : لا لا ، مش عايز اعطلك ، شكلك بقيت مشغول بالشغل علطول .
نور : فعلا ، الشغل واخد كل وقتي .
بسام : يعني مش هنعرف نسهر سهرة حلوة من بتوع زمان ؟!!
نور : دلوقتي صعب يا بسام ، الظروف اتغيرت ، الشركة دي انا لو غفلت عنها يوم واحد تخرب .
بسام : ماشي يا ابن خالتي ، ربنا يقويك .
نور : ربنا يخليك يا باسم ، وانت حاول تشوف مستقبلك ، شوف شغل كويس وعروسة بنت حلال وابدأ حياتك .
بسام " يبتسم " : طيب ما تشغلني معاك يا ابن خالتي ؟؟
يتذكر حينها وجود زوجته منار في الشركة فيقول : لا لا ، مش هينفع هنا ، انا ممكن اشوفلك شغل كويس في اي شركة من شركات اصحابي .
بسام : اصحابك !!! لا خلاص متتعبش نفسك ، انا هشوف شغل لنفسي ، ومادام مش هنعرف نتقابل زي الاول اسمحلي لما توحشني اجيلك هنا اطمن عليك واشوفك .
نور " بـ.ـارتباك " : ايوه طبعا طبعا ، ده مكانك .
بسام : طيب اسيبك بقي ومش هعطلك اكتر من كده ، سلام يا ابن خالتي .
ينصرف بسام من المكتب وعيناه تبحث عن منار في الشركة حتي يخرج منها ، بينما منار في مكتبها تستشعر الريبة والشك من كلمـ.ـا.ت وتعبيرات بسام الغريبة التي تحمل خلفها نوايا والغاز !!!
اما نور فخرج من مكتبه الي مكتب مراقبة كاميرات الشركة واخرج موظف المراقبة وجلس يراجع الكاميرات بنفسه حتي وجد بسام يقف امام مكتبه ويتكلم مع منار لعدة دقائق قبل دخول مكتبه !!!
دبت مشاعر الغيرة والشك في كل كيانه وخرج من مكتبه مسرعا حتي وصل الي مكتب منار ووقف امام المكتب قليلا يحاول ان يظهر قليلا من الهدوء .
دخل مكتب منار يبدو عليه الهظوء المصطنع ثم يسألها : بتعملي ايه يا منار ؟
منار : براجع شوية عقود .
نور : بسام ابن خالتي كان هنا من شوية ، انتي شوفتيه ؟؟
منار : لأ ، كان هنا بيعمل ايه ؟
نور : كان بيسلم عليا ، كنت فاكرك شوفتيه ؟؟
منار : لأ .
نور : طيب انا رايح مشوار دلوقتي ويمكن ارجع متاخر شوية ، متمشيش من الشركة الا لما ارجع اخدك ونروح سوا .
منار : حاضر ، انا لسه قدامي شغل كتير .
ينصرف نور وكله غضب ويظل يفكر لماذا كذبت منار ؟! هل هناك سمة علاقة او اعجاب بينهما ؟؟ ولماذا يأتي بسام الي هنا ؟؟ اكيد يريد ان يراها ويقابلها !!! واضح انه كان مش عارف يوصلها ازاي !!! ودلوقتي وصلها عن طريقك انت يا نور !!! ابن خالتك ناوي يعملك طرطور ويمشي مع مراتك يا نور !!! لكن لأ مش ممكن اديهم الفرصة دي ابدا !! لكن المهم دلوقتي اعرف منار كدبت ليه ؟!! وبتفكر ازاي من ناحية بسام ؟!!! لازم اعمل نفسي مش واخد بالي لحد ما اعرف نيتها ايه و ايه اللي في دماغها بالظبط !!!
#ألف_قصة_و_قصة
#للكاتب_عادل_عبد_الله
بعد انصراف نور تجلس منار مترددة ومرتبكة وتعاتب نفسها ... ايه اللي خلاني كدبت ؟!! كنت قولتله اني شوفته وخلاص !!! كان هيغير شوية ويقول كلمتين ويسكت ، دلوقتي لو عرف اني كدبت عليه هيشك فيا !!!
في المستشفي
تخرج غرام من غرفة العمليات ويبدو عليها الاجهاد والتـ.ـو.تر وبجانبها مدير المستشفي دكتور عمران يقول : الف مبروك يا دكتورة .
غرام : الله يبـ.ـارك فيك يا دكتور .
دكتور عمران : انا كنت متأكد انك هتنجحي بجدارة .
غرام :ده بفضل الله ثم توجيهاتك يادكتور .
دكتور عمران : وبفضل اجتهادك وتميزك يا دكتورة ، انا متأكد ان كلها كام سنة وتكوني اكبر دكتورة قلب في مصر .
↚
في فيلا سلطان
سلطان : انتي بتهزري يا شهد ؟؟
شهد : لأ انا بتكلم جد .
سلطان : جميلة خلفت ؟!!! وفي السن ده ؟؟ اكيد بتهزري !!
شهد : وخلفت تؤام كمان .
سلطان : مين اللي قالك الكلام الفارغ ده ؟
شهد : يا حبيبي انت مش مصدق ليه ؟! ده باسل بنفسه اللي زار حمـ.ـا.ته بعد الولادة وكان عارف كمان من بدري انها حامل بس كان مخبي .
سلطان : باسل اللي قالك ؟
شهد : باسل قال لشيماء وهي اللي قالتلي ، وكمان جوزها سمي العيال جميلة وجميل علي اسمها !! واضح انه بيحبها قوي .
سلطان : طيب خلاص خلاص ، احنا هنشغل نفسنا بغيرنا ليه !!!
شهد : انا قولت اعرفك بس من باب العلم بالشئ .
سلطان : طيب خلاص ، ياريت تغيري الموضوع ده بقي .
يحاول سلطان اخفاء حزنه حتي يصعد ويصبح في غرفته منفردا .
يحدث نفسه وكأنه اصيب بالجنون !!!
معقول جميلة تتجوز وتخلف في السن ده ؟؟!
جميلة دي انا كنت بعتبرها ملكي , حاجة بتاعتي !! ازاي تتجوز وتخلف كمان من واحد تاني غيري ؟؟!! انا اكيد بحلم !!!
لأ انا مش بحلم ، دي موازين الكون اللي لو مالت لازم ييجي يوم تتعدل وكان لازم جميلة تاخد حقها بعد الظلم اللي حصلها بسببنا !!
لكن انا حاسس اني بتقطع من جوايا !!!
في فيلا نور
تجلس منار تتصفح هاتفها بينما يجلس نور شارد الذهن مهموم ، حتي تأتيها رسالة مفاجئة !!!!!!
الرسالة من رقم غريب تقول : ازيك يا منار ؟ عاملة ايه ؟
تتعجب منار من الرسالة و تحاول ان تخفي ارتباكها وتتجاهلها .
تأتيها الاخري : اكيد انتي مش عارفة انا مين وهتستغربي اكتر لما ت عـ.ـر.في !! انتي لسه مش عارفاني ، انا لما بحب حاجة لازم اوصلها .
تأخذ منار رقم الهاتف وتضعه علي تروكولر فتجد الرقم غير مسجل باسم !!!
ثم تأتيها الثالثة وكأنه يراها !!! مش هت عـ.ـر.في الخط باسم مين ، اصل انا لسه شاري الخط جديد ، ها ؟؟ هتفضلي ساكته كده كتير ؟؟!!
منار ترد عليه : انت مين ؟
يرد عليها : انا بسام ، ايه رأيك في المفاجأة دي ؟؟
منار : انت جيبت رقمي منين ؟؟!!
بسام : مش لسه بقولك لما بحب حاجة لازم اوصلها ؟!!
منار : عايز ايه ؟؟ وجيبت رقمي ازاي ؟
بسام : بدل ما تسأليني عامل ايه وتطمني عليا بتقوليلي عايز ايه ؟!!! تصدقي كده ازعل منك بجد .
منار : طيب متبعتش رسايل تاني و اوعي تتصل بيا والا اعملك حظر .
يرد بسام بايموشن يضحك ثم يقول ولو عملتي حظر هشتري خط تاني واكلمك منه ، وكل ما تعملي حظر هكلمك من خط جديد .
منار : وانا هقول لنور وهو يتصرف معاك .
بسام يرد بعدة ايموشنات ضحك متتالية ثم يقول : انتي طيبة قوي يا منار !! نور ده غلبان قوي ، ريحي نفسك يا منار ، احنا عايزين نتكلم شوية مع بعض .
منار : نتكلم في ايه يا بني ؟! هو فيه حاجة بيني وبينك ؟!!!!
يسألها نور فجأة : انتي بتكلمي مين ؟؟؟
منار " تبتسم " : دي ماما بتكلمني زي كل يوم قبل ما تنام .
نور : سلميلي عليها .
منار : الله يسلمك يا حبيبي .
ثم تعود لمحادثتها مع بسام ...
منار : هنتكلم في ايه يا بني ؟ انا مبتكلمش مع حد .
بسام : لكن فيه كلام كتير بينا .
منار : كلام ايه ؟ انا مفيش بيني وبينك اي كلام !!!! اقفل بقي ومتكلمنيش تاني .
بسام : مش هقفل ، وهنتكلم .
منار : ده انت غلس قوي !! لو كتبت كلمة تانية هعملك حظر .
بسام يكتب لها : بحبك !!!
تفاجئ منار بالكلمة وتقوم بحظره فورا .
في اليوم التالي
في الشركة
تفاجئ منار ببسام يدخل مكتبها في الشركة !!!!!
منار : ايه ده ؟؟ انت ايه اللي دخلك هنا ؟؟!!!
بسام : مادام عملتي حظر جيت بنفسي لحد عندك .
منار : انت اكيد مـ.ـجـ.ـنو.ن !!!
بسام " يضحك " : انتي اول مرة ت عـ.ـر.في ؟!
منار : طيب يلا اتفضل من هنا ، انت كده هتسببلي مشكلة مع جوزي !!!
