رواية قلبي رهينة حبك هي رواية رومانسية تقع احداثها بين ليل ونور والرواية من تأليف مريم اشرف في عالم مليء بالتناقضات والأسرار تتشابك مصائر شخصيات رواية قلبي رهينة حبك لتجد نفسها في مواجهة قرارات صعبة تُغير مجرى حياتهم إلى الأبد ان رواية قلبي رهينة حبك هي قصة عن الحب الذي يتحدى الزمن والمصير الذي يفرض نفسه والأرواح التي تسعى خلف الحرية والسعادة بين الأمل واليأس وبين القوة والضعف ينسج رواية قلبي رهينة حبك تفاصيل حياتهم في معركة غير متكافئة مع القدر لتكشف كل صفحة عن لغز جديد يقود القارئ نحو نهاية غير متوقعة
رواية قلبي رهينة حبك من الفصل الاول للاخير بقلم مريم اشرف
نادر بتـ.ـو.تر: احم..
بصله ليل باستغراب بعدها بص للبـ.ـنت اللي معاه وقام من مكانه ناحيتهم..
كمل: أعرفكم ببعض..دي نور يا ليل..الدكتوره النفسيه اللي قلتلك عليها..وده ابني ليل يا نور..
ليل ضحك باستهزاء وغــــرور: ايه يا نادر بيه..جايبلي الطفله دي تعالجني وانت عارف اني مش هتعالج..ومش محتاج علاج أصلا!!
أضاف وهو بيبصلها بتفحص: عالعموم..خليها هتتعب زي اللي قبلها وترجع بيتها..او أقول حضانتها..
نادر بضيق من تصرفات ابنه: ايه الأسلوب اللي بتتكلم بيه ده؟!..مش تحترم نفسك؟!
ليل بدهشه: أحترم مين يا حج..ده انا لو اتجوزت لكون مخلف واحده قدها دلوقتي..وكمان بتقول عليها دكتوره شاطره..امتى درست دي؟!
نور بابتسامه مريبه..قربت منه وشالت ايده من جيبه: كده أحسن!!..الغــــرور مبيناسبكش..
بصلها بتقليل واتكلم: هنشوف مين اللي هيكسب الجوله..أنا ولا انتي يا..يا طفله نور..قال كده وطلع على اوضته..
نادر بخجل: آسف جدا يا بـ.ـنتي..امسحيها فيا بقى..
نور بتحدي: هنشوف يا اما أنا يا انت يا ليل...متتأسفش يا نادر بيه..انت معملتش حاجه لكل ده..
نادر بابتسامه: خدي راحتك يا بـ.ـنتي..البيت بيتك..وناديني بابا على طول..اصل طول عمري نفسي فبـ.ـنت زيك كده..اعتبريني ابوكي لو حبيتي طبعا..
ابتسمت بفرحه: حاضر يا بابا..ممكن تدلني على المطبخ؟
نادر: انتي جيعانه يا بـ.ـنتي..أنا هقولهم يحضرولك أكل..
نور: لأ لأ..أنا بس كنت عاوزه أحضر شوكولاطه سخنه أوديها لليل عشان أبدأ مرحلة العلاج..
نادر بابتسامه: ماشي يا بـ.ـنتي..دقايق بس وتجيبه الخدامه..
أضافت بتردد: و...ممكن حضرتك توريني فين اوضته؟
________________________________________________
بعد دقايق..كانت نور طالعه على السلم..والكوب بين ايديها..
خبطت على باب اوضته..فأذن لها تدخل..
دخلت واتكلمت بضحكه مميزه أظهرت غمازتها: جبتلك شوكولاطه سخنه..تهدي أعصابك..
قالت كده وشهقت من الصدmه لما لقته عاري الصدر وقاعد في البلكونه بينفث سيجارته..
لفلها بصدmه: انتي ثاني..عايزه ايه يا طفله؟!
نور بخجل وعينيها فالأرض: أولا مسميش طفله..
قربت من المنضده وحطت عليها الكوبايه..بعدها قربت منه فيما كان هو مش مديلها أي اهتمام..
خـ.ـطـ.ـفت السيجاره منه بخفه ورمتها من البلكونه..
تحدث بعصبيه: انتي إزاي تتجرإي؟!!
ربعت ايديها: السيجار والتدخين بيدmروا الصحه والرئه وبيجيبوا الحـ.ـز.ن والكآبه..
اتأفف: ويعني الشوكولاطه بتجيب السعاده؟
ابتسمت: ايوه طبعا..
مسك الكوبايه فايده واتوجه ناحية البلكونه تاني ورماها كلها..
نطق بعصبيه خلتها تترعـ.ـب: ها؟..كده أحسن..مش كده؟!!
نور واقفه مكانها بصدmه مش مصدقه اللي عمله دلوقتي..في نفسها: معقول في حد بيكره الشوكولاطه؟
ردت بتحدي: كنت عارفه انك مش هتشربها يا العلاوي!!..بس قسما بالله لغيرك من الليل اللي جواك للنور اللي جواي أنا!!
قرب منها بعصبيه وتوعد: انتي بتتحديني انا؟!!!
نور بجمود: آه بتحداك..هتعمل ايه يعني..هتضـ.ـر.بني؟!..فاكر انك هتخــــوفني بعضلاتك دي..
هز راسه بثقه: هتشوفي أنا هعمل ايه..
اتوجه ناحية الباب وقفله بسرعه ورجع لها..
كان بيمشي ناحيتها ببطئ مخيف وعيونه السوده على عيونها العسليه الواسعه..كانت بتبصله بتحدي وقوه عشان تبينله انها مبتخافوش..
فجأه التصق جــــســ ـدها بالحيطه من شـ.ـدة قربه..حط ايديه على الحيطه بيحكمها بينهم..
بهمس شيطاني: أحسنلك تلعبي مع اللي قدك يا شاطره..أنا مش قدك خالص..فاهمه؟!
بصت فعيونه..بعدها للأوضه اللي كلها سواد: انت بتعيش هنا في الظلمه ازاي؟!..اووف..بكره اللون ده بيجبلي تـ.ـو.تر..
حاول يتحكم في قبضته..نعم هي تلعب على أعصابه الآن..
كلمها بحده: لو مش عاجباكي اطلعي..الباب قدامك ولا اوريهولك؟
فتحت خزانة هدومه: ايه ده حتى هدومك سوده.؟!.ايه الحياة دي..بكره هجيبلك هدوم ملونه..
قاطعها بصراخ: بتقولي ايه؟!!..سمعيني كده تاني يا شاطره؟!!..لو فكرتي بس فكده هتشوفي اللي مش هيعجبك..
ردت بابتسامه: وايه اللي مش هيعجبني بقى؟
مسح وشه بايده ولبس تيشرته وهو بيكلمها: بقولك يا اسمك ايه..احسنلك تروحي ياماما..اصلي مش فاضيلك..
قال كده وقام زقها بره الأوضه بعنف..وقفل الباب وراه..
قامت من على الأرض ومسحت هدومها: أما انت وقح بصحيح..
أما هو فضحك بشر: لو مجننتكيش يا دكتوره متسماش ليل العلاوي!!
________________________________________________
↚
دخلتْ اوضة الضيوف اللي بقت اوضتها وقعدت تفكر:
ده طلع صعب أوي..بس مش صعب عليا أنا هنجح في المهمه دي أكيد!..
______________________________________________
في صباح يوم جديد..
وفي مكان تاني بتفوق رنا وهي صاحبة نور على صوت تيليفونها اللي بيرن..
ردتْ على التيليفون بنعاس: ايوه يا نور بتتصلي عليا من صباحية ربنا في ايه مالكي؟
نور بابتسامتها المعتاده: مفيش صباح الخير طيب؟!
رنا بابتسامه: صباح الخير!..ها..انطقي في ايه..شكلك عامله مصيبه..
نور: لا شكلك انتي كمان عاملاها من صوتك ده..بصي هحكيلك مصيبتي واحكيلي انتي كمان بتاعتك..ماشي؟
رنا بضحك: ماشي يا زميلي ارغي..
حكتلها نور على كل حاجه وانها وافقت طلب مدير المشفى تعالج ابنه الوقح..
رنا: هههه..طب والله عجبني ليل ده..يلا يا دكتوره ورينا شطارتك!!
نور: ربنا يستر بس..قوليلي بقى ايه اللي حصل معاكي..
رنا وهي بتفتكر..فلاش باك:
" كانت بتسوق عربيتها وأصوات الأغاني المرتفعه بتتخللها وهوبا خبطتْ فعربية واحد..
طلع من العربيه بتاعته بعصبيه..فطلعت هي كمان بعده..
قربت منه واتكلمت بنرفزه: انت مبتشوفش يا حلتها؟!..أعمى حضرتك؟!..عارف العربيه دي كلفتني كام؟!..طيب انتو لما مبتعرفوش تسوقوا بتسوقوا ليييه؟!
فتح عينيه بصدmه من كلامها الجريء معاه: يعني أنا اللي خبطتك؟!!!..انتي بتعملي مصيبه وتلبسيها فيا يا أم أغاني..ايدك على ألفين جنيه أصلحب بيها العربيه...يلا بسرعه عندي شغل!!
