رواية دواء الروح كاملة جميع الفصول

اتصل طه بنداء وبدأ أول خطوة فى رمى شباكه 

ـ السلام عليكم 

ـ وعليكم السلام ازيك يا دكتوره نداء ده رقمى انا طه

ـ أهلا وسهلا يا استاذ طه 

ـ بصراحه من غير لف ودوران انا معجب بيكى وبتفكيرك انتى انسانه جاده مش سطحيه زى اغلب البنات التانيه اللى بتدور على المظهر ومضيعين كل فلوسهم على اللبس والخروجات شايفك انسانه طموحه متعلمه لما اكلمها فى موضوع هتفهمنى 

مش اكون بكلمها ازاى نبنى مستقبلنا وهى تكلمنى فى هنصيف فين السنه دى 

ـ طيب هى مامتك عارفه بالكلام ده 

ـ أه طبعا وفرحت جظا بس خايفه إنك ترفضى ويكون فى حساسيه فى التعامل بينا من ناحيتك طبعاً 

ـ مش عارفه أقولك بصراحه يا أستاذ طه انت فاجئتنى وانا معرفش عنك حاجة 

ـ أولا طه من غير استاذ ، ثانياً إحنا جيران من سنين عمرك سمعتى عنى حاجه وحشه أو انى بتاع بنات مثلاً 

ثالثا يا ستى أنا ممكن اديكى عنوان شغلى تسألى عنى براحتك 

حست نداء بطمئنان من حديث طه وخصوصاً الثقه اللى بيتكلم بيها هما فعلاً جيران وحدش اتكلم عليهم قبل كده واكيد لو سمعته وحشه فى الشغل مش هيدينى العنوان 

ـ طيب يا طه انا محتاجه افكر الاول واستخير ربنا انا اتفاجئت من كلامك ومش هقدر أرد عليك دلوقتي 

ـ معلكى وقتك واتأكدى انى هكون أسعد واحد لو وافقتى 

ـ تمام انا هقفل دلوقتي عشان ارتاح والحق انام شويه 

ـ تمام مع السلامه 

قفلت نداء الهاتف مع طه وفضلت تفكر فيه وف طريقه كلامه وأثناء تفكيرها غلبها سلطان النوم صحيت على صوت جرس الباب كان زينب جارتها جايلها ومعاها طبق محشى وفراخ فتحت نداء الباب واستقبلتها 

دخلت زينب وقعدت على اقرب كرسى قابلها 

ـ بصى انهارده عملت محشى قولت والله مهاكل منه غير لما ااكلك معايا إنتى عارفه المحشي بياخد وقت فى عمايله ومش بنعمله غير كل فين وفين 

ـ الف هنا يا طنط شكرا أوى 

ـ وانتى يا حبيبتي بقى بتعملى الأكل امته ولا عايشه ازاى 

ـ اغلب الايام باكل فى المستشفى هما بيجهزولنا وجبات ويوم اجازتى بعمل كام صنف كده واحطه فى التلاجه واطلعه على التسخين 

ـ ما شاء الله ست بيت شاطره ، 

ـ شكرا يا طنط 

ـ انا مش هتقل عليكى بقى وهسيبك براحتك عشان تلحقى نبطشيتك وأى اكله نفسك تكليها قوليلى وانا اعملهالك على الأقل تاكلى اكل بيتى ومغذي بدل اكل العيانين اللى بتكليه كل يوم ده اتفقنا ، انتى عارفه انا بعتبرك بـ.ـنتى 

ـ حبيبتي يا طنط كتر خيرك بلاش تتعبى نفسك انا اتعودت على اكل المستشفى 

ـ لا مش انا زى ماما وبعتبرك بـ.ـنتى اى حاجه نفسك فيها قوليلى عليها وانا هعملها فورا انا مش عايزاكى تحسى انك لواحدك لا عايزاكى تعتبرينا عيلتك ومـ.ـا.تتكسفيش مننا 

ـ حبيبتي يا طنط حاضر تسلمي يارب 

ـ يلا اسيبك بقى تتغدى وتجهزى نفسك للشغل 

خرجت زينب وتركت نداء محتاره بتفكر توافق على طه وتعتبرهم اهلها وعيلتها ، دايما تسمع إن الحما مش بتحب مرات ابنها لكن زينب يا بخت اللى هتبقى مرات ابنها 

طه شاب وسيم بيهتم بلبسه ومظهره الف بـ.ـنت تتمناه ليه لا ،

قررت انها هتصلى استخاره وتدى نفسها فرصه تقرب منه 

قامت غيرتك هدومها ولبست وراحت المستسفى قابلت دكتور وفيق قدامها 

ـ ازيك يا دكتوره نداء كنت لسه هبعتلك حضرى نفسك فى حاله طوارئ هنعملها عمليه دلوقتي 

ـ حاضر يا دكتور عشر دقايق اغير هدومى واحصلك على غرفه العمليات 

جهزت نداء نفسها وقامت بالتعقيم ودخلت غرفه العمليات كانت لبـ.ـنت صغيره ودراعها مفص*ول عن جسدها ويلزمه ب*ت*ر 

ـ دكتور رفيق بلاش بتر نرجعه تانى 

ـ مش هينفع لو عملنا كده مش هنوقف النز*يف وممكن البـ.ـنت تم*وت مش هنغامر بالبـ.ـنت 

ـ طيب ازاى هتعيش كده 

ـ عادى فى ناس كتير عايشه اكتر من كده بتتكيف يا نداء على الوضع اهم حاجه نحافظ على حياتها 

ـ طيب نجرب 

بصلها رفيق بعصبيه 

ـ نداء انتى جراحه ودى تانى مره تدخلى عواطفك فى الموضوع الجراحة مافيهاش عواطف ، لو مش هتقدرى تتعاملى مع كل الحالات وتلغى عواطف هتبقى دكتوره فاشله وانا بتنبئلك إنك تبقى دكتوره ناجحة ، هتعملى البت*ر ولا اعمله انا 

ـ اعمله حضرك 

اكمل دكتور رفيق العمليه وساعدته نداء وظلوا بضع ساعات فى الداخل 

خرجت نداء من العمليات وتوجهت لغرفه الأطباء لاخذ قسط من الراحة قابله نيفين فى الغرفه 

ـ ايه ده خصلتى شغل 

ـ من بدرى انتوا اللى بقالكم كتير فى العمليات 

ـ البـ.ـنت صغيره اوى وللاسف عملنالها بت*ر لاديها 

ـ المهم انها عايشه الحمد لله 

ـ أه وضعها مستقر 

ـ مـ.ـا.تقلقيش وبطلى تتعاملى بعواطفك شغلى عقلك حتى لو مش عاجبك قراره 

ـ هحاول المره الجايه 

ـ انا واثقه انك هتقدرى انتى دكتوره شاطره يا نداء وطول فتره الدراسه بتطلعى من الاوائل  افصلى مشاعرك وانتى هتبقى اشطر دكتوره جراحه فى مصر والعالم كمان 

ـ حاضر يا ستى بس اسمعى بقى الجديد 

ـ خير قولى يا ستى 

ـ فاكره طه اللى كلمتك عنه امبـ.ـارح 

ـ ماله 

ـ كلمنى وعايز يرتبط بيا 

ـ نعم بالسرعه دى 

ـ سرعه ايه احنا جيران من زمان بس عارفه اللى طمنى ايه انه قالى فكرى براحتك واسالى عليا وهديكى عنوان شغلى لو حابه تسألى عنى هناك 

ـ معنى كده انه يا حويط اوى يا ملتزم اوى وانا اشك بصراحه فى حته إنه ملتزم دى 

ـ يا نوفا احنا بقالنا كتير جيران وعمرى ما سمعت عنه حاجه وحشه 

ـ طيب انتى قررتى ايه 

ـ هصلى استخاره وربنا يسهل وهرد عليه كمان يومين لس بصراحه بينى وبينك انا موافقه عارفه يا نوفا مامته دى ملاك ملاك نازل من السما بتجهز اكل وتبعتهولى بتقولى كان نفسى فى بـ.ـنت وربنا عوضني بيكى بصراحه انا بحبها وهى طيبه مش زى الحموات التانيه 

ـ عموما يا حبيبتي ربنا يوفقك للى فى الخير وانا جمبك فى اى حاجه 

ـ حبيبتي يا نوجا 

ـ طيب ايه رايك ننزل نعمل تنضيف بشره وتجيبى لبس جديد كده تقابيله بيه لما يجيى يتقدmلك 

ـ يا نوفا اللى عايزنى يقبلنى زى مانا وبعدين انا طول الوقت لابسه لبس المستشفى مالهاش لازمه اصرف فلوسى على حاجات تافهه انا داخله على جواز ومحتاجة كل قرش 

هزت نيفين راسها بقله حيله 

ـ براحتك بس صدقينى هتنـ.ـد.مى 

ـ لا بالعكس انا بحسبها بالورقه والقلم مش عايزه لما أكبر احتاج لحد 

ـ انتى دكتوره يا نداء دكتوره ليكى مرتب وتامين وكل حاجه خايفه من ايه 

ـ الوحدة يا نوفا الوحدة أو أن حد يطمع فيا 

ـ ربنا يبعتلك الزوج الصالح يارب طيب جربتة تكلمى حد من عيله باباكى 

ـ لا خايفه هما مكنوش متقبلين ماما تفتكرى ممكن يتقبلونى خلينى بعيد أحسن مش عايزاهم يعرفونى ربنا مايحوجنىى ليهم 

مر اسبوع حاول طه التقرب من نداء والضغط عليها من جهه والدته من ارسال طعام وحلويات وغيره اخيرا قررت نداء إنها توافق على طه وقررت انها ترميله طعم لو وافق على اقتراحها هترفضه وتقطع علاقتها بيهم ولو رفض وقتها هتوافق عليه وتكمل الجواز للاخر 

عند زينب كانت سابقه خطوه فى تفكيرها على نداء كانت قاعده بتتكلم مع طه 

ـ شكل نداء وافقت يا طه 

ـ شكلها بخيل اوى ومش هتعرف نخرج منها بمصلحه 

ـ عشان كده ركز غى كلامى نداء انت قولتلها ظروفك وقررتوا بدل مـ.ـا.تقعدوا فى شقه تيجار هتقعدوا فى شقتها صح 

ـ اه صح 

ـ البت دى هتعرض عليك فلوس 

ـ حلو اخدها ونخلع بقى 

ـ حما*ر ارفض وارفض رفض قاطع وبعد الجواز هقولك تاخد كل فلوسها ازاى بس لازم تخليها تأمنلك الاول 

ـ مـ.ـا.تقلقيش انا باخد بالى معاها فى الكلام اوى بقولك ايه رنا بترن هرد عليها 

ـ ماشى روح يا اخويا حب فيها شويه 

ـ اصلها حلوه أوى بنضف عينى لما بشوفها بعد ما بشوف الغوله اللى فوق دى نفسى يجيى اليوم اللى اتجوزها واشوف نظرات الدكتوره اللى اسمها محتاج حد ينادى عليها بيه معرفش مسمينها نداء ليه بينادوا على مين بس 

دخل اوضته واتصل برنا مره تانيه 

ـ حبيبه قلبى وحشتينى اوى اوى اوى 

ـ وانت كمان يا حبيبي هقابلك امته 

ـ الوقت اللى انتى عايزاه 

ـ خلاص بكره خلص شغل وعدى عليا نخرج سوا اتفقنا شف بقى هتفسحنى فين 

ـ عيونى حاضر 

ـ عامل ايه مع البومه دى 

ـ اكلت الطعم وقالت كمان هههههههههههه 

ـ انا نفسى اشوف منظرها لما تاخد كل فلوسها وتطردها من الشقه وهى عامله فيها ناصحه وفاهمه كل حاجه 

ـ دى بخيله جلده مبتصرفش جنيه تخيلى حتى الاكل بتاكل فى المستشفى 

ـ احسن خليها تحوش كل فلوسها واحنا ناخدها منها على الجاهز كده سيبها تحوشلنا 

ـ عندك حق 

فضلوا يتكلموا فتره وقفل معاها وبعدين شاف رقم نداء بيرن رد عليها 

ـ ازيك يا نداء عامله ايه 

ـ بخير يا طه كنت عايزه اقولك يعنى انى وافقت على طلبك بس عايزه اقعد معاك انت ومامتك الاول 

ـ اكيد طبعا تحت امرك تحبى نجيلك الساعه ٧ 

ـ تمام هستناكوا 

خرج طه وبلغ مامته وطلعوا لشقه نداء اللى تقريبا زينب حفظت كل سنتى فيها بعنيها 

ـ انا فرحت اوى يا نداء لما كلمتى طه وقولتيله انك موافقه عليه 

ـ بصى يا طنط انا بعتبرك فى مقام امى ومش هخبى عليكى عيله اهلى انا معرفش عنهم حاجه من زمان عشان كده مش هيبقوا موجودين 

زادت فرحه زينب هى كانت خاي*فه يطلعلها اهل وعيله يشاركوها 

ـ يا نداء يا حبيبتي انتى اللى تهمينا احنا بقالنا كام سنه جيران بصراحه اخلاقك الكل يشهدلها وده اللى انا عايزاه انما اهلك هعمل بيهم ايه 

ـ تمام احنا هنقعد هنا فى الشقه زى ما وضحت بدل مانجيب ايجار وكده 

تحدث طه 

ـ انا قبلت بس بشرط هدفعلك الايجار كل شهر 

ـ خلاص طالما انت وافقت ايه رايك اديك فلوس واعتبرها سلف ونجدد العفش كله ونوضبها 

ـ انتى بتقولى ايه اكيد بتهزرى طبعا ، انا استحاله اعمل كده والفرش اللى هجيبه هيكون على اد امكانياتى 

ـ محنا هنكون واحد وهيبقى بيتنا 

ـ لا ده بيتك حتى لو كان البيت ده انا اللى جايبه برضوا هيبقى بيتك انتى نداء انتى شيفانى قليل عشان تقولى كده فلوسك دى انا ازودهالك مش اقللهالك 

ـ ابتسمت نادين فهو نجح فى أول اختبـ.ـار 

مرت الايام والشهور وكانت نداء بتجهز نفسها اشترت فرش جديد للشقه وملابس ليها وكانت بتعتمد على حمـ.ـا.تها انها تجبلها 

قرر طه انه يخلى رنا هى اللى تختار كل حاجه على زوقها وبعدين يروح يشترى اللى رنا بتختاره وكانت امه بتساعدهم 

. ياترى ايه اللى منتظر نداء 😢 ؟ 

ـ عارف يا طه انا عايزه اشوف شكل نداء وهى فاكره نفسها عروسه بجد وانا اللى اختارت كل حاجه من اول الهدوم اللى امك بقت حريصه انها تيجى على مقاسى لحد العفش اللى اختارناه سوا وهى زى الهبله فاكره نفسها ال ايه عروسه وبتختار وبتدفع نفسى اشوف شكلها لما تعرف الحقيقة وأنها عروسه على متفرج 

ـ دى بخيله بخل ، انا مبطقش ابص فى وشها يا رنا ادينا هنتجوز على قفاها ببلاش وهناخد شقتها،  المفروض إن ماما انهارده هتمضيها على بيع البيت بتاعها 

ـ هتعمل كده ازاى 

ـ معرفش ادينا هنشوف 

ـ بقولك ايه يوم فرحكم عارف لو قربت منها هعمل فيك ايه ههد كل حاجه على دmاغك 

ـ لا متقلقيش عامل حسابى مين دى اللى اقرب منها بلا قرف 

وهو بيتكلم دخلت عليه زينب 

ـ بقولك ايه يا طه انا رايحه لنداء انهارده وهمضيها على الشقه عايزاك تتصل بيها كل شويه بأى حجه متخليهاش تركز ، اول ما ارنلك تبدأ ترن عليها انت فاهم 

ـ ليه 

ـ اعمل اللى بقولك عليه 

ـ حاضر 

دخلت زينب عند نداء وقعدت معاها 

ـ بصى يا نداء الحق حق يا بـ.ـنتى صح 

ـ صح خير حصل حاجه 

ـ مش معنى إن ابوكى متوفى ومقعدناش مع حد من عيلتك اننا ناكل حقك

ـ حصل ايه لكل ده 

ـ انتى يا بـ.ـنتى ناسيه ان فى قايمه 

ـ انا بثق فيكوا ومسلماكوا حياتى اللى اهم من شويه عفش 

ـ لا برضو الحق حق انا كتبتلك كل حاجه جت وانتى سبتيلى فلوسها عشان استلمها حتى البيجامـ.ـا.ت انا كتباها خذي اقرى مسكت نداء الورق ولقت إن زينب كاتبه كل حاجه حتى الاطباق البلاستيك 

ـ بصى دول ٤ ورقات هتمضى عليهم وطه كمان وهنجيب شهود يمضوا عليها ده حقك يا بـ.ـنتى 

ـ يا طنط كده كتير اوى كنتى اكتفيتى بالاساسيات 

ـ عايزه تراجعى الورق خدى 

ورنت على طه اللى شتت انتباه نداء لما رن على تليفونها اكتر من مره 

ـ يلا يا حبيبتي امضى عشان الحق ادخل واعملكم اكل الفرح وواضح ان طه عايزك فى موضوع مهم 

ـ قرأت نداء اول ورقتين ومكملتش ومضت على بقيت الورق بعد ما نداء مضت فضلت زينب تزغرد فرحانه انها أخيرا نفذت اول خطتها 

ـ اسيبك بقى تجهزى عشان المستشفى ومتنسيش تاخدى اجازه الاسبوع الجاى ماشى

ـ حاضر مـ.ـا.تقلقيش .

    *********************

فى مكان تانى فى احد الأحياء الراقية كانوا قاعدين منتظرين نتيجه التحاليل تتبعتلهم على الايميل 

"سليمان وسليم اخوات تؤام غير متطابق

كانوا منتظرين نتيجه التحليل اللى تخص سليم "

بدأ سليمان يتكلم ويطمن سليم 

ـ سليم مـ.ـا.تقلقش انا حاسس ان النتيجة هتكون سلبيه 

ـ بالعكس بقى انا عارف ومتأكد انها ايجابيه وإن هيكون فى ورم فى المخ 

ـ حتى لو هتسافر وتتعالج بره 

ـ مالوش لازمه انا راضى بكل اللى يجيبه ربنا انا وانت عارفين اللى فيها وشوفنا بابا الله يرحمه لما جاله ومقدرناش ننقذه 

ـ يابنى بلاش تتشائم الطب اتطور كتير عن الأول وانا مش هسيبك يا سليم 

وهما بيتكلموا جت رساله على تليفون سليمان فتحها وقرا النتيجه بصمت 

ـ مش قولتلك أنا عارف 

ـ متقولش كده انت فاهم انا هبعتها لاكبر مستشفيات المانيا وهتتعالج حتى لو هنبيع كل اللى نملكه 

ـ لا اوعى تكمل كده احنا مصدقنا فتحنا المكتب وبقى يشتغل 

ـ اللى اتبنى نقدر نبنى غيره لكن انت مش هتتعوض 

ـ نعرضها ونشوف كلام الدكاتره وبناءا عليهم هحدد بس عايزك فى كل الأحوال تحترم قرارى يا سليمان انت فاهم 

ـ حاضر بس انا متفائل وعارف إنك هتخف 

ـ بتمنى ده.. 

*******************

وصلت نداء المستشفى ووصلت لمكتب دكتور رفيق وخبطت على الباب ودخلت 

ـ أهلا اهلا دكتوره نداء اتفضلى 

ـ شكرا يا دكتور بصراحه كنت عايزه حضرتك فى طلبين 

ـ خير قولى 

ـ اول حاجه انا خلاص فرحى الأسبوع الجاى فكنت عايزة اجازه أسبوع 

تانى طلب انت عارف ظروفى وكده وكنت عايزاك تبقى وكيلى فى الفرح 

ـ بس كده عينى طبعاً هاجى انا والمدام وعايزك لو احتاجتى أى حاجة مـ.ـا.تتردديش لحظه واطلبها منى 

ـ شكرا يا دكتور عن أذنك 

خرجت نداء وراحت لغرفه الأطباء وفضلت تتابع شغلها لحد ما نيفين وصلت 

ـ أهلا بالعروسه منوره 

ـ ازيك يا نوفا عامله ايه 

ـ وشك منور انهارده 

ـ خلاص فرحى الاسبوع الجاى واخدت اسبوع اجازه من دكتور رفيق 

ـ ربنا يوفقك يارب ويتمملك على خير 

ـ بقولك بقى كنت عايزه احجز كوافير وكده وننزل نشترى فستان للفرح 

ـ بس كده بسيطه يا ستى انهارده بعد النبطشيه ننزل سوا 

ـ اتفقنا 

ـ بس طمنينى طه وامه عاملين معاكى ايه 

ـ كويسين اوى تصدقى إن مامته اصرت انها تكتب قايمه ولما قريتها لقتها كاتبه كل حاجه حتى الاطباق البلاستيك 😏

ـ بجد 

ـ اه طبعاً وانا عملتله تيست وعرضت عليه فلوس عشان اساعده رفض رفض قاطع ومش بس كده قالى انه هيدينى إيجار الشقه 😂

ـ ربنا يهديهملك كده دايما طمنتينى عليكى 

مر باقى اليوم وبعدها خرجت نداء مع نيفين وراحوا حجزوا فى مركز تجميل متوسط الحال وقامت نداء بتأجير فستان زفاف من احدى المحلات 

ـ انا مش مصدقه انك نزلتى زى البنات جبتى لبسك بنفسك دايما بتدى حمـ.ـا.تك الفلوس وهى تجيبلك 

ـ منا بجيب اونلاين وهى بتستلمهم 

ـ يابـ.ـنتى برضو لما تنزلى تشترى بيكون ليه طعم تانى وبتجيبى الحاجه اللى بتناسب جـ.ـسمك 

ـ بفكر اعمل كده بعدين 

انا دلوقتي بقى عايزه اروح محتاجه انام انام من التعب 

ـ تمام يا نداء مع السلامه اشوفك بكره ولول احتاجتى حاجه قوليلى 

مر اسبوع ونداء ادت طه وزينب المفتاح وطه أخد اجازه وفرش البيت كله على ذوقه والفرش القديم كله باعوا وجابوا جديد وغيروا الشقه اصبحت شقه تانيه واستغل طه وجود نداء فى المستشفى وجاب رنا فرجها على الشقه هى واهلها وبدأت رنا تفرش على ذوقها هى وتقيس بيجامـ.ـا.ت نداء اللى اصرت تجبهم مقاسها هى 😥

وحدد طه معاد فرحه على رنا بعد اسبوع من جوازه بنداء عشان وقتها يكون عرف إنه ياخد باقى فلوسها ويصرف منها على فرحه برنا وشهر عسلهم😳

*****************

جه يوم الزفاف وراحت نداء الكوافير ومعاها نيفين وراح بليل طه عشان ياخد العروسه كما هو متعارف 

كانت نداء عروسه عاديه حاولت مسئوله التجميل تدارى بعض عيوب بشره نداء لكنها معرفتش فستنها كان حلو بس مش مميز كان فستان زفاف عادى 

شافها طه وحاول رسم ابتسامه على وشه بالكاد ظهرت وجت مامته من وراه وفضلت تزغرط 

ـ الف مبروك يا عروسه مبروك يا حبيبي ربنا يتمم بخير 

خرجوا من مركز التجميل الى منزل زينب اللى تم فيه كتب الكتاب وكان رفيق وكيلها زى ما طلبت لكن لم يرتاح رفيق او نيفين لطه ومامته 

تم كتب الكتاب وانتهى الفرح وذهب الجميع لبيته 

فضل طه ونداء ومامت طه 

ـ ها يا عريس انهارده فرحك استنى اجبلكم حاجه تشربوها قبل ما تدخلوا شقتكم .