بسام : وترفعي الحظر علشان نتكلم ؟؟
منار : حاضر ، حاضر ، بس يلا من هنا قبل ما نور يشوفك .
بسام : ماشي ، سلام يا قمر .
يخرج بسام من مكتبها ثم يتجه لمكتب نور .
نور : ايه ده ؟ بسام !!!
بسام : ايوه يا ابن خالتي ، وحـ.ـشـ.ـتني قوي .
نور : انت بتهزر يا بسام ؟!! وحشتك ايه ؟؟ انت كنت هنا من يومين !!!
للكاتب عادل عبد الله
بسام : وماله يا جدع ، مادام انت مشغول انا فاضي اجيلك واسلم عليك ، شوفت بقي انا اجدع منك ازاي ؟!
نور : انت عايز ايه يا بسام ؟
بسام : ايه المقابلة دي يا ابن خالتي ؟!!
نور : انجز يا بسام وقول عايز ايه ؟؟
بسام : يا جدع بقولك وحـ.ـشـ.ـتني وعايز اقعد معاك .
نور : طيب اقعد هنا ، ثواني وارجعلك .
يذهب نور الي مكتب مراقبة الكاميرات و يشاهد بسام اثناء دخوله وخروجه من مكتب منار !!!
يعود نور و نيران الغضب تستعر داخله !!!
نور : انت كنت بتعمل ايه في مكتب منار ؟؟
بسام : كنت بسألها عليك .
نور : انت بتستعـ.ـبـ.ـط يلا ؟!!! اسمع لما اقولك ، منار دي مراتي تبعد عنها خالص ، فاهم ؟؟
بسام : لأ مش فاهم ، ايه اللي بتقوله ده يا نور ؟!!!
نور : اللي سمعته ، ويلا امشي من هنا مشوفش وشك هنا تاني .
بسام : لأ انت اكيد اتجننت !!!
نور : لحد دلوقتي لسه ، انما بعد دقيقة واحدة هتجنن بجد وانادي الامن يطردوك في الشارع .
بسام : بقي كده يا ابن خالتي ؟!!
نور : ايوه كده ، يلا غور من وشي .
بسام : حااااضر ، همشي ، الفلوس جمدت قلبك يا ابن خالتي ، بس خلي بالك هتدفع تمن اللي انت عملته ده غالي قوي .
يذهب نور لمكتب منار وكله غضب ...
نور : بسام كان بيعمل ايه هنا ؟؟
منار " بـ.ـارتباك " : كان بيسأل عليك .
نور " بصوت عالي " : انتي كـ.ـد.ابة ، قولي بسرعة بسام كان بيعمل ايه هنا ؟
منار : وطي صوتك يا نور ، الموظفين هيسمعونا .
نور : يسمعوا ولا يولعوا ، اتكلمي بسرعة قبل ما افقد اعصابي .
منار : الصراحة كان بيقولي انه عايز يكلمني في موضوع .
نور : موضوع ايه ؟؟!
منار " بصوت عالي " : معرفش انا مش اديته فرصة يكمل كلامه وطردته بره مكتبي .
نور : انتي متأكدة ان ده كل اللي حصل ؟؟
متار : ايوه .
نور : لو عرفت انك بتكدبي عليا انا ا....
منار : متكملش ، انا مش كـ.ـد.ابة يا نور ، وعلي العموم كفاية قوي لحد هنا ، انا هروح عند اهلي وكل اللي بيني وبينك انتهي .
نور : استني هنا اوعي تمشي .
تنصرف منار مسرعة وتغادر الشركة الي منزل عائلتها !!!
في منزل شيماء
يعود بسام تملؤه مشاعر الغضب والغيرة !!!
تلاحظه شيماء فتسأله : مالك يا حبيبي ؟ راجع من بره زعلان ليه ؟؟
بسام : مفيش .
شيماء : لأ فيه حاجة مزعلاك ، اتكلم يا بسام اتكلم يا حبيبي ، لو مش هتقول لأمك هتقول لمين ؟؟
بسام : متضايق شوية .
شيماء : انا حاسة بيك يا بسام ، انت زعلان علشان نور ابن خالتك بقي صاحب شركة واتجوز وانت لسه مش عارف تعمل حاجة ، صح ؟؟
بسام : متجبيش سيرته تاني .
شيماء : شوفت بقي اني حاسة بيك ؟!
بسام : يا ماما ارجوكي سيبيني دلوقتي .
شيماء : ايه اللي حصل ؟؟ اتكلم يا بني ، مالك ؟؟
بسام : نور بيه ابن اختك طردني من شركته .
شيماء : ايييه ؟!!! طردك !!! بقي كده يا نور ؟؟
تلتقط شيماء هاتفها سريعا وهي في قمة غضبها وتتصل بأختها شهد ...
شيماء : شوفتي ابنك يا شهد ؟!!
شهد : نور ؟ ماله ؟ حصل ايه ؟؟
شيماء : بسام ابني رايح يسأل عليه ، يقوم ابنك يطرده من الشركة ؟؟
شهد : ايه اللي بتقوليه ده يا شيماء ؟!! نور ابني عمره ما يعمل كده !!!
شيماء : اهو عمل يا شهد ، اسأليه انتي علشان تتأكدي بنفسك ، انا ابني مش هيروحله ولا يعبره تاني .
شهد : طيب يا شيماء حقك عليا ، انا هكلم نور واشوفه عمل كده ليه .
وخلال وقت قصير تطير اخبـ.ـار ما حدث ويعلم بها الجميع !!!
ويقف الجمبع حائرون بين تصديق نور ان بسام حاول معاكسة زوجته وبين نفي بسام لذلك واتهامه لنور بالتكبر والتعالي عليه وطرده من شركته !!!
يذهب باسل وغرام الي منزل والدته ...
باسل : ايه اللي حصل يا بسام ؟؟
بسام : ابن خالتك علشان زورته في الشركة وكنت بسأل مـ.ـر.اته عن مكتبه طردني من الشركة قدام اللي يسوي واللي ميسواش !!!
باسل : قول الحقيقة يا بسام ، انت فعلا عاكست مـ.ـر.اته ؟؟
بسام : انت اتجننت يا باسل ؟!! هعاكس مرات ابن خالتي !!!
باسل : علشان يعني كان عينك منها زمان ؟
بسام : لأ يا باسل مادام ابن خالتي اتجوزها تبقي في مقام اختي .
باسل : اومال نور عمل معاك كده ليه ؟؟
بسام : معرفش ، ابن خالتك خلاص الغرور اتملك منه لما بقي صاحب شركة ، والكل بيقوله يا نور بيه .
باسل : الشركة دي مش شركته لوحده ، غرام مراتي لها نصيب في الشركة دي ، لكن هي مش بتطالب به علشان مشاعر ابوها اونكل سلطان .
شهد : لأ يا حبيبي ، اسمع يا باسل ، اسمعي يا غرام يا بنتي صحيح كان فيه زمان حساسية ومشاكل بيني وبين والدتك لكن الحق حق ، صحيح نور ابن اختي لكن كل واحد اولي بحقه ، انتي لازم تطلبي حقك علشان اخوكي اتسعر خلاص ولو مش اخدتي حقك وابوكي عايش مش هتطولي منه حاجة بعد عمر طويل لابوكي .
غرام : انا يا طنط مش عايزة حاجة .
شيماء : متقوليش كده ، مادام ليكي حق يبقي حـ.ـر.ام عليكي لو سبتيه لواحد زي ده !! ده حقك وحق ابنك وولادك الجايين ، ولو حاسة باحراج انك تطلبي حقك جوزك يطالب بحقك .
للكاتب عادل عبد الله
باسل : ايوه يا غرام ، سيبي الموضوع ده عليا ، وانتي عارفاني مش هبص لفلوسك ، لكن ده حقك ولازم تطالبي بيه .
منار في منزل والدتها
تجلس منار تبكي وتحاول امها تهدئتها : خلاص يا بنتي متزعليش ، البيوت ياما بيحصل فيها .
منار : لا يا ماما ده بيشك فيا !!!
امها : بيشك فيكي !!! اخص عليه ، هو مش عارف هو متجوز مين ولا ايه ؟!!
منار : مش كفاية يا ماما صبرت عليه وقولت مش مهم اخلف واكون ام .
امها : طيب اقعدي واهدي وبيتي مفتوحلك ، ولما تهدي خالص شوفي انتي عايزة ايه .
بعد وقت قليل
تأتيها رسالة من بسام ...
بسام : شوفتي جوزك عمل ايه ؟؟
منار : روح يا اخي منك لله ، بسببك اتخانقت انا وهو وهطلق .
بسام : ياريتك تطلقي .
منار : قول كده بقي ، انت عايز تخرب بيتي ؟!!!
بسام : انتي بينك وبينه اطفال ؟
منار : لأ ، وبعدين انت مالك بينا اطفال ولا لأ ؟!!
بسام : انتي عارفة اني معجب بيكي من زمان ، وبصراحة مستخسرك في الرمة ده ، نور ده ميستاهلكيش .
منار : انا بسببك سيبت بيتي والشركة وعند اهلي واحتمال اتطلق ، اياك تتصل بيا او تبعتلي رسايل تاني .
بسام : مش بأرادتي ، ده قلبي .
منار : لو كلمتني تاني بأي وسيلة هبلغ عنك مباحث الاتصالات والانترنت .
بسام : طيب اسمعي الكلمتين دول وبعدها اعملي اللي انتي عايزاه .
#ألف_قصة_و_قصة
#للكاتب_عادل_عبد_الله
منار : ربنا يصبرني !!! اخلص .
بسام : انتي مش هت عـ.ـر.في نور جوزك اكتر مني ، ده عشرة عمر من واحنا عيال صغيرين ، نور انسان مينفعش تربطي مستقبلك به ، و انا عارف ان اللي يهمك في نور فلوسه .
منار : ايه اللي بتقوله ده !! لأ طبعا .