رنا بصدmه: هو انت فاكر نفسك مين؟!..فاكر انك هتخــــوفني بطولك ده..وبشوية العضلات البلاستيك بتوعك دول...حمحمت وكملت بخفوت: احم شكل دفنتك النهارده يا رنا..
رفع كفه بسرعه يضـ.ـر.بها..فحطت ايديها قدامها وصرخت: لأ لأ..آسفه متضـ.ـر.بنيش..خلاص أنا هنسى انك خبطتني ومش هقول حاجه ولو سألتني ماما ايه اللي حصل في العربيه أقولها البـ.ـنت شوشو وعيونها بقى..
مسك مهيمن ضحكته بصعوبه قدامها من المـ.ـجـ.ـنو.نه الواقفه قدامه دي وركب عربيته ومشي..
شالت ايديها وقالت: هييه؟!!..البني آدm ده سابني..مين اللي هيدفع ثمن اللمبه اللي اتكـ.ـسرت دي..اوووف..
"
رجعت رنا بذاكرتها للحاضر على صوت ضحك نور عليها
نور بضحك: الله!..دي قصة حب ولا في الروايات!!
رنا بضيق: قصة حب ايه دي يا زفته..متحترمي نفسك وقفلت المكالمه فوشها..
قامت نور من على فراشها وفتحت البلكونه ودخلت فلقت ليل في الجنينه بيتكلم في التيليفون..
ابتسمت بخبث ودخلت تاني الأوضه وغيرت بيجامتها لفستان أصفر قصير مع كعب عالي وفردت شعرها ورا ظهرها ونزلت.
لقت نادر بيفطر لوحده فقربت منه واتكلمت: صباح الخير يا بابا عامل ايه؟
بصلها وضحك: صباح النور يا بـ.ـنتي وانتي نور فعلا..تعالي اقعدي تفطري..
قعدت نور على الكرسي وقالت: أمال فين ليل؟
نادر رد: تلاقيه فالجنينه..شويه وهييجي..
بعد دقايق دخل ليل: صباح الخير..
وقعد على أقرب كرسي..بص لنور بتحدي وبادلته نفس النظره..
بعد الفطار قام ليل واستعد عشان يروح شركته..
نادر: استنى..خد نور معاك!
لف ليل بصدmه ناحيته: عفوا؟!
نادر بهدوء: بقولك خد نور معاك..
ليل بغـــضــــب: هي هتيجي معايا الشغل كمان؟!
نادر: ايوه طبعا هي هتبقى زي البودي جارد بتاعك..
ليل باستهزاء: بتهزر مش كده؟
نور قامت: لأ مش بيهزر..انا هروح معاك الشغل..ده جزء من العلاج بتاعك وغمزتله..
سكت شويه وبعدها بص عليها نظره مرعـ.ـبه: تعالي ورايا يا طفله..
نادر بقلق: الله يكون في عونك يا بـ.ـنتي..لو زعلك في حاجه اتصلي بيا متتردديش..
ابتسمت بمرح: حاضر يا بابا وطلعت وراه..
________________________________________________
↚
طلعت نور ورا ليل اللي كان بيشاورلها من العربيه بتاعته..
ابتسمت وركبت جمبه وقالت: الجو جميل أوي النهارده..
لارد..
كملت: ايه ياعم مش هتشغلنا أغاني؟
جز على سنانه: مبحبش الزفت!!
ردت عليه: وهو انت هتستنى تحبها؟..قالت كده وضغطت على الراديو تشغلها وكانت أغنيه رومانسيه..
بعّد ايدها بسرعه وطفاها..بعدها وقف العربيه جمب الطريق..
كلمها بعصبيه: انتي فاكره نفسك ايه؟!!
حطت كفها على ذقنها بتفكر: امم..سيبني أفكر..ممكن أكون دكتورتك النفسيه؟
ليل: بقولك ايه يا دكتوره زفت انتي..متختبريش صبري لحسن مش هيعجبك تصرفي بعدها!!
نور ببلاهه: ايه..هتفضل باصلي البصه المرعـ.ـبه بتاعتك وتستناني اقولك ياما خفت!!..
ليل وقد وصل لآخر درجة من صبره: اسمعي يا..
قاطعته: هسمع ايه؟
فتح ليل باب العربيه وزقها منها..
نور بتمثل الألــم: آه ظهري منك لله..هو انت مبتعرفش غير تزق الناس؟!..عيطت..
كان لسه هيقفل الباب بس مسكته: طب يرضيك..يرضيك تسيبني لوحدي في الحته المقطوعه دي؟
ليل بانتصار: آه يرضيني..وجدا كمان..
نور ببراءه: آسفه ضغطت عليك أوي..
ليل اتنهد: اطلعي يا غـ.ـبـ.ـيه!
________________________________________________
وصلوا الشركه وطلعوا على الأسانسير..
نور بتـ.ـو.تر: ايه ده..معندكمش سلم؟
ليل: في واحد للطوارئ والباقي كله مصاعد..
بلعت ريقها بخــــوف ورجليها بدإت تخبط في بعضها..
بصلها ليل باستغراب من حالتها..وأول ما بدأ المصعد يتحرك..اتكعبلت واترمت في حـ.ـضـ.ـن ليل اللي اتصـ.ـد.م..
ليل بابتسامة ماكره: بتخافي ولا ايه؟
هزت راسها: آه بصراحه بكره الأسانسير بيجيبلي دوخه..
محسوش بنفسهم غير لما اتفتح المصعد ولقوا الموظفين قدامهم بيبصولهم وبيتوشوشوا..
بعدت نور بسرعه من حـ.ـضـ.ـنه ووشها بقى أحمر من الخجل وقالت: آسفه مكانش قصدي..
ناظرها بحده ومسك ايديها بقوه واتوجه ناحية الموظفين..
: ايه انتَ وهي بتضحكوا على ايه..عادي واحد ومـ.ـر.اته بقى..
شتمته نور في سرها بسبب كلامه المستفز ليها..فكمل كلامه وعيونه عليها:
- هي هتكون السكرتيره الجديده بتاعتي وأي كلمه وحشه فحقها هسمعها..هتترفدوا كلكم فاهمييين؟!!!!
الكل هز راسه بخــــوف..
سحبها وراه على مكتبه وقفل الباب..
نور شالت ايده بغـــضــــب: ايه اللي هببتوا بره ده؟!..مراتك ازاي حضرتك؟!!
ليل بابتسامه: مانتي السبب..انتي ازاي تحـ.ـضـ.ـنيني كده..مكانش عندي حل تاني عشان متتشوهش صورتي قدامهم..
نور بدإت تعيط: غـ.ـصـ.ـب عني والله مش ذنبي اني بخاف من المصاعد..
سكت ليل شويه بيراقب دmـ.ـو.عها اللي بتسيل..فقرب منها وقلبه بينغزه كأنه افتكر حاجه وحشه..
ليل: خلاص بقى كفايه دmـ.ـو.ع..اسف اني زعقــ,تــلك كده..
لارد...اتأفف وربت على كتفها..
حس بحاجه غريبه فبعد عنها..
بصتله بفرحه وخرجتله لسانها بشمـ.ـا.ته: نجحت في المرحله الأولى..خليت مشاعرك تتحرك يا ابن نادر..وبدإت تنط زي الأطفال..
فتح عينيه بدهشه: انتي!..كنتي بتخدعيني؟!!..كنتي بتمثلي العـ.ـيا.ط عشان ت عـ.ـر.في رد فعلي وانا زي العبـ.ـيـ.ـط صدقتك؟!
نور: ايون..مانتا بتفهم اهو..كسبت الجوله مش كده؟
بدأ يقرب منها وعينيه بتشع بالتحدي لحد مالتصق وشه بوشها: لسه في جوله ثانيه ولا ايه يا مدام نور وغمزلها..
حاولت تبعده عنها بس مقدرتش: احم..ابعد شويه يا ليل عيب اللي بتعمله ده..
مستجابش لطلبها فبدإت تترعش..
همس في وذانها: ولا أقول آنسه وضحك..لو حبيتي أخليها مدام فأنا معنديش مشكله..
شهقت بصدmه: وقح وبجح..ابعد عني لحسن هصوت والم عليك الناس دي..
ليل باستهزاء: تصوتي وتقوليلهم ايه؟..ليل بيتح*رش بيا..أو أقول جوزي بيتح*رش بيا؟!..ها..انطقي يا..مراااتي..
اتحكمت فأعصابها وردت: افتح الباب فوراعاوزه أروح!!
ليل: تروحي فين..احنا لسه جايين ولا تعبتي مني ومن علاجي يا دكتوره..قال كده وقرب منها أكثر..
غمضت عينيها بخــــوف..وفجأه الباب خبط..
بعد عنها ليل بابتسامه وراح ناحية الباب يفتحه ولقى مهيمن ابن عمه وصاحبه قدامه:
مهيمن بفرحه: ايه يا وحش مش تقول انك اتجوزت..حصل امتى ده وليه انا آخر من يعلم؟!
بص ليل على نور اللي قاعده على الكنبه بتغطي وشها بايديها من الخجل ورجع بص لمهيمن: حتى أنا معرفش امتى اتجوزت..كل حاجه مرت بسرعه ولا ايه يا مدام نور؟
ضغط عالكلمة الأخيره عشان يغـ.ـيظها..
مهيمن:..
________________________________________________
↚
مهيمن: عايز أعرف إزاي وقعتيه في حبك يا مدام نور..ده وحش مبيحبش ومبيتحبش..عالعموم مبروك!!