دخلت زينب المطبخ وجابت العصير وحطت منوم لنداء وربع برشامه هلا*وس 

شربت نداء العصير واخدها طه ودخلها اوضتها وراح لمامته 

ـ ها حطيتى البرشام 

ـ اه وخد دى رش نقطتين كأنهم د*م عشان تفتكر إنك عملت معاها حاجه 

ـ هاتى انا أصلا مش هطيق المسها 

دخل طه ونفذ خطته هو ومامته 

تانى يوم صحيت نداء ومكنتش فاكره حاجه غير طشاش 

ـ الف مبروك يا عروسه صباحيه مبـ.ـاركه 

ـ الله يبـ.ـارك فيك هو حصل ايه 

ـ لا اللى حصل مايتقلش تحبى نعيده وغمزلها 

اتكلمت نداء بكسوف لا لا احنا الصبح بعدين بعدين وقامت دخلت المرحاض وبدلت ملابسها ودخل شك جواها من ليله امبـ.ـارح لكن كل حاجه حواليها بتأكد اللى حصل 

خرجت من المرحاض وحضرت الفطور وفضلوا يتكلموا وبدأ طه يكلمها عن المستقبل 

وتخطيتهم 

ـ عارفه يا نداء انا بفكر اشترى شقه تانيه فى مكان تانى تليق بينا 

ـ بعد كل المصاريف دى 

ـ محنا ممكن نجيب شقه قسط ونأجرها وعلى مـ.ـا.تخلص نكون قعدنا هنا بتاع خمس سنين مثلا وبعدها ننقل هناك بس نجيبها حاجه كبيره تلاته غرف وصاله مثلا ايه رأيك انا قبل مـ.ـا.تجوز واحد من صحابى عرض عليا الموضوع ده وانا كنت هنفذ لكن اجلته لبعد الجواز انتى عارفه المصاريف كانت بتطلع من تحت الأرض 

ـ طيب فكره حلوه اوى انا معايا مقدm حلو 

ـ وانا كمان خلاص هحط المقدm بتاعى على المقدm بتاعك ونجيبها وانا اكمل اقساط بعد كده وتبقى باسمك 

ـ لا انت اللى هتدفع الاقساط وهتكمل المقدm خليها بإسمك عشان كمان انا مش هكون فاضيه 

ـ لا طبعاً انتى دافعه فلوس 

ـ اعتبرها سلف او اقولك ابقى اكتبها بإسمى واسمك 

ـ خلاص هتبقى بإسمنا تحبى نروح نشوفها امته 

ـ بكره بإذن الله نستغل فتره الاجازه ونروح نتفرج على الشقق 

ـ خلاص اتفقنا 

انتهى اليوم دون جديد وتحجج طه بإرهاقه  وهرب للنوم 

فى اليوم التانى اخذها طه وفضل يفرجها على شقق وهميه 

وكان يصر إنه يوديها شقق فى اماكن راقيه حتى يجعلها تصر انها تشترى 

وفعلا عجبها اكتر من شقه واختارت واحده منهم 

وبعد كده روحوا البيت... 

******************** 

ـ ها ايه رأيك 

ـ عجبتنى اوى اخر شقه تعالى نخلص فيها 

ـ وانا كمان عجبتنى نفس الشقه خلاص نتوكل على الله ونجبها 

ـ طيب انا هروح بكره اسحب الفلوس وبعد بكره نروح نخلص فيها ونشوف هيضبط الاقساط على كام سنه 

ـ خلاص امين وانا كمان هروح اسحب فلوسى بكره 

تانى يوم راحت نداء سحبت الفلوس وشالتها واتحجج طه انه جاله شغل مفاجئ وانه هيروح تانى يوم مر اسبوع الاجازه بحجج من طه وقبل انتهاء الاجازه بيوم راح طه وسحب فلوس ووراها لنداء 

ـ ادى الفلوس بتاعتى يا ستى خدى اجازه بكره بقى ونروح نخلص فيها 

ـ لا روح انت انا عندى شغل وانا خلاص شوفت الشقه وعجبتنى 

ـ خلاص تمام اول ما هخلص هجبلك العقد 

ـ تمام بس انا هاجى بليل لأن عندى شغل متاخر انا غيرت نبطشيتى بقيت اشتغل بالنهار وهنا بليل 

ـ تمام 

فى اليوم التانى نداء راحت الشغل وزينب وضبت الشقه وشالت كل حاجه نداء وحطتها فى شنطه وخلت اللبس اللى لسه نداء مافتحتوش اللى وقت الفرش خلته لجوه الدولاب عشان متاخدش بالها عشان تسيبه لرنا واخدت الحاجه اللى عجبتها وجت مقاسها ليها وقسمت الملايات والفرش وخدت كل اللى عجبها 

فى الليل جت نداء من الشغل دخلت الشقه لقت الفرش متغير وحمـ.ـا.تها قاعده وقدامها شنطه سفر كبيره 

ـ ايه ده 

ـ اقعدى اقعدى هتعرفى دلوقتي 

ـ فيه ايه 

ـ اصبرى 

ـ مر نصف ساعه سمعت زفه تحت البيت وبعدها لقت الباب بيفتح ودخل طه وهو شايل رنا وقفت نداء بصتلهم بصدmه ودmـ.ـو.ع 😥😳

ـ إيه ده🥺

......... يتبع

فضلت نداء واقفه شايفه جوزها داخل عليها وشايل واحده تانيه وبيضحك ويهزر معاها وهو شايلها ودخلها على اقرب كرسى ونزلها وبيعاملها كأنها ملكه  .

فضلت باصه باستغراب ليهم كأنها فى كابوس ومنتظره تصحى منه  رجعت بصت تانى لحمـ.ـا.تها لقتها زقتها وراحت ناحيه ابنها تبـ.ـاركله كل ده وهى وافقه مش مستوعبه اللى بيحصل ده بجد ولا هى هتصحى من الكابوس ده دلوقتي 

ـ مبروك الف الف مبروك يا حبايبى 

ـ ماما هى البتاعه دى بتعمل هنا ايه قالها وهو بيشاور على نداء 

ـ ولا حاجه يا حبيبي هى هتاخد شنطه هدومها وهتمشى دلوقتي 

وراحت مسكت الشنطه اللى جهزتها وحطيتها فى ايد نداء 

ـ انتى متنحه ليه كده يلا مع السلامه

فاقت نداء من سرحانها 

ـ انتى بتكلمينى انا وبيت مين اللى اخرج منه ومين دى اصلا قالتها وهى بتشاور على رنا 

ـ دى رنا عروسه ابنى وانهارده جوازهم وانتى خلاص جوزك طلقك عشان مش ماليه عينه يلا مع السلامه 

ـ انتى بتقولى ايه دى شقتى وده جوزى صح يا طه ولسه هتقرب منه راح زاققها 

ـ اوعى تقربى منى انا مصدقت خلصت منك ورقه طـ.ـلا.قك هتوصلك المستشفى كمان اسبوع 

ـ انت بتقول ايه ظه مقلب صح 

ـ لا دى حقيقه فوقى بقى مع نفسك بعدين ولا هوينا احنا عرايس وعايزين نبدأ حياتنا بقى 

ـ انت بتقول ايه ده بيتى انا حسبي الله ونعم الوكيل فيكوا اطلعوا بره بره 

ـ احترمى نفسك بدل ما اجي وأمد ايدى عليكى 

ـ انت اتجننت ده بيتى اطلعوا بره امشوا اطلعوا بره 

كانت بتقولها بحرقه ودmـ.ـو.ع وهى مش مصدقه ده جوزها اللى امنتله على نفسها دى الست الطيبه اللى اعتبرتها فى مقام امها  ، قربت منها زينب ومسكتها من طرحتها 

ـ بقولك ايه يا بت انتى شايفه الورقه دى ده عقد بيع وشرا وانتى ماضيه عليه بنفسك تحبى افكرك امته ، وانتى وبتمضى على القايمه كان فيها ورق بيع للشقه دة  وانتى مضيتى عليه 

ـ دى سرقه ونصب 

ـ كان بمزاجك يا حلوه  انتى اللى اول مارمينالك لقمه جريتى عليها محدش ضـ.ـر.بك على ايدك 

ـ انتوا ازاى كده طيب والفلوس اللى اخدتها مني عشان الشقه كل ده كدب 

ـ ماخدتش منك حاجه روحى شوفى اديتيهم لمين يلا مع السلامه 

ـ لا مش همشى ده بيتى اطلعوا بره ده بيتى يا حـ.ـر.اميه 

قامت رنا وقربت منها 

ـ هو اننى مابتفهميش ولسه بتجادلى ليه انا هريحك واجبلك من الاخر يمكن تفهمى 

انا وطه بنحب بعض من سنتين ومكناش عارفين نتجوز ازاى وانتى عايشه لواحدك محدش بيبصلك وعندك كل حاجه ليه ايه المشكلة لما تسيبلنا  الشقه نتجوز فيها ؟ عشان كده عملنا الفيلم ده كله عشان ناخد الشقه والفلوس نتجوز بيهم فهمتى اعتبريها صدقه منك .

اوعى تكونى فكرتى إنك بشكلك ده حد ممكن يبصلك أصلا انتى عارفه طه كان بيعصر على نفسه كام لمونه عشان يبصلك أصلا نصيحه منى اطلعى بهدوء بدون مشاكل بدل ماوقتها تطلعى بفضيحه ونشوف بقى جوزك طلقك بعد اسبوع من جوازك ليه 

ـ منكم لله منكم لله طيب انا اروح فين انا ماليش مكان تانى غير ده 

ـ مش مشكلتنا اتصرفى روحى باتى فى الشارع فى المستشفى فى أى داهيه 

وقفت نداء تعيط مش عارفه تروح فين عمرها ما تخيلت لحظه إن يحصل فيها كده هى عمرها مأذ*ت حد عشان يتعمل فيها كده 

قربت مره تانيه من طه ومسكت ايده 

ـ طه اه مسمحاك بس عشان خاطرى مـ.ـا.تعملش فيه كده انا حبيتك وامنتك بلاش تخونى انت كده بتكـ.ـسرنى 

متأثرش طه بكلامها وشـ.ـدها من طرحتها وطردها بره الشقه وبعدين فتح الباب ورمى شنطتها وراها 

فضلت واقفه بتبص للباب وبتعيط مش عارفه تعمل ايه او تروح فين 

للدرجة دى كانت ساذجة عاشت عمرها كله تحوش فلوس عشان تتسند عليها لما تكبر وفى الاخر كل حاجه تروح لغيرها يتمتع بيها 

فضلت ماشيه فى الشارع بتعيط مش عارفه تروح فين ولمين كل حاجه راحت منها مش معاها فى المحفظه غير مبلغ بسيط ولو راحت المستشفى بالشكل ده كل اللى شغالين مش هيبطلوا كلام عنها 

مسكت التليفون واتصلت بنيفين صاحبتها 

ردت عليها نيفين 

ـ الو 

ـ نيفين الحقيقى 

ـ نداء مالك حصلك حاجه فى حاجة 

ـ خدوا منى كل حاجه الشقه والفلوس ورمونى فى الشارع 

ـ إنتى فين دلوقتي انا جيالك حالا 

ـ انا فى الشارع عند ******

ـ طيب خليكى مكانك مسافة الطريق وهكون عندك 

لبست نيفين اوام وراحت لنداء لقتها قاعده فى الشارع بتعيط وجمبها شنطه هدوم اخدتها وراحوا للبيت عندها وصلوا شقه نيفين 

ـ بصى يا حبيبتى ادخلى خدى شاور وغيرى هدومك على ماعملك حاجه تشربيها ومـ.ـا.تقلقيش انتى عارفه ان محمود مسافر اسبوعين يعنى هتبقى على راحتك والولاد بايتين عند ماما 

دخلت نداء غيرت هدومها و نيفين كانت جهزتلها لمون عشان يهدى من اعصابها 

ـ احكيلى بقى حصل ايه 

ـ ضحكوا عليا مضونى على بيع الشقه من غير ما اعرف وخدوا كل فلوسى وكا حاجه حتى العفش 

ـ طيب القايمه فين مش انتى مضيتى عليها

ـ مكنتش قايمه وانا مخدتهاش اصلا كل ده فيلم كان معمول عليا 

فضلت نداء تحكى اللى حصل معاها لنيفين وهى بتعيط وحاولت نيفين تهديها لكن معرفتش وبعد فتره نامت نداء مكانها من العـ.ـيا.ط فضلت نادين نبصلها بقله حيله 

      ******************

فى مكان تانى خارجه مصر كان سليم قاعد مع اخوه وبيتكلموا مع دكتور المانى بيوضح لهم خطوره العمليه ونسب نجاحها 

ـ استاذ سليم الورم فى دmاغ حضرتك بيكبر ومش هنقدر نعمل عمليه غير لما تخضع لعلاج اشعاعى وكيماوى الأول لازم نحجم الورم قبل البدء فى اى شئ تانى 

ـ طيب يا دكتور العلاج دخ اقدر اعمله فى مصر وأتابع معاكم النتائج 

ـ مافيش مشكله هكتبلك العلاج وتقدر كل فتره تبعتلى ايميل فيه صور الاشاعه 

كان سليمان بيتابع كلام الدكتور 

سليمان: طيب يا دكتور لو العلاج تم هنا تحت اشرافكم هيكون أفضل 

ـ أكيد طبعاً 

ـ خلاص يا سليم نكمل العلاج هنا 

ـ سليمان انت وعدتنى انك هتسلبى القرار ولو ضغط عليا هرفض العلاج 

قاطعهم الطبيب 

ـ استاذ سليمان لو التزمنا بالعلاج وسرعنا من البدء هنقدر وقتها نسيطر على المرض وهيكون فى تحسن كبير 

ـ خلاص يا دكتور يبقى بإذن الله هنسافر فى اقرب كياره وهبدا العلاج عن ازنك 

خرج سليم وسليمان من عند الدكتور وحاول سليمان إقناع سليم برأيه فى العلاج لكن سليم كان مصر على العلاج فى مصر 

       ***************

تانى يوم راحت نداء المستشفى لكن بشخصيه مختلفه قابلت دكتور رفيق وحكتله كل اللى حصل معاها واتعاطف معاها رفيق وعرض انه يساعدها لكن هى رفضت رفض قاطع أى مساعده من أى حد فيهم 

قررت تبيع الدبله والخاتم اللى فى ايديها والحلق وتأجر شقه مؤقتاً تقعد فيها لحد مـ.ـا.تظبط امورها هى قررت مـ.ـا.تعتمدش على حد وتساعد نفسها وتخرج من القوقعه اللى كانت حابسه نفسها فيها وقررت انها تغير شخصيتها وبعد كده تشوف طه وامه لكن قبل مـ.ـا.تخوض الحرب دى فى حرب أكبر لازم تخوضها مع نفسها 

ياترى نداء هتنجح وهل الشخصية الجديدة هتكون  افضل ولا هتكون بدون مشاعر بـ.ـارده 

ونخمن كده مين البطل الرئيسى سليم وسليمان

فضلت نداء قافله على نفسها كل يوم تروح شقتها القديمه مره قبل الشيفت ومره بعده وبتشوف جوزها وهو بيستمتع بالفلوس اللى اخدها منها بدون رضاها وهو بيصرفها على مـ.ـر.اته الجديدة وازاى السعادة ظاهره على ملامحه عكس لما كان متجوزها كان كلامه قليل ودايما بيتحجج بأشغال عشان يخرج ويسبها لوحدها 

مر اسبوع على ذلك الحال إلى ان لاحظ طه وقوفها وراح لها ووقف قدامها وهو بيتكلم بشمـ.ـا.ته 

ـ ايه اللى جابك هنا انتى نسيتى إنه مبقاش بيتك ولا ايه ، ولا يمكن وحشتك وجايه تشوفينى من بعيد 

بصتله نداء بثقه لأول مره تظهر في عيونها 

ـ لا مانستش وجيت هنا عشان عشان افضل فاكره ، اسمع بقى منى الكلمتين دول.

انت وامك خـ.ـا.ينين واخدتونى على خوانه بس معلش كنت محتاجه القلم ده عشان افوق لنفسى بس وهد منى ورحمه امى يا طه لهرد حقى مره تانيه بزيادة ورحمه امى وابويا لهرجع حقى وهنـ.ـد.مكم على اللى عملتوه 

سابته ومشيت وبص فى طيفها بقلق ورجع طلع لمامته مره تانيه وحكالها كل كلام نداء ، ضحكت زينب بسخرية 

ـ دى بتخــــوفك يا عبـ.ـيـ.ـط مش هتقدر تعمل حاجه لو كانت هتعمل كانت عملت 

ـ عندك حق يا حمـ.ـا.تى هى الغيره بس وكلاها سيبك منها خالص ومش هتقدر تعمل حاجه ومافيش أى إثبات اننا ضحكنا عليها 

ـ عندكم حق عموما انا رايح شغلى ولو حصل حاجه كلمونى فوراً 

    **************

فى مستشفى ال ***** بدأ سليم بأخذ جرعات الكيماوى والاشعاع وكان سليمان دايما بيرافقه اغلب الوقت 

ـ سليمان بقولك ايه انا شعرى بدأ يقع ومش عايز ماما تلاحظ 

ـ هى لازم تعرف أجلا ام عاجلا

ـ عارف بس هتفضل حزينه وقت طويل وده هيأثر على قلبها 

ـ وانت ماينفعش تقعد لواحدك أنسى كفايه أنى مهاودك لحد دلوقتي فى كل حاجة وده مش طبعى 

ـ معلش اخوك بيدلع عليك 

ـ ماشى يا سيدى سماح المره دى 

ـ بص يا سليمان انا هشوف ممرض هيرافقنى الفتره الجايه لحد ما اخد قرار العمليه وبعدها مش هخبى عليها حاجه ووفى الوقت ده هقولها أنى مسافر شغل وانت كل يوم عدى عليا وعشان اسهلها عليك هاجر شقه قريبه منكم 

ـ ماشى يا سليم ومـ.ـا.تقلقش على الشركه جبت كام ثفقه هينقلونا فى حته تانيه 

ـ يا ابنى انا واثق فيك مش اخويا 😉

     ******************

مر شهر على تلك الأحداث خلال الفترة دى كانت اغلب الوقت نداء بتبات فى المستشفى بتحضر عمليات كتير وتاخد نبطشيات كتير طول الوقت بتشغل فديوهات لاكبر واصعب العمليات كانت  بتحاول تعوض الخساره الماديه وفى نفس الوقت تلهى نفسها و بتحاول تغير من نفسها الاوا قبل مـ.ـا.تفكر تاخد اى خطوه لازم تتغير من الداخل قبل الخارج 

اشتركت فى جيم ، اشترت ملابس كتيره جدا تناسب جـ.ـسمها وبقت تروح لأكبر بيوتى سنتى وتهتم ببشرتها خلال الشهر قدرت انها تغير من شكلها ١٨٠ 

لكن مابطلتش تروح لبيتها القديم كانت كل اسبوع تروح تقف تحت البيت وتمشى 

فى صباح يوم كانت نظاء بتابع عمليه على تليفونها جت ليها الممرضه وطلبت وبلغتها إن فى حاله طوارئ ودكتور رفيق طالبها هى ونيفين معاه فى العمليات حالا 

لبست نظاء زى العمليات هى ونيفين ودخلوا غرفه العمليات

بدأت نداء الحديث عن الحاله 

ـ خير يا دكتور ايه وضع المريـ.ـض

ـ المريـ.ـض ده يبقى المذيع المشهور مصطفى عبد الوهاب كان ماشى وكان فى  عربيه نقل عليها حديد ماشيه قدامه  ، الحديد فك وخبط عربيته قدروا ينقذوا بس للأسف دراعه زى مانتى شايفه محتاجه بت*ر 

اقتربت نداء من المريـ.ـض والاشاعه فى ايدها بتقرا كويس حاله المريـ.ـض وبتقارنها وبتتاكد من المؤشرات الحيوية لجـ.ـسمه 

ـ دكتور رفيق إحنا ممكن ننقذ الدراع لو بدأنا حالا قبل ما ت*مـ.ـو.ت 

ـ تانى يا نداء هنرجع لعواطفنا تانى 

ـ الموضوع مافيهوش عواطف أولا المؤشرات الحيوية كلها كويسه والد*م بيتحرك لسه متخصرش لو استنينا هيتخصر ووقتها الدراع هتبدا تمو*ت 

وغير كده لو تمت بشكل سليم يا دكتور اسمنا هيسمع جـ.ـا.مد 

بصت  نيفين لنظاء اللى بدأت بالفعل فى العمليه ودكتور ورفيق واقف بياخد القرار 

ـ خلاص يا دكتور واضح إن نظاء عارفه بتعمل ايه ولو خرج من العمليات ندخله العنايه ٤٨ ساعه لو حصل مضاعفات نعمل بت*ر 

ـ تمام توكلنا على الله 

بدأت نداء فى العمليه بكل برود وكان كل تركيزها على الاورده والاوتار انها تعيد ربطها مره تانيه وقف قلب المريـ.ـض فى العمليه وحصل لغبطه فى المؤشرات الحيويه لكن نداء قدرت تكمل وتجاهلت كل ده ورجع وضع المريـ.ـض طبيعى مره اخرى وبعد حوالى ٧ ساعات انتهت العمليه

بعد انتهاء العمليه بصلها دكتور رفيق ونيفين بإنبهار فهى فعلا قدرت تفصل عواطفها ومتـ.ـو.ترتش لحظه واحده لما اتغيرت مؤشرات المريـ.ـض فضلت ثابته مكانها وكملتوشغلها 