بسام : سيبك من الكلام ده خلينا في المفيد ، انا عندي طريقة ممكن تاخدي بيها كل فلوسه بسهولة لكن ليا شرط وحيد ، اننا نتجوز وتكون الفلوس دي بالنص بيني انا وانتي .
↚
بسام سيبك من الكلام ده خلينا في المفيد انا عندي طريقة ممكن تاخدي بيها كل فلوسه بسهولة لكن ليا شرط وحيد اننا نتجوز وتكون الفلوس دي بالنص بيني انا وانتي .
منار مين قالك اني هوافق انا اصلا بحب نور !!
بسام الكلام ده ممكن اي حد يصدقه غيري انا لأ انا بفهم الناس من نظرات عينيهم وانتي نظرة عينك مفيهاش حب غير للفلوس .
منار انا مسمحلكش ...
بسام متسمحيش زي ما تحبي لكن صدقيني مش هت عـ.ـر.في تاخدي منه ورقة بعشرة جنية انما لو جيتي معايا دوغري هنستفيد احنا الاتنين وانا اعرف ازاي اوصلك للي انتي عايزاه .
بعد ايام
في المستشفي
تفاجئ منار بنور يقف امامها يبتسم !!!
يبدو علي وجهها السخط وتدير وجهها عنه وتهم بالأنصراف لكنه يقف امامها ليمنعها !!!
نور يبتسم مش هتمشي من قدامي .
منار وسع عايزة اشوف شغلي .
نور لما تسمعيني الاول .
للكاتب عادل عبد الله
منار اسمع ايه !! عايز تزعقلي هنا كمان وتفرج عليا زملائي والمړضي !!
نور اسف مقدرتش اتحكم في نفسي لما شوفته دخل مكتبك وبيكلمك .
منار وفيها ايه ما انا بحكم شغلي بكلم ناس كتير !!!
نور لكن ده بالذات انا كنت عارف انه عينه منك من زمان لما عاكسك في الكافيه علشان كده كنت هتجنن .
منار وده يديلك الحق انك تزعقلي بالشكل ده !! ده الموظفين كلهم سمعوا وكان شكلي وحش قوي !!! انت بتشك فيا يا نور !!
نور دي غيرة يا حبيبتي مش شك .
منار لأ اللي انت عملته ده شك مش غيره .
نور خلاص بقي سامحيني الايام اللي عدت دي انتي مت عـ.ـر.فيش عدت عليا ازاي !!! انا بحبك قوي ومقدرش اعيش من غيرك .
منار وانا اضمن منين انك متعملش معايا كده تاني
نور خلصي شغلك وتعالي نتكلم احسن .
منار طيب امري لله استناني تحت في العربية ربع ساعة وانزل .
في الشركة
يذهب باسل الي نور في الشركة ...
باسل ازيك يا نور
نور الله يسلمك تعالي اتفضل .
باسل كنت فاكرك هتطردني زي ما طردت بسام !!!
نور باسل انا طردت بسام علشان بيعاكس مراتي كنت عايزني اعمل معاه ايه !!
باسل لأ يا نور بسام اخويا ميعملش كده ابدا .
نور يعني انا كـ.ـد.اب
باسل بسام زي اخوك انت اتغيرت يا نور الفلوس غيرتك !!!
نور هو كل ما حد يكلمني يقولي الفلوس غيرتك !! هو انا كنت مش لاقي اكل ودلوقتي بقيت غني !! انا طول عمري غني ومعايا فلوس ومفيش فيا حاجة اتغيرت .
باسل علي العموم ده مش موضوعنا انا جايلك في موضوع تاني اهم .
نور موضوع ايه
باسل فلوس اختك غرام .
نور مش فاهم !!!
باسل اختك غرام لها نصيب في الشركة والفلوس والفيلا وفي كل ممتلكات اونكل سلطان
.
نور وهي اللي طلبت منك تيجي تقولي كده
باسل ايوه .
نور انا اسف كان نفسي اساعدك لكن مفيش .
باسل مفيش ايه
نور مفيش فلوس .
باسل مفيش فلوس ازاي !!
نور يعني غرام مراتك ملهاش اي نصيب في الشركة والفيلا والفلوس كل دي ممتلكاتي انا الخاصة .
باسل ممتلكاتك منين يا نور !! كل دي فلوس اونكل سلطان .
نور بابا باع كل ممتلكاته لماما وماما باعتهالي وكل اللي انت شايفه ده بتاعي .
باسل مستحيل طبعا !! كل الاوراق دي عقود صورية و اختك تقدر تثبت صورية العقود دي بسهولة وبالتالي هترجع كلها لاونكل سلطان وساعتها كل واحد ياخد حقه .
نور قصدك انها ترفع قضية !! هي وصلت لكده !!!
باسل مادام طمعت في حق اختك يبقي ده الحل الاخير قدامها .
نور ده انت اتجوزتها طمع في الشركة والفيلا والعز اللي انت شايفه !
باسل انت اكتر واحد عارف اني مش مادي ولا بهتم بالحاجات دي لكن لما اشوفك انت طمعان تاخد كل حاجة وهي بنفسها تطلب مني اتدخل يبقي لازم اتدخل .
يقف نور بعصبية لأ خرج نفسك منها انت احسن ولا اقولك اعلي ما في خيلكم اركبوه .
باسل يعني ايه مش هتدي اختك حقها
نور مفيش حد له عندي حاجى كل دي ممتلكاتي واللي يفكر ياخد منها جنية واحد علي چثتي .
باسل ده اخر كلام عندك
نور ايوه .
باسل يبقي انت اللي اخترت يا نور .
ينصرف باسل ويتصل بغرام ويخبرها بما حدث ...
غرام هو قالك كده
باسل ايوه انا بصراحة مش مصدق نور اتغير كده ازاي !!!
غرام انا كنت مش مهتمة بموضوع نصيبي وحقي والكلام ده حتي بعد بابا ما كلمتي فيه لكن مادام نور قالك كده وعايز ياخد كل حاجة بالعافية يبقي لازم اخد حقي منه بالكامل .
باسل انا شايف انك تقولي لأونكل سلطان قبل ما تعملي اي حاجة .
يزداد ڠضب شيماء حينما تعلم بما دار بين نور و ابنها باسل تلتقط هاتفها وتتصل باختها شهد ...
شيماء شوفتي ابنك يا شهد
شهد ماله نور بسام راح له تاني
شيماء لأ المرادي باسل اللي راح له وكان بيكلمه في حق غرام مـ.ـر.اته .
شهد حق ايه يا شيماء
شيماء حقها في مال ابوها يا شهد ولا هي ملهاش حق في مال ابوها
شهد و باسل ايه اللي يدخله في موضوع زي ده
شيماء مـ.ـر.اته اللي دخلته ومش عيب لما يطالب بحق مـ.ـر.اته !!
شهد انتي يا شيماء اللي بتتكلمي في حق غرام في مال ابوها دلوقتي !! مش غرام دي اللي كنتي بتقولي عليها بنت الخدامة !!! دلوقتي بتدوري انتي وابنك علي حقوقها !!!!
شيماء اللي فات ما ت احنا بنتكلم في دلوقتي .
شهد مادام بنتكلمي عن دلوقتي
يا شيماء يبقي سلطان لسه عايش وطول ماهو عايش وموجود علي وش الدنيا مفيش حد له حق في اي حاجة !!!
شيماء لو سلطان ماټ ابنك مش هيدي للبنت حقوقها ده الطمع والجشع ملا قلبه .
شهد اسكتي ولا تنطقي كلمة واحدة تاني !! اوعي تجيبي سيرة ابني علي لسانك .
شيماء انتي بتكلميني كده ليه يا شهد اول مرة تكلميني بالطريقة دي !!!
شهد اللي يجيب سيرة ابني اقطعله لسانه .
شيماء تقطعي لسان مين يا شهد انتي نسيتي نفسك ولا ايه انتي طول عمرك بينضحك عليكي وانا اللي بقف جنبك تيجي النهاردة بتقولي تقطعي لساني !!!
شهد شيماء خرجي نفسك انتي وابنك بعيد عن الموضوع ده علشان منخسرش بعض .
شيماء وانا مش هسكت عن حق مرات ابني مادام الجشع والطمع ملا قلوبكم !!!
في فيلا سلطان
ينزل سلطان من غرفته ليجد شهد تبدو متـ.ـو.ترة بينما هو سمع جزء من مكالمتها مع شيماء ...
سلطان مالها شيماء اختك كنتوا بتتخانقوا ليه مع بعض
شهد مفيش حاجة .
سلطان اتكلمي يا شهد انتي هتخبي عليا مين اللي بيجبب سيرة ابنك
شهد انا هقولك بس من غير زعل
سلطان ماشي مش هزعل قولي فيه ايه
شهد باسل راح لنور الشركة وطلب منه حق غرام في الشركة والفيلا والفلوس .
سلطان وابنك نور عمل ايه
شهد قاله مفيش حد له عندي حاجة .
سلطان شوفتي اخر افعالك يا شهد !!! العيال هيقعوا في بعض !!
شهد وانا عملت ايه
سلطان علشان كتبتي كل حاجة باسم نور !!!
شهد انا عملت كده لمصلحته ومصلحتنا كلنا .
سلطان للأسف انتي بتفكري بقلبك مش بعقلك ودي كانت النتيجة .
في شقة غرام
تجلس غرام في حيرة !!!
باسل مالك يا غرام بتفكري في ايه
غرام بفكر في حل لمشكلتنا .
باسل ووصلتي لحل
غرام للاسف لأ .
باسل انا سألت واحد محامي صاحبي وقالي ان الحل الوحيد دلوقتي انك ترفعي قضية حجر علي اونكل سلطان وتطالبي بحقك في ثروته ولما نور يخرج العقود اللي معاه تطعني فيها بأنها عقود صورية كتبها والدك وهو مش في كامل وعيه .
غرام معقول انا اعمل كده !!!