ليل باستمتاع: الله يبـ.ـارك فيك..وانت بقى مش هتفرحنا؟
مُهين وبيفتكر وش رنا: قُريب أوي أنا كمان...قال كده وراح على مكتبه..
نور في نفسها: والله لربيك يا ليل الك*لب!!
قامت بسرعة من مكانها ووجهت سبابتها ناحيته: على فكره أنا هقول لبابا عاللي عملته ده!!
ضحك عليها: هههه..هتقولي ايه؟..امم..سمعيني!!..وانتي فاكره اني هخاف من باباكي نادر ؟..وأصلاً انتي مراتي يا مرااتي..
نور رفعت حواجبها بصدmه: هو انت عملت كذبه وهتصدقها ولا ايه؟
هز كتافه ببرود: مين قال كده؟..مانا هتجوزك عند المأذون!!
شهقت: انت بتقول ايه؟!!..تتجوز مين يا عنيا؟!!..شكلك اتجننت عالآخر..ومين قال اني موافقه عليك؟!!
ليل بعصبيه: أنا مباخدش رأي حد..أنا بعمل اللي أنا عايزه وبس..ومداك قلت هتجوزك يبقى هعملها يا..يا طفله!!
نور وماسكه بدلته من ايديها: هو انت فاكرني لعبه تتحكم فيها؟!!!
بص لإيديها بغـــضــــب: ايدك يا طفله متخلنيش أثور عليكي وأوريكي الوش الثاني!!
شالت ايديها وهي هتتجنن من بروده وثقته الزايده فنفسه..فراح قعد على كرسيه وحط رجل على رجل:
- روحي يا حبيبتي جيبيلي قهوتي من الكافيتيريا تحت..
جزت على اسنانها: حاضر يا حبيبي على راسي وعيني..هو انا عندي أهم وأغلى منك؟!!
قالت كلامها و نزلت بعدmا قفلت الباب بقوه..
ضحك باستفزاز: مش قلتلك هجننك يا دكتوره واخليكي عبره لأي دكتور عاوز يعالجني...
استعملت نور السلم بتاع الطوارئ ونزلت تدور على الكافيتيريا وأثناء دخولها خبطت فواحد بيشتغل في الشركه..
اتكلمت بأسف: آسفه جدا مخدتش بالي.
علاء في نفسه: الله يخرب بيت جمالك يا شيخه..كل ده جمال؟!!...احم..ولا يهمك يا آنسه..شكلك جديده هنا صح؟
دورت عينيها بعصبيه: آه..أنا مرات..اتأففت وكملت: المدير وهشتغل معاه بالشركه وده أول يوم ليا..
علاء بحـ.ـز.ن: خساره طلعتي متجوزه..
نور: بتقول حاجه حضرتك؟
علاء: بقول اتشرفت بيكي يا هانم..
نور: وأنا كمان..عن إذنك..
علاء في نفسه: ليه..ليه دايما بخسر...ليه اي حاجه بحبها وبعوزها بياخدها مني!!
وقف الموظفون احتراما لنور..فباتوا يعلمون الآن أنها زوجة المُلقب بالوحش!!
نور بابتسامه: حليب بالشوكولاطه لو سمحت..
ناولها الشاف طلبها وطلعت تاني على مكتب ليل..وقفت كام ثانيه قدام الباب متردده تدخل ولا لأ..بس اتشجعت ودخلت..
لقته سرحان في اللابتول اللي قدامه ولابس نظارة القرايه بتاعته..
هز راسه ليها وكشر: متعلمتيش تخبطي قبل ما تخشي؟!
ردت: آسفه نسيت..احم..اتفضل..
مسك الكوب وبص عليه: ايه ده؟..شوكولاطه تاني..مش قلتلك قبل كده مبحبش البتاع ده!!
قربت من الشباك وقفلته: الإجراء ده عشان مترميش الكوب زي المره اللي فاتت يا وحش!!
قام من مكانه وقرب عليها: عاوزاني أشربه؟
هزت راسها بنعم..
مسك الكوب ودلقه على هدومها وقال: اوبس..سوري مقصدتش وقعد تاني يكمل شغله كإن ولا حاجه حصلت!
أما هي ففضلت واقفه مكانها بجمود مش مصدقه عملته..كادت تعيط من الألــم اللي سببهولها سخونة الشوكولاطه بس اتماسكت ودخلت حمام المكتب تغسلها..
طلعت بعد شويه: أنا هروح..
ليل باندهاش: هتروحي على فين..مش نروح للمأذون الأول؟
قربت منه وصفعته: مأذون؟!!!..مأذون ايه..مش ممكن أتجوز واحد حيو*ان زيك!!...قالت كلامها وخرجت والدmـ.ـو.ع في عينيها..
فضل متسمر مكانه للحظات فجأه رمى كل حاجه قدامه ومشي وراها..
________________________________________________
عند رنا..وصلت المستشفى اللي بتشتغل فيها ودخلت مكتبها..
شهقت بصدmه: بسم قول من رب رحيم..انت؟!!..انت بتعمل ايه هنا؟..وعرفت مكاني إزاي؟!!!
فضل يدور بالكرسي بمرح واتكلم ده مهيمن): انتي اللي بتعملي ايه هنا ده مكتبي يا دكتوره..روحي شوفي مكتبك فين..بنات آخر زمن!!
خبطت المكتب بعصبيه: انت بتقول ايه يا زفت انت..بقولك قوم ولا أنادي على المدير يخرجك!!
مهيمن: مش ت عـ.ـر.في ان المدير ده عمي؟
رنا بدهشه: ايه؟!!..دكتور نادر يبقى عمك؟!!
هز راسه بتأكيد..
رنا: وانت عايز مني ايه؟..آه..عاوز ال2000 جنيه..ماشي اتفضل..فتحت شنطتها وألقت الفلوس عليه..
ضحك: ههههه..ايه يا بـ.ـنتي دmاغك فيها رمله؟..بقولك أنا ابن أخ المدير هحتاج فلوس من شحاته زيك؟
عصبت: أنا شحاته يا زفت انت يا وش الخميره؟!!
مهيمن: آه شحاته..يا شحاته..يا شحاته!!..كمل بجديه: اطلعي بره ومتدخليش هنا تاني ولا هضطر أرفدك يا انسه رنا!!
رنا بصدmه:....
↚
رنا بصدmه: لأ وكمان عارف اسمي وبتهددني؟!!...ماشي...ماشي!!...قالت كده وطلعت بره المكتب بغـــضــــب..
فضل مهيمن يلف بالكرسي بضحك وهو بيحدث نفسه: والله لتجوزك يا ست رنا..
________________________________________________
نور بعصبيه: هنتقم منك يا ليل يا وحش وهعلمك درس مش هتنساه فحياتك!!
دخلت محل في طريقها وجابت منه شوية هدوم ورجعت تاني على الڤيلا..
في نفسها: الحمد لله لسه مرجعش..أطلع أنا بقى أغير الدولاب بتاعه..
بعد دقايق خلصت وزقفت بايديها زي الأطفال..فجأه سمعت صوت مخيف من وراها:
- انتي بتعملي ايه عندك ليكون اللي فبالي!!
نور بثقه: انت جيت امتى وإزاي..
قاطعها: هششش..قبل ما تخلصي كلامك الغير مهم لازم ت عـ.ـر.في حاجه ضروريه جدا لسلامتك حطيها حلقه فوذانك:
- العبي مع اللي قدك يا شاطره..انتي لسه مبتدئه في الحياة دي...أو انك زي بقية الستات اللي أعرفهم..خـ.ـا.ينين...مستغلين وأنانيين وبتخبي..معرفش...قرب من عينيها وكمل: انتي مش قدي يا..يا مدامي..وضحك..
قفلت عيونها واتنهدت: انت وقح!!
ليل: هو انتي شفتي وقاحتي لسه يا مراتي؟...تحبي أثبتلك كلامي؟..
خرج ورقة من جيبه وفتحها قدامها: دي قسيمة جوازنا..
نور بصدmه: انت بتقول ايه؟!!..قسيمة جواز ايه دي؟..هو أنا وقعت على حاجه أصلا؟!!
ليل بابتسامه: مش قلتلك مبتدئه؟..نسيتي إن بطاقتك عندي في الشركه...بسيطه جدا..أنا خدتها ورحت على المأذون وطلعت القسيمة اللي قدامك دي..
نور بجنون: لأ مش ممكن انت بتضحك عليا..أكيد..أكيد دي مزوره!!
ليل: لأ يا حبيبتي مش مزوره تحبي نروح على المخفر عشان تتأكدي بنفسك منها؟
نور ببكاء: أنا بكرهك..كان يوم مهبب على راسي يوم فكرت أقبل طلب أبوك انت مش مُحتمل!!
( جماعه خلوني أوضحلكم فكره:
فلاش باك: ' نادر: اتفضل ادخل..
دخلت نور وقالت: نعم يا دكتور طلبتني حضرتك؟
هز راسه: ايوه اتفضلي اقعدي يا بـ.ـنتي..
قعدت فكمل: ليا عندك طلب بتمنى تعمليه..
نور بابتسامه: اتفضل يا دكتور..