رفيق: مش عارف أقولك ايه يا نداء اننى ابهرتينى بجد بحيكى 

ـ نيفين: نظاء انا فخوره بيكى بجد اللى حصل جوه ده معجزه انتى عارفه كده انتى ممكن يتعملك معاكى بعدها لقاءات صحفيه 

ابتسمت نداء بتكلف 

ـ انا تلميذتك يا دكتور رفيق  كل الحكايه إن الموضوع كان محتاج مجازفه قلت لو خاطرنا ورجعناها يبقى قدرنا نعمل معجزه مقدرناش هنرجع للخطه الرئيسيه بتاعتنا البت*ر 

ـ طيب المريـ.ـض هيفوق كمان ٣ ساعات وكل الناس موجوده لازم تبقى حاضره عشان توضحى اللى تم فى العملية الكل بره فاكر إن تم بت*ر وفى صحافه والدنيا بايظه 

ـ تمام يا دكتور هدخل ارتاح شويه يكون المريـ.ـض فاق واطمنا على حالته عشان لما اطلع التقرير يبقى كل حاجه تمام 

دخلت نداء ونيفين غرفه الأطباء ليرتاحوا من العمليه 

ـ برافو عليكي يا نداء مكنتش مصدقه إنك ممكن تتغيرى بالشكل ده بس انا خايفه عليكى 

ـ من ايه

ـ مش عارفه افهمك إزاى بس حساكى مابقتيش ندتء خاسه انك طول الوقت بتخطتى لحاجة انا عايزاكى تنسى الماضى وتبدأى من جديد 

ـ صعب صعب يا نيفين انسى اللى حصلى ورمـ.ـيـ.ـتى فى الشارع صعب انسى انهم خدوا منى كل حاجه حتى هدومى وبيتى وفلوسى انا لو اخر يوم فى عمرى مش هسيب حقى 

خرجت بعد كده عقد من جيبها 

شايفه العقد ده مش هرتاح غير لما تمضى عليه وترجعلى حقى تانى 

ـ وانتى عارفه هى مضتك لمين فيهم هى ولا ابنها 

ـ ابنها لما ورتنى العقد لقيت البيع والشرا باسم ابنها 

ـ انا خايفه عملوا حاجه فيكى 

ـ لا انا بجهزلهم وأى خطوه هخطيها هتكون بالف حساب 

بدأ المريـ.ـض يفوق وراحت نداء ونيفين مع دكتور رفيق عشان يطمنوا عليه 

بدأ دكتور رفيق فى الكلام 

ـ ازيك يا استاذ فتحى عامل ايه دلوقتي 

ـ حاسس بدوخه وزغلله 

ـ ده بسبب تأثير البنج 

ـ دراعى اتشال يا دكتور صح 

تحدث رفيق وفتح المجال لنداء 

ـ دكتوره نداء اللى عملتلك العملية وهى انسب واحده تشرح حالتك 

بدأت نداء فى الكلام والتوضيح 

ـ استاذ فتحى انا دكتوره نداء حضرتك لما جيت كانت فعلا الدراع كامل شبه مقط*وع بس احنا رجعناه تانى مكانه انا ومعايا دكتور رفيق ودكتوره نيفين  والعمليه عمليا نجحت وحضرتك هتنتظر معانا ٤٨ ساعه تحت الملاحظه لو مافيش أعراض جانبية وقتها ايدك هترجع زى ما كانت 

ـ الحمد لله شكرا اوى يا دكتوره بجد مش عارف اشكركم إزاى 

ـ مافيش شكر بينا انا هبعت التقرير لحضرتك كمان شويه تحب نطمن المتابعين والصحافة 

ـ اه بس بلاش تفاصيل انا لما اخرج هعمل معاكى لقاء اعلامى ونتكلم اكتر 

ـ تمام زى مـ.ـا.تحب عن اذن حضرتك اسيبك ترتاح 

خرجت دكتوره نداء برفقه دكتوره نفين وظل وذهب دكتور رفيق لمتابعه حالات اخرى اثناء ذهاب دكتوره نداء لغرفتها خبطت فى مريـ.ـض وبعدها سقط المريـ.ـض مغشى عليه 

نادت نداء على احد الممرضين وطلبت منهم يجبلوها ملف الحاله الخاص بيه 

وفضلت معاه فى الاوضه محاوله اسعافه ، بدأت تقرا نظاء الملف وتشخص حاله وانتظرت لحد ما فاق 

ـ استاذ سليم 

ـ اه انا مين حضرتك وايه اللى حصل 

ـ أنا دكتوره نظاء دكتوره جراحه عامه حضرتك خبط فيا وبعدها اغمى عليك وانا شفت الملف بتاعك واتطلعت على الحاله 

ـ ممكن اعرف حضرتك ليه معملتش عمليه لإزالة الورم 

ـ ـ سافرت بره مصر والدكتور قال صعب تتعنل لازم نحجم الورم اكتر 

ـ بس حضرتك محتاج تعمل عمليه فوراً عشان الورم هيضغط على عصب العين وهيسبب عمى وممكن فقدان زاكره لو كبر اكتر من كده 

ـ حضرتك بتقولى ايه انا باخد كيماوى واشعاع وقالوا صعب العمليه 

ـ انا دكتوره جراحه وعارفه انا بقول ايه حضرتك محتاج العمليه فورا هل فى واصى على حالتك اقدر اكلمه 

ـ سيبينى افكر وارد عليكى 

ـ مافيش وقت حاله الاغماء اللى اتكررت الفتره الاخيره معاك مؤشر خطر 

ياترى رده ايه وهل سليمان هيوافق او هل سليم هيبلغ سليمان بالعمليه ؟؟ 

مافيش وقت حضرتك لازم تاخد القرار وتمضى على ورقة دخول العمليات او الواصى على حضرك 

فضل سليم يفكر هل العمليه هتفيده وهل لو دخلها هيخرج منها أصلا دكاترة المانيا قالوا خطر والدكتوره دى بتقول إن فى خطوره لو مدخلهاش يمكن لو نجحت اخف وارتاح من الو.جـ.ـع ولو مانجحتش يبقى خلاص معادى جه 

اخد أخيرا القرار إنه هيمضى عليها 

ـ هاتى الورقة يا دكتوره انا همضيها هندخل امته العمليات 

ـ طيب لو حصل حاجه لاقدر الله جوه واحتاجنا امضت واصى نبلغ مين 

ـ انا همضى على كل حاجه 

ـ هكلم دكتور رفيق واقوله حالتك بس باذن الله هتدخلها انهارده وهبعتلك الممرضه بباقى الورق تمضى عليه 

ـ إنتى اللى هتعمليها

ـ أه 

ـ تمام يا دكتوره أنا واثق فيكى 

ـ حضرتك ممكن تنتظر فى الاوضه بتاعتك وانا هرجع كمان شويه 

اخدت نداء الملف ودخلت مكتب دكتور رفيق 

ـ تعالى يا نداء خير شكلك فى حاجة 

ـ بص يا دكتور الحاله دى ورم ضاغط على الأماكن دى فى المخ وحاليا هو بياخد كيماوى واشعاع لو اتعمل عمليه ده هيكون افضل 

ـ بس الورم محمل على الخلف صعب لازم يتحجم

ـ لو انتظرنا هيفقد النظر وممكن الذاكره كمان 

ـ ولو اتعملت  العمليه فيها مخاطره 

ـ بس لو اتسحب من الخلف من الجزء ده " واشارت على جزء محدد "

ـ هيخرج كله كتله واحده 

ـ انا لسه شايفه فديو لعمليه مقاربه لدى والدكتور كان بيقول كل اما نبدر بإزاله الورم بيكون افضل وكل حجم ليه زاويه يخرج منها 

ـ طيب كلمتى المريـ.ـض 

ـ كلمته ومضى على الورق كمان فاضل نحضر غرفه العمليات 

ـ تمام خليهم يحضروا بس فى حد من اهله هيكون مسئول .

ـ لا هو مضى على كل حاجه وعلى الاحتمالات اللى ممكن تحصل جوه العمليات 

ـ تمام انا هكلم غرفه العمليات يحضروها وخلى الممرضين يجهزوا للعمليات وبرضوا لازم يبلغوا اهله محدش يعرف يحصل ايه 

ـ تمام هبلغهم يتصلوا بحد من أهله 

دخل سليم غرفه العمليات وبدأت نداء بالعمليه وكان متابعها دكتور رفيق وانضمت ليهم دكتوره نيفين بعد كده 

وبدأت نداء فى فتح الدmاغ وسحب الورم ظلت العمليه ما يقارب ال خمس ساعات 

فى الاستقبال جه سليمان وكان متعصب جدا ومامته جت معاه وهى مش فاهمه حاجه 

دخل سليمان لمدير المستشفى وبدأ في الخناق وحاول كل الموجودين تهدئته ولكن بلا فايده 

اتكلمت هناء والده سليمان بتحاول تهديه عشان تعرف الموضوع 

ـ اهدى يا سليمان انا عايزه افهم فى ايه 

ـ يا ماما جيتى ورايا ليه بس 

ـ شفتك نازل متعصب ماكنش ينفع اسيبك وسليم ماله انا بقالى فتره قلبى وكلنى عليه 

ـ سليم عنده ورم فى المخ والمفروض انه بياخد كيماوى لحد ما يحجمه الورم وبعدين يتعمل عمليه ويتشال وده كلام الدكتور الالمانى لكن مره واحده لقيت حد بيكلمنى وبيقولولى اخوك دخل العمليات 

حست هناء بدوخه شـ.ـديده وو.جـ.ـع فى قلبها 

ـ ابنى بقى كل ده يحصله وانا بعيدة 

وانه*هارت بعدها فى البكاء 

ـ يا ماما اهدى بإذن الله هيطلع بالسلامة ادعيله انتى 

بدأت مدير المستشفى يتكلم معاهم 

ـ ـ استاذ سليمان ممكن تهدى أولا اللى بيعمله العمليه من أكبر دكاتره فى المستشفى والورق اهو اخوك ماضى وعلى علم بكل التفاصيل يعنى اللى حضرتك بتعمله ده شوشره على الفاضى امضه اخوك تغنى عن أى حاجة تانيه 

والدكاتره  اللى معاه مش قليلين برضو 

ممكن حضرتك تهدى وتستنى لما يخرج من العمليات ووقتها هتعرف كل شئ وهو بإذن الله يقولك ليه اخد القرار ده 

قعد سليمان امام غرفه العمليات بيحاول يهدى مامته اللى مسكت المصحف وطول الوقت تقرا فيه 

اثناء انتظار سليمان خروج اخوه من العمليات شاف الممرضه المسئوله عن اخوه قرب منها واتكلم معاها 

ـ مش انتى الممرضه اللى بتابعى حاله سليم 

ـ اه

ـ انا عايز اعرف حصل ايه وليه دخل العمليات بسرعه كده 

ـ دكتوره نداء كانت ماشيه وشافت اخو حضرتك اغمى عليه وهو ماشى فى الممر طلبت الملف بتاعه وقريته وبعدها اتكلمت معاه  وقالتله انه محتاج عمليه فى اقرب وقت ولو معملهاش هيكون فى خطوره عليه 

ـ وهو وافق على طول كده 

ـ اه بعدها بساعه كان فى العمليات وعموما هما خلاص خارجين دلوقتي 

     فى غرفه العمليات 

ـ دكتور رفيق انا كده خلاص سحبت الورم كله 

ـ هتقدرى تكملى 

ـ ممكن نيفين تقفل وتخيط 

ـ تمام العمليه كانت صعبه وانتى ركزتى فيها كتير اكيد محتاجه ترتاحى 

تحدث دكتور رفيق 

ـ خلاص يا نداء دكتوره نيفين هتكمل واحنا هنخرج دلوقتي عشان اكيد اهل المريـ.ـض عرفوا وقلقانين عليه 

خرجت نداء وجمبها دكتور رفيق 

شافها سليمان وراحلها وملامحه كلها غ*ضب وهناء راحت عشان تطمن على ابنها 

ـ انتى دكتوره نداء 

ـ اه فى حاجة.

ـ عايز اعرف انتى دكتوره اورام 

ـ لا انا جراحه.ـ طيب لما انتى مش دكتوره اورام مالك ومال سليم اخويا كل الدكاتره قالوا انه ماينفعش يدخل عمليات بأى حق تاخدى القرار 

بصتله نداء وكلمته بعصبيه وصوت أعلى من صوته 

ـ أنا دكتوره جراحه مش بياعه بطاطا واللى عملته ده عشان صحه اخوك لو كانت تهمك ، اخوك الورم بقى يضغط على اعصاب دmاغه  لو مكنش دخل عمليات كان هيتعمى او ذاكرته تروح ،  انا شفت حاله اخوك بعين الجراحه وحاله تسمح اننا نعمل عمليه ونزيل الورم

اتكلمت هناء وهى منهاره من العـ.ـيا.ط ووضعها بقى صعب 

ـ طيب طمنينا يا دكتوره واضعه ايه ارجوكى  طمنينى .

ـ اطمنى العمليه نجحت وضعه افضل وقدرنا نشيل الورم بالكامل شويه وهيخرج ويدخل العنايه المركزه 

شكرا يا دكتوره شك

ومكملتش الجمله ووقعت 😱

لحقها سليمان وقربت منها نداء ودكتور رفيق 

نداء : ده اشتباه فى جلطه لازم نلحقها حالا

اخدوا والده سليم ودخلوا بيها غرفه الطوارئ وبعدها دخلوا بيها غرفه العمليات لتسليك الشريان 

كان واقف سليمان مصدوم اخوه ومامته فى نفس اليوم كانوا ممكن يروحوا منه 

وقف ساند ضهره على الحيطه وهو شارد 

فى غرفه العمليات 

ـ مش مكتوبلك الراحة النهارده يا نداء

ـ واضح إن حد باصصلى فى اليوم انا بعد العمليه دى هاخدها نوم لحد بكره 

ـ بس دى خفيفه ممكن تخرجى وأنا اكملها 

ـ خلاص قربنا نخلص 

انتهو من العمليه وأثناء خروجهم لقوا سليمان فى انتظارهم بدأ دكتور رفيق بالكلام 

ـ اطمن لحقنا والدتك وهى هتبقى احسن من الأول كمان هننقلها غرفه العنايه مع اخوك ولما يفوقوا تقدر تدخلهم 

انت المفروض تشكر دكتوره نداء لانها عملت مع اخوك اللى مش أى حد يعمله ومن غيرها كان وضعه هيبقى اصعب 

صمت سليمان وراح لكافتريا المستشفى يشرب فنجان قهوة فاليوم كان مليان ضغوطات عليه 

مر يومين وفاق المذيع وراحت نداء ومعاها دكتور رفيق عشان يتابعوا الحاله 

ـ ها يا بطل دراعك عامل ايه انهارده 

ـ الحمد لله بقدر احركه بس خفيف كده 

ـ معلش اول ما الورم يروح هتقدر تحركه ومع الوقت والعلاج الفزيائى هيرجع زى الاول 

ـ الحمد لله يا رب انا مش عارف اشكركم ازاى انتى بجد دكتوره موهوبه انا اتكلمت مع معد البرنامج وبإذن الله اول مانزل الشغل هيكون اول لقاء معاكى 

ـ معافى بإذن الله يا استاذ فتحى 

نظر لها فتحى بإعجاب فهى دكتوره شاطره ومتمكنه من عملها وفى نفس الوقت جميله ومحافظه على رشاقتها ازاى بتجيب وقت تهتم بنفسها وفى نفس الوقت تبقى شاطره كده فى شغلها 

 كانت فى عينه فتاه احلامه ونظرات الاعجاب واضحه ليها ودكتور رفيق لاحظ تلك النظرات

لكنه قرر عدm التدخل فمن الواضح أن جـ.ـر.حها القديم لم ينـ.ـد.مل 

      ******************

فى الجهه الأخرى عند زينب كانت قاعده مع رنا  

ـ صحيح يا رنا جبتى اختبـ.ـار الحمل 

ـ اه يا حمـ.ـا.تى 

ـ طيب قومى اعمليه كده يمكن تكونى حامل وتفرحينا قومى قومى طه زمانه جاى 

ـ حاضر ادعيلى اكون حامل 

دخلت رنا عملت الاختبـ.ـار وطلعت فعلاً حامل وخرجت جرى لحمـ.ـا.تها 

ـ الحقى  الحقى  انا حامل 

ـ بجد ألف ألف مبروك وفضلت تزغرط ووصل طه على صوت الزغاريد 

ـ خير سامع صوت الزغاريط من تحت

ـ مبروك يا طه مراتك حامل 

ـ ايه ده بجد يعنى انا هبقى أب 

ـ اه

ـ وعرفتوا إزاى 

ـ لسه رنا عامله الاختبـ.ـار وطلعت حامل 

قرب طه من رنا بفرحه وشالها ولف بيها ، الف الف مبروك يا حبيبتي إحنا لازم نروح للدكتوره نطمن 

ـ اه انا هدور على دكتوره كويسه واتابع معاها بس انا بفكر اتابع فى مستشفى***** 

بصتلها حمـ.ـا.تها بقرف 

ـ واشمعنى المستشفى دى ما المستشفيات كتير 

ـ انتى مش بتشوفى الفيديوهات اللى المرضى بيصوروها وحالتهم كانت ازاى وبقت ازاى واخرها المذيع فتحى شوفتى كان رايح دراعه مقطوعه ركبوهاله وبقت زى الاول فى مستشفى زى دى الواحد يبقى ضامن انه هيولد ويقوم بالسلامة ومطمن على نفسه 

ـ لا يا رنا المستشفى دى بالذات لا بلاش نشـ.ـد ديل القطه ابعدى عنها عشان مـ.ـا.تخربشكيش ماحدش يعرف ممكن تعمل ايه وسكوتها ده اصلا مخــــوفنى 

ـ بقولك ايه يا حمـ.ـا.تى انا هتابع فى المستشفى دى يعنى هتابع فيها انا مش اقل من حد وبعدين ابنك ضايفنى فى التامين بتاعه وهى تبع التامين يعنى مش هتكلفنا حاجه 

ـ وافرضى نداء شافتك والغيره شع*للت فيها اكتر من الاول 

ـ حتى لو شافتنى هى مش عبـ.ـيـ.ـطه عشان تخاطر بمستقبلها الطبى وانت يا طه قولى رايك ايه 

ياترى طه هيوافق 

وياترا وضع سليم هيبقى ايه وهل سليمان هيعتذر منها ؟؟ ولا هياخد منها موقف ؟

ـ بقولك ايه انا هتابع فى المستشفى دى يعنى هتابع فيها ولا انت خايف على مشاعر مراتك  عشان كده مش عايزنا نروح هناك 

ـ الموضوع مالوش علاقه بمشاعر إحنا بنحاول نبعد عنها انتى شايفاها بتكبر إزاى وممكن تحطنا فى دmاغها 

ـ بقولك ايه اجبهالك على بلاطه لو كانت تقدر تعمل حاجه كانت عملتها من زمان ، من الاخر  كده لو متابعتش فى المستشفى دى هروح أنزل العيل قرر وقولى

اتكلمت زينب بعصبية 

ـ انتى مـ.ـجـ.ـنو.نه يابت انتى ولا ايه طيب جربى أعملى كده وشوفى هعمل فيكى ايه 

ـ انتى بتهددينى بقى وبعدين انا وجوزى بـ.ـنتكلم انتى داخله فى الكلام بينا ليه 

ـ نعم يا ختى لولايا انا مكنتوش اتجوزتوا ولا شوفتوا ريحه جواز 

ـ فى المقابل منا راضية ومستحمله وجودك معانا يبقى واحده بواحده وانت يا طه مالكش كلمه 

ـ خلاص اسكتوا بقى الله 

روحى تابعى هناك بس مـ.ـا.تجيش جنبها انتى فاهمه وعارفه أقصد ايه

ـ لا مـ.ـا.تقلقش ماليش دعوه بيها 

ـ بقى كده بتمشى كلامها يا طه حاضر 

       *******★***********

فى اليوم التالى قررت نداء المرور على المرضى للاطمئنان على صحتهم 

وهى فى طريقها ليه قابلت سليمان اللى بصلها بتجاهل وهى بالمقابل تجاهلته 

دخلت غرفه العنايه وحدت سليم فاق 

ـ ازيك يا استاذ سليم انهارده 

ـ انا اللى المفروض اسألك أخبـ.ـار العمليه ايه 

ـ الحمد لله الورم كله اتشال ومش هتجيلك حاله الاغماء دى تانى  ، وهنبعت التقرير لدكتور الاورام عشان يشوف هيعمل معاك ايه 

ممكن تاخد جرعتين تانى عشان نضمن إن الورم خلاص انتى للأبد 

ـ بجد يا دكتوره مش عارف اقولك ايه وريحتينى اد ايه 

ـ انا عملت وجبى 

ـ ربنا يبـ.ـاركلك طيب حد من أهلى عرف 

ـ اه اخوك ووالدك هو جه امبـ.ـارح وعمل مشكله كبيره ومامتك تعبت بس الحمد لله حالتها أفضل دلوقتي 

ـ طيب اقدر اشوفها 

ـ لو فضلت حالتك مستقره كده لاخر اليوم هننقلك غرفه عاديه وتقعد معاهم زى مانت عايز 

ـ طيب على الأقل اقابل سليمان اطمنه عليا 

ـ انا أسفه مش هقدر ادخل حد هنا 

ـ يا دكتوره هما خمس دقايق بس مش اكتر وعد 

ـ تمام خمس دقايق بس والممرض هيخرجه

اخبر الممرض  إن اخوه طلب يشوفه وافق 

دخل سليمان وظاهر على وجهه الزعل 

ـ سليمان أنا عارف إنك زعلان 

ـ طيب ليه عملت كده كنت بتفكر فى ايه لما تدخل عمليه من غير مـ.ـا.تبلغنى كنت بتغامر بنفسك 

ـ لا الدكتورة كانت واثقه من كلامها وكان منطقى وانا فعلاً كنت تعبان وخلاص مكنش فارق معايا أعيش سليم او امو*ت وارتاح

ـ طيب وانا وأمك 

ـ كنتوا هتتعبوا شويه وهتتأثروا بس خلاص دى سنه الحياه

ـ طيب كنت بلغنى عرفنى انت عارف احساسى كان ايه وهما بيقولولى إن اخوك دخل العمليه وانا وقتها عمال أفكر ايه اللى حصلك عشان يخلوهم يدخلوك العميلة 

ـ انا مكنتش عايزهم يعرفوك أصلا 

ـ كمان 

ـ خلاص بقى اللى فات فات إحنا ولاد دلوقتي وانا الحمد لله قمت بالسلامة والورم اتشال مش هتفرحلى 

ابتسم سليمان وقرب من اخوه وضحكله 

ـ بس ايه رأيك فى الدكتوره 

 ـ قولك كده بقى دخلت العمليات عشان الدكتوره ، هى حلوه بس وشها يقطع الخميره من البيت عليها تبريقه .