باسل ده الحل الوحيد او تسكتي لغاية بعد عمر طويل لاونكل سلطان ساعتها ترفعي قضية تمكين من ميراثك و بعدها طعن بصورية العقود لكن القضية وقتها مش هتكون مضمونة !!!
غرام لأ انا مستحيل اوقف بابا قدام القاضي واقول عنه انه مش مسئول عن افعاله !!! لا لا لاااااا.
باسل بصراحة يا غرام انا كمان مش عجبني الفكرة دي لكن اخوكي نور مسبش اي طريق تاني !!!
غرام لا لا لااااا انا مش هعمل كده .
تأتي شيماء لزيارتهم .....
شيماء مالكم يا ولاد شكلكم زعلانين !!
باسل لا ابدا يا ماما مفيش حاجة .
شيماء مالك يا غرام
يا بنتي باسل زعلك ولا ايه
غرام لا والله يا طنط مفيش حاجة .
شيماء عملتوا ايه في موضوع اخوكي نور
باسل سألت محامي صاحبي وقالي نرفع قضية حجر علي اونكل سلطان وبعدها نطعن علي العقود اللي مع نور بابصورية ونطلب التمكين من نصيب غرام في التركة .
شيماء طيب ده حل كويس جدا .
غرام لا طبعا يا طنط انا مستحيل اوقف بابا في المحكمة واقول عليه انه مش مسئول عن افعاله !!!
شيماء انتي اللي بتقولي كده يا غرام !! بتقولي كده علي سلطان اللي مشوفتيش منه يوم حلو !!!
ألف_قصة_و_قصة
للكاتب_عادل_عبد_الله
غرام لكن كفاية انه بابا .
شيماء باباكي بالاسم بس انما مين اللي ربي وكبر وتعب عليكي امك طبعا وهو لو كان عايز يوصلكم كان وصلكم لكن هو كان مشغول بفلوسه ارفعي قضية يا بنتي وخدي حقك لو مش اخدتي حقك دلوقتي عمرك ما هتطولي من اخوكي نور حاجة .
غرام لو الحل الوحيد علشان اخد حقي اني اعمل كده يبقي خلاص مش عايزة حاجة .
بعد شهر
نور في مكتبه في الشركة يفاجئ باتصال من منار !!!!!
نور بتتصلي بيا ليه ما انا في المكتب اللي جنبك !!!
منار ألحقني يا نور انا تعبانة قوي .
نور مالك
منار انا دايخة وواقعة علي الارض في المكتب الحقني بسرعة .
يأتي نور مهرولا ... مالك يا حبيبتي
منار ألحقني يا نور انا تعبانة قوي اطلب الاسعاف .
بعد وقت قليل
في المستشفي
نور خير يا دكتور منار مالها
الطبيب الف مبروك يا نور بيه المدام حامل .
↚
في المستشفي
نور : خير يا دكتور ؟ منار مالها ؟؟
الطبيب : الف مبروك يا نور بيه ، المدام حامل .
نور : حامل !!!! مدام مين اللي حامل !!!!
الطببب : مدام منار حامل .
نور : المدام فين ؟؟
الطبيب : لسه في اوضة الكشف مع الدكتورة بتكتبلها ادوية ومقويات .
تخرج منار من غرفة الكشف و يسير نور معها في صمت تام ، بينما منار ذاتها تبدو عليها مظاهر الدهشة والحيرة !!!!!
ثم تبتسم : الف مبروك يا حبيبي ، الدكتور قالك اني حامل ؟؟
نور : ايوه قالي .
منار : شوفت يا حبيبي قولتلك قبل كده اصبر ، الصبر اخره خير وانت كنت مش مصدق !!!
يستمر صمت نور حتي خرجوا من المستشفي و ركبا سيارته !!!
منار : مالك يا نور ؟ انت مش فرحان ولا ايه ؟؟!!
نور : فرحان مين يا بت ؟!!! انتي عايزة تضحكي عليا و تلبسيني عيل مش ابني !!!
منار " بصد.مة " : انت بتقول اييييييه !!!
نور : ابن مين اللي في بطنك ده ؟؟
منار : انت اتجننت يا نور !!!! انت اكيد الفرحة اثرت علي عقلك !!!
نور : لأ ، ده القدر اللي كشف خيانتك في الوقت المناسب .
منار : خيانتي !!! مين اللي بتخونك ؟! فتح ، شوف انت بتكلم مين يا نور ؟؟ انا منار !!!
سار نور بسيارته صامتا حتي وصلا الفيلا !!!
نور : انزلي ، نكمل كلامنا جوه !!
منار : كلام ايه ؟؟ انت بتشك فيا وبتتهمني في شرفي يا نور ؟!!!
نور : ادخلي الاول ، مش هنتكلم في الشارع !!
داخل الفيلا ...
نور : قوليلي بقي ، اللي في بطنك ده ابن بسام ولا ابن مين ؟؟ انطقي ، انا مش هسيبك الا لما اعرف كل حاجة ، و مش همو.تك الا لما اعرف كل اللي حصل وخونتيني ازاي وامتي ومع مين ؟
منار : انت اتجننت يا نور !!! انت لازم تطلقني دلوقتي .
نور : عايزة تطلقي كده بسهولة ؟!! ده بعينك !!
منار : عارف يا نور بكره تبكي بدل الدمـ.ـو.ع د.م علي كلامك ده .
نور : مهما تحاولي تخدعيني مش هت عـ.ـر.في ، انا كنت ممكن اسامحك في اي حاجة الا الخيانة .
منار : متأكد يا نور من كلمتك دي ؟؟ هتسامحني في اي حاجة الا الخيانة !!
نور : وانتي عايزاني اعرف انك بتخونيني وافرح بيكي واديلك جايزة !! اتكلمي يا منار وقوليلي خونتيني امتي وازاي و مع مين ؟ عايز اعرف كل حاجة .
منار : كويس اننا في عصر العلم دلوقتي وبتحليل بسيط لDNA هتتأكد اني شريفة وصونت عرضك وشرفك ، لكن ساعتها هتدفع التمن غالي قوي .
نور : ولو التحليل قال انه مش ابني عارفة هعمل فيكي ايه ؟؟
منار : ساعتها اعمل اي حاجة ، انا موافقة .
نور : ممكن نعمل التحليل ده امتي يا دكتورة ؟
منار : بعد الاسبوع العاشر من الحمل ، والنتيجة بتظهر بعد شهر .
نور : انتي مش هتخرجي من هنا الا لما نعمل التحليل وتظهر نتيجته .
منار : يعني هتحبسني يا نور ؟؟!!!!
يقوم نور بطرد كل الخدم والعاملين بالفيلا ويضع اثنين من الحراس علي الفيلا لمنع خروج منار منها !!!!!!
يذهب نور الي احد كبـ.ـار الاطباء لعمل اختبـ.ـار القدرة الانجابية له .
بعد اخذ عينة للتحليل يقول له الطبيب ان نتيجة التحليل ستظهر في اليوم التالي .
منار تتصل ببسام ...
منار : أحقني يا بسام .
بسام : فيه ايه ؟؟ نور عرف حاجة ؟؟
منار : لأ ، لكن حصلت حاجة مكنش معمول حسابها خالص .
بسام : ايه اللي حصل ؟؟
منار : انا حامل .
بسام : حامل !!! ازاي ؟؟ مش كنتي بتقولي ان نور عقيم !!!!!
منار : مش عقيم هو عنده ضعف في الحـ.ـيو.انات المنوية ونسبة التخصيب مش تزيد عن واحد في المية .
بسام " يضحك " : اوعي تكوني بتلعبي بديلك .....
منار : اخرس قطع لسانك .
بسام : خلاص خلاص مصدقك .
منار : هو كمان بيتهمني اني خونته !! وهنعمل تحليل لكن لسه قدامه وقت .
بسام : واكيد طبعا لسه مش عرفتي تمضيه علي العقود اللي معاكي ؟!
منار : لأ ، البـ.ـارح عرفت امضيه علي العقود وسط الاوراق .
بسام : يخربيتك !!! برافو عليكي ، طيب مستنية ايه ؟!! تعالي حالا كل حاجة كده هتبقي تحت ايدينا وسبيه يضـ.ـر.ب دماغه في الحيط .
منار : نور حبسني في الفيلا .
بسام : والعقود معاكي ؟؟
منار : ايوه .
بسام : شوفتي بقي علشان تصدقيني لما قولتلك ان نور ملوش امان ، وامانك ومستقبلك معايا انا !!!!!
منار : وانا علشان كنت حاسة انه غدار وملوش امان وافقت علي خطتك و نفذتها ودلوقتي معايا عقود بأسمك بالشركة والفيلا ، لكن دلوقتي خايفة انت اللي تغدر بيا !!!
بسام : حبيبة قلبي ، العقود معاك انتي وهتفضل معاكي لحد ما تطلقي منه و مش هاخدها منك الا بعد جوازنا علشان تضمني حقك .
منار : وهتكتبلي الفيلا باسمي و شيك بعشرة مليون جنية مهري زي ما اتفقنا ؟
بسام : طبعا ، بس المهم دلوقتي حاولي تخرجي من الفيلا بأي طريقة علشان نخلص في قضية الخلع بسرعة .
منار : مش هعرف اهرب من هنا .
بسام : ايه رأيك انا هجيلك تديني العقود علشان تبقي في امان .
منار : اوعي تعمل كده !! لو جيت نور هيفتكر اني خونته معاك وساعتها ممكن يمو.تنا احنا الاتنين !!!
بسام : طيب وبعدين ايه الحل ؟
منار : الحل اني افضل صابرة لما يعمل التحليل وتطلع نتيجته ويتأكد ان اللي في بطني منه ، او احاول اشوف اي فرصة علشان اهرب منه .
في فيلا سلطان
سلطان : وبعدين يا شهد ؟؟
شهد : مالك يا حبيبي ؟؟
سلطان : انا حاسس ان الاجل قرب .
شهد : بعيد الشر عنك ، اوعي تقول كده تاني !!!