نادر: احم...عندي ابن اسمه ليل..عندو شوية مشاكل نفسيه مرافقاه من صغره للأسف..نفسيته متدmره عالآخر دايما معصب وبيتخانق والكل بيخاف منه وبيكرهه..وكنت عايزك تعالجيه بطريقتك انتي عشان عارف ان ليكي طريقه مميزه فعلاج المرضى..عايزك تخرجيه من حالته وترجعيلي ليل القديم اللي البسمه مبتفارقش وشه ثانيه!!
نور بتفكير: ممكن توضحلي عنو أكثر..هو ازاي وصل للحاله دي؟
اتنهد ورد بحـ.ـز.ن: بصراحه مامته كانت بتعامله وحش أوي فصغره واتخلت عنو وعمره مبيتعداش 16 سنه واتجوزت وسابتهولي أربيه لوحدي..حاولت أعوضه حنان الأم بس مقدرتش..هو بقى كده..لدرجة ان الموظفين بتوعه فشركته بيلقبوه بالوحش!!)
باك:
ليل ببرود: كفايه دmـ.ـو.ع يا طفله..ده انتي عروسه جديده ومتنسيش انك بقيتي مرات ليل العلاوي اللي كل البنات بيجروا وراه زي العبيد!!
مشي باتجاه الباب وكمل: اعملي حسابك هتنامي معايا هنا بالأوضه من النهارده ومش عاوز أسمع اعتراض!!..ومشي..
وقعت على الأرض بتعيط بس قامت بسرعه ومسحت دmـ.ـو.عها ومسكت تيليفونها..
________________________________________________
↚
عند رنا فرجعت بيتها...بتكلم نفسها و هي بتفتح الباب:
- ماشي يا زفت يا علاوي انت هتشوف أيام معايا عمرك ما كنت متخيل تشوفها..
رن تيليفونها فجريت على أوضتها وقفلتها قبل ما تشوفها مامتها وتزعقلها:
ردت على التيليفون بسرعه: نور!!..مت عـ.ـر.فيش حصلي ايه النه..
وقفها صوت عـ.ـيا.طها فقالت بقلق: نور حبيبتي مالك بتعيطي ليه ايه اللي جرالك؟
حكتلها نور على كل حاجه..
رنا بغـــضــــب: الحي*وان ازاي يتجرأ ويعمل حاجه زي دي متقلقيش يا نور أنا هساعدك أكيد مش هسيبك عند الوحش ده..جمعي هدومك وتعالي عندنا..يالهوي ده مريـ.ـض ممكن يعمل فيك حاجه!!
نور: بجد يارنا مش هنسى خيرك ده طول عمري..أنا هجيلك مسافة السكه..وقفلت التيليفون معاها..
جمعت نور هدومها فشنطتها بسرعه قبل مايرجع ليل..ولسه هتطلع من الأوضه وقفها صوته..
ليل باستهزاء: رايحه فين يا طفله؟
قرب منها: فاكره إني عبـ.ـيـ.ـط ومسمعتش المكالمه الحلوه بتاعتك دي؟!!..هتفضلي هنا يا نور برضاكي أو غـ.ـصـ.ـب عنك..بالراحه أو بالعافيه هتفضلي معايا!!
لسه هتنطق وقفها بايده: بتمنى يكون ده آخر غلط تعمليه ويلا اتفضلي على اوضتك!
نور بصوت عالي: انتَ ايه يا أخي!!..سيبني فحالي بقى مش أكمل معاك العلاج ده..عايزه أمشي!!
ليل: لسانك ده يا حلوه ميطولش عليا ولا هقطعهولك..انتي فاكره ان دخول الحمام زي خروجه؟!!..لف عشان يخرج: على اوضتك يلا!!..ولما أفضى نبقى نكمل نقاش..
________________________________________________
عند مهيمن..اتوجه ناحية مكتب المُدير ودخل..
نادر بضيق: ايه اللي نتا عملته مع الدكتوره رنا ده يا مهيمن؟
مهيمن بضحك: هههه..ده حساب قديم بيننا رجعتولها وأنا ناوي اتجوزها أصلا بعد ما ربيها زي ما ابن حضرتك اتجوز..
نادر بصدmه: اتجوز؟!..مين.. ليل؟!!..بتهزر يا مهيمن..مين قالك الكلام ده؟!!
مهيمن: الله يا عمي يعني انت متعرفش؟!!..هو اللي قالي بنفسه حتى اني شفت العروسه معاه بمكتبه الصبح..غريبه يعني انك متعرفش!!
نادر بقلق وخــــوف: الله يسترها بقى..
________________________________________________
طلعت نور اوضة ليل وهي هتتفقع من الغـــضــــب وبتل*عن نفسها على اليوم اللي جات فيه هنا..
أما ليل ففضل واقف بيراقبها لحد ما دخلت ومُستغرب من نفسه واللي بيعملو معاها..
رن تيليفونه..
ليل: ايه يا نادر بيه في حاجه؟
نادر: لأ يا سي ليل مفيش حاجه..مش تقول انك اتجوزت؟!..ومين سعيدة الحظ دي مش تعرفني بيها؟
ليل بابتسامه: شكل الدنيا كلها عرفت..على العموم لما تيجي هبقى أعرفك بالعروسه دي هتعجبك أكيد..يلا سلام..وقفل الخط..
صعد السلم باتجاه اوضته ودخلها فلقاها واقفه بالبلكونه وبتغني أغنية للأطفال الصغيرين..
ضحك على المـ.ـجـ.ـنو.نه اللي قدامه..فلفت على صوته..
نور: انت بتضحك على ايه عمرك ما سمعت حد بيغني؟
قرب منها ورد: لأ بصراحه عمري ما سمعت صوت حلو زي صوتك يا مرا..
حطت سبابتها على بقه بتمنعه يكمل الكلمه..بعدها بعدت ودخلت الحمام بسرعه وهي خجلانه من نفسها..
قرب من باب الحمام بمكر: ايه يا حبيبتي مستخبيه عندك ليه؟..يلا اطلعي مش انتي كنتي عاوزه نكمل نقاشنا..امم..انتي كنتي بتقولي ايه؟..تمشي؟!!..طب ليه..هو أنا عاملتك وحش للدرجة انك تسيبيني بعد 3 أيام بس؟
لا رد..
شال قميصه بتعب ورماه على الأرض بإهمال واترمى على سريره مغمض عينيه..
نور في نفسها: شكله طلع من الأوضه ولا ايه؟..حطت وذنها على الباب تتصنت بس ملقتش صوت بره..
فتحت نور الباب وخرجت فلقت ليل نايم..
نور: يخرب بيتك خضتني!!
ليل: أخيرا شرفتينا؟!!..تعالي عايز أقولك حاجه..
نور بخجل وصدmه: آجي فين حضرتك انت عارف بتقول ايه؟
ليل قعد: عادي..نسيتي ان احنا متجوزين؟..تعالي بقى أقولك!!
اتأففت وقعدت على حرف السرير جمبه..
ليل: قربي كمان شويه..
قربت فمسكها من ذراعها..
نور بو.جـ.ـع: ليل!!..سيبني!!
ليل بابتسامه: ولو معملتش؟
نور: انت كنت عاوز تقولي ايه؟
ليل بهدوء: غنيلي..
نور: ايه؟!!
ليل بهدوء: بقولك غنيلي!!
نور: انت..انت وقح!!
↚
نور: انت..انت وقح
ليل بمكر: هههه!..لسه ما شفتيش وقاحتي الحقيقيه!!
نور: طب سيب ذراعي طيب!
ليل: مش هسيبك غير لما تغنيلي..
نور بخجل: عاوز أغنيلك ايه بقى!
ليل بتفكير: امم..معرفش..أي حاجه وخلاص..
نور: أوكي..احم.." حبيتو بيني وبين نفسي ومقلتلوش عاللي فنفسي معرفش ايه اللي بيحصلي لما بشوفه عينيا..مبقتش عارفه اقوله ايه معرفش ليه خبيت عليه.."
بصت نور على ليل ولقته نام..اتكلمت بصدmه: ايه ده هو نام بسرعه كده؟!!..شكله تعبان أوي من كثر الإجتماعات النهارده وكملت بخفوت: بس مش هعدي اللي عملته فيا بالشركه!!
قامت وغطته كويس..فمسك ايدها وقال:
- مسكتك..بتعملي ايه يا طفله؟!
نور بخــــوف حاولت تخفيه: بغطيه شكلك تعبان..هسيبك ترتاح شويه..
ليل بابتسامه انتصار: ماشي وإياكي تهربي ولا تفكري حتى..عشان عقـ.ـا.بي هيبقى صعب شويه..وانتي عارفه وقاحتي ممكن توصل لإي!!
بعدت ايده بعصبيه: مش قلتلك وقح!!..وطلعت من الأوضه..
شافت نادر قدامها..
نادر: آسف يا بـ.ـنتي أنا السبب في ده كله..بس متخافيش أنا هطلقك منه فأقرب وقت مش هسيبه يأذيكي!!..زي ما حصل مع أسماء...قال الجمله الأخيره بخفوت..
رفعتْ حواجبها من الإستغراب: أسماء؟..مين أس..