ـ هى جد أوى بصراحه. ودى ميزه مش عيب 😉 ولا انت واخد على اللى يجرى وراك عشان خاطرى صالحها الدكتورة شاطره وعملت اللى عليها صحيح ماما عامله ايه 

ـ تعبت واتعملها قسطره بس هى دلوقتي كويسه جدا سبتها نايمه والدكتورة قالت ممكن تخرج لما تفوق 

ـ الحمد لله 

       ********$*********

مر يومين وخرج فتحى من المستشفى وبعدها بعت لدكتورة نداء بوكيه كبير من الورد ووصلتهولها احدى الممرضات ووقتها كانت نداء قاعده فى غرفة الأطباء مع نيفين 

ـ اتفضلى يا دكتوره نداء 

ـ إيه ده 

ـ ده بوكيه ورد بعته لحضرتك المذيع اللى عملتيله عمليه فى دراعه 

ـ بمناسبة ايه ، معرفش هو باعته وقال اننا نوصله لحضرتك 

ـ تمام تقدرى تسيبيه 

بصتلها نيفين بابتسامة 

ـ ايوه بقى 

ـ انت دmاغك راحت بعيد على فكره 

ـ على فكره باين جداً نظراته ليكى 

ـ بس انا خلاص قفلت قلبى ومش بفكر في ارتباط أنا أهم حاجة عندى مستقبلى 

ـ يا ستى مستقبلك زى الفل ماله بس والراجـ.ـل محترم مش عشان واحد مش كويس الكل هيبقوا كده وافتكرى انى مكنتش مرتحالهم أصلا من الاول 

ـ كان عندك حق بس تعرفى كويس انى ماسمعتش كلامك كان لازم اخد الدرس وافوق لنفسى 

ـ بس بقيتى حاجه تانيه وأى حد يتمنى يرتبط بيكى بصراحه يا نداء انتى كنتى ظالمه نفسك جداً 

ـ عندك حق بس برضو انا حاليا مش مستعده لأى ارتباط ،

       *******&********&****

وصلت رنا وطه للمستشفى وانبهرت رنا من فخامه المستشفى 

ـ بقولك يا طه هى نداء بتشتغل هنا 

ـ أه 

ـ شكل مرتبها كبير أوى أوى 

ـ أكيد 

ـ طيب ليه مكملتش معاها كنت هتستفاد منها جـ.ـا.مد وكان ممكن كمان تشوفلك شغلانه هنا وبعدها كنت طلقها 

ـ انا كنت عايز منها حاجه معينه وخلاص مالوش لازمه اطول معاها وقتها كنت هنكشف وكل حاجه كانت هتبوظ 

ـ ممكن برضو ، الحمد لله اننا معانا تأمين صحى هنا مكناش هنقدر على كشفها دى 

ـ اعملى حسابك هنا يا متابعه حمل يا ولاده انتى عارفه التامين مش هيغطى كله 

ـ سبها انت بس على ربنا 

دخلوا المستشفى وحجزوا كشف نسا وتوليد وفضلوا قاعدين فتره طويله منتظرين دورهم في الكشف وهما قاعدين لاحظت نداء وجود طه ورنا امام غرفه 

ابتسمت نداء وحست إنها أخيرا لقت الطريقه عشان تجيب حقها حاولت تمشى قبل ما حد منهم يلاحظها لكن وقفها صوت رنا حاول طه يسكتها لكن رنا اصرت انها تكلمها 

ـ دكتوره نداء 

لفت نداء وبصتلها بثقه وبإبتسامه 

ـ خير 

ـ أبدا شوفتك قولت اسلم عليكى عامله ايه يا دكتوره 

ـ انتى شايفه ايه 😉 

ـ شايفه انك بتحاولى تغيرى نفسك يمكن ترجعى الماضى وعايزه توصللنا انك بقيتى ناجحة واحسن

ـ طيب مادى الحقيقة انا احسن منكم وناجحه فعلاً ايه الجديد قبل ما اعرفكم دكتوره وبعد ماعرفتكم دكتوره 😏 تفتكرى قبل مـ.ـا.تجوز كنت بقطع تزاكر مثلاً وبعد الطـ.ـلا.ق بقيت دكتوره 

ـ صحيح يا دكتوره هما ليه بيقولوا إن الدكاتره الستات عانس ومش بيلاقوا حد يبصلهم واللى بيبصلهم بيبصلهم بس عشان فلوسهم 

ـ ومين قالك انى مرتبطش بصت نداء قدامها لقت سليمان متجه لغرفه اخوه 

ـ استنى لحظه واحده 

ـ ممكن تيجى معايا لحظه واحده بس من فضلك مـ.ـا.تكدبنيش 

ـ هتعملى ايه 

ـ محتاجه خدmه واعتبرها خدmه قصاد خدmه 

ـ مش أفهم الأول 

ـ هتفهم بعدين 

اخدته ووصلت قدام طه ورنا 

ـ احب اعرفكم استاذ سليمان خطيبى 

بص طه لسليمان بتقييم فهو يفوقه فى كل شئ رغم اهتمام طه المبالغ بنفسه عشان يظهر فى هيئه الشاب الوسيم  إلا أن سليمان بدون اى مجهود واضح انه حضوره طاغى 

سليمان شاب طويل عريض المنكبين عضلاته واضحه من ذلك القميص الذى يرتديه مما يجعل نظرات الفتيات دائما متجهه له وعلى الرغم من انه تؤام إلا أن سليمان له حضور أقوى 

كانت نظرات رنا تجاه نداء حق*د وكر*ه هى كانت عايزه تحسسها بالنقص وانها مهما نجحت فهى افضل منها وفضلها طه عليها لكن طه امام سليمان لا شئ فنداء فازت برجل افضل واذداد نجاحها 

ـ سلام بقى عشان مشغوله انتى فاضيه طبعاً يا رنا ومـ.ـا.ت عـ.ـر.فيش يعنى ايه شخص مشغول ووراه التزامـ.ـا.ت وبيعتمد على انه يطور نفسه مش يسـ.ـر.ق حاجه غيره 

سابتهم ومشيت هى وسليمان اللى مش فاهم حاجه وبعد ما بعدوا عنهم وقفها سليمان 

ـ اظن من حقى دلوقتي افهم فى ايه بقى 

ـ انت ساعدتنى وانا هعتبر المساعدة دى اعتذار ليا عن اسلوبك معايا وقت العمليه 

ـ لا طبعاً مش موافق انا عايز افهم مش يمكن لو احتاجتينى فى مساعدة تانيه اوافق 

ـ مش هحتاجك مـ.ـا.تقلقش 

ـ ماحدش يعرف المستقبل فيه ايه 

سكتت نداء بتفكر فى كلام سليمان 

ـ تمام هقولك اللى هناك ده طليقى اتجوزنى عشان يسـ.ـر.ق منى شقتى وقدر يضحك عليا هو ومامته ومضونى على ورق بيع وشرا من غير ماعرف ومش بس كده لا خد كمان كل فلوسى وطردونى  من شقتى بعد اسبوع واحد بس من الجواز  بشنطه هدومى وطلقنى غيابى وبعتلى ورقه طـ.ـلا.قى هنا على المستشفى

  قالت كلامها وقامت من قدامه قبل مـ.ـا.تضعف هى قررت مـ.ـا.تضعفش تانى قدام أى حد نداء القديمه ضاعت زى ما كل حاجه ضاعت منها 

وقف سليمان يبص فى اثرها بحيره وتأثر من كلامها واضح انها اتظلمت كتير وبتدارى الظلم والضعف ده تحت شـ.ـدتها وجديتها المبالغ فيها 

وقرر يسبها مؤقتا لكن هيكون ليه كلام معاها تانى 

خرج سليم وانتقل لغرفه عاديه ومامته صممت انها تقيم معاه لحد ما يخرج 

دخل عليهم سليمان وقعد يتكلم معاهم

 ـ صحتك عامله ايه انهارده يا سليم بقيت احسن 

ـ اه دكتوره نظاء حولتنى لاورام وقالولى هخرج بكره وكل ٣ شهور هاجى اعمل اشعه 

ـ لا ليه عايزينك تخرج بسرعه كده المفروض تقعد كمان اسبوع 

ـ يابنى انت مش كنت رافض أصلا وجودى فى المستشفى دلوقتي عايزنى أقعد اسبوع انت ايه عجبتك ممرضه هنا ولا ايه 

ـ مـ.ـا.تلم لسانك ده بدل ما اجى اشيلهولك انت خفيت دلوقتي مـ.ـا.تخلنيش اعمل معاك زى زمان انت فاهم 

ـ خلاص يا سيدى سماح 

ـ انت هتيجى هنا تانى أمته عشان الاشعه 

ـ كمان تلات شهور 

ـ وانتى يا ماما 

ـ انا كويسه يا خويا وزى الفل 

بصت هناء لسليم وضحكوا فواضح إن سليمان بدأ يعجب بشخص ما 

**********&********&********

كشفت رنا على الجنين والدكتورة طمنتها إن صحتها وصحت الجنين ممتازه واديتها بعض الفيتامينات وحددت معاها معاد اخر للزياره 

بعد خروج طه ورنا دخلت نداء لدكتوره عائشه اللى كشفت على رنا واستقبلتها دكتوره عائشه 

ـ دكتوره نداء أهلا اتفضلى 

ـ ازيك يا دكتوره عائشه ممكن اسألك على اسمه حاله عندك 

ـ اتفضلى 

ـ اسمها رنا 

ـ اه دى اول مره تتابع معايا والحمد لله حالتها كويسه 

ـ طيب الحمد لله 

ـ دكتوره انا كنت عايزه اكشف نسا

ـ ؟؟؟؟؟؟

ـ انتى شاكه إنك حامل 

ـ لا طبعاً بس كنت عايزه اتاكد من حاجه 

كشفت عليها دكتوره عائشه واكتشفت إنها مازالت بـ.ـنت 

ـ طيب ازاى 

ـ دى قصه طويله وقصت لها كل شئ 

ـ هو فى ناس كده 

ـ عارفه مين بقى اللى كنت متجوزاه 

ـ مين 

ـ طه ورنا تبقى مـ.ـر.اته اللى طردنى من بيتى عشانها 

ـ لا حول الله يارب طيب اقدر أساعدك ازاى 

ـ هقولك بعدين ولو ساعدتينى هكون سعيده اوى 

ـ انا معاكى يا دكتوره وبإذن الله نردلك حقك 

مرت اربعه أشهر وحاول فتحى وسليمان التودد لنداء ولكن نداء كانت قافله على نفسها رافضة نهائيا أى نوع من التلميحات او الارتباط إلى  اتى اليوم اللى هيغير حياه الجميع

ياترى ايه اللى هيغير حياه الجميع

مر اربعه شهور واصبحت رنا فى الشهر الخامس

فى البيت كانت رنا بتستعد عشان تروح المستشفى وتعرف نوع الجنين وكان معاها طه 

ـ خلصتى يا رنا 

ـ اه انهارده الدكتورة هتقول ولد ولا بـ.ـنت انت نفسك في ايه 

ـ فى ولد 

ـ بإذن الله هيكون ولد 

دخلت عليها حمـ.ـا.تها 

ـ بإذن الله هيكون ولد انا قلبى حاسس 

ـ طيب يلا عشان منتأخرش واول ماعرف نوع الجنين هتصل افرحك انه ولد 

خرجت رنا ومعاها طه وراحوا المستشفى 

  *********&*******&********

داخل كافتريا المستسفى كانت نداء قاعده وقدامها قاعد فتحى 

ـ هنفضل كده كتير بقالى ٤ شهور عمال المح المح لحد ما المستشفى كلها عرفت معجب بيكى وانتى ولا هنا خالص ينفع كده  ده انتى حتى رفضتى تطلعى معايا فى برنامجى

ـ استاذ فتحى أولا انا مكان. المستشفى مش مدينه الانتاج الاعلامي ، ثانيا انا حالياغغير مستعدة لأى ارتباط انا مريت بتجربه كانت صعبه عليا خلتنى ماثقش فى حد 

ـ يعنى بترفضى طلبى بشياكه 

ـ صدقنى الموضوع مش متعلق بيك نهائى المشكلة عندى انا أنى فقدت الثقه في كل اللى حواليا ولو ارتبطت بيك هكون بظلمك 

ـ وماقولتيش كده من الاول ليه ولا منتى فرحانه بإهتمامى بيكى وعجبك إن يتقال ةن المذيع المشهور بيجرى ورا دكتوره وهى منفضاله 

ـ انا محسبتهاش كده خالص وبعدين انت مكلمتش معايا من الاول بشكل صريح وفوق ده كله انا عمرى ما تماديت معاك في الكلام او أصلا لمحتلك بأى حاجه وكل كلامنا رسمى 

اتمنى يا استاذ فتحى إن الاحترام يكون متبادل لآخر لحظه 

قام فتحى ومشى وسابها وهو من جواه بيغ*لى من الغـــضــــب منها 

كان سليمان متابعهم من بعيد وسمع الحديث اللى دار بينهم ، انهارده المعاد لعمل الاشعه للاطمئنان على اخوخ وكان منتظره فى الكافتيريا لحد ما ينتهى وبالصدفة سمع الكلام وفرح جدا من رفض نداء لفتحى لكن عذرها على قله ثقتها في الناس وقرر قبل مايفكر يرتبط بيها لازم يخليها تثق فيه الاول ولازم يكون اد الثقه خرج من الكافتيريا من غير مايخليها تلاحظ وجوده وراح عند غرفه الاشعه

ينتظر اخوه هناك 

    *******&********&*******

وصل طه المستشفى هو ورنا وجه دور رنا للكشف ودخل معاها للدكتوره ، وبدأت الدكتورة فى الكشف 

ـ ها يا دكتوره اخبـ.ـار الجنين ايه 

ـ كويس جدا واضح إن مامته واخده بالها منه كويس 

ـ طيب طمنينا ولد ولا بـ.ـنت 

ـ ولد 

ـ بجد يا دكتوره 

ـ اه بجد 

حس طه إنه امتلك الدنيا ومافيها وإن كل احلامه اتحققت وراح لرنا ساعدها فى عدل ملابسها باستعجال 

ـ شكرا اوى اوى يا دكتوره وشك حلو علينا فى ادويه او حاجه هى هتاخدها

ـ لا هتكمل على الحديد والكالسيوم والفيتامينات دى ضرورى جدا عشان صحتها

ـ اكيد طبعاً صحتها تهمنى عن ازنك يا دكتوره 

خرج طه ورنا وهما فى قمه سعادتهم فتح طه لرنا باب العربيه ودخلت وقعدت 

وبدأ طه فى السواقه وهو فرحان ومستعجل 

ـ براحه يا طه 

ـ عايز اروح عشان اقول لماما 

ـ طيب هدى السرعه واتصل بيها 

ـ فكره فين التليفون 

ـ شوفوا فى جيبك كده 

خرج طه التليفون من جيبه وقع تحت رجله نزل عشان يجيبه العربيه لفت منه ودخل فى عمود لحظه صمت وبعدها صريخ على الطريق والناس اتجمعوا حواليهم حاولوا يخرجوهم لكن كانوا فاقدين الوعى ، ورنا كان فى نز*يف شـ.ـديد جداً طلبوا الإسعاف ونقولهم مستشفى نداء لانها كانت الاقرب 

اخدوا بطايقهم وتواصلوا مع دكتوره عائشه لانها مازالت فى المستشفى وحاولوا اسعافهم 

فاق طه وكانت اصاباته سطحيه إنما رنا كانت حالتها حرجة 

قامت دكتوره عائشه بالاتصال بنداء وبلغتها الوضع واتت نداء مسرعه لغرفه الطوارئ 

ـ ايه الوضع يا دكتوره 

ـ جوزها فاق وعنده اصابات سطحيه انما هى وضعها حرج جدا محتاجه نقل دm وتدخل العمليات فورا 

طيب تمام جهزيها لغرفه العمليات وانا هقول للمرضه تجهز الورق اللى جوزها هيمضى عليه عشان ندخلها عمليات بسرعه وهجهز و هدخل معاكى غرفه العمليات . 

ـ معقول هتنقذيها معايا 

ـ حقى هجيبه شغلى والواجب مالوش علاقه بالعلاقات الشخصيه 

راحت نداء وحطت العقد وسط الورق واديته للمرضه عشان الممرضه تديه لطه عشان يمضى عليه 

ـ ولاء تعالى ده ورق نقل دm وموافقه جوزها عشان ندخل المريـ.ـضه العمليات فورا تورحى حالا تمضيه على الورق وتجيبه وتجيلى تانى تدينى الورق هتلاقينى بجهز للعمليات 

نفذى اللى قولته بالظبطت والورق تجيبي ليه انا فاهمه 

ـ حاضر يا دكتوره 

راحت الممرضه لطه 

ـ استاذ طه اتفضل ده ورق دخول مرات حضرتك للعمليات عشان ينقذوها ومحتاجة نقل د*م ممكن حضرتك تمضى عليه عشان نلحق ندخلها 

ـ انا عايز اشوفها اطمن عليها وابنى ابنى عامل ايه 

ـ هما دلوقتي بيسعفوها حضرتك امضى بسرعه عشان نلحقها 

مضى طه على الورق بدون مايقرا اى حاجه وادى الورق للمرضه اللى راحت بيه لدكتوره نداء 

بصت نداء فى الورق وحست بفرحه انها أخيرا رجعت حقها وبيتها تانى فاضل كده انها تودى الورق للمحامى وهو يخلص باقى الإجراءات 

شالت عقد البيع من الورق وادت الورق للمرضه توديه للحسابات ودخلت العمليات مع دكتوره عائشه 

ـ ها يا دكتور الوضع ايه 

ـ الرحم انفجر والجنين ما*ت جوه 

ـ كده لازم يتشال الرحم 

ـ مافيش حل تانى 

مسكت نداء المشرط وبدأت العمليه ومعاها دكتوره عائشه واصرت انها اللى تشيل الرحم بالرغم إن ده تخصص دكتوره عائشه 

ـ نداء كده ماينفعش هتضرى 

ـ محدش هيقدر يعملى حاجه 

ـ نداء والله انا بقول كده عشان الموضوع صعب وهيحاولوت يفرغوا طاقة غض*بهم فيكى 

ـ عارفه عشان كده انا اللى هعملها وعارفه كمان هيعملوا ايه وانا جاهزالهم 

دبدأت نداء فى العمليه ومعاها دكتوره عائشه حاولوا يحافظوا على الرحم لكن الوضع كان صعب جداً وللأسف تم ازالته 

خرجت نداء من العمليه قابلت طه وزينب فى وشها واتفاجئوا من وجودها فى غرفة العمليات ووقتها فهموا إن فى حاجة غلط 

زينب: انتى بتعملى ايه هنا 

ـ انتى شايفه ايه ، كنت بعمل عمليه لمرات ابنك وشلتلها الرحم وللاسف حفيدك الولد ما*ت

تحدث طه بعصبيه مفرطه محاول التهجم عليها 

ـ انتى مـ.ـجـ.ـنو.نه انتى بتقولى ايه ابنى ما*ت انتى قــ,تــلتيه عشان غيرتك عمتك وماصدقتى الفرصه جاتلك 

حاولت دكتوره عائشه أن تتحدث وتوضح وضع المريـ.ـضه لكن منعتها نداء وكانت واقفه مستغربه موقف نداء جدا ليه بتحاول تورط نفسها رغم انها شافت بنفسها محاولات نداء فى انقاذ الرحم 

تحدثت نداء ببرود للممرضات اللى بيحاولوا التدخل 

ـ اتصلوا بالامن يطلعوهم بره لحد ما المريـ.ـضه تفوق وغير مسموح دخولهم غير بأذنى انتوا فاهمين 

بصتلها زينب بزهول وحاولت تهرب من الامن وتوصلها لكن معرفتش 

ـ انا هوديكى فى داهية قـ.ـا.تلتى حفيدى يا مجرمه والله لا اوديكى فى داهيه انا هطلع على القسم ابلغ عنك 

شاورتلهم نظاء بصوابعها بعلامه باااى ببرود وراحت مكتبها ودخلت وراها دكتوه عائشه ونيفين ودكتور رفيق 

اتكلمت نيفين بعصبيه 

ـ ليه عملتى كده كنتى سبتى دكتوره عائشه اللى تتدخل ليه كده دلوقتي هيبلغوا عنك وهيعملوا شوشره 

ـ طظ فيهم 

رفيق : نداء اللى بتعمليه ده غلط انا هبعت اجبهم اعرفهم الوضع وننهى الخلاف انتى كده بتأذمى الوضع ومش هتستفيدى حاجه .