للكاتب عادل عبد الله
سلطان : انا كل اللي شاغلني دلوقتي اني حاسس بالذنب ناحية غرام ، مش كفاية اتحرمت طول عمرها وانا عايش هتتحرم كمان من حقها وورثها لما اموت !!
شهد : يا سلطان متقولش كده !!
سلطان : هي دي الحقيقة ، انا هموت وضميري بيتعذب علي ظلم البنت دي !!! انتي الوحيدة اللي في ايدك تأثري علي نور علشان يرجع حق اخته .
شهد : يعني لو هو وافق يدفع لأخته حقها ويحتفظ بالباقي هترضي عنه وتسامحه ؟؟
سلطان : هسامحه علشان خلصني من ذنب اخته لكن مش هرضي عنه علشان نزع ممتلكاتي مني وخلاني مليش لازمة !! بدل ما يقف في ضهري !!!
ثم تتساقط دمـ.ـو.ع سلطان ويقول : عيشت سنين طويلة بحلم اخلف الولد علشان لما اكون في العمر ده يقف جنبي ويقويني ، لكن الولد اللي فضلت احلم به طول عمري هو نفسه اللي كسرني وحسسني بالعجز !!!
يأتي شهد الي جانبه وتضمه اليها : انا اسفة يا سلطان ، حقك عليا ، انا عارفة اني غلطت واني السبب في اللي حصل ده !!!
سلطان : انا بحبك يا شهد طول عمري ولسه بحبك ، لكن مش هسامحك الا لو اثرتي علي نور وخلتيه يغير موقفه ، او علي الاقل يدفع لاخته المسكينة دي حقها .
في اليوم التالي
يذهب نور للطبيب المعالج له ...
نور : طمني يا دكتور ، انا ممكن أخلف ؟؟
الطبيب : العلاج بدأ يجيب معاك تأثير لكن لسه لازم تكمل العلاج .
نور " بعصبية " : يعني ايه ؟؟ انا ممكن اخلف ولا لأ ؟؟؟
الطبيب : انت كانت نسبة التخصيب عندك مش اكتر من نص في المية ، دلوقتي بعد العلاج وصلت لقرب العشرة في المية ودي نتيجة كويسة جدا ممكن تقول ان بعد فترة بسيطة ممكن تخلف .
نور " بعصبية شـ.ـديدة " : انا عايز كلام واضح ، ممكن اخلف ولا لأ ؟؟ انا مراتي حامل دلوقتي ومش عارف ده مني ولا هي بتخوني !!!!!!!
الطبيب : في احتمال طبعا يكون منك .
نور : واتأكد ازاي ؟؟
الطبيب : تحليل الصبغة الوراثية dna .
يخرج نور من عند الطبيب بينما تستعر داخله مشاعره الحائرة بين الفرح والخوف ، بين الأمل والانتقا.م ، بين حياة جديدة او نهاية الحياة .
يتصل هاتفيا بشهد ...
شهد : اخيرا اتصلت بامك يا نور !! عامل ايه يا حبيبي ؟؟
نور : انا تعبان قوي يا ماما .
شهد : سلامتك يا حبيبي مالك ؟؟
نور : لأ انا نفسيتي اللي تعبانة وعندي مشاكل كبيرة قوي .
شهد : كل ده يا نور علشان ابوك زعلان منك ، حاول ترضيه يا نور .
نور : منار حامل يا ماما .
شهد : بجد ؟؟؟ الف مبروك يا حبيبي ، ده احلي خبر سمعته في حياتي .
نور : انا مش عارف اللي في بطنها ده مني ولا من مين ؟؟؟
شهد : استغفر الله العظيم ، ايه يا ابني اللي بتقوله ده ؟!! انت الفرحة أثرت عليك ولا ايه ؟؟؟ استغفر ربك مراتك محترمة ومش بتاعت كده !!
نور : انا مش عارف افرح !! و لا قادر اننتتقم منها !!!
شهد : وانت هتفضل حيران كده وتضيع فرحتك لأمتي ؟؟
نور : لغاية ما اعمل التحليل واتأكد انه ابني ولا لأ .
شهد : ان شاء الله هتتأكد انه ابنك ، ومراتك هتقوم بالسلامة وتجيبلك اجمل بيبي في الدنيا بس المهم ترضي ابوك علشان يسامحك وساعتها هتلاقي حياتك كلها ماشية زي الفل .
في منزل جميلة
تذهب غرام لزيارتها فتجدها تجلس بين الطفلين وتلاعبهما .....
غرام " تضحك " : كده بقي انا من حقي اغير يا ست الكل .
جميلة : تغيري من مين يا قلبي !! ده انتي العشق يا غرام .
فارس " يضحك " : احم احم ، ولما الدكتورة غرام العشق انا ابقي ايه ؟؟
جميلة : ربنا يخليك ليا يا فارس ، اصل انت متعرفش انا وغرام علاقتنا ازاي ، دي بنتي وصحبتي واختي وامي كمان .
فارس : ربنا يخليكوا لبعض ، طيب اروح انا اعملكم عصير .
غرام : لا يا عمو ميصحش انا هقوم اعمل .
تضحك جميلة : اصل انا وعمك فارس قسمنا الشغل ببنا علشان التؤأم اللي هيجننوني دول .
غرام : ما شاء الله ربنا يخليهم لكم وتفرحوا بيهم .
يذهب فارس لأعداد العصير ، فتقترب غرام من امها وتقول لها : كنت عايزة اقولك حاجة بسرعة قبل ما عمو فارس يرجع .
جميلة : فيه ايه يا غرام طمنيني ؟؟
غرام : باسل جوزي راح لنور وكلمه علشان يديني حقي في ثروة بابا ونور رفض .
جميلة : هتقسموا فلوس الراجـ.ـل وهو عايش ؟!!!
↚
غرام : المهم يا ماما ، نور لما رفض باسل سأل محامي وقاله ان الحل الوحيد علشان اقدر اخد حقي اني ارفع قضية حجر علي بابا واقول ان العقود اللي مع نور دي كلها عقود صورية !!!
جميلة : اوعي يا غرام تعملي كده !!!
غرام : بعد اللي عمله ده كله معايا ومعاكي ولسه خايفة عليه ؟!!
جميلة : لا يا حبيبتي انا خايفة عليكي انتي !! مش غرام بنتي اللي تعمل كده في ابوها مهما كان هو عمل !!! ده غير انه ابوكي يا غرام يعني لو عملتي فيه كده ربنا هيغضب عليكي .
غرام : كنت عارفة يا ماما ان ده هيكون رأيك .
يدخل فارس ومعه العصائر ويضحك : انا عملت العصير واوعوا تتريقوا عليا .
غرام : تسلم ايديك يا عمو ، اكيد هيبقي حلو علشان من ايدك .
فارس : يسلم لسانك يا غرام يا بنتي ، ده والدتك مبتعرفش تقول كلام حلو كده زيك !!!
جميلة : بقي كده يا فارس ؟
فارس : انا بضحك معاكي .
في فيلا سلطان
سلطان : كنتي بتكلمي مين ؟؟
شهد : كنت بكلم نور .
سلطان : كلمتيه في اللي قولتلك عليه ؟
شهد : فيه خبر يا سلطان معرفش اذا كان حلو ولا لأ !!
سلطان : ازاي ؟!! لغز ده ولا ايه ؟!!
شهد : منار حامل .
سلطان : ما شاء الله ، لا قوة الا بالله ، اللهم لك الحمد ، ده احلي خبر سمعته من زمان ، انتي فاكرة اني علشان مش بكلم نور يبقي مش هفرح له !!!
شهد : لأ مش قصدي ، انا عارفة انك هتفرح بحفيد يشيل اسمك .
سلطان : اومال كنتي تقصدي ايه ؟!!
شهد : قصدي ان ابنك بيشك ان اللي في بطنها مش ابنه علشان لسه بيتعالج !!!
سلطان : أخص !!! ايه السفا.لة دي !!! لأ طبعا منار محترمة و متربية .
شهد : وانت بتتكلم وانت مطمن قوي ليه ؟
سلطان : اولا بحكم خبرتي في الحياة بقدر اميز بسهولة بين اللي عندها واللي معندهاش ، ده غير انها صاحبة بنتي غرام ، وانا واثق في بنتي واخلاقها واكيد صاحبتها هتكون زيها .
شهد : نور مش فرحان و كلم منار وقالها علي شكوكه .
سلطان : ابنك هيدمر حياته وكل اللي حواليه بغباؤه !! ازاي يقول للبنت كده !!
في فيلا نور
يجلس نور في حديقة الفيلا شارد الذهن ويضع قدميه علي الكرسي الموجود امامه ، بينما منار حبيسة غرفتها في الداخل !!!
ثم ينهض ويصعد الي غرفتها ...
نور : هاتي الموبايل ده .
منار : هتاخده ليه ؟ ده الحاجة الوحيدة اللي ممكن تسليني !!
نور : عندك شاشة التليفزيون اتفرجي عليها ، هاتي الموبايل .
ثم يمسك هاتفها من يدها ويأخذه منها عنوة !!!
منار : انت كده ناوي تحبسني بجد هنا !!
للكاتب عادل عبد الله
نور : لأ انا اخدت الموبايل علشان متتصليش بحد ييجي ياخدك من هنا .
منار : مش ممكن اتصل بماما واقولها علي التخريف اللي انت قولته ده .
نور : تخرييف !! مش هحاسبك دلوقتي علي كلامك ده .
منار : يا نور لو ليا خاطر عندك سيب لي الموبايل .
نور : لأ .
منار : يا نور انا مش ممكن اخونك !! اللي في بطني ده ابنك ، انت ليه مش عايز تصدق ؟!! انت كده بتضيع فرحتنا .
نور : لما اتأكد الاول انه ابني ساعتها هنفرح والدنيا كلها هتبقي تحت رجليكي .
بعد شهر ونصف ...
نور : يلا البسي علشان هنخرج .