قاطعها صوته من وراها: ايه يا نادر بيه؟!..بتقول ايه؟!!!..مراتي مش هتروح حته وكلمة الطـ.ـلا.ق دي مش عاوز أسمعها تاني على بق أي مخلوق..وإلا ههد الدنيا دي كلها فوق راسه!!..كان بيتكلم بعصبيه مطلقه..كمل: دي مراتي ومش ممكن أسيبها تبعد عن عنيا لحظه..سامع!!
نادر بهدوء: مش قادر أستحملك أكثر من كده يا ابني..ثم يوجه نظره نحو نور بشفقة وأسف ويغادر..
بصت نور على ليل بتحاول تستوعب ايه اللي قاله...هو بيحبها يعني؟..بس هي معدتش أسبوع معاه..بالسرعه دي حبها؟!!..هي بقت نقطة ضعفه؟!!..هو مفعول علاجها بدأ يظهر عليه؟
نور: انت قلت كده ليه؟
ليل ارتبك: معرفش..محستش بنفسي..
نور بخبث: بس أنا مش عاوزه افضل معاك هنا..طل..
مسكها ليل من شعرها بقوه: متخلنيش أخرج عفاريتي عليكي يا نور!!...دخلها الأوضه وساب شعرها..
نور بهمس: إلهي تتقطع ايدك يا بعيد!!
قعد على الكنبه وطلّع سيجاره يشربها..
فضلوا ساكتين..عيونهم بتتأمل بعض بلغات مُختلفه..وكأن عيونهم بتستنجد ببعضها يرحموهم من الجفاء ده!!
اتكلم ليل بضيق: عاوزه كام؟
نور بسداجه: نعم؟
ليل: ثمن العلاج ده..
نور ابتسمت: لأ أنا مش هاخد فلوس وثانيا لسه مكملتش علاجك يا وحش..
ليل: طيبه أوي..قرب منها واتكلم بفحيح أفعى: لولا اني عارف كل حاجه عنك وانك مش من النوع اللي بكرهه لكنتي اتدفن*تي من أول يوم ليكي هنا!!
بلعت ريقها بخــــوف منه..هي عارفه ان عقدته من الستات لسه ما اتفتحتش بسبب والدته اللي خذلته وطـــعـــنته فظهره وهو صغير..حاسه ان قلبه هيخرج من مكانه ..أكيد بيفتكر مامته دلوقتي..لولا كده فليه عيونه بتبرق كإنه هيدmع!!
قربت منه وحـ.ـضـ.ـنته بتلقائيه وقالت: اسفه على كل حاجه وحشه حصلتلك يا ليل..أعرفها ولا معرفهاش بس آسفه!!
ليل بعصبيه زقها: انتي مش عارفه حاجه فعلا!!
هزت راسها وابتسمت بتحاول تغير الموضوع: هروح أشوف العشا مع جيهان الخدامه..
ليل: عشا ايه اللي تشوفيه معاها..هي عارفه شغلها كويس وأصلا أنا مش هتعشى تحت..هتعشى هنا بالأوضه..
نور بابتسامه: ماشي هنزل الجنينه أتنفس شويه أصل تعبت من القعده دي..
ليل: استني هاجي معاكي..
نور اتصـ.ـد.مت وقالت في نفسها: امم..بيتغير بسرعه..عنده فصام يعني؟
نزلوا الجنينه وقعدوا على كراسي...ففتح ليل الأضواء اللي هناك..
نور: الله!!..بحب ورد الياسمين أوي..انت اللي زارعه؟
ليل بحـ.ـز.ن: لأ دي...خلاص انسي!!
نور بحـ.ـز.ن: أمك؟
قام من على الكرسي: مش قلتلك مش عاوز اتكلم عنها!!
نور حاولت تضغط عليه عشان يتكلم ويرتاح..
نور: هو ايه اللي حصل معاها شايفاها بعيده عنك..ممكن تحكيلي عنها؟
ليل بغـــضــــب: نور!!!
قاطعته: ليه يا ليل؟!!..ليه؟!!..أنا عارفه انها غلطت أوي فحقك بس دي تبقى أمك مهما عملت..
ليل: أرجوكي يا نور اسكتي مش عاوز أسمع حاجه!!
نور باندفاع: لأ ياليل مش هسكت انت لازم تحارب الوحش اللي جواك ده!!...يلا احكيلي حصل ايه؟!!..
________________________________________________
↚
نور: احكيلي..مش أنا مراتك برضو..يلا خرج اللي مستخبي جواك!!
ليل بغـــضــــب وهو بيرمي الطربيزة الصغيره على الأرض: أمي اللي نتي بتتكلمي عليها دي سابتني في وقت كنت محتاجلها جدا..عارفه كنت فايه؟!..كنت في سن المراهقه..كنت محتاج رعايه..حـ.ـضـ.ـنها!!..حبها واهتمامها بيا..قال ايه عاوزه تتجوز ابن عمها اللي بتحبه من زمان أوي..فقت فيوم ملقتهاش في البيت ولما سألت عليها بابا قال انها خلعته وهـ.ـر.بت برا..أي أم دي اللي تسيب ابنها..ملحقتش حتا اشبع بيها..
بص لزهور الياسمين باشمئزاز: أما الورد ده اللي نتي بتتكلمي عنو..مش هي اللي زارعاه..دي واحده زيها مبيفرقوش فحاجه أبدا!!..دي واحده كانت بتدرس معايا بالكليه .. حبيتها..قلت دي اللي هتعوضني كل اللي شفته..اتعلقت بيها..وخطبتها..وياريتني ما شفت وشها...خانتني مع واحد زب*اله زيها..وكنت رايح أقــ,تــلها لما عرفت..للأسف مقدرتش..بس على الأقل سـ.ـجـ.ـنتها!!!...شفتي قد اي عنيت...شفتي؟!!!..
وقعت دmعه من عينه على خده فقربت منه نور ومسحتها برقه..
نور بحـ.ـز.ن: ايوه كده ياليل..طلّع كل اللي جواك عشان ترتاح..كفايه..كفايه دmـ.ـو.ع..كفايه حـ.ـز.ن..كفايه كآبه...اعتبرني أنا مامتك..وأختك ومراتك وكل حاجه..عارفه والله عارفه انو صعب جدا..عارف؟..أنا خسرت ماما وبابا في يوم واحد.. في حادثه..حالتي كانت حاله وقتها..بس أنا نسيت ورضيت بقضاء ربنا وقدره وكملت حياتي ورجعت أقوى من الأول مخلتش حاجه زي دي تأثر عليا!!
ليل: مش قادر يا نور..مش قادر..اتنهد بألــم وكمل: هما جـ.ـر.حوني أوي..
نور حاولت تغير الموضوع وقالت في نفسها: الحمد لله..الخطوه دي مرت بنجاح..
نور بابتسامه: طيب تعال نطلع فوق شكل الأكل جهز..
هز راسه بسكات وطلعو الأوضه..
قفل ليل الباب واتكلم: آسف..
نور بصدmه: آسف؟..آسف على ايه؟!
ليل: على اللي عملتو معاكي الصبح في الشركه..
نور ابتسمت: خلاص المسامح كريم..
ليل: يعني سامحتيني؟!..وحـ.ـضـ.ـنها بكل قوتها لحد ماظنت ان ضلوعها اتكـ.ـسرت..
نور بو.جـ.ـع: ليل!!
ليل: نعم؟
نور: آه..انت هتكـ.ـسرني..بالراحه!!
ليل بعد وضحك لحد ما دmـ.ـو.عه نزلت..فضحكت معاه وقلبها
بيرفرف..دي أول مره تشوفه بيضحك كده..
________________________________________________
فتحت رنا الباب ودخلت البيت فلقت أمها قدامها..
نرمين بحب: يا حبيبتي يا بـ.ـنتي شكلك متمرمطه كده ليه..حصلك ايه؟!
رنا بعصبيه: مفيش يا ماما..واحد من قرايب المدير اشتغل بالمستشفى ومطلع عيني!!
قفلت نرمين الباب من وراهم وقالت: يلا روحي غيري هدومك عشان تتعشي عملتلك الأكله اللي بتحبيها..
باست رنا خدها و ردت: ربنا يخليكي ليا ومتحرمش منك أبدا
دخلت أوضتها تتصل بنور بس لقت تيليفونها مقفول..
رنا بضيق: شكل الزفت ليل حابسها ومخلهاش تخرج أصل الوقت اتأخر وهي مش ممكن تيجي في الوقت ده..بس والله يا ليل يا علاوي لتدفع ثمن اللي بتعملو فيها!
طلعت من الأوضه فسمعت صوت الجرس..جريت وفتحت الباب..
رنا بفرحه: نور؟
قالت بعدmا بصت على اللي قدامها وكان مهيمن: ايه ده انت؟!..انت جاي هنا ليه وازاي عرفت عنوان بيتي؟!
مهيمن بابتسامه: مش تدخليني الأول أحط الحاجات الثقيله دي؟!
رنا باستهزاء: تدخل فين حضرتك..انت اتجننت أحسنلك تروح لحال سبيلك ولا..
نرمين: مين اللي على الباب يا رنا؟!
رنا: لأ مفيش يا ماما ده واحد غلط في العنوان..
مشيت أمها ناحيتها وفتحت الباب كله..
وقالت: انت مين يا ابني؟
مهيمن: أنا ابن أخ مدير الآنسه رنا..تقدري تقولي المسؤول على الجناح اللي بتشتغل فيه..