ـ بالعكس انا عارفة انا بعمل ايه كويس 

ـ يا نداء انتى بقيتى دكتوره مشهوره بعد عمليه فتحى ومن وقتها العين عليكى واعدائك كتير 

ـ طظ فيهم 

نيفين: أنا نفسى اعرف بتفكرى فى ايه 

ـ هتعرفوا كل حاجه فى وقتها انا همشى ساعتين بالظبط وهاجى تانى عشان لو البوليس جه يلاقينى موجوده 

خرجت نداء راحت للمحامى وبعدها راحت الشقه غيرت الكالون وجمعت كل هدومهم المستعمله فى اكياس قمامه ووضعتها فى مدخل العماره وجابت حداد يركب حديد على الباب خلال ٣ ساعات كانت انتهت من تركيب الباب الحديد ورجعت المستشفى مره تانيه 

وراحت غرفه الأطباء 

ـ وقفتها نيفين وهى ماسكه التليفون وكان فى بث مباشر من فتحى بيتكلم عنها 

" المفروض إن الطب مهنه ساميه لكن لما دكتوره تستخدm مهنتها عشان تنت*قم من زوجها السابق فتشيل رحم مـ.ـر.اته وتمو*ت ابنه يبقى احنا بقينا فى غابه ولازم الدكتورة تتزقف فورا وتتحاكم على اللى عملته "

وقفت نداء تضحك واستغربت نيفين من ضحكها 

ـ عاجبك كده

ـ أصل كان عندى حق البيه تقريباً مشغل جواسيس هنا يبعتولوا اخبـ.ـارى وتقريبا عشان رفضت الارتباط بيه انهارده حب ينت*تقم منى بطريقته بس طريقه رخيصه اوى 

عموما انا عايزه اعرف مين عدوى ومين حبيبى 

ـ يا نداء انا خايفه عليكى 

ـ عارفه بس مـ.ـا.تقلقيش انا عارفه انا بعمل ايه صدقينى لو عندى وقت كنت فهمتك كل حاجه سبينى بس احضر نفسى عشان لو البوليس جه دلوقتي يبقى كل حاجه تمام 

دخلت عائشه وادتها فلاشه 

ـ اتفضلى الفلاشه اهى ربنا معاكى الموضوع بيكبر يا نداء

ـ مـ.ـا.تقلقيش 

وصل البوليس عشان يقبض على نداء وكانت معاه زينب وطه اللى بيبصوا لنداء بك*ره وهى بتبادلهم النظرات بإبتسامه وشمـ.ـا.ته 

ـ هوديكى فى داهيه 

ـ مش هتقدر مش عيل زيك ولا عجوزه زيك تقدروا تقفوا قصادى 

ـ قدرنا وضحكنا عليكى 

ـ كله هيبان فى القسم 

وهى خارجه من المستشفى كان معاها دكتور رفيق وعائشه ونيفين وقابلت قدامها سليمان اللى مكنتش تتصور أبدا أنه ممكن يجيى بس مكنتش عارفه هيكون فى صفها ولا هيعمل زى فتحى 

ياترى هيبقى زى فتحى ؟؟ 

ولا هيصدقها ويساندها ؟

ـ ايه ده انت جيت ليه عشان تتأكد اذا كنت فعلا عملت كده انتق*ام ولا لا 

ـ لا طبعاً انا واثق فيكى 

ـ وجبت الثقه دى بقى منين 

ـ مش مهم دلوقتي أهم حاجة نطمن عليكى انا هجبلك محامى كبير يتابع قضيتك 

ـ مش مستاهله مـ.ـا.تتعبش نفسك 

سابته ومشيت للقسم وهو راح وراها 

دخلت عند غرفه الظابط وبدأ الظابط يسألها 

ـ دكتوره نداء طه بيقول انك استغليتى شغلك فى المستشفى عشان تنت*قمى منه و شيلتى رحم مـ.ـر.اته 

ـ محصلش 

ـ يعنى الرحم موجود 

ـ لا الرحم اتشال فعلاً ، بس محصلش انى استغليت شغلى وشيلت الرحم اولا انا دكتوره جراحه عامه مش دكتوره نسا وتوليد وغير كده دكتوره عائشه كانت فى العمليات هى استعانت بيا عشان نعمل محاوله اننا ننقذ الرحم لكن للاسف هى لما جت كان فى إنفجار فى الرحم 

ـ طيب ليه هو بيقول انتى عايزه تنتق*مى منه 

ـ انت*قم منه على ايه مافيش سبب يخلينى اعمل كده أصلا ممكن تسأله 

نادى الظابط على العسكرى وجاب طه وزينب 

ـ دلوقتي انت بتقول إن دكتوره نداء استغلت منصبها وشالت الرحم بتاع مراتك بهدف الانتق*ام صح 

ـ ايوه صح يا سياده الباشا 

اتكلمت نداء بسخريه وسالته

ـ وهو انت عملت حاجه توصلك لكده 

ـ عشان طلقتك انت غيرتى منها 

ـ ليه منا اللى طلبت الطـ.ـلا.ق منك 

ـ انتى بتكدبى ليه انا اللى طلقتك بعد جوازنا باسبوع عشان مابحبكيش وبحبها هى 

ـ طيب واتجوزتنى ليه 

ـ أمى ضغطت عليا 

اسكتوا انتوا انا اللى بسال 

ـ يعن ىيا دكتوره فى هدف للانتق*ام اهو انك طلقك 

ـ يا حضرة الظابط وانا هعرف منين انهم عملوا حادثه انهارده وجم المستشفى وهقعد استناهم هل ده منطقى ، وغير كده انا دلوقتي مخطوبه وخطيبى بره وحضرتك لو شوفته معلش يعنى هتعرف الفرق بين ده وبينه 

ـ منك لله انتى حربايه انتى بنفسك قايلالى انك شيلتلها الرحم 

ـ وانا هعمل كده ليه اذا كان الطـ.ـلا.ق فى مصلحتى 

ـ عشان اخدنا شقتك 

ـ بس انا محدش خد منى شقق انا شقتى معايا وعايشه فيها 

ـ انتى اتجننتى شكلك كده 

بصلهم الظابط بعد فهم وزينب بتبص لنداء بشك ثقتها وهدوئها ده اكيد وراه حاجه 

ـ بص يا حضرة الظابط احنا ممكن نصعد الموضوع للنيابه انا موافقه وعايزه كمان يتعمل محضر عدm تعرض انا مش ضامنه لو خرجت من هنا ممكن يعمل فيا ايه 

ـ بس لو عملنا محضر كلكم هتستنوا لبكره يا دكتوره عشان تتعرضوا على النيابه 

ـ انا موافقه بس دلوقتي انت شايف طريقتهم واسلوبهم عشان كده انا مصره على عمل محضر عدm تعرض لأن واضح إن فى محاوله استغلال غير واضحه وانا مش فاهماها 

اتكلمت زينب بسرعه 

ـ خلاص يا باشا إحنا متنازلين عن كل حاجه والصلح خير 

ـ بس انا مصره يا حضرة الظابط وعايزه اعمل محضر واتفضل ادى بطاقتى فيها عنوانى اهو 

خلاص طالما مصره هعمل المحضر وهتتحولوا بكره كلكم على النيابه 

وبالفعل الظابط عمل المحضر ووصله للنيابه عشان تحقق فيه 

خرجت نداء من غرفه الضابط لاقت سليمان واقف ومعاه محامى وكان دكتور رفيق وعائشه ونيفين فى انتظارها 

ـ خير يا نداء وصلتوا لايه

ـ هنتحول كلنا للنيابة قالتها وهى بتضحك

اتكلم

ـ طيب مانلم الموضوع يا نداء وخلاص احنا مسامحين 

ـ وانا مايرضنيش أبدا يا زينب إنكم تسيبوا حقكم 

ـ إنتى عايزه توصلى لايه 

ـ لما نروح النيابه هتعرفى 

ـ طيب مانتى هتتحبسى زيك زينا 

وقف سليمان قدامهم واتدخل فى الحديث 

ـ لا هى مش زيها زيكم خالص ومش هتدخل الحبس ، الحبس ده لاشكالكم 

ـ وانت مين بقى 

ـ وانتى مالك 

اتصل سليمان ببعض معارفه اللى سمحوا لنداء انها تبات فى غرفه داخل القسم 

نيفين بقلق 

ـ نداء الموضوع بقى كبير وبقى قضيه رأى عام

ـ واللى كبره يتحمل نتيجه اللى عمله 

ـ قصدك ايه

ـ قصدى انى دخلت فعلاً العمليات مع عائشه وفعلا كنت هشيل الرحم لكن عائشه قررت انها تسجل العمليه وهى اللى شالت الرحم بنفسها ومتصور وضع الرحم والحاله اللى كان فيها وخليهم بقى يجروا ورا الطب الشرعى اللى هيثبت إن إحنا انقذنا حياتها من مو*ت محقق 

ـ طيب ليه ماقولتيش كل ده جوه وخلصنا الموضوع 

ـ عشان الطا*ر القديم اللى بينا ، انا منستوش 

ـ طيب والشوشره دى 

ـ اصبرى وكل حاجه هتتقلب فى صالحى مش هقدر اتكلم عشان مايسماعوش حاجه ويرتبوا نفسهم سبيهم يتفاجئوا 

سليمان : طيب انتى لازم تتكلمى مع المحامى هيساعدك 

ـ انا فى محامى تانى بتعامل معاه 

ـ الوضع صعب دلوقتي واستاذ انيس محاكى عُقر انا عارفه من زمان جربى 

دخلت نداء غرفه المكتب مع استاذ انيس وبدأت تحكيله كل حاجه من البداية 

ـ يعنى دلوقتي انتى فضيتى الشقه من أى اثر ليهم 

ـ المفروض اه وجبت كمان حداد عمل باب حديد بس اكيد فى حاجات ناقصه 

ـ طيب عنوانك اللى فى البطاقه ده هو عنوان شقتك اللى انتى مضتيهم على بيعها زى ما عملوا 

ـ أه 

ـ طيب وعنوانهم هما 

ـ مش عارفه بس لو غيروا البطاقه اكيد هيحطوا عنوانهم الجديد 

ـ وممكن يكون لسه مغيرهاش طيب انا هحاول اعرف من اى عسكرى هنا اخليه يصولى العنوان اللى فى البطايق وقتها الموضوع هيكون فى صالحنا وموضوع العمليه انتى كده خلاص بالتسجيل ده يثبت إن مافيش عليكى أى حاجة 

ـ بس فى حاجة تانية 

ـ ايه 

ـ تعويض ، انا عايزه تعويض عن سمعتى اللى حاولوا يبوظوها هما والاعلامى فتحى 

ـ موضوع التعويضات ده هيطول بس فى حالتك انتى لا لأن كل حاجه كانت على مسمع ومرأى من الجميع ، عموماً انا هكلم المحامى اللى بتتعاملى معاه ونتفق مع بعض تحبى اكمل القضيه 

ـ مافيش مشكله وانا هوضحكله اللى تم عشان مايبقاش فى أى حساسيه بعد كده 

ـ تمام 

اطمنت نيفين وعائشه ودكتور رفيق على وضع نظاء وبعدها مشيوا وقرروا انهم هيحاولوا يجولها تانى يوم والمحامي اكدلهم إنه قضيتها كسبانه ١٠٠٪ وكويس اللى هى عملته ومشى وقرر إنه هيجلها على النيابه 

فضلت نداء قاعده لوحدها فى المكتب وبتفتكر فى كل اللى حصل معاها مين طلع دهب ومين طلع فالصوا  وقررت انها مش هتتراجع ولا هتسيب حقها عشان قبل ما حد يأذ*يها يفكر مليون مره 

قطع تفكيرها دخول سليمان عليها ومعاه كيس فى اكل 

ـ ايه ده جايبلى عيش وحلاوه هههههههههههه 

ـ لا كباب وكفته ومايه وحاجة تشربيها 

ـ كل ده ليه لواحدى 

ـ منا مش هاكل نفسى ولا هقعد اسقفلك وانتى بتاكلى 

ـ طيب ليه مروحتش زيهم 

ـ مش همشى غير لما اطمن انك روحتى شقتك واطمنت عليكى 

ـ يبقى هتقعد كام يوم بره البيت 

ـ يلا تبقى تلكيكه كويسه عشان اقضى معاكى اكتر وقت 

ـ انت ليه كده 

ـ إزاى ؟؟

ـ هو فى حد كده دانت اجدع من السقا يا اخى هههههههههههه 

ـ مش عارفه جايبه الروقان ده منين 

ـ مبسوطه وانا باخد حقى لأول مرة من اللى ظ*لمونى واتسببوا أنى اتغير انا مهما حكيتلك مش هتحس حر*قه قلبى وقتها كانت عامله إزاى المفروض اسعد ايام حياتى بقت كابوس ، عارف إحساس إن حد يطلعك أهبل يطلعك انك كنت اد ايه سازج وعبـ.ـيـ.ـط كل اما افتكر ازاى امنتلهم وصدقتهم احس انى كنت عبـ.ـيـ.ـطه عملت كده ازاى مافيش حد عاقل يعمل كده بمضى من غير ماقرا وادى فلوس بدون حساب مش عارفه اعبر لك بس كل اللى هقدر اقولهولك انهم صغرونى فى عين نفسى أوى خلونى احس اني قليله 

اقولك على سر انا كنت خلاص بدأت افتح بطنها بالمشرط عشان فعلاً اشيل الرحم واشمت فيها لكن على اخر لحظه سبت المشرط لعائشه بعد ماخلاص كنت حددت مكان الفتح وبدات 

عارف ليه وقفت ومكملتش مش عشان خفت من المسئوليه لا

عشان ساعتها فعلاً كنت هعمل كده بهدف الانتقام وكنت هكره نفسى أنى استغليت مهنتى عشان كده اتراجعت وكده كده هتشيله فاعيشهم فى الوهم عشان يعملوا اللى انا عايزاه واللى هما فعلاً عملوه 

ـ طيب مانتى ماضتيهم على بيع البيت وحقك رجع فين 

ـ وفلوسى اللى اشترا بيهم عربيه واتجوز بيهم ال ٣٠٠.٠٠٠ الف جنيه 

ـ ودول هتاخديهم إزاى 

ـ هتعرف بكره انا همـ.ـو.ت وانام بجد المهم هما فين دلوقتي 

ـ فى الحجز 

ـ لايق عليهم يستاهلوها 

ـ طيب كلى ونامى وانا هقعد بره 

ـ كل معايا الاول مش انت جايب لينا احنا الاتنين 

اكل سليمان مع نداء واتاكد انها لسه من جواها نضيف بس الخزلان اللى اتعرضتله كان كفيل يغيرها للاسوء لكن رغم كده هى اتغيرت للأفضل ولسه جواها طيب مـ.ـا.تغيرش وده اهم حاجه 

فى اليوم التالى الصبح بدرى اتحولوا كلهم على النيابه وبدأ التحقيقات وأدت نداء كل الادله اللى تثبت براءتها قصاد النيابه من الفلاشه اللى عليها العمليه لتقرير طبى بحالتهم وقت دخولهم المستشفى وفعلاً كل حاجه كانت سليمه وشهد معاها دكتوره عائشه والممرضات اللى حضروا العمليه واللى كانوا موجودين وقت الحادثه ، استمرت التحقيقات لمده تلات ايام وقتها تم حجز طه بتهمه التشهير وخرجت مامته بكفالة وقررت انها تروح لنداء المستشفى تتكلم معاها وتوصل لحل ولكن الاول تروح تغير هدومها 

ـ خرجت نداء من النيابه وقررت عمل قضيه ضد فتحى وطه بأنهم حاولوا تشويه صورتها امام الرأي العام واتهامها بالباطل دون وجود أدلة وطلعت بعدها بث مباشر بالاوراق والأدلة اللى تثبت برائتها وادانتهم وكان البث من شقتها القديمه 

ـ خرجت زينب من النيابه وراحت لشقتها لقت باب حديد والمفتاح اتغير 

سمعت نداء محاولات فتح زينب للباب خرجت لها وفتحت الباب الخشب وسابت الباب الحديد مقفول وكلمتها من وراه

ـ خير يا زينب مش عيب تدخلى شقه مش بتاعتك 

ـ انتى قلبك قوى بقى ، هو انتى ناسيه انك مضيتى بيع وشرا 

ـ ايه ده أخص عليا هو انا مقولتلكيش ، معلش نسيت اقولك 

اصلكم بغبائكم سبتوا مستشفيات البلد كلها وجيتوا المستشفى اللى بشتغل فيها عشان تتابعوا الحمل وسبحان الله يشاء القدر إن ابنك يعمل حادثة ويجيى برضوا المستشفى اللى انا بشتغل فيها وسبحان الله يمضى فى وسط ورق دخول المستشفى على ورق بيع الشقه زى ما أنا مامضيت بالظبطت فى وسط ورق القايمه سبحان الله 

ما أخذ بالقوة لا يسترد إلا بالقوه  وانا بقولك ما أخذ بالخديعه لا يسترد إلا بالخديعه 

قلب وش زينب وهرب من الد*م بقت واقفه مش عارفه تروح فين وتيجى فين وتل*عن داخلها ابنها ورنا هى كتير حذرتهم لكن هما السبب فى اللى وصلولوا اديهم دلوقتي خسروا كل حاجه الشقه والعربيه والفلزس اتصرف حتى الشقه الايجار سابتها وكانت قاعده مع ابنها فى شقه نداء

ـ طيب يا نداء انا ست كبيره أد امك اروح فين دلوقتي وفين هدومى 

ـ ماليش دعوه تروحى فين تيجى منين مش مشكلتى وهدومك تحت عارفه اكياس الزبـ.ـا.لة اللى فى مدخل العماره دى هدومكم ياريت تاخديها وتمشى عشان مدخل العماره ينضف ودخلت وقفلت الباب فى وشها 

وقفت زينب محتاره مش عارفه تعمل ايه ومش معاها أى دليل على بيع الشقه لأن اكيد نداء اخدت الورق اللى عايزاه قبل ما ترمى هدومهم واكيد شافت الورق واخدته وضيعت أى دليل يثبت ملكيتنا ،اه يا نداء ماطلعتيش سهله 

اتصلت زينب بصاحب العماره

ـ مساء الخير يا حاج محمد

ـ وعليكم السلام يا ست زينب خير 

ـ بقولك ايه يا حاج انا كنت عايزه ارجع شقتى تانى 

ـ شقتك انى دى 

ـ اللى كنت مأجراها منك 

ـ اه اسمها شقتى اللى اجرتها امال شقه الدكتورة نداء اللى اشترتيها منها زى ماقولتى فين 

ـ مارتحتش فيها فرجعتها تانى انت عارف يا حاج محدش بيرتاح مع مرات ابنه عشان كده قولت ارجع الشقه تانى زهما ياخدوا فلوسهم يجبولهم شقه اصغر وكل واحد يعيش لواحده 

ـ كان على عينى يا ست زينب بس انا أجرت الشقه خلاص 

ـ ازاى الكلام ده يا حاج

ـ يعنى ايه ازاى شقتى وانا حر فيها أكيد مش هركنها يعنى 

ـ طيب يا حاج ماعندكش شقه تانيه ايجار

ـ لا معنديش يا ست زينب ربنا يوفقك وتلاقى فى مكان تانى وقفل التليفون معاها 

نزلت زينب مش عارفه تروح فين ولا تيجى منين بصت فى الشنط لقت نداء لمت الهدوم بعشوائية ورمتها فى الشنط فضلت تظور لحد مالقت عبايه وطقم غيار ليها خدتهم وراحت المستشفى عند رنا لقت رنا قاعده ومعاها أمها وابوها دخلت رمت السلام وقاعدت جنبهم ومثلت الحـ.ـز.ن على رنا 

ـ حمد الله على السلامه يا حبيبتي انا من ساعه ما سمعت الخبر والدmعه مافرقتش عينى حفيدى حبيبي راح فى لحظه كده ، يلا نصيب وأهم حاجه إنك تقومينا بالسلامة 

بصولها الجميع ومحدش علق ، راحت سابتهم ودخلت المرحاض عشان تغير هدومها وتاخد شاور وخرجت لقتنم بصولها باستغراب

ـ وياترى بقى ابنك فين ست زينب 

ـ لسه فى القسم حق رنا هو مش هيسيبه 

ـ وياترا بقى هيعمل إيه والدكتورة اللى عملت العمليه وزملتها كل واحدة طلعت على النت وحكت اللى حصل في العمليه وظهروا الورق والتقرير الطبى وانا بنفسى اخدت الورق ووديته لاكتر من دكتور وأكد إن الرحم كان لازم يتشال 

سكتت زينب ومش عارفه ترد تقول ايه ولا تدافع عن ابنها إزاى بس من جواها عايزه اهلها يطلبوا الطـ.ـلا.ق ويتنازلوا عن حقوقهم لانها شايفه انها مبقتش تنفع ابنها لانها مابتخلفش 

فاقت من سرحانها على صوت ام رنا 

ـ إلا صحيح يا ست زينب انتى جايه تغيرى هنا 

ـ منا كنت مستعجله وعايزه اطمن عليها وجيت على ملا وشى يادوبك شـ.ـديت اللى جه قدامى عشان الحق اطمن عليها 

ـ طيب بقولك ايه الدكتورة كتبتلها خروج دلوقتي فهى وامها هيجوا يقعدوا فى الشقه معاكم كام يوم 

قعدت زينب مكانها فده اللى كانت خايفه منه وقررت انها تقولهم الحقيقة 

ـ بصراحه يا حج نداء استغلت الوضع اللى كانت فيه رنا وحـ.ـز.ن طه ومضته على ورق بيع الشقه من غير مياخد باله ورمت حاجتنا كلها فى الشارع 

ـ يعمى ايه 

ـ يعندى كل هدومنا فى مدخل العماره دلوقتي فى كياس وانا مستنيه طه يخرج وندور على شقه نقعد فيها ونفكر بعد كده هنعمل ايه 

بصولها كلهم بصدmه وخصوصاً رنا 

ـ يعنى ايه اللى بتقوليه ده يعنى كل حاجه راحت ابنى والعربيه والشقه والعفش وكل حاجه لا لا مستحيل 

ـ اهدى يا بـ.ـنتى أهدى 

ـ محدش يقولى اهدى انا خلاص عايزه اطلق مش عايزه اقعد معاهم ده انا مستحملاكى بالعافيه وبقول بكره تم*وت وتغور فى داهية وكل حاجه تبقى بتاعتى ودلوقتي انتى بتقولى كل حاجه راحت 

اتكلمت تمها بتهديها 

ـ اهدى يا رنا تكلقى تروحى فين وانتى خلاص كده وهما السبب فى  اللى انتى فيه 

بصى يا ام طه انتى وابنك السبب فى وضع بـ.ـنتى واحنا معندناش طـ.ـلا.ق مين هيتجوزها وهى شايله الرحم انا هاخد بـ.ـنتى تقعد عندنا يومين لحد مابنك يخرج من القسم ويجيى ياخدها ولو ده محصلش هنرفه عليكم قواضى ونبهدل الدنيا واعتقد أن اللى فيكم مكفيكم 

ـ طيب وانا هروح فين 

ـ مالناش دعوه اسالى ابنك احنا شقتنا صغيره وعندنا عيال غيرها صغيرين والشقه يادوب على ادنا احنا أصلا كنا ما صدقنا جوزناها  عشان المكان يفضى فمش هنستحملك معاها انتى كمان .

قامت رنا ومشيت مع امها وزينب خرجت راحت القسم لابنها 

    *******&*******&*******

عن سليمان كان بيكلم نداء يطمن عليها وحكتله نداء اللى حصل من زينب وشكلها 

ـ تصدقى نفسى اشوف شكلها كان عامل إزاى 

ـ وشها جاب مـ.ـيـ.ـت لون 

ـ نداء انا خايف عليكى اوى ابه رايك تسيبى الشقه وترجعى الشقه اللى كنتى مأجراها لحد مـ.ـا.تخلصى الموضوع ده 

ـ لا مش هيعملوا حاجه عشان هيخافوا من المحضر .