منار : بجد ؟!! رايحين فين ؟؟
نور : هنروح نعمل تحليل dna انا حجزت والميعاد بعد ساعة .
بعد اخذ عينات من الجنين وخروجهم من المستشفي ...
منار : علشان خاطري يا نور كفاية كده ، انا كنت حاسة اني مدفونة جوه الفيلا !! خليني ارجع اخرج للدنيا واروح شغلي .
نور : بعد نتيجة التحليل .
منار : يا نور احنا عملنا التحليل خلاص !! نفسي اعرف هتستفيد ايه انك تحبسني في البيت كده ؟!!!
نور : كلها شهر بالكتير ونعرف النتيجة ووقتها اعملي كل اللي نفسك فيه .
منار : طيب ازور ماما ساعة وارجع .
نور : لأ .
منار : طيب هات الموبايل يسليني شوية ، انا هتجنن من قعدتي لوحدي في البيت !!!
نور : هانت ، كلها شهر بالكتير .
بعد ايام ...
في شقة باسل وغرام
الليل قد انتصف بينما غرام تتمدد علي الفراش تلاعب طفلها سلطان وبجوارها باسل يشاركها اللعب معه والضحكات .
باسل " يضحك " : كفاية لعب بقي من الولد ، ابوه ملوش نصيب في اللعب ده ؟؟
غرام : عايز ايه يا حبيبي ؟ ما انت بتلعب معانا اهو !!!
باسل " يضحك " : كفاية بقي ، روحي نيمي سلطان بيه الصغير في سريره وتعالي علشان عايزك في كلمتين .
غرام " تضحك " : كلمتين بس ؟؟
باسل " يضحك " : لما تيجي هت عـ.ـر.في .
تذهب غرام مع طفلها الي غرفته ، بينما يجلس باسل في انتظار عودتها فاذا به يأتيه اتصال علي هاتفهه !!!
باسل : الو ، ايوه يا ماما ، خير يا ماما اول مرة تتصلي في الوقت ده !!!
شيماء : ألحق يا باسل شوفت ايه اللي حصل ؟؟
باسل : فيه ايه يا ماما ؟ وقعتي قلبي !!
شيماء : منار مرات ابن خالتك .
باسل : مالها ؟؟
شيماء : لقوها مقت.ولة !!!!!
باسل : يا نها.رر اسووود !!! مق.تولة ولا ميتة ؟؟؟
شيماء : يابني بقولك مق.تولة !!!
باسل : ازااي ؟؟ ونور فين ؟؟
شيماء : الشرطة اخدوه وبيحققوا معاه دلوقتي !!!
باسل : طيب اقفلي اقفلي يا ماما .
ينهض باسل من فراشة ويذهب سريعا الي غرفة الاطفال ...
غرام " تضحك " : مستعجل علي ايه ؟ دقتين وارجعلك .
باسل : منار مرات اخوكي اتقت.لت .
غرام " تصرخ " : اييييه !!! انت بتقول ايه ؟؟؟
باسل : ماما اتصلت بيا حالا وبلغتني بالخبر ،انا هلبس واروح لاخوكي في قسم الشرطة .
غرام : استني انا جاية معاك .
في غرفة التحقيق
المحقق : استاذ نور ، ممكن تقولنا ايه اللي حصل الليلة بالظبط ؟؟
نور : انا رجعت من شغلي متأخر كالعادة وطلعت اوضتي علشان اغير هدومي بفتح باب الاوضة شوفتها مرمية علي السرير !! لما شوفتها اتخضيت وافتكرتها اغمي عليها بسبب الحمل ولما روحت افوقها اكتشفت ان مفيش فيها نبض ولا نفس !!!
المحقق : انت خرجت من شركتك امتي ؟
نور : خرجت الساعة تسعة تقريبا .
المحقق : و اكتشفت الج.ثة امتي ؟؟
نور : كانت حوالي الساعة ١١ الا ربع .
المحقق : وكنت فين طول الوقت ده ؟ اكيد المسافة بين شغلك وبيتك اقل من الوقت الكبير ده !!!
نور : ايوه فعلا المسافة بين الشركة وبيتي حوالي نص ساعة .
المحقق : اومال كنت فين ؟
نور : كنت بتعشي بره .
المحقق : انت متعود تتعشي لوحدك بره من غير المدام ؟؟!!!
نور : يعني احيانا لما اكون جعان قوي ومش قادر استني لما ارجع البيت .
المحقق : بردو مش سبب منطقي !!! دي مجرد ساعة واحدة !!!
نور : علشان لما برجع من شغلي متأخر بتكون مراتي نامت .
المحقق : واضح من كلامك ان العلاقة بينك وبين المرحومة كانت متـ.ـو.ترة ؟؟
نور : لا ابدا بالعكس ، ده مراتي حامل بعد فترة بدون حمل وعلاج واكيد كنا فرحانين بالحمل ده .
المحقق : مين بيشتغل عندك في الفيلا ؟؟
نور : حاليا مفيش الا اتنين حراس .
المحقق : اتنين حراس ؟!!! مفيش طباخ ولا سفرجي ولا واحدة بتنضف البيت ؟؟ ليه انتوا عايشين في فيلا ولا في سجن ؟!!!
نور : اصل انا ومراتي بنخاف من وجود الشغالين في الفيلا .
المحقق : والسبب ؟؟
نور : بنخاف من السرقة والحاجات اللي بتظهر في الافلام ان الشغالة تلعب علي البيه صاحب الفيلا ، اصل مراتي كانت بتغير عليا .
المحقق : وليه اتنين حراس علي الفيلا ؟؟ انت ليك اعداء او حد ببهد.دك ؟؟
نور : لا ابدا .
المحقق : انت واضح عليك التـ.ـو.تر بشكل غير طبيعي !!!
نور : راجـ.ـل شاف مـ.ـر.اته مقت..ولة اكيد لازم اكون متـ.ـو.تر .
المحقق : طيب يا استاذ نور انت هتفضل معانا لغاية اخر التحقيقات .
تجلس شهد تبكي بحرارة وبجوارها سلطان يحاول تهدئتها ومن الناحية الاخري تجلس شيماء تحاول تهدئتها .
بينما يقف بسام وباسل وغرام علي الجانب الأخر يبدوا عليهم جميعا الحزن والتـ.ـو.تر !!!
وفجأة تظهر ام منار وباقي اولادها وخال منار واولاده وبمجرد ان يروا أهل نور يهرولون اليهم ويتهموا نور بقت.لها !!!
تتدخل قوة الشرطة للفصل بينهما ، وفي تلك الاثناء يخرج نور وعلي وجهه الحزن الشـ.ـديد والتـ.ـو.تر !!!
شهد تجري اليه وتحت.ضنه : فيه ايه يا نور ؟ العسكري ده ماسكك كده ليه ؟
↚
في قسم الشرطة ...
تستمر تحقيقات الشرطة مع جميع المحيطين بمنار حتي صباح اليوم التالي .
تقرر الشرطة احتجاز نور علي ذمة التحقيقات وتوجه اليه الشرطة تهمة القت.ل ، ببنما يتم الافراج عن الباقين !!!
بمجرد علم شهد تسقط ارضا مغشيا عليها !!!
تطلب غرام الاسعاف فورا وتذهب معها الي المستشفي بصحبة سلطان وشيماء وبسام وباسل .
في سيارة الاسعاف.....
تري غرام ابيها يحرص علي وجوده بجانب شهد في سيارة الاسعاف بينما دمـ.ـو.عه لا تتوقف ربما حزنا وخوفا علي شهد !!! او ربما حزنا علي نور !!! لا تعلم السبب ولكنها للمرة الاولي التي تري والدها في مثل هذا الضعف !!!
وخلف سيارة الاسعاف يلحق بهم باسل بسيارته ومعه اخيه بسام ووالدته شيماء .
في المستشفي .....
تتأكد غرام ان شهد اصيبت بتجلط دمـ.ـو.عي خطير في القلب وان حالتها حرجة للغاية !!!
يراقب سلطان الاطباء دخولا وخروجا من الغرفة بينما غرام لا تبخل بجهد لانقاذها !!!
غرام ومعها عدة اطباء يحاولون انقاذها و اذابة التجلط الدمـ.ـو.عي في اسرع وقت .
تقف شيماء في الخارج وتقول لبسام " بعيدا عن سلطان وباسل " ....
شيماء : انا خايفة علي خالتك قوي .
بسام : متخافيش مادام غرام معها .
شيماء : ده انا مش خايفة الا علشان البت دي معها !! انا خايفة تعمل فيها حاجة وهي تحت ايديها دلوقتي !!
يسمعها باسل : خايفة علي خالتي من مين يا ماما ؟؟
شيماء : خايفة عليها من مراتك ، ما انت عارف انها وامها بيكرهوا شهد من زمان !! خايفة تعمل فيها حاجة !!
باسل " بغضب " : انا مراتي مش بتعرف تكره ولا ممكن تأذي حد .
بسام : متخافيش يا ماما حتي لو هي عايزة تعمل حاجة مش هتقدر و هتخاف علشان عم سلطان موجود .
يتركهم باسل غاضبا ويذهب بعيدا !!!
شيماء : كان نفسي تكون يا بسام دكتور زي البت دي ، لكن اعمل ايه تربيتي فيك منفعتش وطلعت صا.يع !!
بسام " يضحك " : بكره تشوفوا الصا.يع ده هيكون ايه وكل اللي شايفاهم دول هيكونوا شغالين عندي ويعملولي الف حساب !!
تخرج غرام من الغرفة وببدو عليها مظاهر الارهاق الشـ.ـديد !!!
غرام : انا مش هخبي عليكوا ، طنط شهد تعبانة جدا ، ادعولها ربنا يلطف بيها .
سلطان : يعني ايه ؟؟ شهد اااا.
غرام : طنط شهد حصلها جلطة في القلب ولولا عناية ربنا ... لكن الحمد لله قدرنا بصعوبة اننا نذيب الجلطة لكن مش هكدب عليكم الحالة لسه حرجة .