نرمين ضـ.ـر.بت رنا على كتفها وردت: احم..اتفضل يا ابني..اتفضل شرفتنا..البيت بيتك ولو انو مش قد مقامك..أصل رنا تعبانه أوي عشان كده مدوخه ومعرفتكش..
مهيمن بابتسامه: أيوه يا خالتي أصل كان عندنا شوية ضغط بالمشفى اليومين دول..اتفضلي الحلويات دي..
نرمين: تعبت نفسك ليه يا ابني..
مهيمن بمكر: لا مفيش اي تعب..ممكن كوباية مايه لو سمحتي؟
نرمين: طبعا على راسي وعيني..وراحت المطبخ..
اتقدmت رنا ناحيته ومسكته من ربطة عنقه: انت جاي هنا ليه؟..ها؟..مش هتسيبني في حالي بقى؟!
مهيمن باستفزاز: مش قادر الصراحه..أصل جالي ملل من القعده وقلت آجي أعمل مشاكل أصلك بتضحكيني أوي يا رورو!
رنا بصدmه: هييي!..اسكت لحسن هتسمعك ماما!!
مهيمن: ولو مسكتش؟
نرمين: اتفضل يا ابني..ايه ده؟!..انتي ماسكه في الراجـ.ـل كده ليه يا زفته؟!
مهيمن بحـ.ـز.ن مصطنع: شفتي يا خالتي بـ.ـنتك بتعاملني إزاي؟!
نرمين بغـــضــــب: سيبي الراجـ.ـل ده هيمـ.ـو.ت فايدك..
شالت رنا ايديها وبتتحلفله تنتقم منه..
↚
آسفه يا ابني أصلها واخده العصبيه دي من أبوها الله يرحمه..
مهيمن: الله يرحمه.
نرمين: اقعد يا ابني عشان أجيب العشا ونتعشى سوا..
رنا بهمس لمامتها: هو هيتعشى معانا كمان؟!!
نرمين: أمال ايه؟..عيب يجي لحد هنا ومياكلش حاجه من عندنا..
رنا بضيق: وهو احنا قلناله يجي أصلا؟!
نرمين: اسكتي ليسمعك!
رنا: ما يسمع أنا مالي!
نرمين حطت الأكل على السفره..
مهيمن: الله يا خالتي..أنا بحب الفراخ جدا تسلم ايدك..
نرمين بفرحه: بجد يا ابني..رنا كمان بتحبهم..
مهيمن بص لرنا بتحدي وقال: بجد؟!
رنا بصوت خفيف: بالراحه شويه على معدتك الأكل مش هيطير.
مهيمن بابتسامه: انتي خايفه على معدتي ولا على الأكل؟
رنا بعصبيه: كل وانت ساكت!
مهيمن ضحك..
بعد الأكل..حضرت نرمين الشاي..
مهيمن: بصراحه يا خالتي أنا جاي عشان..سكت شويه وبص على رنا بخــــوف وكمل: عشان أخطب ايد الآنسه رنا لو وافقتي طبعا..
رنا بغـــضــــب: نعم يا خويا؟!!..عشان تخطبني هو انا أعرفك أصلا؟!
نرمين: رنا!!..يشرفنا طبعا يا ابني..بس ممكن تكلمنا عن نفسك شويه..
قعدت رنا على مضض وهي بتبصله بحقد وكإنها عايزه تق*تله وتشرب من دm*ه..
مهيمن بابتسامه: مهيمن العلاوي..عندي 28 سنه..كنت ظابط بس الظروف بقى خلتني أسيب شغلي..فلما اتوفى بابا الله يرحمه سابلي شركته..بس أنا مبحبش شغل الشركات والكلام ده ومليش فيه..عشان كده بعتها لابن عمي ليل العلاوي وبمر عليه من وقت للثاني وبشتغل كمان مع عمي ..مسؤول شؤون الدكاتره والمرضى..فنفس المستشفى اللي بتتشتغل فيها الانسه رنا..
نرمين بإعجاب: ماشاء الله.. ماشي يا ابني احنا موافقين..بس برضه لازم تجيب أهلك ونتكلم في التفاصيل..
رنا بصدmه: موافقين ايه يا ماما؟..هو انتي خدتي رأيي لسا؟!
نرمين بهدوء: اسكتي يابت انتي ملكيش رأي في الحجات دي أنا اللي عارفه مصلحتك..
مهيمن: أيوه يا حبيب..احم..أقصد يا رنا..مفيش حد هيحبلك الخير غير أمك..اسمعي كلامها أحسنلك وأنا يا خالتي عند حسن ظنك..هكون نعم الزوج والأب والأخ لرنا ومش هينقصها حاجه أبدا..والأسبوع الجاي ان شاء الله هجيب أهلي وبالمره نعمل الخطوبه ايه رأيك؟
نرمين بسعاده لبـ.ـنتها: ماشي يا ابني ربنا يتمملكم على خير..
رنا همست لمهيمن بضيق: ماشي يا مهيمن..حسابي معاك بعدين يا حبيبي!!
ضحك باستمتاع: الله يبـ.ـارك فيكي..يلا عن إذنكو أنا همشي..
نرمين: الله معاك يا ابني تصبح على خير..
____________________________________________
نور بخفوت: دي..دي أول مره أشوفه بيضحك..ياا..ضحكته حلوه أوي..
ليل: ايه؟..مكنتش أعرف ان ضحكتي جذابه كده..
نور بخجل: انت..
ليل قاطعها: عارف اني وقح!
نور: افتح في حد بيخبط على الباب..
فتح ليل ولقى الخدامه..
جيهان برسميه: اتفضل العشا يا بيه..
هز راسه ومسك الصينيه ودخلها جوه..
ليل: يلا مش هتتعشي؟
نور: لأ أنا هنام..قالت كده واترمت على السرير بتمثل النوم..
ليل: براحتك..
نور في نفسها: الله يخرب بيتك ويحرجك زي ما حرجتني..وحرمتني من اللقمه..
ليل: سامعك على فكره..
نور: ها؟!..انا قلت حاجه أصلا؟
ليل بدأ ياكل ويتلذذ بالأكل..
نور بضيق: اووف..ابعد عني ياليل أنا مش ناقصه.
قام وغسل ايديه..بعدها قفل الأنوار ونام جمبها...
بعد دقايق بتقوم نور وبتتسلل ناحية الأكل..ليل كتم ضحكته بعد ما حس بيها وفتح النور ولقاها بتاكل..
ليل: بتعملي ايه يا حـ.ـر.اميه؟!
نور اتضايقت من كلامه: أنا مش حـ.ـر.اميه!!
ليل: أمال ايه اللي بتعمليه ده؟
نور: بعمل ايه يعني..باكل سلامة الشوف..
ليل: تصدقي عندك حق..قال كده ولبس نظارات القرايه وكمل: بس لسا شايفك حـ.ـر.اميه أهو..
نور: انت منمتش ليه؟..ولا كنت عارف اني هعمل كده..
ليل: صح..عشان كده سبتلك شويه لو ملاحظه..اتغطى وكمل: لما تاكلي بقى طفي النور عشان عاوز أنام..تعبان أوي!
نور بعصبيه من بروده ووقاحته:حاضر!..
بعد شويه خلصت وراحت تنام فسمعت صوت شخيره..
نور: يارب صبرك..هو طلع بيشخر كمان؟؟
____________________________________________
( في صباح يوم جديد )
ليل وبيقرب من السفره: صباح الخير يا بابا..
نادر بصدmه: صباح النور يا ابني..
بص نادر على نور باستغراب من تغيير ابنه المفاجئ..دي أول مره يقوله بابا من سنين أوي..
ليل: مالكم بتبصوا لبعضكم ليه؟..في حاجه؟
نادر: الأحمر حلو عليك يا ابني..
ليل: بجد..دي نور اللي اختارتهولي وغمز لها..
ابتسمت وكملت فطار..
نادر بخفوت وبفرحه: الحمد لله..
بعد مده..
ليل: يلا يا نور اتأخرنا على الشغل.
نور: لأ مش هروح..
ليل رفع حواجبه: ليه بقى؟
نور حاولت تعصبه: عشان مش حابه..
ضحك نادر من شقاوتها..
ليل: انت بتضحك على ايه يا بابا لتكون انت اللي قلتلها..
نادر: لأ يا ابني أنا مقلتش حاجه..
ليل: نور!!..مش ده واجبك وانتي الدكتوره بتاعتي؟!
نور: قلتلك مش جايه!!
ليل: ماشي يا نور انتي اللي جبتيه لنفسك..
قرب منها وحملها على كتفه..
نادر بصدmه وضحك: نزلها يا ليل!!
نور عضت ذراعه: نزلني يا ليل..مش عاوزه أروح..
ليل: آه يا بـ.ـنت العضاضه..حطها في العربيه فبدآت تعيط..
ليل بقلق: بتعيطي ليه؟
نور افتكرت اللي عمله معاها في الشركه: انت هتعاملني وحش زي المره اللي فاتت..الموظفين كلهم قعدوا بيضحكوا عليا وانت السبب في ده كله..
ليل: انتي السبب يا طفله..حد قالك تجيبيلي الزفت شوكولاطه وانتي عارفه اني بكرهها..
وصلوا الشركه ودخلوا مكتب ليل..
بعد شويه دخل نفس الشاب اللي خبطته نور بالكافيتيريا وحط أوراق على مكتب ليل..