ـ طيب وانا هفضل فى قلق كتير كده 

ـ وانت تقلق ليه ؟

ـ يعنى مش عارفه 

ـ لا مش عارفه 

ـ صحيح يفيد بإيه البوح والبعيده لوح 

ـ نعم طيب اقفل بقى 

ـ لا مش هقفل انتى فاهمه وعارفه وأكيد حاسه بمشاعرى ناحيتك يا نداء 

ـ عارفه بس 

ـ انا فاهم انتى خايفه من ايه واللى مريتى بيه مكنش سهل بس دلوقتي انتى بقيتى حاجه تانيه وانا موافق امضيلك على كل الضمانات اللى إنتى عايزاها وعلى فكره مش هزعل منك لا خالص ، انا بعمل كده عشان مقدر موقفك واللى مريتى بيه وعشان عارف انى بحبك وهحافظ عليكى 

ـ طيب سيبنى أفكر 

ـ حاضر فكرى وصلى وانا واثق إن اكيد ربنا هيهديكى للصواب 

ـ منا فكرت قبل كده وصليت وبرضه خسرت كل حاجه 

ـ لا يا نداء انتى مخسرتيش وربنا كان ليه حكمه فى كده انك تفوقى لنفسك وتكسبى نفسك وانك تكسبى نفسك ده اهم مكسب انتى اللى حصلك ده كان خير عشان تفوقى وتقدرى قيمه نفسك 

ـ كان قلم قوى بس الحمد لله 

ـ انتى ناويه على ايه مع طه وفتحى 

ـ هرفع قضية تعويض عشان سمعتى اللى كانوا بيشوهوها 

ـ وطه هيقدر يدفع 

ـ يتصرف 

ـ عموما أنا معاكى فى كل اللى هتعمليه 

ـ شكرا يا سليمان 

ـ على ايه 

ـ حاجات كتير انك صدقتنى ووقفت جمبى رغم إن معرفتك بيه مش قويه اوى وانك جبتلى محامى وبتحاول تقوى ثقتى فى نفسى 

ـ عشان انا شايفك قويه وتستاهلى الحب وواثق إن عمرك ما هتعملى حاجه غلط عن قصد 

فاكره لما عملتى العمليه لاخويا وكنت بتخانق معاكى 

ـ اه 

ـ وقتها ماما وقعت انا قلت إنك هتسيبيها عشان تعا*قبينى لكن العكس رغم انك كنتى لسه خارجه من عمليه إلا انك ساعدتيها ووقفتى جمبها 

ـ ده شغلى 

ـ كان ممكن دكتور غيرك يعمله بس انتى اللى ساعدتيها وكلامى وزعيقى مأثرش فيكى 

ابتسمت نداء من كلام سليمان وقررت تدى نفسها فرصه وترمى الماضى ومش هتحط مقارنات بس برضو لازم تفضل حريصه فى تعاملتها الحرص واجب 

       *******&**********

خرج سليمان من الاوضه بتاعته عشان يتغدى مع مامته وسليم وكانت الابتسامه على وشه 

ـ خير ايه سر الابتسامه اللى على وشك دى  من الودن للودن 

ـ أصلى بصراحه كنت كنت بفكر اتجوز 

ـ يا سيدى يا سيدى وطبعاً اللى عايز تتجوزها اول حرف من إسمها نداء صح 

ضحك سليم وسليمان على كلام امهم اللى دايما قفشاهم 

ـ أه هى بس مستنى انها توافق 

ـ هتوافق .

ـ ده ايه الثقه دى 

ـ انا ماما يلا ، هى بس مستنيه تخلص كل مشاكلها عشان تعرف تفكر اديها وقتها بجمله التأخير اصبر عليها وهى هتوافق 

ثم بصت لسليم 

ـ وانت يا عين امك 

ـ انا ايه 

ـ مش ناوى تفرحنى بقى

ـ واسيبك لواحدك مـ.ـا.تجيش يا ست الكل 

ـ أنا عايزه اعيش لواحدى لما اشتكيلك ابقى اتكلم 

ـ حاضر يا ماما همشى ادور على عروسه وادلل على النت يمكن الاقى 

ـ لا سيبلى انا الموضوع ده انا هدورلك انا عارفه ذوقك 

بصلها سليم باندهاش من اصرارها المفاجئ انها تجوزه 

ـ يا ماما مش هفكر فى ارتباط انا قبل سنه لما اطمن إن الورم مش هيترد حـ.ـر.ام اظلم بنات الناس معايا افرضى بعد ما علقت واحده بيا الروم اترد تانى 

ـ وافرض كنت سليم وبعد ما اتجوزت وخلفت جالك ، الحياه مش بتتقاس كده يا سليم 

ـ ماما عندها حق يا سليم لازم تعيش حياتك وطول مانت متابع بإذن الله هيكون خير وانا كمان هتابع كل فتره معاك المفروض أصلا الناس السليمه كل فتره تعمل على نفسها شيك اب عشان تتأكد انها سليمه 

بصلهم سليم واقتنع بكلامهم هو كان بيلجم نفسه انه يحب او يقرب من حد بسبب خــــوفه من ان المرض يرجع لكن لازم اللى هيرتبط بيها تعرف وهى تقرر 

ـ خلاص يا ماما خير ووعد اول مالاقى بـ.ـنت الحلال هبلغك 

      *******&*********

فى المستشفى كانت نداء فى الكافتيريا مع نيفين بيتكلموا وبيضحكوا

ـ تصدقى يا نداء انا هخاف منك بعد كده 

ـ ليه بس 

ـ انتى مش عارفه عملتى ايه ده انا صدقت انك عملتى العمليه وانك فعلاً وديتى نفسك في داهيه وعائشه هى كمان ساكته ومـ.ـا.تكلمتش وسيبىنى اتخانق معاها واقولها مكنتيش تسمحيلها 

ـ بصراحه طلعت جدعه جداً هى ودكتور رفيق وانتى كنتى اكتر من أخت ليه 

ـ احنا بس

ـ قصدك ايه 

ـ يا نداء 

ابتسمت نداء على تلميح نيفين لكن الابتسامه اتشالت اول ما ظهر قدامها فتحى بوشه اللى عليه كل امارات الغض*ب 

ـ لو سمحت يا نظاء عايز اكلمك فى موضوع مهم 

ـ أسمى دكتوره نداء احنا مش صحاب زلا بينا أى حاجة ، ثانيا بقى المحاميين بتوعنا يتكلموا مع بعض 

ـ لا انا عايز اكلمك واحل الموضوع بشكل ودى زسيبك من موضوع التعويضات ده 

ـ أنا اسفه وهفضل ماشيه فى القضيه  وهاخد التعويض عشان أنت وامثالك تفكروا ألف مره قبل مـ.ـا.تفكرا تجيبوا فى سمعه حد وتشوهوها عشان مصالحكم الشخصيه 

ـ ياترى نداء فعلاً هتاخد التعويضات ؟؟

ـ هل فتحى وطه هيدفعوا ؟؟

استكمل فتحى كلامه 

ـ وانتى هتستفادى ايه من القضيه اللى انتى رفعاها دى 

ـ هستفاد تعويض كبير وانت هتقعدلك حبه فى البيت  من غير الشغل عشان تتأدب وتبطل تدخل الشغل في مشاكل شخصية وتنشر إشاعات من غير دليل تانى 

ـ طيب ايه رأيك بدل ما المحاكم تطول والمحاكم سكتها طويله نخلص الموضوع ودى واللى إنتى عايزاه هنفذه 

ـ ماضمنكش 

ـ هيكون فى وجود محامى ونمضى على عقد 

بصت نداء لنيفين اللى قاعده قدامها وهزت نادين راسها بنعم 

ـ وافرض انت مقبلتش شروطى

ـ هقبلها بس خلينا نخلص الموضوع ده 

ـ أولا تطلع لايف وتعتذر عن تشويه سمعتى ثانياً هتدفع تعويض ٢ مليون جنيه 

ـ انتى بتستهبلى صح 

ـ انا غلطانه انى بتكلم مع واحد زيك ، وجت تقوم تمشى 

ـ كتير اوى يا التعويض يا إما الاعتذار 

ـ لا الاتنين وهتمضى قدام المحامى وهتحيب الفلوس معاك

ـ يعنى ده فيلم انتى عاملاه من الاول بقى عشان تقلبينى فى قرشين 

ـ ليه هو انا اللى قولتلك خلى حد ينقلك اخبـ.ـارى ولا انا اللى دخلت نفسى فى اللى ماليش فيه وطلعت اشوه صوره غيرى شوف بقى انت عملت كام من ورايا ، وبعدين مانتولما تطلع لايف تانى تعتذر هتعملك قرشين حلوين برضوا 

حس فتحى انها حطاه بين فكى الأسد هو فى كلا الأحوال هيدفع لكن لو قعد من الشغل والقضيه كمان ممكن ده يأثر بعد كده على شغله فى القناه 

ـ خلاص موافق يا دكتوره بكره نروح للمحامى ونخلص الحوار ده 

ـ تمام هبعتلك العنوان على الواتس أب 

     *****&********&******

عند زينب ملاقتش مكان تروحه راحت لابنها الحجز وبالصدفة ابنها كان خارج من القسم 

ـ خير يا ماما روحتى لرنا اطمنتى عليها 

ـ اه يابنى شوفت اللى حصلى واللى نداء عملته واللى أهل مراتك عاملوه فيه انا اتبهدلت خلاص على اخر عمرى بتبهدل يا طه وفضلت تعيط 

ـ اهدى بس وقوليلى عملوا فيكى إيه 

ـ نداء مضتك على بيع الشقه فى وسط ورق العمليه وراحت الشقه خدتها وركبت باب حديد ولمت حاجتنا كلها فى شنط زباله ورمتها فى مدخل العماره 

ـ بـ.ـنت ال*** والله لاروح اقت*لها وارتاح منها 

ـ اوعى تعمل كده وتودى نفسك في داهيه متنساش انك ماضي محضر عدm تعرض ومش بس كده لا دى رافعه عليك قضيه تعويض كمان 

ـ مش دى افكارك 

ـ مكنتش اعرف إن كل ده هيحصل وانت لو مكنتش سمعت كلام مراتك وروحتلها المستشفى مكنش كل ده حصل 

ـ بسببك انتى انا ارتبط بيها ودلوقتي هى عايزه كل حاجه وانا خلاص مبقاش معايا حاجه وهنقعد فى الشارع أهو 

ـ الفلوس اللى اخدتها منها خلصت كلها 

ـ معايا ١٠٠.٠٠٠ الف اللى انبقت من ٣٠٠.٠٠٠ الف 

ـ طيب بص انا هروح ابيع حتتين الصيغه دول ونشوف شقه ايجار مفروش فى اى مكان نقعد فيها بدل قاعدتنا فى الشارع دى 

ـ طيب رنا قاعده فين دلوقتي وليه ماروحتيش معاها 

ـ ده أبوها وأمها بهدلونى يا بنى فضلوا يغسلوا فيه وقالولى اننا مش هنطلقها ولو فكرت تطلقها بعد ما شالت الرحم هيودوك فى داه*يه ومش بس كده قالولى هناخدها معانا يومين تكونوا جبتوا شقه ومارضيوش ياخدونى معاهم سايبنى ابات فى الشارع شفت اختيارك 

ـ معلش تلايقهم زعلانين عشان اللى حصل لبـ.ـنتهم يلا بينا ندور على شقه الاول عشان عايز استحمه مش قادر افضل كده وبعدين امل وبعدين اروح للى  اسمها نداء دى اوصل لحل معاها عشان القضايا اللى رفعاها عليا عايز اخلص عشان مـ.ـا.ترفدش من الشغل 

قضوا اليوم كله طه وامه يدوروا على شقه لحد ما لقوا شقه غرفتين وصاله صغيره جداً وغاليه جداً بالنسبة لوضعها لكن قبلوا غـ.ـصـ.ـب عنهم لانها المتاحه حالياً وبعدها نزل طه جاب اكل واكل واخد شاور ونام 

فى اليوم التالى راح طه شغله وقدm اعذار لغيابه وبعد الشغل راح لنداء المستشفى عشان يوصل معاها لحل ولقاها فى العمليات فضل قاعد أمام غرفه العمليات منتظرها ٣ ساعات وقتها كان سليمان جه عشان يقابلها ويتكلم معاها لأن موعد شغلها انتهى 

شاف طه سليمان راح يتكلم معاهة

ـ مش أنت خطيب نداء ولا ده فيلم 

ـ الافلام دى بتاعتك انت وبعدين أنت جاى هنا ليه يلا 

ـ جاى عشان نحل الموضوع بدل القضايا وبهدله المحاكم 

ـ ومين قالك أننا هنتبهدل فى محاكم احنا فى محاميين شاطرين عارفين شغلهم هما اللى هيعملوا الواجب 

ـ طيب بدل ماندفع فلوس للمحاميين دول ويشتغلوا من ورانا نمشيها ودى 

ـ لا 

حاول طه يتمالك غض*به ويحاول انه ياخد سليمان فى صفه 

ـ بص يا استاذ سليمان المفروض انكم تقدروا وضعى انا واحد ابنه م*ات ومـ.ـر.اته شالت الرحم يعنى مش هينفع تحمل وتخلف تانى فمعذور فاللى عملته 

خرجت نداء من غرفه العمليات وسمعت اخر جمله قالها 

ـ ولما مضتنى على بيع البيت ومثلت عليا اننا نجيب شقه وندفع مقدm ونكمل  تمنها قسط ونصبت عليا واخدت منى الفلوس كان غـ.ـصـ.ـب عنك كنت معذور برضوا 

ـ مانتى رجعتى حقك 

ـ لا لسه ال ٣٠٠.٠٠٠ 

ـ بس انا مش معايا المبلغ ده 

ـ ومين قال انى عايزه المبلغ ده بس ،  كده كده المحامين شغالين وحـ.ـر.ام نقطع عيشهم انت بقى اتصرف وقوم محامى يقف قصاد المحامى بتاعى 

ـ طيب بصى العربيه اتد*مرت ولو اتباعت مش هتجيب غير ملاليم وانا اتبقى معايا ١٠٠.٠٠٠ كنت جايب دهب لرنا ب ٥٠.٠٠٠ كل دول هجمع فلوسهم يعملوا ١٦٠.٠٠٠ خديهم 

ـ والباقي انا عايزه ٥٠٠.٠٠٠

ـ كتير اوى اوى وقتها الحبس ارحم 

ـ طيب لو اتنازلت عن حقى وطلبت ال ٣٠٠.٠٠٠ هتجيب الباقى إزاى 

ـ كتير برضو 

ـ خلاص يبقى الكلام مالوش لازمه 

ـ يا نداء ارجوكى يترجاكى ترحمينى انا تقريبا عايش فى الشارع عايز ارتاح وتعبت من الأقسام ولو مدفعتش واتحبسن وقتها مش هتاخدى حاجه خالص لأنى مش معايا وحابسى مش هيفيدك ، خدى دلوقتي ال ١٦٠.٠٠٠ والباقي بعدين 

ـ طيب بص يا طه هاخد ال ١٦٠.٠٠٠ والباقى هتمضى بيهم على نفسك وصلات أمانه وشيكات عند المحامى عشان مـ.ـا.تفكرش تهرب 

ـ انا كده هعيش عمرى كله مديون 

ـ ده اخر كلام ولو معملتش كده يبقى اتحبس بقى ووقتها حبسك هيريحنى 

ـ خلاص موافق 

ـ بكره تجيب الفلوس وتيجى عند المحامى 

ـ خليها بعد بكره اكون عرفت ابيع العربيه والدهب 

ـ بعد بكره ماشى لو اجلت يوم تانى نتقابل في المحكمه ومـ.ـا.تجليش هنا تانى مره تانيه انت فاهم 

ـ حاضر سابها ومشى وراح لرنا وقابلوا أهلها ويظهر على وشوشهم علامـ.ـا.ت الامتعاض 

ـ مساء الخير رنا موجوده 

ـ أه موجوده جبت شقه

ـ اه أجرت شقه وكل حاجه تمام وانا جاى اخدها ترجع بيتها 

دخلت امها نادت عليها عشان تقابله 

ـ ازيك يا رنا صحتك عامله ايه دلوقت 

ـ زى مانت ما شايف كنت همو*وت لكن ربنا أراد انى اعيش وابنى يمو*ت ومش بس كده مش هينفع اخلف تانى 

ـ مـ.ـا.تقلقيش يا رنا انا مش ناوى اسيبك وخلاص شيلت موضوع الخلفه ده من راسى وعايزك تيجى معايا 

ـ وانت جبت شقه وفرشتها امته 

ـ جبت شقه مفروشه لحد ما اظبط امورى وبإذن الله هجيب شقه يلا بينا نتكلم فى بيتنا 

غمزتها امها انها تروح معاه وهى سمعت كلام أمها 

ـ وصل طه ومعاه رنا وكانت زينب قاعده على كنبه قديمه متهالكه فى وسط الصاله دخلت رنا واتصـ.ـد.مت من شكل الشقه 

ـ ايه ده هو انا هعيش هنا 

ـ معلش يا رنا فتره مؤقته 

بصت رنا للشقه بإحتقار ورافضه الوضع 

ـ لا مش هقدر اتصرف مش هقدر اعيش هنا 

اتكلمت زينب بتريقه على أسلوب رنا

ـ ايه ياختى مش عجباكى الشقه وشقه امك وابوكى اللى حلوه اوى 

ـ بس انا عروسه وكنت عايشه فى شقه حلوه مره واحده اقعد فى شقه زى دى 

ـ ظروف يا رنا وبكره تتعدل وزى ما عشتى معايا الحلوه اصبرى معايا لحد مـ.ـا.تتعدل 

سكتت رنا مافيش بإديها حل تانى واهلها مش هينقبلوها لو راحتلهم تانى 

ـ بقولك صحيح هاتى الدهب اللى كنت جايبهولك 

ـ ليه 

ـ هبيعه 

ـ نعم مستحيل انت فاهم مستحيل 

ـ لا هتجيبى يا رنا عشان هبيعه لأن نداء رافعه قضيه عليا وانا عايز اخلص الموضوع عشان افضى لشغلى ولما ربنا يفرجها هجبلك غيره 

ـ انا مالى بكل ده مش هديك حاجه دهبى ده انت مالكش فيه حاجه أنت سامع 

ـ لا ليا انا اللى جايبه ودلوقتي محتاجه وهاخده

ـ وانا بقى ابقى كسبت ايه من ورا ده كله يعنى كم ل حاجه هتروح لا استحالة على جثتى 

ـ هاتيه بالذوق بدل ماخده بشكل يزعلك 

ـ لا يعنى لا 

هجم عليها طه وظل يض*ربها واخذ منها الدهب عنوه وجـ.ـر.حلها ايديها ووشها وبعدين نزل عشان يبيعه واخد العربية القديمه وداها لميكانيكى قرر يشتريها ويبعها كقطع غيار ودفعله ١٥ الف جنيه 

تانى يوم كان باع الدهب والعربيه وسحب الفلوس وجمع ١٧٠,٠٠٠ الف اتصل بنداء واكد معاها معاد مع المحامى وساب ١٠,٠٠٠ فى البيت 

     ******&*******&******

تانى يوم راحت نداء عشان تقابل فتحى عند المحامى لقت سليمان منتظرها بصتله بضحكه 

ـ انا بقيت اشوفك اكتر مابشوف نفسى فى المرايه

ـ وأنتى فاكره أنى هسيبك لواحدك لازم يعرفوا إن معاكى راجـ.ـل 

ـ انت بتعمل كده ليه

ـ خطيبك بقى ولازم اقف جمبك 

تنحت نداء من كلامه 

ـ خطيب مين انا موافقتش لسه

ـ وانا مش هسيبك غير لما توافقى ويلا بقى عشان منتأخرش 

راحوا الاتنين مكتب المحامى وكان فتحى فى انتظارهم ومعاه الفلوس ومعاه محامى خاص بيه

حاول فتحى إنه يفاوضها عن الاعتذار رفض سليمان ونداء وصمموا على موقفهم فضل فتحى يبصلهم بغل 

ـ طيب لما انتى مرتبطة ماقولتيش ليه من الأول كان عاجبك اللى بعمله عشان اقربلك كان على هواكى صح

ـ مالكش دعوه بيها تانى اديك شوفت حصلك ايه انت هتنزل من هنا وتنسى إنك فى يوم عرفتها أنت فاهم 

ـ وانت تطلع مين بقى 

ـ خطيبها وبنجهز لفرحنا 

انتهى المحاميين  من الورق وقطعوا خناقهم 

ـ الورق خلص والفلوس جاهزه اتفضلى يا دكتوره امضى انتى و استاذ فتحى عشان نخلص الموضوع وانا بكره هروح النيابه وانهى كل حاجه وهقولك تيجى امته تتنازلى عن القضية 

ـ تمام 

كلهم مضوا على الاوراق واخدت نداء الفلوس وخرجت من عند المحامى جت تحاسب المحامى رفض ياخد منها فلوس وبلغها إن سليمان دافع كل المصاريف بصتله وخرجوا سوا يتكموا فى مكان هادى 

ـ ياترا نداء هتعمل ايه بالفلوس دى كلها ؟؟

ـ وطه هل هيتقبل الامر ولا هيحاول يلعب على نداء تانى ؟

ـ زينب هتسكت وتسيب رنا ولا هتطفشها ؟

خرجت نداء مع سليمان وقاعدوا فى مكان هادى يتكلموا 

ـ بقيتى من أصحاب الملايين يا نداء 

ـ الفلوس دى مش ليه 

ـ آمال هتعملى بيهم إيه 

ـ الفلوس دى هتتقسم تلات اقسام  اول قسم على دار الايتام والقسم التانى على دار المسنين والتالت بقى هحطه فى المستشفى عشان الحالات اللى محتاجة عمليات طارئه ومش معاها فلوس المستشفى تتكفل بيهم 

ابتسم سليمان على طيبتها اللى معما حاولت تداريها بالبرود مش هتقدر تتخلى عنها 

ـ طيب حلو اوى وانا معاكى وهاخدك بالعربيه اوصلك على كل الاماكن دى 

طيب وفلوسك اللى هتاخديها من طه 

ـ دى حقى هجبلى بيها عربيه بقى 

ـ لا خليها معاكى والعربيه دى هديه خطوبتنا 

بصتله نظاء بضحكه 

ـ لا طبعا وبعدين انت بتتعامل ليه على إنك خطيبى انا لسه موافقتش على فكره 

ـ هتوافقى على فكره 

ـ أنت جايب الثقه دى منين 

ـ قلبى من قلبى وبعدين انا لما بحب حاجه بحافظ عليها ومستحيل اسبها او أتخلى عنها 

ضحكت نداء بخجل وافتكرت طه وافتكرت الفرق اللى بينه وبين طه سواء فى كلامهم وتمسكه بيها اهتمامه بيها وقتها عرفت الفرق بين الاهتمام اللى بجد وإنه يمثل الاهتمام 

ـ سليمان لو انا وافقت وارتبط بيك أنت عارف ظروف شغلى والمواعيد هتقبل بيها 

ـ أنا عارف إنك دكتوره شاطره ولو قولتلك سيبى شغلك يبقى بظلمك وبظلم ناس ممكن تنقذى حياتهم وعارف إن شغلك ده ممكن يخليكى تأثرى فى واجباتك المنزليه بس انا راضي واللى هتأثرى فيه انا هسد مكانك فيه وبعدين انا كمان مش ملاك انا اكيد هيكون عندى شغل وسفر وممكن ااثر فى البيت 

سكتت نظاء فكلامه منطقى وهى مش أول ولا اخر دكتوره تتجوز 

ـ طيب يلا بينا عشان منتأخرش 

ـ يلا بينا ، انتى هتيجى بكره تانى عشان تقابلى طه 

ـ اه 

ـ هاجى معاكى 

ـ مـ.ـا.تخفش عليا انت خاف عليه منى 

ـ افرضى ضايقك 

ـ مايقدرش هو عرف أنى معدش هسكتله 

ـ تمام ولو حصل حاجه رنيلى هكون عندك فورا ولا اقولك هعدى عليكى عند المحامى اخدك اوصلك ماشى ووقتها هسمع موافقتك على جوازنا .