شيماء : وانتي بتعملي ايه !!! مش شهد دي في مقام امك ولازم تراعيها !!
تنظر لها غرام باحتقا.ر وتتركها وتدخل مرة اخري غرفة شهد .
باسل غاضبا : ايه اللي انتي قولتيه ده يا ماما ؟!! يعني بدل ما تشكريها انها انقذت حياة اختك !!
شيماء : بتدافع عنها يا باسل !! هو ده اللي كنت خايفة منه ، مراتك ضحكت عليك واخدتك من امك ، كنت عارفاها انها حرباية زي امها .
باسل : دي اخر مرة اسمحلك فيها تتكلمي عن غرام بالطريقة دي يا ماما .
شيماء : انت بتكلمني كده ليه ؟؟
باسل : علشان انتي بكلامك ده هتخربي حياتي ، وانا مش هسمح بكده ابدا .
بعد اكثر من ١٢ ساعة ...
غرام : بابا ، طنط شهد دلوقتي احسن ، انا حبيت اطمنك ان الخطر قل كتير ، علشان ترجع البيت و ترتاح .
سلطان : انا مش هرجع البيت الا وشهد معايا .
غرام : متخافش عليها يا بابا ، روح انت ارتاح ، هي دلوقتي بقت احسن .
سلطان : الحمد لله ، انا ممكن ادخل اطمن عليها ؟؟
غرام : حاضر يا بابا لكن ياريت بدون اي صوت ارجوك .
يدخل سلطان فيري شهد نائمة .....
سلطان : ممكن يا غرام تسيبيني معاها دقيقتين ؟؟
غرام : حاضر .
تخرج غرام وتغلق الباب ويمسك سلطان يد شهد النائمة ويقبلها وتتساقط دمـ.ـو.عه علي يدها وهو يقول : اوعي تسيبيني وتمشي يا شهد ، انا من غيرك ولا حاجة ، انتي حب عمري انتي اغلي حاجة في حياتي ، سامحيني يا شهد ، سامحيني لو في يوم عملت حاجة وزعلتك .
شهد " بصوت ضعيف " : مسمحاك يا حبيبي مسمحاك .
سلطان : الف سلامة يا شهد الف سلامة عليكي يا قلبي .
شهد : الله يسلمك ، متخافش انا كويسة ، روح انت اقف جنب ابنك ، هو محتاجلك دلوقتي اكتر مني .
سلطان : اطمن عليكي الاول يا حبيبتي وبعدين اروح لنور و مش هسيبه .
تلاحظ غرام من خلف الزجاج افاقة شهد وكلامها مع سلطان فتدخل سريعا وتقول لسلطان : ارجوك يا بابا لازم تخرج حالا ، الكلام خطر جدا علي طنط شهد دلوقتي !!!
يظل سلطان في المستشفي يومين متتالين بلا نوم حتي تتحسن حالة شهد وتبدأ في الاستقرار .
يذهب سلطان الي قسم الشرطة ومعه احد كبـ.ـار المحاميين ويطلب زيارة نور .
يأتي نور ويرتمي بين احضان ابيه باكيا : والله العظيم مظلوم ، مش انا يا بابا اللي قت.لتها !!
سلطان : ايه اللي حصل يا نور ؟؟
نور : معرفش ، انا رجعت البيت شوفتها كده !!! سامحني يا بابا ، انا عارف اني كنت ابن عاق و عارف اني غلطت كتير ، سامحني ارجوك واوعدك اني ارجعلك كل حاجة الشركة والفيلا وكل فلوسك ارجعهالك و انت اتصرف فيها زي ما تحب ، انا خلاص عرفت غلطتي وان الشيطا.ن ضحك عليا ، ودلوقتي انا مش عايز اي حاجة الا انك تسامحني !!!
سلطان : خلاص يا نور انا سامحتك .
نور " يبكي " : ماما فين يا بابا ؟؟ مجتش معاك ليه ؟!!
سلطان : امك جاتلها جلطة لما عرفت .
ينهار نور باكيا فيحاول سلطان تهدئته : متخافش علي ماما يا نور هي بقت احسن دلوقتي وغرام جنبها .
نور " باكيا " : انا معرفش ازاي كنت اعمي وعملت كل ده معاك ومع غرام !!!
سلطان : قول الحقيقة يا نور علشان الاستاذ المحامي يقدر يساعدك ، انت اللي قت.لت منار ؟؟
نور : والله العظيم لأ .
المحامي : انا قرأت محاضر الشرطة يا استاذ نور وواضح ان موقفك صعب جدا ، يا ريت تقول بالتفصيل كل اللي حصل ؟
نور : انا خرجت من الشركة الساعة تسعة وروحت اتعشيت في المطعم ورجعت البيت و شوفتها كده حتي اني من الخوف مش لمستها !!!
المحامي : طيب المفروض انك هتتعرض علي النيابة النهاردة ، لازم تتمسك باقوالك دي وتنكر اي علم لك بالحادث .
نور : حاضر ، بس خليك جنبي يا استاذ ، وانت يا بابا خليك جنبي وادعيلي ، انا محتاج دعواتك انت وماما دلوقتي قوي .
تنتهي الزيارة ويعود نور الي محبسه .
في مكتب المحققين ...
محقق الشرطة يجلس في مكتبه و يسأله مساعده ....
المساعد : ايه الاخبـ.ـار يا فنـ.ـد.م ؟ دلوقتي حضرتك متأكد ان نور هو الجاني ولا لسه عندك شك ؟؟
المحقق : الحقيقة انا لسه شاكك لكن كل القرائن بتقول انه هو الجاني ، مفيش قدامنا الا اننا نقدمه للمحاكمة والمحكمة اما انها تثبت ادانته او برائته .
المساعد : ويا تري نور لسه عارف ان مـ.ـر.اته مـ.ـا.تت ولا عرف انها لسه في غيبوبة ؟؟
المحقق : لاااا الكل عارف انها مـ.ـا.تت ، ولازم الكل يفضل معتقد انها مـ.ـا.تت لحد ما نشوف اذا كانت هتفوق من الغيبوبة ولا هتموت ؟؟
المساعد : انا بتمني انها تفوق من الغيبوبة ؟؟
المحقق : انا روحت اشوفها في المستشفي وفعلا حالتها صعبة جدا ، النزيف الداخلي مأثر علي كل الأجهزة الحيوية في جـ.ـسمها ومحتاجة معجزة علشان تخف او حتي تقدر تتكلم .
المساعد : انا حاسس ان الجريمة دي وراها سر !!
المحقق : و علشان كده اخفيت نهائيا خبر انها لسه عايشة .
المساعد : المجني عليها لو فاقت ولو حتي خمس دقايق هتكشف الجاني اذا كان فعلا جوزها او حد تاني وكمان هتكشف السر ورا الجريمة .
ينظر المحقق في هاتفهه بعد اشعار الرسائل : لسه رسالة جاية حالا من المستشفي انها بدأت تفوق ، يلا نلحق ناخد منها اي معلومة قبل ما يحصلها حاجة .
في المستشفي
منار تفتح عينيها بصعوبة وتشعر بألم شـ.ـديد ...
المحقق : الف سلامة عليكي يا مدام .
منار : الله يسلمك ، ااه انا تعبانة قوي .
المحقق : معلش هما كلمتين اخدهم منك واسيبك ترتاحي .
اشارت منار له بالموافقة .
المحقق : مين اللي حاول يق.تلك ؟؟
منار : بسام ابن خالة جوزي .
المحقق : وليه يعمل كده ؟
تحكي منار للمحقق اتفاقها مع بسام والخديعة التي قاموا بها للاستيلاء علي اموال زوجها وممتلكاته .
المحقق : تقصدي ان بسام حاول يتخلص منك علشان ياخد العقود اللي نور مضي عليها وفي نفس الوقت ينفرد بالثروة كلها لوحده و كمان يتخلص منك بما انك الشاهدة الوحيدة عليه .
منار : ايوه ، ارجوك يا فنـ.ـد.م لو حصلي حاجة حاولوا تنقذوا ابني اللي في بطني ، وفهموا نور جوزي ان الجنين ده ابنه واني عمري ما خونته ، ممكن اكون خدعته طمع في الفلوس بس مش اكتر .
يشير لها المحقق بالايجاب ثم يتركها وينصرف ويتصل بمساعده ويأمره بالقبض فورا علي بسام !!
في قسم الشرطة
تقف شيماء تبكي وتصر.خ : ابني فين يا حضرت الظابط ؟؟
الضابط : ابنك محبوس جوه ، يلا اتفضلي امشي وجودك ملوش لزوم .
شيماء " بدمـ.ـو.ع " : حبستوا ابني ليه ؟ بسام معملش حاجة !!!
الضابط : ابنك عمل مصيبة وراح في داهية ، ابنك هو القا.تل !!!
شيماء " تبكي " : ابني !! لااا ، ابني معملش حاجة .
الضابط : طيب امشي دلوقتي والمحكمة هي اللي هتقول .
شيماء : محكمة !!! تاني ...ابني ... بسام .... قت.ل !!!!!! اشمعني انا اللي حظي كده !!!
ثم تضحك بصوت عال ......
بسام قت.ل البت وهيدخل السجن ثم تضحك !!!! وابني التاني راح لبنت الخدامة !!!!!
في قسم الشرطة
يخرج نور من السجن ويعلم بأن زوجته منار مازالت علي قيد الحياة وان من حاول قت.لها هو باسل ويعلم بكل تفاصيل الخديعة التي اوقعته فيها منار قبل الحادث !!!
فيلا سلطان
شهد في الفيلا بعد خروجها من المستشفي .
نور يعود بعد خروجه من السجن .
سلطان : حمدلله ع السلامة يا شهد ، نورت بيتك يا نور .
شهد : الله يسلمك يا سلطان ، انا كنت فاكرة اني خلاص همو.ت ومش هرجع هنا تاني !!
سلطان : بعيد الشر عنك يا حبيبتي .