وقال بابتسامه: مدام نور..فرصه جميله اني شفتك تاني..
نور بابتسامه: شكرا لحضرتك كلك زوق..
ليل ضـ.ـر.ب المكتب بايده: حيلك حيلك انت وهي..أجبلكم قهوه؟!
____________________________________
↚
هات الأوراق دي يا استاذ علاء ودي آخر مره تكلم فيها مراتي..ولا أقولك..انت مطرود!!
بص عليه علاء بغل وطلع برا..
قفل ليل الباب من وراه وكلم نور بعصبيه: بت عـ.ـر.في الحيو*ان ده منين؟!
نور بـ.ـارتباك: أنا معرفوش
ليل بحده: بقولك شفتيه فين؟!
بلعت ريقها بخــــوف منه وهي بتدعي ربنا تطلع من المشكله دي بخير..
نور حكتله كل حاجه..
ليل: متأكده ان ده اللي حصل؟
نور: أقسم بالله ده اللي حصل!
قعد ليل واتنهد : الولد ده خطر عليكي..كان لازم أطرده ولو اني اتأخرت!!
نور بتـ.ـو.تر: ليه..هو وِحِش للدرجادي؟
ليل: جداً كمان وأحسنلك مت عـ.ـر.فيش عنو حاجه..
قربت منه نور وابتسمت: بجد انت خايف عليا؟..ربنا يخليك ليا!
مسك ايديها واتكلم بعد ما غمض عيونه بتردد: نور..أنا بح..
اتفتح الباب بسرعه قبل ما يخلص كلامه وكانت رنا ووراها عناصر الأمن بيحاولو يمنعوها تدخل..
نور بصدmه: رنا؟!!
رنا بثقه وبعصبيه: اسكتي انتي يا نور..أنا هعرف أتكلم مع الحيو*ان ده كويس!!..انت ازاي تتجرأ يا أستاذ يا محترم انت تغـ.ـصـ.ـبها عالجواز..دي كثر خيرها انها وافقت تعالجك تقوم انت ترد الجميل بكده..بس وحياة أغلى حاجه عندي لخليك تطلقها حالا ولو موافقتش طريق المحاكم طويل وانت عارف!!
كان واقف متسمر مكانه من شـ.ـدة جرأة البـ.ـنت اللي قدامه..قرب منها بهدوء وعيونه بتطق شرار..أما نور فحطت ايدها على بقها من خــــوفها على صاحبتها من جوزها الوحش المتهور!!
ليل ببصه مرعـ.ـبه: عيدي اللي قلتيه يا شاطره..معلش..مسمعتش حاجه..
رنا: بقولك طلقهااا!!
رفع ليل ايده عشان يضـ.ـر.بها بس لقى ايد بتمنعه وكان مهيمن..
مهيمن بصدmه: ايه يا ليل اللي بتعمله ده؟..من امتا واحنا بنرفع ايدينا على ستات؟!
ليل: ملكش دعوه انت يا مهيمن..روح على مكتبك أحسن!!
مهيمن بسخريه: أروح مكتبي وأسيب خطيبتي عندك تضـ.ـر.بها؟!..دي مش أخلاقي ياليل!!
نور وليل بنفس واحد: خطيبتك؟!!
بصت نور على رنا اللي نزلت وشها..
مهيمن: آه خطيبتي..واوعى ايدك عنها لقطعهالك..
نفض ليل ايده من على مهيمن واتكلم: ابقى لم خطيبتك وعلمها ازاي تتكلم مع اللي أكبر منها وتبعد عني وعن مراتي لحسن انسفها من الكوكب ده!!
قربت منه نور وشـ.ـدته ناحيتها وقالت: كفايه يا ليل..مسمحلكش تكلم صحبتي بالشكل ده!!
ليل: هو انتي مسمعتيش كانت بتقول ايه..دي عاوزانا نتطلق!!
رنا : ايوه هتطلقها يا ليل وانا وانت والزمن طويل..
قرب منها ليل تاني..فخرجها مهيمن بسرعه وهو بيقول: كفايه بقى يا شيخه هو انتي مبتتهديش؟!!
رنا بمقاومه: سيبني..سيبني يا مهيمن مش ممكن اسيبها معاه لحظه واحده بس!
مهيمن رفعها على ذراعه وسط رفضها وتذمرها لخد ما دخلها عربيته...
________________________________________________
نور: خلاص بقى يا ليل هي مشيت وأنا هكلمها واقولها ان احنا مرتاحين مع بعض وهي هتسبنا أكيد..هي بتحبني وبتخاف عليا عشان كده عملت كل ده..صدقني ياليل رنا طيبه جدا وعايزه مصلحتي..
سكتت شويه وبدإت تضحك..
ليل بضيق: بتضحكي على ايه؟
نور: على منظرك..كان لازم اني أصورك..
ليل: اضحكي اضحكي..قرب منها وقال بحب: مش ممكن أسيب حد يبعدك عني ولا أي حد يقدر يبعدك عني غير ربنا!!
حمحمت بخجل بعدها طلعت من مكتبه..
________________________________________________
ابتسم مهيمن وهو بيسمع صوت زمجراتها الغـــضــــبانه وقال: عندي ليكي مفاجأه حلوه جدا..متأكد انها هتعجبك..
رنا بسعاده: مفاجأه؟!..مفاجإة ايه؟
مهيمن بغباء: مانا لو قلتلك مش هتبقى مفاجأه!
رنا: ماشي يا مهيمن هستنى مفيش مشكله..
وصلوا بعد شويه للشط..مهيمن: غمضي عيونك..
غمضت عينيها وسارت معاه لحد ما وصلوا لزاويه خاليه من الناس..
مهيمن بابتسامه: فتحي!!
فتحت عيونها ولقت المكان متزين بشموع وبالونات وفي طاوله بالنص عليها أكل..بصت على الرمله جمبيها ولقت مكتوب عليها بخط الإيد: " بحبك معشوقتي العنيده "
بصت بعدها لمهيمن بصدmه وفرحه وقالت: وأنا كمان بحبك يا مهيمن..معرفش امتا ولا إزاي..بس حبيتك من أول يوم التقينا فيه من أول لحظه..تعرف لما جيت خطبتني امبـ.ـارح كنت هطير من الفرحه بس كان لازم أحافظ على صورتي الحاده قدامك..بس مقدرش اخبي حبي بعد كده..بحبك!!
مهيمن وبيبص لعيونها: وأنا بمـ.ـو.ت فيكي..
↚
قاعده في الإستقبال وبتفكر في كلام ليل..
: هو بجد بيحبني؟..بس إزاي؟..ده وحش..هو أنا أثرت عليه للدرجادي؟
صوت من جواها: بتحبيه؟
بصت للخاتم اللي ادهولها الصبح عشان يعرف الكل انها تخصه وحده وقالت: أوي كمان!
________________________________________________
علاء بتجهم: اعمل اللي قلتلك عليه بالحرف سامع؟!
: ماشي يا بوص..
علاء بغـــضــــب: بوص دي تتقال في شغلنا الثاني مش هنا!!
: آسف يا باشا..
علاء: يلا روح..
علاء بتفكير: أنا..علاء الحاتي..أكبر تاجر مخد*رات بالبلد تحرجني..وقدام بـ.ـنت متسواش حاجه..ماشي..زي ما استعملت شركتك واستغليت نفوذها عشان شغلي هستغل مراتك برضو...هههه!
________________________________________________
خبطت على الباب ودخلت بهدوء..
نور بخجل: اتفضل أوراق الصفقه.
ليل بابتسامه: تسلميلي يا طفله..حطيهم بالدرج لحد ما خلص..
نور بتردد: أنا كنت عاوزه أطلب منك حاجه..بس..خايفه ترفض..
ليل قفل اللاپ وبصلها باستفهام: خير؟
نور: كنت عاوزه أروح لرنا بيتها عشان أتكلم معاها بخصوص الموضوع بتاع الصبح..
ليل: مش قلتلك تنسي الموضوع؟
نور: ليل..أرجوك دي صحبتي الوحيده والأنتيم..مش عايزه أخسرها بسبب حاجه زي دي!
ليل: ماشي أنا هكلم السواق يوصلك لبيتها..
نور بفرحه: بجد انت موافق..ياااس!!..قالت كده وباست خده وطلعت من مكتبه..
ليل ومش مصدق حركاتها الطفوليه: استني استني!..انتي رايحه على فين؟!
نور بقلق: ايه..في اي؟
ليل: حسن هتلاقيه تحت مستنيكي..أنا هكلمه حالا..وهي ساعتين بس وترجعي عالڤيلا على طول..فاهمه؟!
نور: فاهمه..
جمعت نور أغراضها وطلعت من الشركه تدور على السواق بس لقت حد حط ماده مـ.ـخـ.ـد.ره على بقها وأغمى عليها..
.
فاقت بعد وقت ولقت نفسها فأوضه كبيره..في الأول ظنت أنها في اوضة ليل بس بعد التدقيق لقت انها فمكان غريب..
مسكت راسها بألــم بتحاول تفتكر ايه اللي حصل بس مقدرتش..
________________________________________________
صوت تيليفون بيرن..
مسك ليل التيليفون بتاعه ولقى رقم حسن السواق عليه..