ـ مابتستسلمش أبدا 

ـ أبدا أبدا

      *********&*********

فى اليوم التالى راح طه عند المحامى وكان لابس كعادته ومهتم بنفسه وحالق وفضل مستنى نداء توصل 

وصلت نداء مهتمش بيه ووجهت كلامها للمحامى اللى اكدلها إنه جهز كل الاوراق وبدأ طه يمضى على الورق واداها الفلوس اللى طلبتها انتهوا من الإجراءات وقامت نداء عشان تمشى وقفها طه 

ـ نداء استنى عايزك فى موضوع 

ـ اسمى دكتوره نداء ومـ.ـا.تتخطاش حدودك مره تانيه 

ـ طيب ينفع نتكلم مع بعض 

ـ لا

ـ يا نداء انا نـ.ـد.مت لما طلقتك وحسيت بالفرق بس كانت عينى معميه بحب ربنا لانى فضلت سنين معاها لكن لما عاشرتها حسيتها اد ايه تافهه ومش بتبص للمستقبل زيك ، ايه رأيك نرجع ووعد منى اعوضك عن كل اللى فات صدقينى انا اتغيرت وبقيت واحد جديد وانتى كمان اكيد اتغيرتى وبقيتى أحلى ولو عايزانى اطلق رنا قدامك واردلك اعتبـ.ـارك قدامها كمان انا موافق 

بصتله نداء بزهول وفضلت تضحك على كلامه لدرجه إن عنيها دmعت من الضحك 

ـ انت عب*يط صح ولا أهب*ل بص هو الأكيد إنك مش طبيعى ، هو انت ناسى انى مخطوبه لواحد ضفره برقبه ميه زيك ولو حتى مكنتش مرتبطه ممكن تفتكر للحظه واحده أنى ممكن اكرر الغلط مرتين وارتبط بواحد زيك عايز يعيش على قفايا ، بص الفرق اللى بينى وبينك واتكلم انا دكتوره كبيره مشهوره وانت ايه ها ، أنت ولا حاجه فاهم ولا حاجه ولو شوفتك قدامى مره تانيه يا طه هد*مرلك مستقبلك نهائى والفلوس تسلمها للمحامى مش ليه ولو فى مره اتأخرت صدقنى تانى يوم هتكون فى النيابه وسابته وجت تمشى لقت سليمان قدامها بيبصلها وهو بيضحك وفرحان بيها وبقوتها اول ما شافته نداء بصتله بفرحه وجريت عليه 

ـ انا قولت إنك مش جاى 

ـ وأنا اقدر يلا بينا واخدها سليمان وراحوا لمحل مجوهرات 

ـ إيه ده 

ـ هنختار شبكتك 

ـ لا طبعا متفقناش على كده.

ـ مش لازم نتفق انا قررت اجيبك هسيبلك انتى قرار تشترى اللى عاجبك شوفتى انا ديمقراطي إزاى 

ـ لا اقنعتنى ديمقراطي ديمقراطي يعنى 

ـ شوفتى بقى يلا ندخل بدل مايفتكرونا حـ.ـر.اميه 

ـ استنى طيب فى حاجات مـ.ـا.تكلمناش فيها ومامتك واهلك 

ـ كل حاجه هتكون حلوه طول مانتى معايا عيشى الحلو اللى فى الحياة واعملى اللى انتى عايزاه 

دخلوا المحل واختارت نداء خاتم ودبله واسوره واكتفت بيهم لكن سليمان قرر يجبلها عقد بالاسوره بالخاتم بالحلق بتاعه هديه 

سرحت نداء وغـ.ـصـ.ـب عنها عملت مقارنه بينه وبين طه اللى كان بينقلها ارخص دبله وأخف خاتم بحجه إنه عايز يوضب الشقه اللى تقريبا دفعت فيها ٣ اضعاف اللى دفعه وزينب اللى كانت منبهره برقه الخاتم والدبله عشان تقنعنى بيهم 😏

فاقت من شرودها على صوت سليمان 

ـ مش عاجبينك تخبى اغيرهملك بحاجة تانيه 

ـ لا بالعكس عحبونى اوى تعيش وتجيب 

انتهوا من شرا الدهب وهما مروحين اتصلت هناء على سليمان وعرفت إن نظاء معاه واصرت انها تكلمها واداها سليمان التليفون 

ـ ازيك يا دكتوره عامله ايه 

ـ انا بخير حضرتك عامله ايه 

ـ حضرتى تعبانه ومش بخير ومش هبقى كويسه غير لما اشوفك 

ـ طيب خاسه بإيه قوليلى 

ـ لا مش هبقى كويسه غير لما اشوفك واقولك بنفسى انا عامله غظا حلو أوى أوى انهارده هستنامى تيجى مع الواد اللى جمبك ده ونتغدى سوا

ـ طيب ينفع يوم تانى 

ـ عايزه تسبينى تعبانه كده ليوم تانى 

ـ ألف سلامة عليكى خلاص هاجى معاه مع السلامه 

      *******&******&*******

فى الجهه الاخرى وصل طه البيت لقى والدته قاعده فى الصاله ورنا بتجهز الغدا فى المطبخ 

ـ سلام عليكم 

ـ وعليكم السلام تعالى اقعد عايزاك فى موضوع مهم قبل رنا مـ.ـا.تخرج من المطبخ ، قولى الاول عملت ايه مع نداء 

ـ أبدا حاولت ارجعها واصالحها لكن للأسف فقستنى 

ـ طيب بص انهارده كنت فى السوق وقبلت الست صاحبه البيت وعرفت إن عندها بـ.ـنت ارمله ومعاها عيل صغير يبقى ابنها وفى وسط الكلام عرفت انها نفسها تجوزها وتطمن عليها والبت كده نايملها على قرشين من ابوها وجوزها 

ـ تانى يا ماما 

ـ بص يا طه انا مش بقولك تعمل معاها زى نداء لا دى انت هتتجوزها بجد وتعيش معاها وتخلف منها عيل مانت مش هتعيش عمرك من غير خلفه ومافيش أمل حتى إن رنا  تخلف لأنها شالت الرحم خلاص 

ـ فانت بقى تضـ.ـر.ب عصفورين بحجر واحد تتجوز بـ.ـنت الست دى وتعيش معاها وتخلف منها وكل فتره تيجى هنا تزور رنا وتقعد معاها منها مطلقتهاش ومش ملزم بقايمه ولا مؤخر ومنها متجوز وتخلف وتعيش حياتك فى مكان احسن وانا بعد فتره كده اجى اعيش معاك فى شقتك مع مراتك الجديدة 

ـ ورنا هتسكت

ـ ولو ماسكتتش مش هتقدر تعمل حاجه واهلها قالوها صراحه كده هما مش عايزينها لانهم ماصدقوا خلصوا منها 

ـ طيب سبينى أفكر وبعدين انا ماشوفتهاش 

ـ وافق انت بس وأنا هكلم أمها وتروح تشوفها ولو عجبتك توكل على الله واتجوز وهى هترضى بظروفك مـ.ـا.تقلقش 

ـ ماهى لازم ترضى انا خلاص فلست جوازتين فى سنه واحده خدوا كل اللى معايا انا مش حيلتى غير ال ١٠.٠٠٠ اللى خدتهم من فلوس نداء 

ـ حلوين نجبلها بيهم دبله وخاتم وتتجوز بيهم وتقعد فى شقتها 

ـ خلاص كلمى امها وشوفى هنروحلها أمته انا مبقتش مستحمل العيشه هنا

دخل طه غير هدومه وخرج عشان ياكل واتعامل مع رنا بشكل طبيعي من غير مايقولها أى حاجة وكان الحـ.ـز.ن واضح على وش رنا لكنه تجاهلها نهائى هو حاليا مشغول بصيد ضحية جديدة 

    ********&******&*****

راحت نداء مع سليمان عشان تقابل مامته وأول ما هناء شافتها اخدتها بلحـ.ـضـ.ـن وسلمت عليها وكانت بتعاملها بود وظاهر فى عنيها فعلاً انها فرحانه بيها لانها بتتعامل بتلقائية 

قعدت نداء وسألتها عن سبب تعبها 

ـ تعبى إنك وحشانى ونفسى أشوفك لازم يعنى ابقى تعبانه عشان تيجى تزورينى 

ـ لا طبعا الف سلامة عليكى 

ـ سليمان عامل معاكى ايه دmاغه ناشفه انا عارفاه 

ـ جداً جداً وبيحطنى دايما قصاد الأمر الواقع 

ـ هههههههههههه ابنى دى وراثه ابوه كان كده برضة  وهو طالع لابوه مابيدنيش فرصه أفكر 

، المهم بقى ناويين تفرحونى بيكم أمته 

حست نداء بحرج من كلام هناء فابتسمت وسكتت فكملت هناء كلامها

ـ مهو انتى لو فضلتى ساكته كده ومحروجه هتلاقى نفسك متجوزه بكره من غير مـ.ـا.تعملى حاجه اجمدى شويه واثبتى على رأيك 

ـ حاضر 

ـ على فكره إحنا جبتا الشبكه انهارده ، شوفتى جبتلها ايه

اخدت هناء الشبكه شافتها وبصتلهم برفعه حاجب 

ـ انا قولت ده اللى هيحصل 

ـ ايه اللى حصل ؟

تفتكروا هناء تقصد ايه ؟

وهل طه هيتجوز على رنا وهل رنا هتقبل ؟؟

بصتلهم هناء برفعه حاجب 

ـ ده اللى انا توقعته برضو هو اللى اختارلك الشبكة ذوق أبنى وانا عارفاه 

ضحكت نداء من رد فعل هناء فهى خافت انها تكون استكترت الشبكه عليها 

اتكلم سليمان بيبرر موقفه 

ـ منا لقتها واقفه ومكسوفه ومش عارفه تختار اختارتلها انا 

ـ مش قولتلك مش هيسيبك تفكرى مبدأه الهجوم خير وسيله للدفاع 

ـ هى متردده وبتفكر وانا عارف انا عايز ايه عشان كده ببدأ انا وباخد الخطوه 

ـ على فكره هى بتوافق بمزاجها عشان اللى انت بتعمله هى مقتنعه بيه مش ضعف منها بس هى ماشيه بمبدأ يتمنعن وهن الراغبات 

ضحكوا على كلام هناء فكملت هناء كلامها 

ـ على فكره انا لو مش متأكدة من مشاعركم لبعض مكنتش اصريت أنى اقابلك انهارده انا معرفش اوى تفاصيل التجربة اللى مريتى بيها بس واضح انها كانت قاسيه جدا عليكى بس طالبه منك انك تدى فرصة لسليمان لانه بيحبك فعلاً ولو مكنش حبك مكنش هيتصرف التصرفات اللى بيعملها دى ، على فكره انا ياما جبتله عرايس ورشحتله ناس هو واخوه وهما دايما بيرفضه ليهم مواصفات خاصة بس يوم ماقبلتك فى المستشفى مش عارفه ليه حسيت إنك هتكونى لحد من ولادى ، انا مش عايزاكى تخافى ولا تفكرى كتير اعملى الصح وسبيها على ربنا ووكليه امرك وهو هيرزقك بالخير 

ابتسمت نداء لهناء بتفهم لكلامها وقضوا اليوم سوا وجه سليم اللى اتفاجئ بوجود نداء وفرح جداً من ارتباطها باخوه

     ******&*******&*******

مر يومين وكانت زينب بلغت فيهم نعمه صاحبه البيت إن ابنها عايز يشوف بـ.ـنتها عشان يتجوزها وفهمتهت انه مش مرتاح مع مـ.ـر.اته وعايز يطـ.ـلقها وضميره بيأنبه عشان هى شايله الرحم ومش بتخلف وهو نفسه فى عيل من صلبه ،صدقتها نعمه وكلمت بـ.ـنتها راضيه ووافقت راضيه إنها تقابله 

لبست راضيه عبايه جديده وطرحه ومحطتش  ميكب  وجهزت نفسها عشان تقابله 

وفى الجهه التانيه لبس طه وحط برفان كتير وهنـ.ـد.م نفسه عشان يعجبها ( الذواق للبنات انت فاهم غلط ) 

وبالفعل خرج طه فى معاده الصبح وبلغ رنا أنه هيتاخر فى الشغل واتفق مع امه انها تقابله قدام بيت نعمه الساعه ٦ وفعلاً اتحججت زينب انها رايحه تقابل جيرانها القدام وراحت عند بيت نعمه وقابلت ابنها اللى اشترى طبق حلويات شرقيه وطلعوا لشقه نعمه ، فتحت نعمه الباب واستقبلت زينب وطه وقاعدتهم فى الصالون ونادت راضية اللى أول ما شافت طه اتخدعت فى شكله 

قدmت نعمه المشاريب وقعدوا كلهم يتكلموا ويتعرفوا على بعض وبعدها دخلت زينب ونعمه غرفه تانيه عشان يسيبوا مجال لراضيه وطه يتعرفوا على بعض 

خرجت زينب مع نعمه وقاعدوا فى البلكونه وقام طه وقرب من راضيه وطلع من جيبه شوكولاته واداها ليها

ـ ايه ده 

ـ دى عشان خاطر إبنك 

ـ طيب كويس إنك فتحت موضوع إبنى انا ابنى هيعيش معايا وهيتربى فى حـ.ـضـ.ـنى لازم نحط النقط على الحروف من أولها 

ـ طيب انت قولى كل طلباتك 

ـ بص انا امى حكتلى ظروفك وإن انت معندكش شقه وكده وانا ماعنديش مشكله مع ده الحمد لله ربنا كارمنى بشقه ملك غير شقه امى غير شقه المرحوم بس شقه المرحوم دى بتاعت ابنى يعنى ايجارها بيتشال فى حساب ابنى بمعنى اصح تنساها خالص إحنا هنقعد فى شقتى اللى فى بيت أمى اللى انت قاعد فى مع مراتك دلوقتي والشقه دى انا هأجرها 

تانى حاجة مـ.ـا.تجيش فى يوم تقارن نفسك او تحط نفسك فى خانه مع ابنى ده واد يتيم مش هبقى انا والزمن عليه مش معنى أنى قبلت اتجوز يبقى هرمى ابنى انا بتجوز عشان كلام الناس انا لسه معشرتكش 

ـ امى وقت مـ.ـا.تيجى ترحب بيها وتشلها على راسك وامك لو جت زياره برضو هرحب بيهت 

ثالثاً مراتك انا ماليش دعوه بيها وهى كمان مايبقاش ليها دعوه بيا وانت مـ.ـا.تجيش فى يوم من الايام عليا عشانها ومش هقولك تعالى عليها عشانى 

واخر حاجه تدينى مصروف بيت وانا عليا همشى على اللى هتدهونى هتدينى ميه همشى البيت بميه هتدينى ١٠.٠٠٠ همشى البيت بيهم برضو وابنى انت مش ملزم بيه انا ملزمه بيه 

بصلها طه ومش عارف هو ليه اتشـ.ـد ليها رغم إنها مختلف تماما عنه شكلا وموضوعا إلا انه حاسس بمشاعر تجاهها 

قام طه وقعد جمبها وهى بعدت عنه 

ـ أولا إبنك يبقى أبنى وعمرى ماهقولك يا انا يا هو انا ابنى مـ.ـا.ت فى بطن أمه بعد ماكنت كل يوم بحلم بيه وانا ماسكه وبلاعبه بإيدى ومش بس كده مابقاش فى أمل أنها تخلف أصلا 

ثالثاً بقى امك ده بيتها ولو انا رفضت وجودها هبقى مش طبيعى لأنى ماينفعش اخرج واحده من بيتها 

واخر حاجه مـ.ـا.تقلقيش انا مش هاجى عليكى فى يوم من الايام أبدا 

ـ انت عندك طلبات 

ـ لا انا مش عايز غير أنى استقر مع زوجه وعيله 

ـ خلاص هفكر وهبعتلك ردى مع امى 

ـ وانا مستنى الرد 

خرج من عندها وهو باله بقى مشغول بيها مبقاش شايف غيرها عابيتها ولفه طرحتها وجـ.ـسمها كل حاجه فيها عجبته 

مر يومين وكانت راضية بتفكر تقبل ولا ترفض دخلت أمها عليها 

ـ ها يابـ.ـنت بطنى اقول للناس ايه 

ـ لا ارفضى 

ـ يابت الواد شكله حلو وهيدلعك كدا

ـ يا اما الواد شكله مخوخ كده ده كان جاى متذوق كأنه هو العروسه دانا كنت حاسه اني انا اللى راحل جمبه 

ـ تصدقى بقى ده اللى عاجبنى فيه هتعرفى تمشيه على كيفك 

ـ ياترا بقى مـ.ـر.اته شكلها ايه حلوه ولا وحشه 

ـ هتفرق معاكى فى ايه شكلها حلو ولا وحش

ـ مجرد سؤال افرضى واخدنى عشان الخلفه وبعد ما اخلفله عيل ياخده ويطـ.ـلقنى ويديها ابنى 

ـ اجلى موضوع الخلفه ، وبعدين يا راضيه انتى حلوه وجميله عشان كده محدش بيسيبك فى حالك 

ـ يعنى إنتى رايك ايه 

ـ وافقى يا بت ولو حد منهم زعلك شوفى وقتها هعمل فيهم ايه اول حاجه هطردهم من البيت واقعدهم فى الشارع 

ـ خلاص يا اما هوافق انا معنديش حاجة اخسرها .

وافقت راضيه وبلغت زينب وزينب بلغت ابنها اللى فرح أوى من موافقه راضيه 

تانى يوم راح طه لراضيه وقروا الفاتحه وحددوا انهم تانى يوم هينزلوا  يشتروا الدهب وبالفعل نزلوا مع بعض طه وراضيه وزينب ونعمه وصلوا لمحل مجوهرات وقدر طه إنه يكمل خمس الاف جنيه فوق العشره اللى كان شايلهم وصلوا محل المجوهرات وابتدت زينب تدخل زى ما عملت مع نداء ورنا وبدأت تنقى الحاجه الخفيفة لكن راضيه رجعت وقعدت على كرسى بعيد وقررت انها مـ.ـا.تشتريش حاجه عشان تشوف تصرف طه وراحت نعمه جمب بـ.ـنتها تشوف فيه ايه 

ـ مالك يا راضيه مش هتختارى دهبك

ـ انتى مش شايفه أمه عامله إزاى حاشره نفسها وعماله تنقى سبيها بقى تختار اللى عاجبها وفى الاخر انا هجيب اللى يعجبنى قعدت امها جمبها وابنها كان قاعد فى حـ.ـضـ.ـن سته 

اخد باله طه من راضيه وانها بعدت عنه راح قعد قدامها 

ـ مالك يا راضيه مش بتنقى حاجتك ليه 

ـ أنت متأكد أنها حاجتى 

ـ اكيد 

ـ اصل بصراحه كده امك مش مديالى فرصه اتكلم ولا انقى حاجه وانا مش بحب كده فسبتها بقى تختار هى يمكن تعجبها حاجه وتشتريها لنفسها إنما أنا هختار براحتى فى الاخر ومش بحب حد يدخل فى اللى بجيبه انت يابن الناس قولتى امكانياتك صح 

ـ صح 

ـ انا بقى اجيب اللى يعجبنى فى حدود امكانياتك دى انما كده لا مايلزمنيش 

ـ طيب تعالى 

بصت راضيه لامها 

ـ خليكى انتى هنا يا امه بالواد 

راحت راضيه مع طه اللى راح للصايغ 

ـ بقولك ايه شوف الانسه ايه اللى فى دmغاها وهاته 

قربت منهم زينب 

ـ هو فى ايه يا طه مش عجبك زوقى ولا ايه 

ـ معلش يا طنط انا حاجتى بحب احبها بمزاجى وبهدوء حتى بصى امى كده قاعده فين بعيد اهى وسيبانى براحتى ولو مجبتش اللى عاجبنى مش هجيب حاجه خالص 

ـ عجبك كده يا طه 

ـ امى روحى اقعدى مع خالتى نعمه وانا هوريكى فى الاخر جبنا ايه 

انسحبت زينب وهى بتبص لراضيه بغ*ل بس اضطرت تسكت عشان مصلحتها من الجوازه

اختارت راضيه اللى عاجبها بدون تدخل من طه او اى حد وراحوا وروا اللى اشتروه لزينب ونعمه 

زغرطت نعمه من قلبها اما زينب مثلت الفرحه 

اخدت راضيه الدهب معاها بناءا على طلب طه اللى خاف إن رنا تشوف الدهب تااخده

      ******&******&******

مر شهر على كل الاحداث اللى واذداد تقرب سليمان من نداء وذادت ثقه نداء فى سليمان اللى اصر على مرافقتها اثناء تبرعها فى دار الايتام ودار المسنين وكان بيتبرع هو كمان معاها من ماله الخاص 

اما عند راضيه كانت بتشحت هدومها القديمه على جيرانها وبتفرش شقتها اللى فى نفس البيت من رنا فى البداية رنا ماخدتش بالها لكن بدأت الشكوك تدخل جواها بسبب اهتمام زينب الكبير براضيه وامها وقررت انها تواجهها 