نور : وانا كمان كنت فاكر اني خلاص ضيعت ومش هخرج من السجن تاني .
شهد : الحمد لله ان الحقيقة ظهرت ورجعت بالسلامة ، ويارب يكون درس العمر واتعلمت منه يا نور .
نور : انا فعلا اتعلمت كتير ونـ.ـد.مت اكتر ، بكره الصبح يا بابا هنروح انا و حضرتك علشان ارجعلك الفيلا والشركة و هرجعلك كل رصيد الفلوس اللي اخدتها .
شهد : ربنا يهديك و يكملك بعقلك يا ابني .
نور : انا معرفش ازاي منار قدرت تخدعني وتمضيني علي العقود دي !!! اللي بالخبث والدهاء ده ممكن تعمل اي حاجة ، انا حاسس ان الحمل اللي في بطنها مش ابني .
سلطان : الجنين اللي في بطنها لسه موجود ؟؟
نور : ايوه انا عرفت انه لسه موجود ، لكن حالتها لسه حرجة ولو ما.تت اكيد هيموت معها .
شهد : الا الطعن في الاعراض يا نور !! بلاش تستعجل في الحكم ، لما تظهر نتبجة التحليل وتتأكد ، يمكن يكون ابنك .
فجأة يأتي اتصال لشهد من رقم غريب !!!
ترد شهد علي الهاتف ...
المتصلة : انتي مدام شهد اخت الست شيماء ؟؟
شهد : ايوه انا .
المتصلة : انا جارتها ، ياريت تيجي حالا.
شهد : فيه ايه ؟
المتصلة : اختك مبهدلة الدنيا هنا وكل شوية تخرج البلكونة و تصر.خ وتلم الناس علينا ومش قادرين عليها !!!
تذهب شهد ومعها سلطان ونور الي منزل شيماء فيسمعون صراخها من الباب !!!!!
شهد : فيه ايه يا شيماء ، مالك ؟؟
شيماء تتكلم مع نفسها و تهذي بكلمـ.ـا.ت غير مفهومة !!!
تنظر شهد لسلطان في تعجب وتحاول الحديث مع شيماء ولكن شيماء تكمل هذيانها بكلمـ.ـا.ت مبعثرة غير مفهومة وتضحك كثيرا ثم تجري الي النافذة وتطلق صرخات عالية !!!!!
تشعر شهد بحجم المأساة وان اختها قد اصيبت في عقلها !!!
سلطان : مش هينفع نسيبها كده !! وجودهها كده ممكن يكون خطر عليها وعلي اللي حواليها .
شهد : هنعمل ايه ؟؟
سلطان : لازم نتصل بالمستشفي هما يقرروا اذا كانت تتعالج هنا او تتحجز .
في المستشفي
يذهب نور في زيارة منار ...
نور : انا مش جاي اطمن عليكي لأنك متستاهليش ، انا جاي اقولك انتي طالق .
منار : كده كده حياتنا مكنش ينفع تستمر ، لكن اللي يهمني دلوقتي ابنك اللي في بطني .
نور : لسه معرفش اذا كان ابني ولا لأ .
منار : ابنك ، اللي في بطني ابنك يا نور .
نور : حتي لو ابني مش هيشفعلك اني ارجع تاني لواحدة زيك ملهاش امان .
منار : ومين قال اني عايزاك ترجعلي ، انا كمان رافضة ارجعلك .
بعد ايام ...
يذهب نور الي طبيبه المعالج ويتأكد من نتيجة التحليل ان الجنين ابنه .
شهد : شوفت يا نور ، الحمد لله طلع اللي بطنها ابنك ، كنت هتظلمها !!
نور : رغم ان اللي حصل ضيع فرحتي ، لكن الحمد لله ان ربنا كتب لي المعجزة دي .
شهد : وناوي ترجع منار تاني ؟؟
نور : مستحيل أمن لها تاني .
شهد : ده هتبقي ام ابنك !!!
نور : علشان هتكون ام ابني هتنازل عن قضية الاحتيال علشان مستقبل ابني ، لكن مستحيل ارجع لواحدة زي دي .
شهد : هي غلطت غلطة واحدة يا نور !! ومين فينا مبيغلطش ؟!! انت نفسك غلطت و ابوك سامحك .
نور : وانا بعد اللي حصل مش هقدر اسامحها او امن انها تكون مراتي تاني ، انا هبدأ حياتي من جديد لما الاقي الانسانة اللي تستاهل .
بعد ايام ...
سلطان : الو ، ازيك يا غرام يا حبيبتي ، عاملة ايه ؟
غرام : ازيك يا بابا ، الحمد لله انا بخير حضرتك عامل ايه ؟
سلطان : انا الحمد لله بخير ، كنت عايز اشوفك بكره الصبح علشان نروح الشهر العقاري نسجل لكل واحد فيكم نصيبه الشرعي .
غرام : يا بابا ، قولت لحضرتك انا مش عايزة حاجة .
سلطان : لازم تاخدي نصيبك ، ده حقك وحق ابنك ، صحيح الولد ده وحشني قوي لازم اشوفه معاكي بكره .
غرام : حاضر يا بابا ، بعد اذنك اجل المشوار ده يومين علشان انا في مؤتمر طبي في فيينا وراجعة بعد بكره .
سلطان : ما شاء الله عليكي ربنا يوفقك يا حبيبتي ، نأجل المشوار ده لما ترجعي .
بعد شهور ...
غرام : ايه رأيك يا باسل انا عايزة افتحلك مشروع تديره بنفسك .
باسل : لا يا حبيبتي دي فلوسك انتي الافضل تفتحي مستشفي ، انا متأكد انك لو فتحتي مستشفي هتكون انجح مستشفي في مصر .
غرام : انت شايف كده ؟؟
باسل : اكيد .
غرام : يبقي تدير نصيبي في الشركة مع نور .
باسل : لا يا غرام الافضل اني اكون بعيد عن فلوسك تماما ، واخوكي نور اتغير وبيبعتلك نصيبك في ارباح الشركة في مواعيدها ، سبيني انا انجح في شغلي بمجهودي .
في فيلا سلطان
شهد : الف مبروك يا نور ، منار ولدت النهاردة وجابتلك شهد .
نور : الله يبـ.ـارك فيكي يا ماما .
شهد : الف مبروك يا سلطان بقي ليك حفيدة تشيل اسمك .
سلطان " يضحك " : الله يبـ.ـارك فيكي يا شهد ، طبعا فرحانة ان البنت علي اسمك ؟!!
شهد " تضحك " : ايوة طبعا فرحانة .
سلطان : فكر يا نور ترجع منار علشان بنتك تتربي في حـ.ـضـ.ـنك .
نور : لا يا بابا مستحيل ارجعها ، بنتي لما احب اشوفها هبقي اشوفها بعيد عنها .
سلطان يشرد بذهنه بعيدا !!!!!
تلاحظه شهد وتسأله : مالك يا سلطان ؟ بتفكر في ايه ؟؟
سلطان : سبحان الله ، بنت ابنك اتكتب عليها تتربي بعيد عن ابوها زي غرام بالظبط لما اتربت بعيد عني ، الظاهر ان القدر كفيل انه ينتقم ويرجع الحقوق لاصحابها حتي بدون تدخل منهم !!!
شهد : انت شمتان فيا يا سلطان ؟!!
سلطان : لا يا حبيبتي انتي عارفة انه مش قصدي ، انا بستغرب من تدخلات القدر بس مش اكتر .
بعد شهور ...
يذهب سلطان الي ابنته غرام ليجدها تتابع اعمال بناء مستشفيتها الجديدة .
سلطان : اجمل حاجة عملتيها فكرة المستشفي ، ان شاء الله تنجح وتكون انجح واكبر مستشفي في الدنيا .
غرام : ربنا يخليك ليا يا بابا ، ده كله من خيرك .
سلطان : انتي تستاهلي كل خير يا بنتي ، ياريت تيجي بكره تتغدي معايا ومع شهد ونور .
غرام : معلش يا بابا ، بكره مش هينفع علشان ماما عندها حفل تكريم .
سلطان : تكريم في ايه ؟
غرام : ماما بكره هتاخد وسام الجمهورية في الفنون .
سلطان : ما شاء الله ، جميلة تستاهل كل خير .
في اليوم التالي
في حفل التكريم
تصعد جميلة علي منصة التكريم وتحصل علي الجائزة وسط تصفيق الحضور وبينهم غرام وباسل وفارس الذين يشعرون بالسعادة والفخر .
ويظهر فجأة بين الحضور سلطان ومعه شهد !!!
بمجرد ان يراه فارس بمتعض و يشعر بالغيرة !!!
تنزل جميلة من منصة التكريم وتحت.ضنها ابنتها غرام ويهنئها الجميع ثم يأتي سلطان وشهد ويقدمان لها التهنئة ...
تصافحها شهد وتقول لها : الف مبروك يا جميلة .
جميلة : الله يبـ.ـارك فيكي يا مدام شهد .
شهد : فرحتلك بجد ، انتي فعلا تستاهلي كل خير وتستاهلي اكتر من كده كمان .
يصافحها سلطان : الف مبروك يا مدام جميلة .
جميلة : الله يبـ.ـارك فيك .
سلطان : انتي فعلا تستاهلي كل خير وتستاهلي ان غرام تفتخر وتتشرف بيكي في كل مكان .
ثم يصافح سلطان فارس ويقول له " بابتسامة " : الف مبروك يا استاذ فارس للمدام .
فارس : الله يبـ.ـارك فيك .
سلطان : ربنا يوفقكوا دايما و من نجاح لنجاح بأذن الله .
فارس " يبتسم " : ربنا يخليك ، كلك ذوق .
سلطان : مش هوصيك بقي عليها ، انت معاك جوهرة ربنا يسعدكم ويخليكوا لبعض .
انتهت .
لو خلصتي الرواية دي وعايزة تقرأيي رواية تانية بنرشحلك الرواية دي جدا ومتأكدين انها هتعجبك 👇