رد بسرعه: ايوه يا حسن الهانم وصلت؟
حسن بتعجب: هانم مين اللي وصلت يا بيه..دنا فاكرها لسه فالشركه مع حضرتك..أصل بقالي ساعه بستناها تطلع ومطلعتش عشان كده اتصلت بيك أعرف ان كنت غيرت رأيك ولا حاجه!
ليل بصدmه: ايييييه؟!!
قفل ليل معاه بسرعه ونزل..وطلع عالعربيه والخــــوف مسيطر عليه..
اتصل عليها بس تيليفونها مقفول..
ليل بعصبيه: رحتي فين يا نور..لتكوني مشيتي وحدك؟!
اتصل على مهيمن اللي رد..
مهيمن: ايه ياليل في حاجه؟
ليل بعصبيه: هي خطيبتك معاك دلوقتي؟!
مهيمن باستغراب وهو بيبص لرنا اللي بتاكل: آه معايا..ليه؟
ليل: ومامتها موجوده بالبيت؟
مهيمن لرنا: هي مامتك بالبيت؟
رنا: لأ ماما سافرت لجدتي المنصوره الصبح..بتسأل ليه؟
مهيمن: بتقولك ان مامتها مسافره..
ليل قاطعه: عاوزك تدور حالا على نور سامع؟؟!!
مهيمن: أدور عليها؟..هي مش بالشركه؟
رنا وماسكه ذراعه: تدور على مين؟!..هات التيليفون ده؟!
مهيمن شال ايدها من عليه..وليل رد:
- لأ قالت انها رايحه لصاحبتها اللي هي خطيبتك واتصل عليا السواق من شويه وقالي انه لسا بيستناها من ساعه تقريبا...
مهيمن: ومسألتش يمكن رجعت الڤيلا..
ليل بتأفف: مش هناك..
مهيمن: الله..وأنا مالي بقى..انت تضيعها وأنا أدور عليها علشانك؟
ليل بصريخ: مهيمن..انت تعمل اللي بقولك عليه من غير كثر كلام وقفل الخط فوشه.
رنا بتـ.ـو.تر: ها..قولي تدور على مين؟
مهيمن: صحبتك نور..خرجت من الشركه ومش عارف راحت فين وقالي أدور عليها معاه..
رنا: ايه..طب هتكون راحت فين..دي ملهاش حد غيري..
مهيمن: متخافيش هنلاقيها أكيد..
عند ليل وهو بيسوق عربيته جاله اتصال..رفع السماعه بسرعه
ليل: نعم؟
علاء: ألو..أستاذ ليل معايا؟
ليل بنفاذ صبر: ايوه مين معايا؟
علاء بضحكه شريره: معقول معرفتنيش؟
وقف ليل العربيه على جمب وبص على الرقم والإسم ورد: علاء؟؟!!
علاء: آه علاء اللي هيدmر حياتك ويسـ.ـر.ق منك مراتك..ههههه
ليل بصدmه: نور..يعني انت السبب..آه يا وا*طي..ازاي تتجرأ وتاخد حاجه تخص ليل العلاوي ولا شكلك متعرفوش..عادي هوريهولك!!
علاء: وانت فاكر اني هخاف منك يا ابن العلاوي..لو كنت انت ليل العلاوي فأنا علاء الحاتي..تاجر المـ.ـخـ.ـد.رات نامبر وان بمصر اللي محدش اكتشفه وانت منهم يا ذكي..أنا عرفت ازاي أستغل شركتك كويس فأعمالي..شركة العلاوي للأدوية مكان كويس لبيع المـ.ـخـ.ـد.رات ولا ايه..ههههه
ليل: يا ابن ال**...شكلك هت*مـ.ـو.ت على ايدي يا وس*خ!!
علاء: وأنا مستنيك ولو عاوز مراتك تعالالي فالعنوان ده **
رمى ليل التيليفون جمبه وهو مش مصدق ازاي علاء لعب بيه كل الشهور دي من غير ما يعرف!!
↚
وصل ليل على العنوان وكان عبـ.ـاره عن ڤيلا كبيره..دخل وبدأ يصـ.ـر.خ:
- اطلعلي يا علاء انت فين؟!!
طلع علاء من اوضته وفايدو نور اللي هتمـ.ـو.ت من الخــــوف..
ليل بقلق: نور..سيبها تروح لحالها هي ملهاش علاقه بكل ده..حسابك معايا أنا!!..قول عاوز ايه وادهولك بس بلاش تأزيها!
نور بعـ.ـيا.ط: ليل!
ليل: متخافيش يا نور مش هيقدر يعمل حاجه فيكي طول مانا معاكي..
علاء باستهزاء: ها؟ خلصتو الدراما بتاعتكو ولا لسا في كلام تاني؟
كان هيطلعلو ليل بس وقفه علاء لما رفع السلاح على نور بتهديد..
ليل: لأاااا!!
علاء: طيب يا ليل بيه..مش هتتنازل عن شركتك؟
ليل بلع ريقه بقلق على نور..
ليل: أنا...فجأه وقف كلام وبدأ يضحك بهستيريا لما شاف مهيمن بمسدسه من إنعكاس المرايه اللي قدامه..
علاء بسذاجه: بتضحك على ايه يا ابن العلاوي ولا تكون المدام مش هاماك؟!
ليل: بضحك على نهايتك اللي قربت..ورفع ايده كإشاره..فأطلق مهيمن رصاصه جات ففخده..
وقع علاء على الأرض وهو ماسك رجله بألــم ونور جمبه بتصوت من الرعـ.ـب..
طلع عندها ليل وحـ.ـضـ.ـنها بحب..
نور: ليل..هو..هو ما*ت مش كده؟؟!
ليل: اهدي ممـ.ـا.تش بس هخلص عليه حالا بطريقه يستاهلها..بس قوليلي عملك حاجه؟!
علاء باستفزاز وهو بيتو.جـ.ـع: عملت حاجه؟..دنا عملت حاجات يا سعادة المدير..
ليل بعصبيه وهو بيزقو برجله: انت بتقول ايه يا قذ*ر؟!
نور شـ.ـدته: ليل!! ده بيكذب علشان يستفزك يلا من هنا..
نزل ليل السلم وهو بيجر نور وراه وفتح عربيته وطلع منها برميل بنزين ودخل الڤيلا تاني..
مهيمن باستغراب: ايه اللي نتا جايبه ده..هتعمل اي؟
لا رد..
نور بصدmه: لأ يا ليل!!
مهيمن مسكه: انت مـ.ـجـ.ـنو.ن ولا ايه..البوليس زمانهم جايين أنا اتصلت عليهم..
ليل رمى البرميل بحسره انو ميقدرش ينتقم منه بالطريقه اللي هتهدي نفسه..
وصلو البوليس وأخدو علاء عالتحقيق عشان يعترف بمكان عصابته وباقي جرايمه ويتحاسب..ونور ومهيمن وليل عشان ياخدو أقوالهم..
حـ.ـضـ.ـن ليل نور ودخلها العربيه بهدوء ومهيمن ركب معاهم..
ليل وهو بيسوق: بشكرك يا مهيمن لولاك مكنتش هعرف اعمل حاجه..
مهيمن ابتسم: متقولش كده يا ليل انت ابن عمي وزي أخويا..
جاله اتصال وكانت رنا..
مهيمن: احم..ألو؟
رنا بعـ.ـيا.ط: انت يا زفت بتصل عليك من صباحية ربنا مبتردش ليه؟!
مهيمن: آسف يا حبيبتي والله كنت مشغول أنا وليل بندور على نور والحمد لله لقيناها ونحنا فطريقنا للبيت..
رنا بفرحه: لقيتوها!!..طب احلف..احلف عشان أصدقك!
حط مهيمن كفه على جبهته من جنان خطيبته ورد: هتجوز مـ.ـجـ.ـنو.نه أنا..احلف اي يا بت انتي اتجننتي؟؟!..
رنا: طب اديلها التيليفون عاوزه أكلمها..
بص مهيمن على ليل برجاء..
ليل اتنهد: ماشي
بصت نور على ليل بسعاده ومسكت التيليفون من مهيمن..
رنا: نور يا نور!!
نور بابتسامه: نعم يا مجنناني..
رنا: انتي كويسه حصلك حاجه؟..احكيلي
نور: لأ أنا كويسه..لما أوصل البيت أبقى احكيلك..
رنا: ماشي يا حبيبتي أنا هستناكي والحمد لله على سلامتك مره تانيه..
نور: الله يسلمك يا قلبي يلا باي..وقفلت الخط وادته لمهيمن..
وصّل ليل مهيمن لبيتو بعد ما شكره وكمل طريق هو ونور لحد ما وصلو..
نادر بقلق: نور انتي كويسه يا بـ.ـنتي؟!
نور: الحمد لله يابابا وحـ.ـضـ.ـنته..
ليل: احم عن اذنك يا بابا انا هطلعها الأوضه عشان ترتاح..
نادر: طيب يا ابني تصبحو على خير
طلعو على اوضتهم وليل قفل الباب وقال:
- نور أنا بحبك..
نور بشهقه: ايه ده..هي وقاحتك رجعت تاني؟
________________________________________________
بعد أسبوعين قرر كل من ليل ونور ومهيمن ورنا يعملو الفرح فنفس اليوم بعد مواقفة رنا ومامتها وبحضور كل العيله و الصحاب في فرح أسطوري.