اثناء فرش راضيه شقتها طلعت لها رنا ووقفت قصادها 

بصتلها راضيه وتجاهلتها فمسكتها رنا من دراعها 

ـ انتى مين 

ـ ضرتك 

ـ نعم 

ـ ضرتك ايه مابتسمعيش 

ـ ياترى راضيه ناويالهم على ايه وهل هتكمل الجواز ولا هتنسحب ؟؟

وهل هيفضل الوضع بين سليمان ونداء هادئ ولا هتحصل مشاكل بينهم ؟؟

بصتلها راضيه بقرف من مسكتها ليها وزقت ايديها بعيد عنها 

ـ اه انا ضرتك الجديدة واتقبلى الأمر بعيد عنى عشان مش كل شويه تنطيلى هنا ، بصى يا اختى انا لا بعمل حاجه عيب ولا حـ.ـر.ام انا بتجوز على سنه الله ورسوله 

ـ اكيد لعبتى فى عقله بحاجه مهو انتى مش اول واحده تعمل كده وانا بحذرك عشان مـ.ـا.ترجعيش تقولى ماحذرتنيش ليه طه كان متجوز واحده قبلى واخد كل اللى حيلتها وطلقها ورماها فى الشارع بعد ما اخد منها كل حاجه 

ـ ايه ده بجد ولما هو اخد منها الشقه وكل حاجه جيتوا تقعدوا عندى فى إيجار ليه 

بصى يا اسمك ايه ، انتى قولتى اللى عندك خلاص اتفضلى طرقينا يلا ومـ.ـا.تجليش هنا تانى حاكم انا خلقى ضيق حبتين 

ـ انتى ايه مابتفهميش ومابتحسيش ده جوزى اللى انتى عايزة بتخـ.ـطـ.ـفيه منى 

ـ هو عيل صغير اخـ.ـطـ.ـفه منك ولو انتى واثقه أوى من نفسك كده جايالى ليه روحى يا اختى امنعيه إنه يتجوزنى 

ـ مش هقدر امنعه عشان انا واثقه ان ليه هدف من جوازه منك ولو كنت اقدر امنعه كنت مانعته من الجوازه الأولى 

كلام رنا بدأ يعلم فى دmاغ راضيه لكنها قررت تستنى وتتأكد منه ومـ.ـا.تبينش حاجه لرنا لأن ممكن رنا تكون بتوقع بينها هى وطه 

ـ طيب قولتى اللى عندك خلاص اتفضلى بقى مع السلامه 

خرجت رنا بعصبيه ونزلت شقتها ولقت زينب قاعده بتشرب شاى قربت منها وزقت الكوبايه من ايديها 

ـ انتى ايه مش بتتهدى ليه اوعى تكونى فاكره راضيه هتغرف وتديكى ابقى قابلينى

  كلمتها زينب بشمـ.ـا.ته 

ـ حتى لو مش هتغرف وتدينى كفايه عندى انها شياله ومش أى شيله لا بتشيل صبيان وبإذن الله بعد ٩ شهور تجبلى واد اشيله على رجلى و وقتها هتبقى هى الكل فى الكل وانتى هتعيشى هنا بخدmتك 

ـ انتى منك لله منك لله ربنا مش هيسيبك وهيخلصه منك 

ـ ليه يعنى وانا بعمل ايه يعنى انا بجوز ابنى الحيله  عشان افرح ايهـ يعنى انتى مش شايفه انك بتعملى حاجه غلط 

ـ لا 

سبتها رنا ودخلت غرفتها استنت لما طه يجيى عشان تكلمه يمكن نقدر تسيطر عليه 

عند طه كان كل شويه بيكلم راضيه يطمن عليهت وكان متحمس أوى من جوازه منها وكل يوم يجيب حلويات لابنها وبيقربه منه 

لكن من اخر مكالمه وكل اما يكلمها مـ.ـا.تردش عليه او تكنسل عليه 

خمن أنها تكون مشغوله لكن اليوم كله كانت متجاهلاه وبدأ القلق يتسربلهم 

خلص شغله وراح ليها شقه مامتها وطلب من مامتها انه يشوفها 

خرجت راضيه تقابله وهو متضايقه قرب منها طه وحاول يمسك ايديها لكن شـ.ـدتها منه 

ـ فى ايه راضيه انا عملت حاجه تزعلك 

ـ انت كنت متجوز قبل رنا 

سكت شويه وفهم إن رنا اكيد حكتلها على كل حاجه 

ـ أه يا راضيه 

ـ وفعلاً خدت فلوسـ.ـخا صرفتها 

ـ طيب اقعدى وانا هفهمك 

وحكى لها طه كل اللى عمله هو ومامته ورنا واتصـ.ـد.مت راضيه منهم 

ـ طيب والبت دى زنبها ايه وانت بتكـ.ـسر قلبها كده ، طيب مافكرتش فى لحظه كده هتروح فين لما طردتوها فى الشارع 

ـ اكيد هتروح المستشفى هى كده كده بتبات هناك 

ـ وكـ.ـسره خاطرها وكـ.ـسره قلبها مالهاش تمن عندك 

ـ انا نـ.ـد.مت والله نـ.ـد.مت بس خلاص مش هقدر اعمل حاجه 

ـ نـ.ـد.مت امته وبعد ايه 

ـ من ساعه ماعرفتك والله من ساعه ماعرفتك وانا نـ.ـد.مت على كل اللى عملته زمان 

ـ انا مش مصدقاك افرض بتكدب عليا انا كمان 

ـ لا والله مش بكدب عليكى واللى انتى هتقوليه هنفذه 

ـ انا أسفه مش هقدر اكمل معاك انت لا تؤتمن انت عارف انا حطيت ابنى مكانها افرض انا مت ولا جرالى حاجه هتاكل حقه زى ما عملت مع اليتيمة دى 

ـ مـ.ـا.تقوليش كده ابنك فى عينى وهيبقى ابنى واننى هتعيشيله بإذن الله انما مـ.ـا.تقوليش مش هتكملى معايا يا راضيه انتى طاقه النور الل. اتفتحتلى انا كل اللى حواليا كانوا بيشجعونى على الغلط مالقتش اللى يقولى لا ده حلال ولا ده حـ.ـر.ام كانوا بيشجعونى حتى رنا لما عرضت عليها الفكره رحبت وساعدتنى عارفه لو كانت قابتلى لا كنت تراجعت ومكملتش 

ـ وانا اضمن منين انا اسفه مش هقدر اكمل معاك 

ـ طيب انا موافق على أى شرط تقوليه بس بترجاكى يا راضيه مـ.ـا.تسبينيش 

 ـ انا اسفه 

سابته ودخلت جابتله الشبكه عشان تديهالوا 

ـ ايه ده 

ـ شبكتك 

ـ لا انا مش موافق مش هاخدها وفكرى براحتك وأى حاجه انتى هتقوليها انا هنفذها بس بترجاكى يا راضيه مـ.ـا.تسبينيش 

سكتت راضيه ومردتش عليه خرج من عندها وراح لشقته مع رنا ودخل بعصبيه واتخضوا كلهم من دخلته 

ـ رنا يا رنا

ـ نعم 

ـ ايه اللى وداكى عند راضيه 

ـ وانت ليك عين تتكلم معايا جواز ايه اللى رايح تتجوزه 

ـ وانتى مالك 

ـ انا مراتك مراتك يعنى ماالى ونص وبعدين راضيه مش زى نداء هتعرف تضحك عليها لو فاكر انك متجوزها عشان فلوسها فتبقى عبـ.ـيـ.ـط 

ـ ومين قالك انى متجوزها عشان فلوسها مانكرش انى الاول كنت بفكر فى كده لكن دلوقتي انا مايهمنيش فلوسها ومش عايز منها حاجه 

ـ قصدك ايه 

ـ قصدى أنى أخيرا لقيت اللى نضيفه بجد من جوه واللى حسيت أنها فعلا هتقدر تغيرنى للأحسن واحده مش طماعه زيك ولا هحسن جمبها بالنقص زى نداء واحده عاديه ومقدره ظروفى 

ـ يعنى ايه وانا

ـ انا مقولتش أنى هسيبك او هطلقك بس انا حبيتها ومش هسيبهت وبحذرك يا رنا لو جيتى جمبها تانى مـ.ـا.تزعليش من تصرفى 

اتصـ.ـد.مت رنا من كلامه هو فعلاً بطل يحبها وحب راضيه وبصت لحمـ.ـا.تها اللى واقفه بتابع فر صمت وكلام أبنها قلقها بس رجعت طمنت نفسها إنه كده كده هو اللى هيقعد فى شقتها وهو أصلا ماحلتوش حاجه وزى ما قلب على رنا هيقلب على راضيه .

قربت منها رنا 

ـ عاجبك كده منك لله منك لله يا شيخه ، كانت بتتكلم بحرقه وو.جـ.ـع وحست بالنـ.ـد.م من اللى عملته مع نداء لو مكنتش عملت كده كان زمانه لسه بيدور على شقه وبيتجوزها ومكنش الوضع اتقلب بالشكل ده 

دخلت قوضتها وفضلت تعيك ولبس طه عشان ينزل يروح لنداء 

     ********&********&*****

عند نداء كانت عايشه اجمل ايام حياتها كان بيعدى سليمان عليها كل يوم عشان يتشروا تجهيزات شقتهم كانت قريبه من بيت مامته  نزلت نظاء وسليمان واختاروا العفش كله ورفض سليمان انها تدفع اى فلوس واصر انه كل العفش يكون على حسابه وساب نداء هى اللى تختار كل حاجه على ذوقها  فى الشقه 

حست نداء بفرحه انها تبقى عروسه ويعنى ايه راجـ.ـل تعتمد عليه وتبقى فى حمايته راجـ.ـل برجولته معاها يخليها تستغنى عن شغلها وعن العالم 

ـ ها يستى نختار المطبخ ده ولا ده 

ـ لا انا عايزاه عموله 

ـ هياخد وقت وانا مستعجل 

ـ بس هيبقى اشيك وهيتناسب مع المساحه وممكن تتفق مع الراحل يسرع شويه ومافتكرش انه هياخد شهر اكيد أقل 

ـ طيب إذا كان كده انا موافق شوفى سايبك تقررى كل حاجه اهو ومـ.ـا.تدخلش 

ـ انت هتقولى بأماره ماسبتنى احدد المعاد واختار التوضيب ، سليم انت بتهزر انت ماسبتنيش اعمل حاجه غير انى اختار العفش 

ـ مهو انتى اللى متردده ولو سبتك مش هنتجوز 

ـ تمام هنحجز القاعه امته 

ـ هعدى عليكى بكره وسليم هيكون معايا هو وماما عشان فى واحده صاحبه منظم حفلات هو هيساعدنا 

ـ تمام هستناكوا تعدوا عليا 

انتهت نداء من ترتيبها اليومى وراحت لبيوتى سنتر عشان تهتم ببشرتها قبل الزواج واوقات كتير بتنزل برفقه عائشه او نيفين عشان تشترى ملابس عرايس وملابس خروج ليها وميكب وطرح 

راح طه المستشفى وسأل على نداء ومعرفش يوصلها لكن قدر يعرف مواعيد عملها وقرر يجيلها تانى يوم 

مر يومين حاول طه بكل الطرق إنه يصالح راضيه ويراضيها لكن هى كانت مصممه على رأيها ورافضه الرجوع لانها فقدت الثقه فيه 

فضل كه زى التايه ومش عارف يعمل ايه جتله فكره وقرر إنه هينفذها رغم انها هتخسره كتير ولكن اى شئ يهون مقابل رجوع راضيه ليه 

ـ ياترى طه بيدور على نداء ليه ؟

ـ وهل هيرجع راضيه ؟

ـ وهل رنا هتتقبل الأمر الواقع ؟

أتصل طه على عمه وحدد معاه معاد وقاله إنه هيسافرله 

وبالفعل مر يومين و اخد طه اجازه من الشغل وسافر لعمه واستقبله عمه فى بيه 

ـ ازيك يا طه مش بنشوفك خالص خلاص نسيت أهلك 

ـ حقك عليا يا عمى انت عارف الدنيا مشاغل 

ـ الله يعينك يا بنى انت عامل ايه وامك عامله ايه 

ـ الحمد لله بخير انا متجوز دلوقتي وقريب هتجوز التانيه 

ـ ومتخبرناش برضوا 

ـ والله جت بسرعه بس إحنا فيها اول ما احدد معاد الفرح هعزمكم 

ـ ربنا يتمملك على خير يابنى 

ـ بصراحه يا عمى كده انا كنت عايز ابيع حتت الأرض بتاعتى 

ـ بس إحنا مابنبعش أرضنا للغريب 

ـ مش مهم اشتريها انت او حد من اعمامى لو عايزها ياخدها 

ـ خلاص انت تبات معانا انهارده وانا هبلغهم واقولك هتكون من نصيب مين 

بس انت عايز تبعها ليه 

ـ محتاج فلوسها فى جوازى وعايز اعمل مشروع ازود دخلى بيه بس يا عمى حاول تخلص الموضوع ده انهارده عشان عايز اسافر بكره انا واخد اجازه من شغلى ٢٤ ساعه يعنى لازم ارجع بكره وانا مخلص كل حاجه 

ـ حاضر يا ابنى هتكلم معاهم يجوا وربنا يسهل

أتصل عمه بإخواته وجمعهم وعرض عليهم بيع نصيب طه من الارض 

اجتمع الاخوات وقرروا إن اخوهم الكبير اللى هيشترى الأرض وكان حاضر طه  ووافق على كلام أعمامه 

ـ تمام يا عمى حضرتك هتدفه كام فى الارض 

ـ هدفع ٤٠٠ الف 

ـ ازاى يا عمى ده كده نص تمنها 

ـ الارض مـ.ـيـ.ـته ومحتاجة شغل كتير فيها عشان 

ـ ياعمى الله يرضى عليك قول سعر يرضى ربنا ارض تمنها ٨٠٠ الف ابعها ب ٤٠٠ إزاى انل كان ممكن ابعها لحد غريب بس قدرتك وكبرتك انا لولا الظروف مكنتش بعتها أصلا بس الحوجه تحكم 

ـ بس يا بن اخوى زود عليهم ١٠٠ يبقى ٥٠٠ الف 

ـ بص يا عمى عشان الزنقه وعشان القريب اولى هبعها ب ٦٠٠ انت عارف المبلغ ده لا هعرف اجيب بيه ارض ولا حتى شقه احافظ بيها على فلوسى بعد ما اسدد اللى عليا من ديون  عشان كده ٦٠٠ مش هقبل بأقل ولو مش موافق يبقى هبيعها للغريب والداين يتسنى عليا هو كده كده مش مستعجل 

ـ بص يا طه انا اللى معايا ٥٥٠ خدهم والباقى بعدين 

ـ يا عمى الله يبـ.ـاركلك انا محتاجهم مش هينفع انزل السعر ده 

ـ خلاص بكره نروح نخلص وتاخد فلوسك 

قضا طخ اليوم فى بيت عمه وتانى يوم راح عمه سحب الفلوس وادهاله وطه باعله نصيبه ومضى ورق وسجله فى الشهر العقارى  وخد الفلوس وراح البنك بعد كده لكن خصم منها ال ١٥٠ الف بتوع نداء وراح لها المستشفى وسأل عليها مكنتش وصلت 

خرج انتظرها بره لحد ما وصلت وقرب منها واتكلم معاها 

ـ دكتوره نداء استنى 

ـ خير 

ـ طيب ممكن نقعد فى مكان .

ـ لا طبعا 

ـ طيب نروح عند المحامى مش هعطلك اكتر من نص ساعه بس ارجوكى يا دكتوره 

ـ خير عايز ايه اتكلم هنا 

ـ دى الفلوس اللى انا اخدتها منك جمعتهالك كلها وموجوده فى الشنطه دى 

ـ بصتله نداء بريبه وأنها ممكن تكون مزوره 

ـ وأنا ايه اللى يضمنلى أنها مش مزوره 

ـ نروح بكره البنك وخديها هناك 

بصى يا دكتوره انا آسف على كل حاجه عملتها معاكى العيب أبدا مكنش منك الغلط كان منى انا ، انا اللى كانت شخصيتى ضعيفه وكلمه تجبنى وتودينى انا وماما ورنا اتفقنا عليكى وأى حد كان وقع فى المصيده دى لاننا رسمناها صح ماما لعبت فى دmاغى وكلامها جه على هوايا ولما قزلت لرنا شجعتنى وساعدتنى فى كل حاجة لما كنت احس بتأنيب ضمير كانوا يقولولى انك دكتوره والفلوس دى سهل تجيبى زيها وايه المشكله لز اخدت منك كام الف هتعرفى تجيبى غيرهم 

انا عارف إن كلامى مش مبرر بس كلامهم كان على هوايا ومسهلى الدنيا عشان كده كنت بمشى وراهم زى الحم*ار وانفذ كلامهم 

عارفه يوم ما عملت الحادثه ده كان احلى يوم فى عمرى كنت حاسس انى بملك الدنيا وما فيها عندى زوجه وبيت وابن بحلم بيه من يوم ماعرفت إن رنا حامل وفى لحظه كل ده ضاع منى ابنى ما*ت العربية اتد*مرت كل حاجه راحت بقيت شايفك انتى السبب شايف الذنب اللى عملته معاكى السبب زى ما ضيعت فرحتك فى اجمل ايام حياتك ربنا اخد حقك فى احلى يوم فى حياتى كنت شايف انك السبب في اللى حصلى وعايز ادmر*ك انتى كمان لكن للأسف فوقت وفوقت متأخر اوى 

ـ وايه السبب إنك تفوق 

ـ حبيت واحده شوفت معاها يعنى ايه الاخلاص والأخلاق والضمير بقيت أراجع نفسى فى حياتى القديمه  وكنتى انتى اكتر واحده انا غلطت فى حقها عشان كده جيت ارجعلك حقك وبتمنى تسامحينى 

ـ بص يا طه أنى اسامحك دى لا مستحيل ادبسببكم انا اتغيرت وكر*هت حياتى بدون الدخول فى تفاصيل مـ.ـا.تهمش دلوقتي 

بالنسبة للفلوس انا هقبلها عشان دى حقى وتعبى وهنروح بكره البنك عشان اتأكد من انها مش مزوره ولو كلعت سليمه وقتها هخلى المحامى يسلمك الورق اللى انت ماضى عليه 

إنما اسامحك دى لا انت معملتش حاجه عشان اسامحك انت كل اللى عملته رجعتلى حقى اللى انت وامك اخدتوه 

ـ حقك يا نداء وانا مش هضغط عليكى وبكره الصبح هقابلك فى البنك بس انا هدعى كل يوم ربنا يغفرلى ذنبى ويمكن مع الايام انتى كمان تسامحينى 

رجع طه لبيته وحاول يتكلم مع راضيه لكن هى لسه على موقفها قابل ابنها بيلعب فى الشارع مع اصحابه اخده وجابله حلويات ووقف يلعب معاه وشافته راضيه لكن مش عارفه تثق فيه 

    ********&******&*******

عند نداء اتصلت بسليمان وحكتله اللى حصل بينها وبين طه وشك سليمان فى طه 

ـ بقولك ايه انا هاجى معاكى بكره 

ـ ليه تعطل نفسك كده كده هنتقابل فى مكان عام مره فى البنك ومره فى المكتب عند المحامى 

ـ اغرضى عملك كمين وغير كلامه او كان بيستدرجك عشان مفكر إنك قت*لتى ابنه 

ـ تفتكر 

ـ طبعاً انا هاجى معاكى بكره خليه يتفاجئ بينا فى البنك 

ـ خلاص ماشى 

ـ هقابلك انهارده 

ـ لا صعب انهارده عندى عمليات مهمه وعايزه اخلصها مـ.ـا.تنساش انى الشهر الجاى واخده اجازه طويله 

ـ خلاص هعدى عليكى نتعشا سوا واوصلك للبيت اتفقنا 

ـ اتفقنا 

عدى اليوم وفى اليوم التانى راح طه معاده مع نداء وفعلا رجعلها كل فلوسها وراح للمحامى و اخد الورق وبعدها راح الشغل وحاول يتصل كتير براضيه لكن نفس التجاهل ليه ولرسايله 

لكن قرر انه مش هيسيبها انهارده غير لما يتكلم معاها 

خرج من الشغل ووصل لبيت راضيه ولما رفضت تقابله هددها لو مخرجتش تتكلم معاه هيدخلها هو 

خرجت راضيه على مضض عشان تنهى كل رابط بينهم 

ـ خير يا طه مش قولنا خلاص فضناها سيره 

ـ لا يا راضيه انا مش موافق انا بحبك وعايزك جمبى انتى طاقه النور اللى بتخلينى امشى صح 

ـ وانا اضمن منين مانت اكيد قولت الكلام ده لمـ.ـيـ.ـت واحده عشان تقنعها بيك 

ـ لا يا راضيه مقولتش ولا عملت اللى عملته ده لأى حد غيرك 

ـ وانت عملت ايه 

ـ سافرت بلدى وبعت الارض اللى مكنش أبدا هفرط فيها بنص تمنها عشان ارجع الحقوق لصحابها والباقى هجيب بيه عربيه اشغلها بعد الضهر عشان ازود دخلى واقدر اعيشك عيشه كويسه واغيرلك الفرش ده كله 

ساعدينى يا راضيه ابوس ايدك انا مش عايز ابقى وحش 

وقرب من راضيه ومسك ايديها عشان يبـ.ـو.سها  وهى شـ.ـدتها منه وفضلت تفكر هل تديله فرصه تانيه و تقف جمبه ولا تسيبه يعمل اللى هو عايزه 

    *****&****&*****&*****

فى الشقه تحت عند زينب كانت قاعده ورنا قدامها بتشرب نسكافيه 

ـ صحيح يا حمـ.ـا.تى هى الفلوس اللى كانت مع طه دى فلوس ايه 

ـ فلوس ايه اللى كانت معاه

ـ كان معاه شنطه فيها فلوس ونزل بيها الصبح 

ـ ممكن تكون فلوس حد شايلها معاه 

ـ ومين اللى هيشيل مبلغ زى ده مع ابنك وهيشيله فى يوم وياخده تانى يوم 

ـ قصدك ايه 

ـ منا بسألك 

ـ وانتى مسألتهوش ايه 

ـ وهو بيكلمنى ولا عايز يبص فى وشى كله بسببك منك لله روحى 

ـ عارفه لو ملمتيش لسانك يا بت انتى هعمل فيكى ايه هقوم اض*ربك واسلط عليكى طه انا لحد دلوقتي صابره عليكى 

ـ طيب انتوا عندكم حاجه بعتوها ودى فلوسها 

بصتلها زينب بشك وخافت إن يكون طه عمل اللى فى دmاغها

ـ رد فعل زينب ايه لما تعرف ببيع الارض ؟

ـ وراضيه هتسامح طه ؟